隨意饌 (已結業)

Set meal tried tonight:-Barbecue pork, egg and ramen in pork bone soup-kimchi-gyoza-green teaGood value overall!

行過the one 見到有間餃子店，心血來潮想食。23蚊一碟餃子，我覺得合理！因為餃子都幾好食！好似分有蔬菜和豚肉！男友想食豚肉，就點左俾佢食！外皮好香脆，入面煎到超熱，要小心

是日放假訓醒後冇野做一個人出TST行下，出到黎餓餓地諗住求其搵d野食完再去SOGO睇下有咩特價貨執。諗起附近The ONE都有上星期係海富商場試過果間隨意饌，所以就諗住平平地去食我既一人午餐了。因為上次試左拉麵，今次想試下佢既烏冬所以叫左個胡麻冷烏冬配溫泉蛋定食($54)。個set除左烏冬之外仲有6隻手作餃子(有原味/玉米/蔬菜三款可選)+麵豉湯+熱綠茶，$54有咁多野都幾抵食。叫完餐等左冇耐就有得食了，個烏冬賣相都幾靚，個餃子睇落都好似好脆口咁，隻溫泉蛋上面仲灑左少少紫菜粉作點綴，都幾有心思。我倒左溫泉蛋落個胡麻醬烏冬道撈，隻溫泉蛋蛋黃既顏色好靚，撈埋落個胡麻醬烏冬後個顏色好似蟹粉咁好吸引。烏冬的質地很有韌度而且冰冰涼涼，同金黃色的溫泉蛋胡麻醬撈埋一齊好夾。味道又有芝麻既濃香又有蛋汁的細滑，再配埋撕碎了的蟹棒絲真係一個Perfect Match。蔬菜餃子鮮甜可口，估計應該是菜的比例比較多所以食落口覺得甜味比較重，同時又有肉的鮮味。加上是剛剛煎好的關係，餃子底微脆面不乾，食起來剛剛好。麵豉湯也不差，有少許海帶和豆腐粒，味道濃郁而且有微微酒味。最後呷一杯淡淡的綠茶為這天的假期畫上一個休止

琴日天气好热,想讲再去The One食个拉面好了,有一排冇去了,又再去时,发现了饮品!!!呢个店再咁贵嘅地段,拉面卖得很实惠,连饮品也系很亲切!! 到了店里,点了一杯忌廉玄米抹茶拿铁,忌廉好香!玄米有很特咪嘅米香,跟一般抹茶多了一份浓香,好中意!!!!呢次冇点拉面,因为饮呢杯就够了,女生呀~就系小鸟胃^^,推荐畀大家!!

見下午有啲餓，又甘岩經過呢間野，所以叫左碗拉麵加餃子黎食！幾快手就有得食，價錢唔算貴！拎出餐就可以自己揀位黎坐。餃子方面，我覺得煎得幾香，唔算太「loan」，外皮唔算太硬，適中。碗泡菜我不嬲都唔太食酸野，唔岩口味，所以就無食啦；（拉麵方面，可能我太餓，覺得有啲少哈哈，質素以以呢個價錢黎講，算係甘了！整體10分俾佢5.5分！算合格！呢間野係尖沙咀the one黎講，性價比算高，因為附近都唔會搵到甘平既日本餐了！

原來the one 入面有一層food court, 平時都唔覺！係LG1，要自落到LG2 超市個層， 再上返自動電梯。一人晚餐 白武士（白芝麻熱伴拉麵） ，拉麵口感不錯， 有半熟蛋和其他配菜， 與麻醬一起撈就好好味餃子有3種口味 選擇玉米/原味/蔬菜，我選了蔬菜，好吃！ 套餐配有湯， 其實麻醬麵吃多幾口有點口乾， 有湯配就剛剛好。 綠茶可在坐位上加茶粉自己沖，可無限添飲呢不用等位，環境也挺好坐， 可能這層foodcourt不多人知吧！

經常去The One睇戲，每次去十二蚊店都會經過呢間拉麵店，難得今日早左出到黎，終於有機會試喇。餐牌上有拉麵同烏冬揀，亦可以選擇湯麵或拌麵，定食包一碗麵，六隻餃子，仲有一小碟泡菜，而每張檯都有一個水壺，可以自己加茶。今日叫左麵豉叉燒拉麵，拉麵同餃子都係即叫即製，所以等候需時。拉麵麵質爽口，唔會煮得過淋，麵豉湯底味道夠濃，配埋拉麵食唔錯。餃子熱辣辣，皮煎得香脆，咬落有肉汁。唯一比較奇怪既係韓式泡菜，配落日式拉麵有點格格不入，破壞左麵豉湯底。總括黎講，呢度拉麵價錢夠平民，亦坐得幾舒服，平平地食返碗拉麵都唔錯。

經過the one shopping ，見到呢間隨意饌，幾得意下，主打餃子，拉麵，烏冬，就揀咗個比較特別少少嘅黑武士定食，即系黑芝麻醬熱拌烏冬!出面好少有呢個，所以試下新野!有6隻蔬菜餃子，麵豉湯跟，有綠茶粉冇限量供應，沖多幾杯嘆，正! $58, 實屬尖沙嘴抵食之選!味道還可以，有d 特別，不過不失，下次可試下白芝麻!haha!自助形式，位子舒服,上菜快，會再來食!系尖沙嘴食店比較下，真系好少呢種小店，支持支持!

係尖咀出沒自己一個又諗唔到食咩但又想食平野咁就上OPENRICE搵下大約有冇咩平食食下就搵咗呢間叫隨意饌雖然去到晚上八點半去到我都係同人搭枱食咁我就揀咗個黑武士烏冬食咁就烏冬而言係比較淡味都食唔到黑芝麻味烏冬黎講 尚算可以但以56蚊 同埋要係THE ONE食叫做便宜都算叫抵食既但佢仲跟一餃子食叫做幾多野食既我認為個餃子都煎得幾好味評分黎講算一般OK唔錯既

真的非常好吃!(重點是價位在尖沙嘴地區,非常實惠!!!)今天食了鰹魚風味冷拌麵,因為外面太熱了,好好食!!好清爽!!!餃子也是出其的好吃,看說是手做,原味的非常好吃.吃完了才想要拍照!!下次還要再來食!!!

餃子唔錯，皮夠薄，拉麵質感爽，叉燒不肥。唯獨是紫菜浸淋了，比較差之外，其他質素也很好。對於一個晚餐來說，夠飽，價錢也算合理抵食。不過我也冇諗過日式食物會附送泡菜。

初四無野做，為有獨自睇番場戲，見仲有時間緊係搵個地方醫下肚啦！行到The one見差唔多間間都要等位，為有行落d睇下有咩食，係飯團同烏冬揀一樣，我最後都係揀左烏冬。蒜白叉燒麵豉湯烏冬 - 叫之前我有考慮過蒜味會好嗅，但出乎意料地清，湯有蒜味、唔咸，可惜叉燒有d「鞋」餃子 - 有少許薑味，我鐘意，餃子汁唔濃，幾好。不過唔夠熱，如果夠熱，我會追加燒玉子 - 太厚、太甜、太實，但依樣夠熱不過燒得唔夠，我覺得再燒多一陣會更加好味。總括 - 味道一般，對依d檔仔唔可以要求咁高

放工見無人去食個面, 點知去到個阿姐傾緊電話都唔同你落單~ 等左成幾分鐘過到黎黑住面咁, 心諗是但la ~ 大家都有壓力~~ 食左個饌.豚骨烏冬, 錢就咁跌左落海, 味精開水加即食烏冬.....bye bye ~ 食左一半走左~btw D 餃子唔難食~ 我有食埋

在The One這座購物天堂中，尋找簡簡單單的美食，可以轉電梯到地庫……隨電梯再上一層的電梯口就正正對住這間食日式拉麵的"隨意饌"。我今日12:30pm去到……應該未正式開鋪，所以過了隔離12蚊店行了一圈。到了大約12:45pm, 問了職員拎餐牌，入去坐定定，睇定想食咩……等我的朋友到來。朋友係食量少之人……所以最後我們share一份S1拉麵定食餐。餃子我選了粟米口味，粟米好香甜又有口感！還有跟餐加了$24叫了一份日本甜薯我好喜歡！不會太甜，但有好香紫薯味。食品不錯！只係覺得職員的態度不太好！

尖沙咀區價錢實惠既餐廳其實得好少，如果想慳錢唔想餐餐食咁野既話呢間都算係一個選擇黎。呢到係自助形式，要自己去收銀買飛，然後o係counter位等食物出黎。今次我就叫左豚骨湯叉燒拉麵定食，餃子係一定要揀粟米既，我陣間講點解!其實個拉麵質素就好普通嫁喇，不過啲麵唔淋都算係咁，但個湯底其實就一啲都唔濃，淡淡地咁…同埋叉燒都有啲硬。不過$60價錢唔好要求太多，質素正常就要收貨!餃子有原味、蔬菜同粟米揀，一定一定一定要揀粟米!因為其餘兩款餃子既餡都好散，唯獨粟米就有D口感可以食到，同埋食落口有陣甜味都叫係特色黎!