陶園燒臘飯店 (已結業)

今日放lunch 係佐敦行左幾個圈都諗唔到食咩! 望望手錶原來已經差唔多夠鍾 乜都冇食過就行左半個鍾 行到鬼死咁肚餓見到有間燒味鋪緊係即刻入去醫一醫肚係人都知燒味飯 大份夾抵食 但係味道點樣就真係未必有保證 黎到依間陶園燒臘飯店 大家就肯定唔洗擔心依樣野。叫左個叉燒燒肉鵝脾飯 一上到枱 即刻嘩出聲叉燒呀~  好好味既叉燒呀!!~!!~!!叉燒表面閃著橙紅色蜜汁既光澤，微燶邊位置散發著炭火既痕跡，咬落去啖啖肉，而且伴隨原本鎖左係叉燒入邊既油香，慢慢滲出黎依種粗獷的佬味唔怪得不論男女老幼，地盤佬定係金融才俊都難逃燒味飯既魔掌。除左叉燒 ，燒肉都一樣唔講得笑,，以我成世人食咁多次燒味飯既經驗燒肉既質素就一定係最難以捉摸，一個唔覺意黎左碟肥膏燒肉就真係唔知點算好但係依度既燒肉肥瘦比例岩岩好  我自己黎講就偏向七成肉三成肥  連埋上面果塊燒到脆脆地既皮就perfect池。最後緊係唔少得最緊要既燒鵝脾! 細細個聽人講一隻完整既鵝脾大約可以占成隻鵝重量的八分之一 我都唔係好信，今日見到之後唔信都唔得大大隻鵝脾 肉質彈牙 相信佢生前應該係賽跑冠軍 再加上秘制既酸梅醬 清新脫俗 而且更加係令我胃口大開飯

同阿女shopping,由尖沙咀行到佐敦，買咗好多戰利品，正諗緊晚餐食乜好，剛好經過好出名嘅陶園燒臘飯店，主打精緻粵式燒臘食品，燒味遠近聞名, 相當受歡迎。阿女見到店前的鵝公仔大讚有創意，透過玻璃可見掛滿各式各樣燒味，富有光澤甚吸引，我想起家中雪櫃有賴粉，一於買隻燒鵝髀返屋企煮賴粉。燒鵝寫明係以荔枝柴燒製，所以肉味特別香濃，鵝皮香脆並帶油香，而鵝肉肉質結實細緻帶荔枝香味！叉燒肥瘦適中，咬起來軟腍中帶微脆，蜜汁香溢齒頰留香。

之前食過一次佢嘅鹽焗雞，真係太好食。老媽子好鐘意食雞，係屋企食生日飯，我山長水遠都要黎佐敦買外賣加餸，都想佢食到好野ga ma。$78 鹽焗雞比完錢等拎個陣見到啲燒鵝都流哂口水，可惜屋企都煮左好多餸，惟有下次再試啦。終於食到呢隻鹽焗雞，想講師傅會斬好哂先放入外賣盒，仲要斬得好靚，冇碎骨。因為天氣都凍，拎到返屋企仲暖暖地，但係重點係拎到返屋企，我哋冇再煮熱，即食都超級好味，之前食其他鋪頭嘅鹽焗雞一係太鹹一係啲雞肉鞋拾拾，但係呢間嘅鹽焗雞絕對唔會咁，首先食第一啖唔會過鹹仲要帶有鹹香味(呢到真係要讚師傅好野)，雞皮唔油，乾爽 (連我呢啲平時唔鐘意食雞皮嘅人都食哂)，雞肉又滑又juicy，不得了。老媽子食完都不停讚，呢隻雞真心推薦。

去佐敦朋友屋企前打算買啲燒味斬料上去，路過寶靈街呢間陶園燒味店見到有唔少人幫襯決定試一試！餐廳門口有一隻燒鵝先生擺設，幾搞笑幾特別！門口亦都有海報說明依間燒味店嘅燒鵝係用荔枝木燒烤，應該可以一試喎。價錢又唔太貴鵝下莊都係130蚊，都幾親民於是買咗燒鵝下庒及义燒！人都幾多，都等左一陣，睇入面都係一般傳統燒臘飯店。等果陣見到燒肉都幾吸引，不過朋友想食叉燒同燒鴨，下次再試先等左10分鐘到，到手了兩樣野都交足水準，好好味，朋友都話會再幫襯

今日去咗佐敦做野，都係食飯嘅時間，經過呢間陶園燒味舖諗住買返屋企斬料！呢間好似幾出名，好多年歷史， 舖面有個大公仔鵝著住件衫，舖頭入面仲有得堂食，見到吾少食客食緊。店員態度友善殷勤，又有笑容，真好了，感覺是很有人情味嘅老店，現在生存到真難得，更加要珍惜同支持！我要左鵝下莊同叉燒，荔枝柴秘製脆皮燒鵝，皮果然好香脆，就算肥膏都好香，送飯一流！諗返都回味！比得上大樓家同酒店食！叉燒味甜， 肥瘦適中，有肥又有瘦，個人喜歡肥叉，不過我又冇講，全部肥肉就更正！下次經過一定再嗌返屋企，真心推介燒鵝！好好食！

番屋企食飯前決定去斬料加送喺佐敦地鐵站C出口出咗直行就見到呢間燒味店！門口有隻好特別的燒鵝先生，仲有張「荔枝柴秘製燒鵝」既宣傳海報，斬料部又掛住幾隻好靚既燒鵝入門又有唔少街坊幫襯！決定今晚就食依間啦餐廳門面好乾淨光猛！望落入面都好乾淨，有唔少卡位，亦有一部電視機📺，除咗食燒味送飯，仲可以電視送飯！ 店員都好有禮貌，會主動招呼客人, 印象分好好。我叫咗一個燒鵝下庒和一條燒肉，外賣拎番屋企！呢度既燒味真係無得頂，質素好高，尤其燒鵝，送飯一流！燒鵝層皮好脆，色澤亮麗，有層薄薄的肥膏，燒鵝油香味四散，燒鵝肉入味、充滿肉汁又嫩滑燒肉皮好脆，肉和皮的分配相當好，肥瘦配搭得均勻，味道不俗，唔會一忽鹹一忽淡，鹹香得宜！今餐的燒味唔錯，值得encore!

陶園燒臘店出名燒肉同燒鵝～今次試咗一個燒鵝下庄，果然超水準！燒鵝肥瘦恰到好處，油香得嚟唔會肥膩，啲肉彈牙得嚟又滑又香鵝味，將一舊鵝脾塞落啲飯度焗一陣，成碗飯即刻充滿鵝油嘅香味，食到停唔到口！鵝脾大大隻拎住黎食，別有一番風味，大大隻平靚正抵食！襯着酸梅醬汁食更加係錦上添花 perfect match !另外食咗燒肉，個皮脆卜卜，燒肉選材都非常優質，份量亦都好多，呢個價錢簡直性價比高！點少少芥末吊一吊味更加好食。店舖位置都好方便，鄰近佐敦地鐵站，位於香港嘅中央，住港九新界要錢我都唔會覺得遠～買返屋企外賣加料又得，堂食又得，門口好易認，有一大隻雞喺門口歡迎你😆😆再次推介大家想食燒味嘅話不妨試試呢一間～

呢日路經佐敦呢間陶園燒味，想斬D料番屋企加送！燒味鋪門口有成大隻著住衫既燒鵝～因為係新年既關係仲有D賀年揮春掛住左添！真係夠哂新年氣氛！入到去鋪頭就見到哂有唔同既燒味！勁多充滿油光既燒鵝掛左係度，真係勁吸引人！如果唔係趕住買料番屋企準備開飯我都想係度食番個TEA～見到D燒鵝咁吸引，我就叫左個燒鵝下庄，留隻鵝脾俾屋企人試試佢！另外仲叫左燒肉同燒排骨！燒鵝配埋D燒鵝汁再加上一D酸梅醬真係食到我lamlam利，雖然係外賣，但拎到番屋企個燒鵝同燒肉皮仲食到脆既，燒鵝好香鵝油味，下庄都夠哂多肉，肥瘦分明，唔會話淨係得肥膏！燒肉都有同樣既情況，皮脆之餘仲要夠哂肥瘦分明！一個字正！燒排骨個味道好好，醃得好夠味，屋企人食完一舊接一舊，勁快清哂！

好好味，不會太肥，好香。例湯好有心機煲，夠料。燒鴨例牌六十蚊。外賣半隻就七十蚊。下次試試滷水野。外賣好似底食d.老闆好好，見我鍾意飲湯送多一碗給我。座位不算多，但坐得舒服。不停見人買外賣。夥計好好人。態度好好。

路經過附近既燒味店， 俾佢地d香味吸引到我去幫襯! 緊係要斬料加餸 俾我屋企人食啦！ ❣️ 燒鵝 $130⭐️ - 見到燒鵝既光澤同色澤幾靚 決定買番隻左下裝！ - 好香 同都幾多肉㗎- 咬落去有肉汁 嫩滑🤤❣️ 叉燒 $50 地址： 佐敦寶靈街32號寶安大廈地下 （佐敦地鐵站 C2出口）電話2730 8354WhatsApp訂餐5939 8284

「假如我是叉燒！」麥嘜故事的麥太常言道：生舊叉燒好過生你！不過如果真係要做一嚿叉燒的話。。。 我希望可以做一嚿「系出名門」又美味嘅古法叉燒！嚿叉燒要好似呢嚿咁。。。咬落去軟、淋、多汁， 同埋冇肥膏！叉燒的外觀。。。看上去比一般叉燒的顏色要深， 還有最後淋上面的特製醬汁比一般叉燒光亮和有油香 。。。因此，整體感覺就是「零捨不同」！真心要多謝呢位燒臘師父，因為健康的原因，我叫他選最瘦的叉燒給我。這嚿叉燒雖然瘦，但是肉味很濃， 咬下去感覺很豐腴， 一方面可以滿足我對「食的執著」、另一方面又可以滿足我「吃得健康」的需要。其實，只要識得選擇！「魚與熊掌亅兩者是可以同時兼得的！福福郎既然來得這裏「為食」，當然要順道買埋店家的另一王牌：就是其「脆皮鬆化、鹹香肉嫩亅的招牌黃金燒腩仔。。。 來孝敬一下屋企人啦！！今晚的晚餐，又有著落了！（5分鐘晚餐系列：脆皮燒腩仔、翠玉瓜、節瓜、鮑魚麵)Yummy! #福福郎的日常#漸漸地留心關於你#漸漸地眼中只得你#漸漸地太多想試味#逐漸開始熟悉你#勤有功、生氣無益。。。🦉福福郎staycation食評系列， 有全港十八區的特色餐廳介紹 ，你今日睇曬未？！ 請按左上角

佐敦斬料加送燒味店經過嗰陣見到出邊有個巨型燒鵝裇衫公仔，咁得意就俾佢吸引咗嗌個外賣自取，入面都係比較傳統懷舊嘅裝修，充滿住燒臘舖嘅情懷！叉燒$40份量夠晒足秤，半肥瘦叉燒剛剛好，老闆都斬得夠靚，食落口完全唔會好韌，脂肪配上肉真係好滋味，再加埋叉燒醬汁甜而不漏！好味～燒鵝$130超級好俾埋隻鵝髀，香噴噴又啖啖肉，仲可以俾你用手拎住隻鵝髀慢慢食，重可以點酸梅醬夠晒惹味！陶園燒臘飯店 (佐敦)佐敦寶靈街32號寶安大廈地下

趕住去長沙灣睇戲，我哋兩個friend喺佐敦快快咁食左兩個燒味雙拼飯（$44）可惜係瀨粉太搶手，下午茶原來已經賣晒🥲 所以就一個飯一個米粉。寶靈街呢間陶園燒蠟飯店都幾抵食。服務態度非常之好，就被招攬左入去；仲見到有台灣妹妹喺度做侍應🤣 但啲燒味其實都係好食嘅，我鍾意：1。叉燒，基本上都做到半肥瘦，偏肥少少啦～所以都可以有種啖啖肉嘅口感～ 2。燒腩仔，竟然唔使再額外加錢～而且餐廳會另外俾埋黃芥辣醬點嚟食，yummy 3。油雞，厚切～ 皮薄～ 而雞皮同雞之之間有一層有一層骨膠原jelly 一樣吸引。餐廳仲會俾埋薑蓉一齊食例湯似係蓮藕排骨湯～ 飲落真係冇味精，飲完會覺得好涸喉～ 好舒服😌另外叫咗一碟油菜，份量都幾足夠～ 有蠔油同豉油兩種可以選擇😀

爸爸生日，總唔可以兩手空空返屋企食飯，咁啱經過呢間燒味店，知道爸爸最鍾意食燒味，就一於斬料返去加餸啦。餐廳裝潢好有傳統燒臘店感覺，櫥窗掛住燒鵝、燒排骨、鹵水墨魚等等，有好多選擇，門口仲有一隻造型非常特別嘅吹氣燒鵝公仔，真係離遠就望到。餐廳標榜荔枝柴燒鵝，知道爸爸最喜歡食燒鵝，一於斬返份例牌，例牌分量都幾多，外皮色澤均勻，有淡淡荔枝柴香，食落皮脆肉嫩，燒鵝脾肥美多汁，其他位亦肥瘦適中，加埋餐廳提供嘅燒鵝汁，真係非常好味，爸爸都讚不絕口。另外食燒味又點可以無叉燒？我地揀左半肥瘦叉燒，色澤好靚，火喉啱啱好，蜜汁味香濃，食落好多肉汁，肉質唔會太韌，好好味。喺等外賣嘅時候，都見到不停有人買燒腩仔同燒排骨，有機會下次一定要試下。

經過佐敦嗱嗱臨買咗個燒味返屋企加送，買咗燒腩仔有啲肥😳燒鵝就唔錯我要左下裝都幾多肉㗎呢間舖頭唔係好大，啱買外賣如果經過都可以試吓㗎，喺佐敦地鐵站一出行兩三分鐘就到