雄興美食

营业中

休息中

雖然我係潮州人不過好少食潮州野所以我唔係好識分正中定唔正中 anyway.....好味就夠啦今次係第二次食打冷依間 ..印象最好係老板既服務態度...雖然佢好忙.....但都招待得我地好好 (好快手)其次就當然係食物同價錢啦....對於好少食打冷既我....碟碟都好有新鮮感...四個人食左6 碟野.............飽到呢.......但每人都係 五十幾蚊咋人少食得唔多款式......下次再去一定要帶多d人......再食多d唔同既野值得試下~~

放工比班同事捉左去打......冷,自己好少食潮州野, 開頭都有d擔心唔o岩食, 但食落又覺得幾特別. 點了多款菜色, 先o黎個豬紅, 煎蠔餅. 再o黎個炒蜆, 蒜蓉白菜仔. 潮州凍蟹同雞腳又點少得. 唔夠飽喎, 再o黎個鹵水鵝. 白飯同可樂就梗係必備啦. 冇食過白飯又點叫做食飯丫; 冇可樂又點送飯呢. 最後食到飽一飽先走.一個普通的放工聚會, 竟然帶來一點點驚喜.

今日同女朋友一齊去，不過我之前又未去食過打冷，今次就去試下啦。其實我都唔知食乜好架，只係想醫飽個肚就得。去到，同我想像中唔太一樣，我以為打冷的地方係好污糟的，但係o個度的裝修同新式的茶餐廳差唔多，幾舒服咁。佢地o個度招牌野係鹵水鵝，我當然唔會放過啦，因為我本身都會食鵝的，但係平時買的燒味，唔係太肥就係太韌，今日試0既唔同，幾易咬，又入味，正！另外蠔餅我聽就聽得多，食就真係第一次，我以為個口感會同生蠔一樣滑潺潺的，但係原來唔係，好香好脆，幾好味。仲有個枝竹炆腩肉，d腩肉肥瘦適中，同茶餐廳o個d好唔同，我最怕肥到爆的豬肉架喇。仲有我地每人要左個飯，加埋碟蒜蓉白菜仔。我地唔飲酒0既，加埋兩觀汽水，一百蚊多d，價格合理，但真係好夠飽！

今晚得一條友食飯, 想起早排有朋友同我講某潮州食店俾人響網上作出一d無理指控, 鐘意食又鐘意搞搞震既我就粒聲唔出走左去試...........就係呢間雄興美食!...........而果位朋友, 咁岩就係呢間食店既太子女, 不過我同佢既家人素未謀面...........我覺得自己有d似間諜!我食過既打冷舖唔多, 不過呢間既出品係我食過咁多間入面最好食既, 如果你問我佢有咩缺點, 我最多只能夠話味精落得重手左d...........不過根據美食定律, 好食既野通常都無益, 決定係自己做既, 後果都係自己承擔既!入正題, 先由環境同衛生講起, 間舖岩岩開張無幾耐, 同五星級酒店比係肯定無得比, 但係佢仲係新裝修, 環境好企理好乾淨, 同類食店黎講真係好好, 最重要係冷氣夠! 岩哂我呢d肥仔! 唯獨是佢d坐位都係圓凳, 拎住一袋二袋野去食飯, 可能要有心理準備d野要擺響地下.服務方面, 老細好好招呼, 仲特登提醒我蠔仔粥要趁熱食, 凍左就會腥...........講到味道, 呢碗係我咁大個人食過最好味果碗蠔仔粥, 以前我去第二度食, 幾好味都好, 多多少少都會有d腥, 但係呢碗真係一d都唔腥

我自己本身住鳳德村,經常行去鳳凰新村食野,個到好多好野食,我最愛早下午去富堡食下午茶晚上去對面寶興食打冷,點知尋日同呀爸呀媽走左上去試吓新開既呢一間打冷,之前去開下面間寶興,點知一入到去已經冇咩人理我地,想叫野食叫左呀姐2次先理我,叫左個蠔餅,鵝,蠔仔粥,呢d都係我地食開既打冷野,首先來了鵝,好多油...一食落口d肉得個唸字又肥到死,蠔仔粥d蠔又小,蠔餅唔脆,同寶興比差好遠囉,點知呀媽係咁罵我好同佢黎呢間食既時侯同我地一起坐既兩公婆都話d野唔掂都話黎試錯....攪到我覺得好對唔住寶興咁,因為去親都有比d花生菜寶我食...下次食打冷都係去番寶興.