隱世貳館 (已結業)

今日一家三口 專登去沙田行街逛商場 行到差不多六點, 係時候諗晚餐食咩. 記得之前睇過介 博康邨有重慶燒烤, 一場入開沙田 就去試下. 由於今日係假期 大人$128.00 小童$98.00 任食兩個半鐘 包兩罐飲品出面一大個凍櫃任揀食材, 但地面濕滑, 又有水氹 攞嘢要非常小心. 選擇嘅都係大路嘢 丸類, 腸, 肉串, 雞翼, 豆卜, 魷魚亦......之前人哋講嘅羊架, 金沙骨.. 唔見囉 味道...應該無醃 主要靠自己掃豉油同埋加重慶粉調味. 我哋主攻雞翼, 肉串, 其他試下就算. 初時火力唔夠 浪費咗半個鐘, 後來自行換GAS, 啲火又過猛, 燒烤初哥嘅我哋唔多識掌握, 經常燒斷竹籤. 一係就燒燶食物 都係鐘情打邊爐多啲

今日諗唔到食咩，就同朋友落樓下大排檔食野，其實想試好耐gas爐串串燒好內，但係又無機會，今日岩哂 黎個二人世界。雖然係大排檔，環境不過不失，都乾淨衛生。佢串燒種類好多，丸類有四五種 牛丸豬肉丸最彈牙爽口，腸類都有雞肉 紅腸 司華力，蔬菜類選擇亦唔少，豬牛雞羊肉冇走雞，亦有蕃薯面包呢d飽肚類。 我最鍾意食多春魚，雞軟骨，金菇包。 雞軟骨食左起碼十串 燒起來又脆又爽口 咸咸地 正。 睇下條多春魚燒得幾靚。唔腥又脆卜卜。加埋麻辣醬 yummy! 金菇包就淡咗少少 少少蒜味，但係佢有粉絲都唔乾，正~ 其實今餐既精華所在係個麻辣醬。呢到啲食物非常好，入部野唔咸，可以比我地自由落調味料，想辣，想咸，想點自己話事~佢個醬好香，少少辣少少麻，但好惹味，十個讚。 飲品包2罐，汽水蒸餾水自取。啤酒就要另外買。每人食左幾十串 飽飽。埋單$118 抵到呢！

沙田圍有幾間大排檔，當中有間主打重慶燒烤，重慶燒烤就係燒串燒，職員已將D食物串埋一串串。中間有個大雪櫃，入面放滿各類飲品，要留意每人只包一包飲品。每一款食物都有蓋蓋好，咁就唔會好易整污糟。食物嘅選擇就唔算太多，當無嘅時候，同職員講，佢地都會好快咁添加番。有燒烤嘅技巧當然係好啦，若然食物唔新鮮，就好難燒得好。所以食物新鮮特別重要，唔識燒烤都可以燒得好好。雞翼肉質鮮嫩，唔會好易過硬，脆皮腸同台灣腸外脆內軟，內裏保留些少汁，又鮮甜又惹味。食重慶燒烤最有趣既場面，就係會留有好多竹枝，$118任食都算抵食。

一行人分批入座，開頭以為係大排檔形式應該唔會太多野食，估唔到我既諗法係錯既！先論羊架。呢個價錢可以食到羊架，物超所值啦！羊架雖然唔係最頂級，但可以自整穀香草羊架，控制幾成熟，又幾好玩。由於可以自己控制，所以即使唔係頂級羊架，都可以爆得好好食。加上店鋪有提供串燒必備既調味料孜然粉，成個羊架既味道即時再升呢，變得更有層次！食串燒點可以冇燒菠蘿？當晚拎左大量菠蘿黎燒，原個菠蘿就咁切開一舊舊，燒完再擺入口，回味無窮！

黎到大圍 行路唔夠5分鐘 咦～見到$118任食重慶燒 唔諗喇咁抵入黎試下見到有成40多樣野食依度有成40幾樣野食 鐘意食咩自己去拎有肉,海鮮,菜,瓜,腸肉,丸肉.........包2支野飲另有熱水,蜜糖,孜然粉,蒜容汁同辣醬供應自己特別鐘意食雞翼,翠肉瓜,羊架同墨魚丸老闆特別向我推介加上孜然粉一齊燒雞翼比較容易燒 非常好味翠肉瓜多汁又唔太淋羊架容易咬開又唔會痴牙,又噗香墨魚丸彈牙魚質豐富基本上所有食品都新鮮基本上唔駛怕會比搶曬無野食會有專人補上 服務$118任食 抵比啦

今晚同表姨佢地喺佢地屋企附近BBQ.就喺沙田圍站行出5駛2分鐘，有間用串燒做主題嘅餐廳！叫做隱世貳館！名字好特別，隱世- 好似離開煩囂的意思，貳館兩字係因為本身已經有一間山莊?!5講咁多，走入去，見到有幾十張圓桌方桌，上面有放著GAS燒烤爐！店員嘅人手都多，友善，幫我地透爐後，便開始自助MODE - 自己攞串燒材料！串燒嘅種類都幾豐富：肉類、腸丸類、魚鮮類、瓜菜類、麵包類等等，另外仲有汽水、支裝水、檸茶、果汁等等供大家選擇材料看來都幾新鮮，第一輪我地燒腸仔- 快熟個D先！淨係腸仔都有好多款，有芝士腸、脆皮腸、牛肉腸、豬肉腸、雞肉腸、紅腸好少有咁多款俾你揀！腸仔味道都5錯，肉味帶咸，又濃，呢度另外有提供蜜糖、孜然粉、辣粉、燒烤醬等等調味！想要咩味道隨你調教！之後開始燒雞翼，魷魚，粟米，翠玉瓜，如果燒蔬菜都幾乾，呢度有熱水供應，俾你浸淋D蔬菜吸哂水先開始燒，翠玉瓜多汁個邊又脆，好香！耦片都係一大推薦！燒乾嘅耦片係薯片，又夠薄，好脆，加埋孜然粉，味道夠哂惹味！佢地供應嘅粟米好甜，5需要搽醬，好香肉類亦都好成功！燒生燒熟隨你，好似雞軟骨串，好有咬口，軟骨帶小小肉，食落去卜卜聲又帶D雞肉，齒夾留

今日成班人聯群結黨去食重慶燒烤！侍應姐姐好豪邁的語氣招呼，其實佢唔係無禮貌：只係師奶的語氣姐。野氣就自拎，如果你問多唔多款食物燒？一般啦....我係比較欣賞金姑粉絲包，欣賞佢夠creative。金姑撈粉絲然後落少少黑椒調味；味道都幾好。本人建議燒菜或者瓜類時，搽一層牛油；如果唔係果爐同食物會癡住。野食多數冰鮮，所以靠佢果支孜然粉來調味：佢果支孜然粉除左比較香外，仲ok 辣。本人建議唔好燒番薯，燒完之後係勁乾身。好似食柴咁。全部食物最好食係雞軟骨，燒完之彼後，勁爽口！

天氣凍 每個人都係想同朋友bbq今次黎到沙田博康 見到呢間只係118蚊任食重慶燒烤 咁叫埋朋友一齊黎試下環境比較亂 檯凳唔算乾淨我自己寧願企住燒118蚊食到咁多樣野 係就係比較抵食食物質素比較中上級但係我想講 竹籤會唔會大材小用左啲絕大部分食材都只係用竹籤既一少部分唔太環保個燒烤爐個火弱得可憐 就連我要燒隻雞翼都要用比較耐既時間先燒得熟醬汁有豉油 牛油 同辣醬但唔係一般燒烤場都會有蜜糖供應????限時2個半鐘 講真食完都唔會有滿足既感覺唔會有下次~~~~~~

位置鄰近沙田圍火車站，十分方便。環境則是典型的大排檔格局。坐下後，有侍應幫忙開爐。場內食物種類繁多，全部已用竹籤串好，方便拿取及燒烤。拿了一些食物，便立刻開始燒烤。爐火不太猛，要比較有耐性，推薦先燒一點肉引火。過程中有多種味粉、牛油及醬汁可塗上，為食物吊味。老闆娘也很親切的給筆者一點燒烤貼士。在這裡特別推薦幾款食物:1. 辣肉腸這種腸在燒烤場內比較少見，由於本身腸已有很多香料，在烤時簡單的塗了點牛油，食落肉汁十分豐富，每一口食到腸本身香料的味道，肉質及腸皮彈牙。2. 鴨胸肉這裡的鴨胸肉是厚切的，烤的過程加了點味少，很快就可以看到肉滲出汁來及傳出鴨胸的香氣。食落肉質厚實，十分q彈，焦焦的鴨皮彈牙，每一口咀嚼也流出肉汁，在口中滑過，整個口也是鴨的油香味，齒頰留香。3. 秋刀魚原條魚放上爐，份量十足在魚身上塗上醬油。不消一會已傳出香氣。魚身充分吸收醬油，皮脆肉嫩。食下去魚肉鮮嫩多汁，不是散身的，有種煙燻的烤魚味道。另外魚肉十分滑溜，不需咀嚼便滑進喉嚨。其餘值得推薦的尚有雞翅、菠蘿、菇類及墨魚丸便不多敍述，留待告位自己親自發掘味道。

多得毛記唔少，真好介紹。我第一次openrice寫食評，唔想咁批評人但實在太impressive。1. 食物質素- 本身沒有好大期望，雖然選擇都多，但大部分時間供不應求，d野一出就比人囉曬，要搶。野食沒味沒道，醬料又少，得豉油，牛油，一兜甜甜地ge水，後來有d satay汁。但沒最緊要的蜜糖，過d調味粉唔係枱枱有。好彩隔離枱個哥仔食完比左距支自備蜜糖比我！但果時我地沒mud心機食了！2.環境。好多枱，亂，要自己搵位，d凳好污糟。地下好跣好多油垢系地下。個雪櫃浸住d汽水係肥淋淋的！d爐唔夠力！最後都係一句，唔會再黎。！

因為睇左東X西望，專誠從香港仔務名而來，食到一肚氣，正垃圾！1.服務員態度差，鬧客，人手嚴重不足，搵個人幫下手都要睇面色。2.最嬲依樣，個燒烤爐好弱，慢到可以訓著教，燒幾串肉要燒成半個鐘，限時兩個半鐘都唔知食左啲乜，同無食過野一樣。3.食物質素尚可，但refill得好慢，食物長期空缺。p.s: 我岩岩食完，同朋友要搭車去食返雞粥先叫食左野，以後唔好咁易信電視台

$118的任食自助串燒 - 隱世貳館仲記得上年冬天介紹過這兒，估唔到做自助燒烤可捱得過夏季，身為沙田友當然要再來支持。轉手過，老闆都變了，用的不再是炭爐而是Gas烤熱鐵板的燒烤爐，位處沙田博康大牌檔$118任食串燒兩個半鐘連兩罐汽水除了開爐及取啤酒外其他完全自助自己搞掂，估佢唔到落大雨都咁多人，星期五晚全場爆滿。食物選擇多，豬、牛、雞、連羊架都有；丸類腸仔十幾款唔多講墨魚咀、魷魚、秋刀、多春魚、菇、瓜、蔬菜亦有多種選擇睇落亦好企理，員工不停添加未見缺貨情況。食物唔差，一大班人來企吓偈飲吓酒熱鬧吓其實很不錯屋邨大牌檔衛生情況自行想像，我地就覺得幾好玩喇連六枝大啤四人埋單位位$150﹐抵吃！

<$78任飲任食邊爐>沙田沙角村的任食邊爐看來有勁敵了，因對面博康村今天開咗間同佢一模一樣以平取勝的劣食邊爐店。露天大牌檔，叫咩名我都未知因門口仲未上招牌，$78位。開爐$40。食物種類繁多真不能盡錄。鍾意佢海鮮類別不少，竟然有大大隻既三點蟹。蝦蜆魚件蠔都亦有供應。肥牛是一般任食貨不强求。食家愛其蔬菜有四五款選擇。唔夠飽烏冬麵都有得揀。支裝可樂及芬達任飲不馬虎。四人來吃無加一唔飲酒的話$90有找，新開第一日新鮮程度當然無問題，劣食邊爐來說點都好過酒樓，估唔到第一日開都有十張八張檯客，愛露天暢聚亦好任食此道的朋友可一試！我的FB: smallsmallsmalllin