陵發潮州白粥 (已結業)

在太子跟幾位姐妹Lady talk完，她們說要去吃潮州菜⋯來一餐輕食！誰知道越叫越多餸菜⋯說好了的輕食呢？🤪煎蠔餅每枱必叫，炸粉唔厚又脆口，蠔仔好肥美。韮菜豬紅，豬紅不腥，爽口好嫩，加上醬汁好野味。菜脯，蜆仔肉配白粥一流。滷水拼盤正常口味。而炆鳳爪我無試，因為我對雞肉敏感⋯但朋友說好入味！🥢蠔餅（細） $85 😋🥢三拼滷水拼盤$100 （鴨腎，墨魚，鵝腸）🥢韭菜豬紅$55🥢冷盆兩拼小食 $45 （菜脯，蜆仔肉）🥢炆鳯爪 $85🥢白粥 $10📍陵發潮州白粥🇭🇰香港九龍太子新填地街625-627號地下  G/F, 625-627 Reclamation Street,   Prince Edward, Kowloon,Hong Kong 

大家有冇試過，一諗起某種食物就好想食，但係又唔會道道有得食！所以每個人心裡都會有本食物字典，諗起某種食物就會聯想到哪裡最合適。😻😻😻😻今次又發作喇！突然好想食韮菜豬紅，花生雞腳，蠔仔粥，鹵水鵝片。個腦即時彈咗"陵發“兩個大字，此店長期爆滿，要食就要响門口耐心等候。 當我見到大大碟鹵水鵝片、煎蠔餅、鵝腸粉腸响我面前行來行去，心裡就特別焦急，好擔心啲鹵水鵝片好快售罄！😖🥺😝佢哋啲鹵水嘢一向好穩陣，鵝片、鵝腸唔會令你失望。不過蠔餅就唔推介喇！炸粉比較厚，冇以前咁正。韮菜豬紅，花生雞腳必吃！👍👍👍豬紅大大件，嫩滑口感係以前流傳至今嘅味道，煮得好食嘅豬紅家陣真係好難揾㗎喇！鳳爪亦是冇得輸，炆得鬆軟入味，令人欲罷不能！推介👍👍👍👍蠔仔肉碎粥，啲蠔粒粒賬卜卜冇話縮水，粥底鮮甜，加埋胡椒粉一齊食，好味到停唔到口。 再加碟腐乳通菜，滿足感覺返曬嚟！😍🥰🥰,.街方價錢食到傳統潮州菜色，真係買少見少，見到舖內都係一班老師傅，希望佢哋能夠將美食傳承下去喇。😋😊

好耐冇食過有水準有質素既潮州菜今晚叫左：蠔餅、鵝片（中）、大腸墨魚拼鵝腸、炆春菜、咸菜門鱔、蜆仔肉、潮州粥（2碗）、 可樂（3罐）埋單$610 （我覺得唔貴）蠔餅好味、脆口蠔新鮮！ 最正係個鵝腸同咸菜門鱔（我唔食魚都覺好味）呢2樣真心好食如果要講、我會話個潮州粥就麻麻太多米唔夠水、 而且個米咬落好粉、應該係個米本身唔夠靚至於啲人話呢間野重味精….. 其實出街食就點都會有、但起碼唔叫離譜！簡單講、 陵發會係我會再幫襯既潮州菜

朋友大推既打冷鋪頭，收工之後大概7:10左右到達，見入面仲有吉枱，打算係附近轉兩個圈等埋朋友，行遠少少無5分鐘遠處已經見到門口聚集一埋人，嚇到即刻飛奔返去，已經要拎飛等位🥺🥺5分鐘後朋友到，一齊等咗大概15至20分鐘，入得🌟🌟🌟行一條樓梯坐上層， 未知係咪局限左一個空間到，嘈到不得了，4個人安排坐一張小圓枱，一定要提高自身音量，對面朋友先會聽到。講去到一半喉嚨已經有啲攰🙈介紹美食🥰🔸冷盆小食-菜脯 併 蜆仔肉 ($55)食粥🙈不能捨棄既菜脯，菜脯爽脆口感，帶點微辣，正👍🏻蜆仔肉，帶點鹹香，配粥/飯一流🔸鹵水三併-鵝腸，墨魚，腩肉 ($100)鵝腸-鹵得入味而且勁爽脆，列入最愛鵝腸第一名😍👍🏻相對墨魚同腩肉就較為失色墨魚-偏淋無口感而且毫無香味，一般腩肉-8成肥肉2成瘦肉，有好幾片什至9成肥膏，今餐唯一食剩嘅就係佢🥺仲有芽菜墊底，吸晒滷水汁，正🔸韭菜豬紅 ($55)又係不得了😍豬紅外爽內滑，件件都超肥美，湯汁勁香，又列入最愛豬紅首位🌟個人吾好韭菜，朋友評價韭菜爽脆吾老身，配埋湯汁正呀👍🏻👍🏻重口味之選🌟🔸腐乳通菜($45)正正常常不過不失🔸蠔仔肉碎（$100)4個size選擇，店員姐姐建

自從疫情,好耐冇去陵發打冷,今日出開太子買野，順便行去幫襯😊呢度打冷永遠都係咁旺場,我地去到剛有客埋單😄好快就有位🐙🐠🐔食物餐牌都係冇乜變，我地當然點最鐘意嘅:🦪炸蠔餅新鲜炸起脆卜卜，蠔算肥厚都新鲜再點埋辣椒醬😋香口好味道👍餸🍺一流🦆鹵水鵝片豆腐鵝片唔鞋口肉質都軟腍啱啱好👍豆腐都被鹵水汁入哂味🐙鹵水墨魚，红腸拼鵝腸墨魚同鵝腸好爽口🥘韮菜豬红呢個次次都會食😋豬红點辣椒油绝配😆呢間潮洲打冷舖咁多年都keep到水準👍唔怪之得多人幫襯

第一次來，驚喜滿滿每一度菜，包括牙帶魚，都是熱辣辣，辣咀那種熱度。熱菜必好吃，加分加分。九菜豬紅，入味。蠔仔粥不死咸。 鵝肉不老不韌。牙帶脆卜卜。。。香口每道菜是份量很足很足。

今次已經係N咁多次去，今日差唔多全部滿枱，疫情之後好耐都冇約朋友，諗住喺度嘆兩支大啤，吹吓水我哋叫咗一個細蠔餅85三拼滷水拼盤$100（豬頭肉紅腸鴨腎）韭菜豬紅$503支藍妹細蠔餅： 好大份又夠脆，好味三拼滷水拼盤豬頭肉：好硬唔夠淋，唔好食紅腸：一般正常味道鴨腎：好硬，個汁又入唔到個腎韭菜豬紅：好一般嘅豬紅只係有蒜蓉味，個湯底整得唔夠好，總括來講好一般。呢餐成為350

有d野食左就真係會上癮既，之前食過呢間陵發之後真係成日經過都心思思想試多次。終於忍唔住要特登行去幫襯多次！咁一定要叫鹵水鵝片同蠔仔粥啦d鵝好有咬口好香！以為佢蠔仔粥一碗好少未叫一窩點知咁大窩！入面d方魚好香⋯最後都差不多比我地ko哂。咁開心就算飽都要叫埋我至愛既煎蠔餅，好鬆脆d蠔好好食入口即化，係好香而好食既野永遠都係油膩既。飽住走，應該好快又會來過XD...

星期日晚喺尖沙咀本身諗住打邊爐，但係電話冇人聽，直接上到去就同我講full晒，咁冇辦法啦，一路行下行下諗下有冇第二間打邊爐都諗唔到，所以就去咗太子食打冷，呢間打冷食過好多次，都係同老婆以前拍拖佢帶我嚟食嘅，上到二樓 ，叫咗個蠔仔粥，韭菜豬紅，腐乳通菜 ，鵝件蠔仔粥啲蠔比以前少咗，可能疫情關係生意差咗所以減低成本，韭菜豬紅入味，不過韭菜同以前一樣好難咬，渣多鵝件幾好食，因為成日覺得鵝件比鵝片滑，所以多數叫件食腐乳通菜，腐乳太多，因為本身食嘅嘢都濃味，所以太多腐乳反而無咁鐘意，叫左兩支玻璃樽可樂，正

打冷推薦‼️位於旺角好出名既陵發雖然店面無好靚既裝修完全係香港特式大排隊甘上下🤣🤣🤣潮州菜真係好正😋呢間打冷一直水準都好好每次黎都無失望👍🏻鹵味夠哂入味 💯鵝腸食落好爽口🤩紅腸配鹵汁又係另一番風味而豬紅爽滑彈牙 唔會好似有啲豬紅一咬就散個汁非常入味 仲好惹味😋😋蠔餅炸粉唔會太厚 👍🏻唔會勁多粉 仲好多蠔仔🦪勁足料加埋凍魚烏頭 個醬汁都真係精粹黎🤩🤩而價錢亦非常親民 絕對係抵食之選👍🏻

眾所週知，以前響依度食嘢係無價錢牌嘅，一路都係啲伙記自己噏一堆數字埋單，佢哋大概以人數去定斷你嗰碟野係咩價錢，好多時一唔小心就會比佢哋計多咗錢。以前有懷疑過佢哋係咪違反商品說明條例，不過會繼續幫襯係因為嗰頭附近冇乜邊間潮州嘢有穩定嘅水準。雖然依家餐牌有價錢，不過計錯數嘅頻率都係依舊。疫情下，好少外出食飯，今次第一次再去幫襯，最後食到一肚氣！呢度不嬲衛生都係一般般，但係依家食市伙記要戴口罩係基本嘅事，不過有伙記唔戴口罩不特止，上菜嘅時候，隻手指仲掂埋落啲嘢食度， 有個掏手refill胡椒粉，整到成枱都係。最過分係有個伙記企響我哋隔離係咁打乞嗤！大佬呀，我哋成枱嘢食，你又唔戴口罩，知唔知咩叫衛生？！冇疫情你都唔應該咁做啦。忍住唔出聲，但係到埋單嘅時候佢嘅態度真係令人火滾！明明自己計錯數，仲好串咁手寫啲數字響張單度，逐張紙撕落啲碟度，叫我哋自己用計數機計！仲要發爛渣話餐牌嗰個價錢從來都冇！咁即係欺騙顧客姐，今時今日咁嘅態度，罔顧客人同公眾衛生，食物水準又下降，逆市下，大家都係去幫襯一啲值得留低嘅店舖。

幾個月無食真係頂唔順 😝 即興約咗兩個朋友去打冷 😋 好彩呢間都叫收得夜，而且鋪頭出面都有好多位可以泊車，算幾方便。蠔仔肉碎粥 ($120) : 每人都可以食到四至五碗左右超抵食，有食過呢間既人都知，呢度既蠔仔肉碎粥，蠔仔出名大隻飽滿之剩又唔腥，其他地方真係揾唔到可以咁足料同咁好味既蠔仔肉碎粥。韭菜豬紅 ($55) : 呢度既韭菜豬紅無人能及，夠大、夠爽、夠香、夠味 😍 如果大家係其他地方，食過比呢度更出色既韭菜豬紅可以話聲我知，等我去試試。鹵水三拼 ($100) : 揀咗鵝腸、墨魚、大腸，今次好似細碟咗，不過依舊都係咁爽口，鹵水汁都係咁正。鵝掌翼 ($120) : 呢碟特意為朋友叫既，因為朋友超超超鐘意食鵝掌翼，朋友話超抵食呢個價錢有咁大碟，而且又鹵得夠入味。

喺朋友口中得知依家喺太子食潮州菜嘅餐廳，所以就約咗朋友平日去試，因為聽講佢哋星期六日會好多人。我哋大概平日6:00到已經開始多人。以為鋪面唔係好大，其實佢哋仲有2樓， 坐得多唔會太迫。我哋就叫咗蠔仔粥，蠔餅， 仲有鵝片同埋滷水雙拼。 首先講吓蠔仔粥，佢哋用咗你啲炸過嘅魚干仲有落咗一啲中式腌菜去調味，濃度適中，重點係佢哋用嘅蠔， 都係比坊間用開嘅大隻，落好滿足。 至於蠔餅入邊用嘅好，都係一樣咁大隻， 而且仲要即叫即炸，食到好濃郁， 鴨旦嘅味道。至於鵝片同埋滷水雙拼，未到其實同坊間嘅差唔多。總括而言，我哋就覺得呢度幾好餅同埋蠔仔粥非常好食，大家得閒過到嚟有機會都可以去試吓。

琴日同屋企人去食飯，見到啲伙計超唔衛生！攞飯比客時，將手指放入飯裏面，手指甲有明顯污跡囉。有個伙記仲全程唔戴口罩，佢除咗唔戴口罩去徒手添加調味料之外，仲要響我哋前面連續打乞嗤！仲要唔掩口！有冇搞錯！到我哋埋單，明明我哋已經計好數，出黎多左十幾蚊，我哋仲要係跟餐牌計數，同依個唔戴口罩嘅伙記理論，佢一路響落單簿寫價錢，一邊將張紙撕落碟面，叫我哋自己用計數機計，跟餐牌係呢個價錢，到埋單有又一個價錢，冇良心又唔衛生，點做生意呀！

2/5 比以前水準差好多呢。除了鵝片還是可以，其他都普普通通，甚至不合格。It is much worse than before. Except for goose slices, everything else is normal and even unqualified.#queenbeoly_middine #foodblogger #foodporn #food #foodie #foodphotography #instafood #foodstagram #foodlover #foodgasm #yummy #delicious #queenbeoly