隨意饌 (已結業)

最近日本拉麵開到到處都係, 呢一間見佢平平地就試下。5X連加一有一個set, 都唔可以期望佢有一蘭或豚王既水準。我地叫左白武士，點知冇睇清楚, 原來係撈麵。加2蚊轉左個烏東。白武士：係胡麻醬熱白拉麵，胡麻醬就係打日式邊爐所點既醬，但用黎撈麵就覺得太漏，食左幾啖就好飽......味道係正常, 諗住下次試拉麵。餃子：都幾juicy,唔算好油, 皮薄，尚算唔錯~

同媽媽食叫咗兩份$58豬骨湯叉燒拉麵定食。拉麵既湯不錯，d叉燒又大又厚，餃子佢比足6隻，玉子燒亦好夠味，未食完已經好飽仲打包咗餃子走！份量充足，價錢又適中值得一試：）

見到新開而且價錢都唔貴，就黎試下啦lunch時間，我早少少黎，無乜人所以唔使等位不過有啲位食完好耐都冇人收盤，要自己郁手囉我就叫左個黑武士定食黑武士即係黑芝麻醬撈麵個黑芝麻醬就好似芝麻糊咁，只係無左啲甜味，感覺一般，而且仲覺得有啲乾，加返啲湯應該好食啲啲拉麵都麻麻地，唔彈牙、冇口感，不過唔算好難食嘅....成碗麵最好食就係嗰半隻糖心蛋，做得好好啲餃子都做得唔錯嘅，皮夠薄，但入面既肉少左啲囉成個餐最難食係個麵鼓湯，唔知用乜野黎沖，竟然有啲苦味，無麵鼓味....是但喺超市買啲即沖麵鼓湯都好過佢平時都好鍾意飲麵鼓湯，但係依碗野真係頂唔順，太難飲，只係飲左一半希望佢個湯可以改善下

現今要在尖咀區找一間比較草根價錢嘅食肆, 有時會幾困惑下, 因為結果可能只得一個結論- 老麥呀! 個人對老麥漢堡飽沒有任何偏見只係有時都想換換口味而已, 最近太座發現咗新近喺呢個大商場的地底食堂開咗間新嘅拉麵,烏冬店, 買票後等餐做好會有閃光数字顯示, 有點似”大x樂”之類的快餐店,當日叫 了一個Miso拉麵set$54拉麵質地一般, 义燒算係淋身嘅,醃味正常, 稍嫌京蔥片太少, 半熟蛋合乎標準蛋黃緊緊熟, 荀絲有幾條可以講係有些少筍香嘅, 個高湯就當然係買回來嘅高湯啦!而味噌則平平而已,另一個係沾烏冬$52由於沾烏冬沒有汁份量一眼睇晒, 份量來說女生是可以的,配料只是將义燒換成蟹柳, 沾烏冬醬是麻醬, 半熟蛋比我的熟一點, 烏冬似係日本貨但現在日元低迷用日本貨一點也唔出奇!餃子則皮太簿, 餡太少, 講完明白嘅, 價錢決定一切吧

經常係尖沙咀游盪，發現係THE ONE新開左間食店門店乾淨企理，貪新鮮就試下叫左個豚肉烏冬定食黎到見到個湯底覺得唔錯，沒乜油，烏冬係爽口個隻，個意外驚喜係隻蛋度，隻蛋好香蛋味，糖心得岩岩好 再試餃子，因為買餐時見到佢地有人包緊餃子，知道是現場做，已有加分，食完後都覺唔錯，皮薄餡靚成個set盛惠58蚊，係尖沙咀區價格算適中會再去幫襯

I was out shopping at Tsim Sha Tsui on Sunday and want to go buy a bottle of water at the supermarket in The One. That's when I saw the new Japanese restaurant!  It was dinner time, I was hungry and I love Japanese food, so decide to give it a try!!! I ordered the Homemade pork bone soup udon set for $60. The Japanese dumplings were amazing! So juicy and golden crispy, fried to perfection because the dumpling skins are really thin  I love the udon too!!! The udon taste like the Japanese udo

天氣凍想食d熱野，同女朋友經過間餐廳見到有烏冬食就試試..係完全冇expectation 底下覺得好正！ 蒜麵豉湯㡳udon個湯濃味但唔會膩，再食udon個陣好爽口唔會軟瀨瀨..女朋友話佢個豚骨湯底冇出面個d咁肥，感覺好d 喎..個set 仲包幾隻餃子都係$60算係抵，會come again

上年..哈哈.....即係12月中係THE ONE 超市買早餐時發現有間新店開,重收到宣傳單張,返到公司,原來同事琴日已經食左,評價一致覺得好食,嘻嘻,有同事被佢既白芝麻醬熱撈烏冬迷上左,決定午餐再去,呢間係日本野食,要自己買食野先,再等,我叫左豬骨湯叉燒拉麵定食,同事當然叫返佢既至愛白芝麻醬熱撈烏冬個名係白武士,我林同事中意既原因有一半係因為佢中意STAR WAR..haha```飲左啖湯,唔.....飲得出唔係第二d餐廳用粉來開既,好食,最更要個湯又唔油,最初怕個湯會油,岩哂keep 更fit既我...成個餐重有餃子同小食,原以為係普通餃子,點知食落去,味道真的很唔錯,我重睇到佢地係即包,因為開放戌廚房,拎餐個時偷喵到,小食原來日日唔同,當日係泡菜,我至愛...正啊....成個餐俾我食哂,飲埋杯綠茶...大滿足,份量剛好~~價錢算平~~都係$50幾~~隔離同事都成日餐食哂,我試左小小撈烏冬,,味道唔錯wo~~重要熱撈,媽媽成日話女仔唔好成日食生冷野,冷撈麵又唔可以食,不過呢個我可以食啦.....haha~~地方好cleaning~~人員服務都好好,會再去食~~~食完重再order左