雅廊咖啡室 (裝修中)

親友有張6折COUPON, 所以一行19人就去咗富豪九龍酒店嘅雅廊咖啡室食下午茶BUFFET... 由於我小病初癒, 所以都唔敢食咁多野... 芝士款式唔多, 味道... 可以啦... 蛋糕選擇不多... 味道... 可以啦... 熱盤都係冇咩選擇, 根據我妹妹嘅忠告, 只有以下幾款先好拎... 妹妹話D米線咬唔斷... 中午同北京回來過年嘅朋友飲茶, 佢啱啱講開國內有D用RECYCLE PLASTIC整嘅米粉係咬唔斷嘅... 嘩, 呢碗唔會就係傳聞中嘅米粉呀嘛... 負責煮麵嘅小妹妹, 一個人要睇3個檔口(淥面, 整PANCAKE, 切羊扒), 仲要自己入廚房攞碗... 眼見其他人悠手好閒, 無所事事, 真係替呢位小妹妹不值... 呢間餐廳最可怕之處係, D餐牌同食物係唔MATCH嘅... 明明係朱古子薄荷CAKE, 但係SHOW芒果芝士餅... (註: 全場都冇芒果芝士餅) 明明係綠茶CAKE, 但係SHOW栗子蛋糕... (註: 全場都冇栗子蛋糕) 明明係炒飯, 竟然SHOW古法蒸魚... (註: 全場都冇古法蒸魚) 最離譜嘅係, 明明係花生糊, 竟然SHOW雪梨雪耳糖水...

餐廳在地庫，裝修普通，樓底超矮。刺身：新鮮，不太甜，三文吞拿白身魚。芝士：普通。熱盤：選擇少但味道好，辣蝦很可口，魚塊可以，pizza涷了，不大可口。自製pancake:味道差。甜品選擇少：D字雪糕可以不吃，蛋糕除了芝士蛋糕好味外，其他款都佷甜，即叫你不能多吃，cheese cake供應少，出了一兩次便無出。凍蝦類外表不好，無試。整體食物以二百二十八元算ok, 可以一試。

今天第一日開工，manager訂了晚上來這裡食buffet(因為有6折)，一直覺得富豪酒店集團的buffer麻麻，但比我想像中好！1) 冷盤：有好多海鮮，如：龍蝦仔、琵琶蝦、蝦、螺、帶子(同事話唔好食)、長腳蟹(同事評語好好，話好厚肉)、魚生......** 自己沒有食海鮮冷盤，因為唔太識食2) 熱盤：款式數量正常，如：燒味、蒸魚、避風塘炒蟹、辣酒煮花螺、西蘭花蝦仁、金銀蛋白菜、咖喱豬、印度薄餅&咖喱、羊架、即炒意粉......** 味道ok3) 甜品：款式比較小，如：朱古力噴泉、朱古力蛋糕、朱古力慕絲、栗子蛋糕、芒果西米布丁、曲奇、Dryus雪糕(朱古力、草莓、薄荷朱古力碎)......** 味道ok4) 生果：有火龍果、哈蜜瓜、西瓜、菠蘿(好甜)最後，多謝阿姐！

星期五下午茶時間來到九龍酒店，並不是不用上班，而是一邊工作一邊high-tea。說話雖這樣，實際上是跟老闆出來開會，又要準備文件，又要take minute，真的一點也不能分心，所謂忙裡偷閑是當他們講得興高采烈，而又不是什麼重點時，偷吃一口tiramisu。可是，這一口tiramisu，是失望的，沒有酒味，沒有口感，比起屋村麵包店賣的可能還要差，雖說是次下午茶是公費的，但也打從心底覺得不值。點了熱朱古力，也是普普通通。幸運的是，老闆們點了英式下午茶，三層精美餅點，挽回了不少分數，尤其最愛的macaroon，真的甜而不膩，最好吃還有三層精美餅點中間的一個用黑白朱古力造成的小籃子，裝滿一支支黑白朱古力條，Oiishi！如果不是跟老闆們出來，我連個小籃子都會食呀!蛋糕 + 飲品 $78+10%英式下午茶(二人份) $168 +10%其實小妹是明白的，酒店high tea，仲要如此實惠的價錢，真的不能跟Mandarin比較的，而且他們的服務態度也很好呀，算是值回票價啦。

繼續食我的慶生飯。今次選址在這間自助餐廳，因為家人喜歡食自助餐，唯有順應民意啦。準時6點半入座，首先食冷盤，有青口、凍蝦、長腳蟹、龍蝦仔等，之後再進攻魚生，一般的三文魚、八爪魚、吞拿魚都有，連我喜歡的甜蝦在有供應，真的很開心。魚生都叫做新鮮，我叫師傅比多D蝦我，佢都笑笑口地滿足我。我的策略係頭盤後去食甜品，因為這個時候，甜品區係未被攻陷，我仲可以看到賣相吸引的甜品，一杯杯站在這裡呼喚我。我試了芒果布丁、鮮奶凍、TIRAMISU等等，味道不錯，細細杯的份量剛剛好。現在到吃熱盤喇。比我發現有鵝肝喎，當然排隊等拎啦，用麵包配鵝肝，不太膩，吃完仲有QUOTA食其他野。最後我選擇吃即煮意粉作結，白汁海鮮長通粉是我的至愛，呢到個白汁調得不錯，值得一讚。這個晚上，一邊吃東西，一邊與家人閒話家常，好寫意啊。

今曰再次去九龍富豪食buffet, 經過上一次經驗, 都無乜信心,不過男朋友阿媽話自己係member先俾面去咋。今晚去到, 竟然會令我完全改觀, 同之前完全唔同曬。0分鐘等位, 裹面擺食物唔同曬, 靚左。 沙律俾之前好味好多。海鮮種類多左, 雖然無生蠔,但都 ok宜家仲有即煎羊架同鵝肝添。D服務改善左,員工Edward好有禮貌。又細心。原來用頭條仲有龍蝦送!下次我都要食!

聽見同事話今晚去富豪九龍酒店嘅「Café Allegro」食dinner buffet，反正未試過這裡的buffet，我又貪得意一起去湊湊熱鬧。「Cafe Allegro」位於酒店地庫，咖啡室佔地不大，環境尚算整潔。是晚場內人不多，大約一半入座率吧，我們被安排坐於餐廳較入的位置，自成一角，方便傾談。先看看沙律吧，都是較大路的貨色，如各式雜菜沙律，配以千島海鮮醬、cesar醬等等，但非我杯茶。於是轉移視線到旁邊的冷盤，種類不算多，有凍蝦、青口、東風螺及阿拉斯加蟹腳......等等。蝦很細隻，但算是新鮮，吃落爽口。青口則很細隻，乾凈凈放了很久似的，不新鮮。東風螺味道一般，沒什麼特別。而最期待的蟹腳，一點也不新鮮，瘦瘦削削的，沒鮮味，而且refill的速度極慢，極失望!壽司吧有一位師傅專責處理，刺身的款式有三文魚、八爪魚、臘魚及墨魚等，三文魚尚算新鮮，但不夠肥美。八爪魚及墨魚味道不錯，而臘魚不夠鮮美。其他壽司卷物，款式也不多，味道如一貫buffet的壽司水準，即是不好吃......熱葷的款式也不太多，有燒牛肉、炒麵飯、印度烤餅、咖喱、焗蠔、炒雜菜及蒸海斑等，普遍也不太吸引，每樣試了點就收手.

個日同男友約6:45pm到達餐廳，入到去都覺得環境不錯, 乾乾淨淨的感覺!坐下後, 我就出左去拿食物先, 一開始就拿了幾片三文魚魚生和男友一起分享, 點知一食已經覺得唔點, 成條筋都未切走, 你叫我點食呀?!之後拿了一些.....凍盤, 凍蟹內裡的肉是霉的, 青口有著一些怪味! 熱盤, 看落賣相確實都不錯, 羊架和牛扒咬不下, 意大利飯球沒有特別, 燒汁雞扒肉質很老啊.....其他的我都不想提啦!甜品, 很少啊....沒有一樣是可以吃得下, 最恐怖的是一些客人拿了一些甜品回到位子後, 覺得不好吃, 就放回原處(這件事是由男友告知給我聽的啊!)雪糕, 不用吃只用眼看都覺得係用cheap牌子的啊><

之前係百老滙買電腦送左張COUPON去呢間到食自助餐有6折,我見咁低食就一家4人去試下!坐低後待應問我有無渣打卡如有會有55折,嘩...仲低過百老滙張COUPON><雖然價錢好抵但仍然有好多野食比你選擇!一去到當然食魚生先,魚生都OK不過款式唔多再黎食長腳蟹不停咁出,但唔好食有D仲好唔新鮮之後再試即炒意粉,有意大利粉,扁意粉,長通粉,白汁,茄汁揀,呢個真係好好食由其係白汁熱盤有10幾20款,好多選擇仲有燒味檔&羊架甜品有好多,又有雪榚,班cake,楊枝金露,綠豆沙,朱古力噴泉,多款蛋糕,味道唔錯總捨黎講以呢個價錢食到咁多野真係好低,不過酒店送既限量龍蝦湯就超難飲囉!

平安夜去食自助餐。有信用咭，所以好平。一行15 人，4字頭食第二輪都算係咁。食物選擇不多，但是我覺得大部份都OK。D魚生唔錯，幾肥，今日都無肚痛。個火雞真幾好食，佢加埋D肉碎比你一齊食，又幾好食。D雪糕同麵包布丁都OK 呀。你話超好食就唔係這個價錢。问上又有聖誕老人，其實OK抵。

因為舊同學說他有六折coupon而我又沒去過這間食自助餐, 於是我們便一行12人訂位食自助餐,一進去門口便是壽司魚生bar, 旁邊便是水果, 再經過海鮮&沙律bar, 便到了我們的坐位12人長枱放低手袋除去外套便出去拎野食, 第一輪拎凍蟹, 青口, 三文魚&吞拿魚刺身凍蟹唔新鮮, 三文魚還可以, 吞拿魚有渣第二輪拎焗蠔, 雞肉串燒, 迷你海鮮撻, 墨魚, 炸x腿 (唔記得係咩肉=.=")失望....焗蠔隻蠔細到好似蜆仔咁細粒, 雞肉串燒無味道, 還好我有拎D泰式甜酸醬點黎食,迷你海鮮撻, 個撻皮OK, 不過醬汁咸了一點, 炸腿好乾第三輪拎鴨胸, 煎魚......都唔記得係咩=.="D食物一係就咸一係就無味, 果晚我拎度枱都係醬汁....食完3輪好失望既食物, 終於到我最鍾意既環節.....甜品有十款杯裝甜品, 因為都係細細杯, 我當然唔會客氣先拎幾款試吓先, 第一輪持左4杯試吓先, 食甜品開心到唔記得影相第一杯檸檬慕士上面有D桃肉裝飾, 我放入口立即吐出來(真係失禮)...好酸同埋D味怪怪地,中間既檸檬慕士....味道OK, 唔太甜第二杯荔枝慕士上面既裝飾我唔敢食, 直接拎開, 只試中

連續兩個星期共食左兩次了, 如果唔係有折, 我地都唔會來. & 食物 / 環境 / 服務只係普普通通. 仲衰過茶餐廳 我地第一次去, 是星期一, 無咩人... 個心諗 "都幾好丫, 無咩人!". 點知到左呢個星期三勁多人, 侍應不夠心手. 堂堂一個大酒店, 可以接受吉檯上有咁多未清潔既碟係度, 就算有人係度既檯, 都唔勤力執野. 搞到我都無晒 mood 唔想影相 湯 - 無選擇, 唔想飲 中式熱食 - 我只食了春卷, 不過, 酒樓既點心會好過佢 刺身 - 差過街邊既細舖仔好多 長腳蟹 - 唔新鮮, 係我食過咁多自助餐中最差既一間. 呢個咁簡單而又最多人選擇扼食物, 都可以咁差 甜品 -- 都試得 7788, 得一樣係可以讚, 就係 "蘋果酥", 皮好脆 & 鬆, 果味剛剛好 . 另外, 朱古力批, 都可以一食, 其他既, 食完一口都唔想再放第二口了 pancake -- 唉, 差到小朋友都唔食, 第一次, 無落 cream , 第二次, 煎到燶晒!!! 我諗, 我地第一次係比佢騙左, 第二次, 見到佢地既真面目,, 第

同家人慶祝生日, 見呢到有折, 地點又方便, 便一試BUFFET晚餐。食物水準ＯＶＥＲＡＬＬ　ＯＫ，　不過不算是好好吃的。甜品外型美觀（不過忘了影相），選擇都算足夠。星期一晚上，沒有太多人，反而唔使同人迫，幾好。坐位安排，ＳＵＧＧＥＳＴ大家不要坐太近取熱盆的位置，因為有個廚師經常在炒野，坐太近一身都是油煙味！

信用卡做優惠買一送一燕窩buffet所以試下,可過上網睇d人講到咁差都已經唔多想試,如果原價360.3(加一後)一位連生蠔都冇真係唔抵食,仲要d野又難食....日式:刺身得三文魚,吞拿魚同鯛魚,平價野,冇咩味....壽司飯多料少,冇試芝士有三款....車打:咸味 卡門bert:有少少苦味 仲有種老鼠最愛的甜芝士,好食,本人最愛 西式:rid eye牛排:佢cut比你,唔好食,冇咩味 仲有旁邊d燒羊架都係冇咩味,平價野....去普通西餐廳食好過冷食:青口都還可以,翡翠螺超好唔新鮮,難食芝士焗蠔:好細隻,個汁都ok燕窩龍利魚:最好食都算呢樣,一出勁快冇哂...熱盤真係冇野好食咖喱羊肉:羊肉唔羶,我覺得唔夠香唔夠味甜品:雪糕最好食...d cake都ok,我鐘意食個朱古力cake,黑森林就馬馬...朱古力噴泉:黑朱古力配泡夫好正,白朱古力太甜(泡夫本身都有cream係中間)...面包布丁一般,好頂肚...蘋果pie都唔錯,唔太甜....燕窩達k la又話係燕窩buffet,呃人,得好少野有燕窩,野食選擇又少,好多野都係便價貨好難食....咁樣收人三百幾真係超唔抵,千其唔好食!!!

一個不錯的lunch buffet!難得一天假期, 跟友人到了富豪吃個lunch buffet。熱盤沒有什麼特別, 一般質素, 沒有那樣令我留下記憶。相反, 魚生和刺身也不錯, 蠻新鮮的!說到甜品了, movenpick雪糕正!白朱古力噴泉; 正正正!麵包布甸mix白朱古力; 正正正正正!very yummy!可惜的是與雪糕絕配的米通, 可能放了太耐, "林哂", 一點也不趣 !!還有自助茶啡的紅茶不好喝,對我來說, 一杯味美的午後紅茶, 是一頓豐富午餐後的必需品。但整體而言也是不錯的, 用了openrice的coupon就更抵食!(;