陳漢記 (已結業)

在大埔工作幾日，食下陳漢記先😋，好耐無食過，睇下保唔保持到水準先。春卷😊春卷夠脆，餡料適中，味道都幾好，係油左D。坑腩麵坑腩份量多，牛味重，唔痴牙，無渣，麵夠彈牙。黑柏葉鵝腸米黑柏葉夠爽，鵝腸雖然是雪貨，但都有膏，食鵝腸一定要有膏，再配辣椒豉油簡直一絕，正！叉燒腸皮薄餡靚，叉燒有咬口，值得推介。

接近有一年冇來吃過腸粉了，夜晚11點幾都有7-8檯食客，腸粉真係有d失望😔，份量少，而且價錢比較貴，雖然滑，但係感覺好削，吃完一碟好似無吃過嘢一樣。雞粥反而OK，好夠味，但雞肉偏肥，粥水教稀。總結，升價比較低，都係吃名氣多。

坐車由九龍入大埔街市買餸，鮮肉都有十幾二十檔，海鮮更加多不勝數⋯⋯買完餸梗係去食嘢，大埔都有好多食肆，但首選都係陳漢記，豬膶腸粉真係百吃不厭，皮又薄又滑，好多大酒樓都唔及佢，粥都吃過一次，粥底好綿仲係冇加味精嘅，今次碗魚片頭都好好味，仲幾彈牙晚上6點後仲提供煲仔飯呢

冬天美食之一 - 煲仔飯😍講到煲仔飯，我諗好多人都試過但係有邊間好食呢???就係今日比朋友拉左出黎試下呢間老字號嘅煲仔飯呢間店原來有另一個名叫【陳漢記粥麵專家】叫得老字號仲有朋友仔介紹，必定有驚喜。💡 ------------------------------🎈公司臘味煲仔飯 $53心機之作😀一打開蓋聞到嘅香味再加上超多由臘味切成既粒粒香氣四溢，真係見到都流晒口水。有邊間食煲仔飯嘅舖頭會咁有心機幫埋你咁做，所以呢喥真係加分。做到每一啖都食到臘味，真係好有心記得放豉油後再焗一焗1-2分鐘，會更好味。 ------------------------------🎈鹹魚肉餅煲仔飯 $53幾正嘅鹹香味，肉餅份量算多一舊仔鹹魚，最正都係啲飯識食一定食埋啲飯焦喜歡食煲仔飯嘅你會懂的😋老字號果然名不虛傳，值得返兜👍🏻。

同事介紹呢間腸粉同粥好食，所以就去食下啦！我同同事都叫左粥餐，我食艇仔粥、叉燒腸，個粥好足料，好綿，啖啖都有餸，好好食！腸粉都好好食，皮好薄好滑，食完好想再食多碟呀！腸粉豉油都好正，一流！

想食就即刻食，衝到老遠的陳漢記去！情緒異常抑鬱，醉後要開大餐舒緩壓力。只食碟牛腩飯仔邊夠飽架，加埋炸雞髀及鮮蝦腸粉就剛剛好喇。炸雞髀，轉眼送到有效率，慘在翻炸味道強烈。熱騰騰油炸味濃濁，如果有大量酸咪咪茄汁配合會舒服一點。雞皮微焦奇脆乾乾的，幸好裡面白肉被保護得無微不致，依然嫩滑水潤，陣陣可口醃料，免強合格的質素。牛坑腩飯，侍應掛住同我吹水落錯單，我要咖哩牛坑腩飯架 ！見相識十幾廿年，原諒您我照食。得幾舊牛腩邊夠送大大碟白飯架，無咖哩汁只係淋少少滷水牛腩湯，傷心失望。高質坑腩多年遠近馳名，堅無搵笨上埋電視有保證！鬆軟綿滑，嫩嫩無渣，濃郁滷水併清爽香料，落味恰到好處，芬芳可口啖啖肉汁。淋上辣椒油加腩汁撈飯更是如虎添翼，大啖大啖地少飯多腩塞入口，滾動滿足！牛腩真的不夠送飯，用炸髀肉頂上也不錯，辣椒油腩汁炸髀撈飯別有一番風味。最衰白飯過濕過腍微爛，不喜歡要扣分，我要食乾爽飽滿嚥韌有米香既飯架。鮮蝦腸粉，已經多次不見粥佬現身，是否粥佬已將畢身功力傳給大媽呢？見所有腸粉都由大媽操刀煮理喎。質地依然超凡嫩滑，薄如紗的腸皮讓餡料若隱若現，使人產生無比衝動，我要即刻食您呀！半條腸粉連大蝦碌滾上清甜豉油

陳漢記出名食花蟹粥、腸粉、煲仔飯就係人都知架啦！腸粉就出名皮薄餡靚，花蟹粥就出名碗粥有鮮味，煲仔飯就出名夠香夠熱咬落有飯焦夠脆口！但唔知大家本身又有無聽過陳漢記爽滑魚皮呢味菜呢？😂其實我都係最近去完，睇一睇個餐牌先發現到🙈一見到就已經即刻落單！勢要嘗一嘗～呢味菜其實主要係將魚皮撈埋啲薑蔥花生芝麻麻油豉油一齊凍食❤️食幾啖粥之後再整啖魚皮，勁惹味，食落勁爽口！正！！真係食過翻尋味！😋講講下都有衝動走去再食🙈

去完北潭涌影星🌟 開車搵宵夜 🥢十點零鐘搵到大埔既「陳漢記」。大埔真係車水馬龍, 夜一夜條街都係泊滿晒車🚙 一入到內街已經見到舖頭招牌燈光火著, 舖頭入面呢個鐘數都仲可以滿人要等位🤨L型既舖頭白燈照到日頭咁光, 大部份都係麵舖式圓枱放位, 空間還算可以👌 夜晚MENU最齊竟然係煲仔飯, 粉麵同小食反而有好多係隱藏咗唔係MENU度, 各位讀者黎開飯時可以极下前後左右有乜食去問一問🙋‍♂️ 本來想叫既炸魚皮, 黎咗生鮮魚皮🐟反而係一份驚喜。呢個「搞錯更開心」魚皮已經唔係第一次犯錯, 又要勞煩阿寶出場🙇‍♂️生鮮魚皮本身係無味既, 外貌又係唔討好😫點番啲辣椒豉油, 就可以享受到佢爽脆口感✔️但啖啖同味, 份量又多, 一個人未必可以輕鬆KO🤔 本來想要崩沙腩🐂 但太夜就無架喇🙄換成雲吞牛腩麵。普通既牛腩就韌身少少, 有啲難咬開, 雲吞尚可👌湯底及麵都不俗👌 煲仔飯都等咗15分鐘左右先有, 證明真係即製👍上枱要自行開蓋焗豉油, 今次就焗咗兩分鐘左右2️⃣打開蓋熱力都依然保持到。咸魚肉片飯既咸魚係乾身多骨❌而肉餅厚身有咬口。飯底都係有燒出飯焦來✔️以飯論飯, 陳漢記既還算可以👌 最後兩個埋單連埋杯凍飲161蚊

大陽一落山，天氣開始有d涼，秋風吹起，即時諗起要去大埔食陳漢記煲仔飯！今日大約6點半去到，已經有約8成滿嘅客人，好彩唔仲未洗排隊咋，遲下冬天，一定又大排長龍一坐低，當然要即刻叫個白鱔臘味煲仔飯，因為即叫即整，要等20分鐘左右㗎，飯一上枱，淋d豉油再焗多陣，咁就會形成飯焦喇！講返個飯，粒粒分明又爽口，餸嘅份量又多！正到暈低啊！腐乳通菜好嫩，一d渣都無炸兩就差少少，d油炸鬼淋咗，有d韌，如果脆卜卜就好喇白灼鯪魚球都鮮味彈牙，但八十幾蚊，偏貴咗少少

下午茶時間到陳漢記，不像夜晚，下晝不用排隊，食左一碗粥同叉燒腸粉。粥沒有什麼特別、但腸粉的皮相對其他餐廳來說比較薄，質感較好。面頭只有豉油，味道較集中，惟獨價錢略貴，性價比不高。

今次同屋企人黎到大埔試試呢間聞名既煲仔飯店，聽講平時等位都等得幾耐，所以就早少少黎，6點拎鐘黎到排左10分鐘唔洗就入到去啦☺️一般佢會係排緊隊就到你既時候幫你叫定野食（因為製作需時）所以唔好諗住入到去先諗食咩啦🤪直接講講個飯底先，飯既硬度都岩岩好，飯焦都夠哂多，又唔會話黑哂食到會生cancer咁，相信食得煲仔飯既對飯焦要求都要有番咁上下😎所以絕對一讚👍🏻介紹下各樣配料啦，臘味出到黎都仲濕潤唔會好乾身，雞肉同樣嫩滑，出到黎個飯又唔會好油膩仲有些許臘味香，都算唔錯👍🏻第二樣就係窩蛋免治牛肉飯，免治牛肉做到肉餅咁都幾鬆軟，另外都可以成個飯攪勻咁食，咁就啖啖都係肉同飯焦啦🤪第三樣就係田雞配黃鱔，食得出食材真係好新鮮，因為魚同田雞都係保持彈牙嘅口感，依然保持到佢嘅鮮甜味，雖然比其他貴少少但都絕對物有所值🤤因為屋企人鍾意食魚所以試埋個白鱔飯，個人就覺得多骨冇乜鐘意食，但是我同樣口感鮮甜彈牙，鍾意食嘅都真係不妨試吓😛

一到冬天陳漢記煲仔飯門外總會有一條長長既人龍，夥記會一早問定你要咩煲仔飯，佢地就會開始整，到你入座後唔使再等好耐就有得食。一行二人叫左3樣野，碎牛粥、炸兩、仲有點少得臘腸排骨煲仔飯😋煲仔飯果然係無得輸，香噴噴熱辣辣，唔夠豉油可以再問佢地拎既，如果一個人要食哂一個飯就會好膩，所以我地就再叫左碗粥同炸兩。碎牛粥粥底夠綿，不過可以叫碎牛加牛肉粥會更好，有d 咬口會更好。炸兩比之前黎食既時候細條左好多，雖然味道依然，但因為細條左所以唔夠口囉。

Weekend既然去開大埔郊遊，所以一定要去地標食店試吓🙈，火車站一出穿過個公園就會見到陳漢記了。天氣好熱☀️，十分鐘內嘅路程都行到身水身汗，好彩餐廳冷氣充足(先可以叫粥食)，粥麵舖嚟講算好大又幾好坐。我同朋友2個人分別叫咗精美粥餐($45)同埋腸粉餐($35)。精美粥餐包一碗粥同一碟腸粉🥢；而腸粉餐包一碟腸粉同一杯嘢飲，但價格比平日粥麵舖貴，而且見到牛腩粉餐果啲要成$4x-$5x😵。對腸粉有期望，因為聽講好出名，果然無令我失望，碟🍤鮮蝦腸同🐂牛肉腸都好食，個粉皮好薄好爽，同酒樓食嘅唔同，但空氣感較重，無乜飽肚感🙈，份量少。而且蝦較細隻，3條腸粉唔係條條都有2隻蝦囉......不過好味嘅。朋友話牛肉份量多亦比平日嘅鮮😋。至於碗皮蛋瘦肉粥🥣，估唔到咁好食，夠綿亦都夠哂味，有唔少瘦肉同皮蛋，惟啲瘦肉唔係我鐘意一絲絲果啲，純粹個人口味啦。碗粥真係好正，完全唔味精，好快就成碗食哂🤤。最後係杯凍奶茶(+$2)，杯茶較澀同無奶香，但好在唔會太甜👍🏻。總括嚟講，我認為陳漢記嘅粥同腸粉都對得住佢嘅招牌，粥更加有驚喜😍，不過價錢就真係較貴了，間唔中食下都ok，如果一次半次嚟開大埔都真係值得試試。另外其他佢

之前雖然知大埔有間煲仔飯好出名，但一直唔知係呢間，嗰日咁啱經過見到好多人排隊，即刻上網search下你間粉面鋪有咩咁出名，原來呢間出名煲仔飯同鮮蝦腸，即刻2款叫黎試下。有三條，唔錯，皮薄，好滑，值得一試。叫咗碟菜心，都洗得幾乾淨。我叫既煲仔飯係排骨臘腸煲仔飯加蛋，加蛋要成9蚊，雖然唔係幾抵，但覺得有蛋會好食好多，所以都係加咗。職員拎出黎後焗咗幾分鐘，味道上有冇乜特別，臘腸唔錯，送飯一流，下次會試下其他。

平時都係食開煲仔飯，其實一般般，因為啲飯收吾夠水，前幾日病病地想食碗粥咪入去食碗粥，叫左碗田雞粥，蝦腸，腸份真係好薄好滑但係田雞粥就真係惡夢嘅來臨，田雞係甜既，但個粥底簡直就係離曬大譜，係一碗白色既水，稀到ok, 最衰唔記得影相如果唔係大家就會睇到幾離譜, 如果真係幕名而來嘅朋友都係食番腸粉同煲仔飯起碼唔會令你失望