雅苑座

期待已久的自助餐，由17號因酒店有人中招，到改31號，到突然有事改早一日，食30號星期五，我都叫做食過8間10間自助餐，以前無任食龍蝦所以一直無黎食，點知比我發現到呢幾個月有，就訂位，先講我上次食自助餐係5月係普乜食感覺好差，今次既食評有對比之下會有偏頗，哈哈，我第一樣係拎甜品，蝴蝶酥同拿破倫就必拎架啦，其他就試味性質，之前係酒店既意大利餐廳食過個d甜品酥皮真係好好食，所以我本住執輸行頭慘過敗家既心態食甜品先，其他甜品都係中上既味道，原來自以為都叫做見識過咁多間自助餐，鐘意食甜品既我今次先發現出名既餅房對一間自助餐可以話佔左一半影響有多，我夠膽講個甜品區無得輸(當然你會食甜野), 之後，就拎冷盤，龍蝦(正常有味，唔似有d酒店好似食橡膠咁無味，但唔講得上好好食不過都ok)，蟹腳(痴殼但味道ok), 其他有青口，蝦，同唔記得，因為無食到，所以唔記得，刺身，平價貨，無帶子(因為我唔食魚), 拎左個超長蟹棒壽司，壽司飯岩香港人食唔太酸，蟹棒都幾好食，仲係你面前噴火幾咁過引，串燒食左牛舌(望落去乾爭爭但原來幾好食，所以大家唔好對d乾爭爭既野有偏見，內裏原來好juicy ), 德國短小豬肉腸千祈唔

見疫情好左少少，好耐冇帶媽媽食好嘢，所以就試下帝苑既buffet la😄入到去好大既大堂，同隔離枱都有一定既距離，拎野食要帶口罩，感覺都安心👍🏻我最鍾意❤️係佢既日本🇯🇵部，有個師傅即場整火炙壽司🍣，勁勁勁好食😋有三文魚、鰻魚、帶子、蟹柳💕隔離既麵都好好食，有大大既蜆，手打魚蛋好味，可以㨂雞湯/冬蔭公湯底✨甜品🍮當然唔少得佢最出名既蝴蝶🦋酥😍真係瘋狂食😆啲蛋糕係個櫃到，要工作人員拎，都算衛生👍🏻雪糕配即整crepe好好食，勁多cream and 🍌👍🏻主食就正正常常，長腳蟹、蝦都有，不過冇生蠔🦪，所以要留意啦～～Openrice有coupon仲有7折，抵食好多😎

雅苑座The Greenery尖沙咀麼地道69號帝苑酒店3樓近年，除重要慶祝或特別聚會外，較少吃自助餐。雅苑座雖不是頂級自助餐質素，但食物種類繁多，長年水準穩定，加上有駐場live音樂表演(不過當日沒有😅)，絶對是穩打穩紥之選。海鮮都是那幾款，龍蝦肉跟蝦爽口彈牙，多膏。刺身很新鮮，特別吞拿魚非常不錯，很重魚味，超長蟹柳也很好。每人獲分配一客香草煎大蝦，肉質鮮甜，沒有燒得過熟而變硬。要注意的是它沒有生蠔供應。熱盤整體水平中上，其中烤羊架肉質頗嫰滑；蒸魚也可以，只是魚味一般；印度咖喱不太香濃；芝士焗帶子則是敗筆，芝士太多太濃，完全蓋過帶子鮮味，鋪在上面的魚子醬更是多此一舉；燒味等中菜屬正常水平；海南雞飯以往是此店主打項目，雞是嫰滑，但沒有雞味，飯則有雞油香味。甜品一向是帝苑強項，其中名物蝴蝶酥依然出色，又脆又香，非常好吃；朱古力蛋糕及tiramisu也非常好！現在有7折優惠，性價比馬上轉高，平日lunch buffet$300以下就可以吃到！

屋企人生日，所以book咗帝苑食自助餐。我地早咗d到，第一時間就同d嘢食影個大特寫！我座個位有防疫板，消毒液呢d無乜特別不過呢度d職員真係好好，好有禮貌，不停提我地可以攞嘢食，食完後收碟收得好快又有禮貌！真係值得一讚！個個職員都好醒目，見到有人無戴口罩好有禮貌叫佢戴番！好多職員睇住d食客攞嘢食！講到嘢食真係唔錯，冷盤除咗麵包蟹🦀d肉唔好味！其他都好新鮮👍🏻不過我屋企人講隻🦐一般，我就話你唔好彩，😝我個隻勁鮮甜！我座位置好近呢個海鮮區，見個個都食🦞⋯佢地補食物補得好快！雖然麵包蟹唔得，但佢個蟹肉湯屋企人大讚👍🏻另外，每個人都個個魚子醬焗扇貝就🤦🏼‍♀️唔好味🙅🏻‍♀️，之後職員又送上燒蝦味道ok熟食方面，羊架好味，燒🥩牛肉就一般，燒物方面，無乜特別🌽🍍南瓜ok，牛舌就一般一口鴨肝唔錯，細細件過口癮！日式刺身都好新鮮，有我至愛希靈魚，壽司🍣特別係燒巨型蟹柳，同燒三文魚🍣因為即燒所以排隊耐d煮麵方面d配料好正，d瀨尿蝦重好新鮮，其他海鮮都好味！我地只係食淨餸🤣甜品🍮選擇多，有雪糕🍦，pancake ，其他常見的甜品都有，當然有至出名的蝴蝶酥🤪⋯⋯飲品就有罐裝汽水🥤，咖啡☕️奶茶都一定有，你有興趣重

自助餐黎講依間算吾錯，食物款式都算多，甜品會較多選擇，蛋糕多選擇，甜品必試蝴蝶餅，綠茶味蝴蝶餅吾錯自助餐唯一美中不足係刺身，刺身吾太新鮮，食落就知但反而煙三文魚就ok，沙律菜夠新鮮仲脆口，沙律醬多選擇多熟食吾錯夠熱，冷算海鮮選擇多，蟹腳同蝦可以推薦大家試一試熟食有個位置放車仔麵，仲意食車仔麵既朋友可以試過，油麵同湯底吾錯，豬皮必試自助餐平時簡晚餐時段多，無唸過午餐時段自助餐都吾錯，以午餐時段黎講食物算多選擇

前兩日去咗帝苑食dinner buffet。酒店好體貼，每張枱設有膠板，枱面又有搓手液，而且人唔算多，坐得疏落出去攞食物必須帶口罩😷😷感覺幾衛生及安全。食物方面款式都頗多，有龍蝦🦐、長腳蟹🦀🦑🦑、鵝肝、洋架等。其中以海鲜及甜品為最美味😋😋。另外侍應手腳勤快，厨師亦不斷添加食物，各人態度有禮亦值得一讚👍。而且生日仲有蛋糕贈送，好窩心😂

疫情尚算緩和，多月沒有出城，今天跟朋友食餐好，因為大多數酒店自助餐都有優惠，試吓平時冇試過既帝苑酒店自助餐。酒店好細心，每位客人都有個信封入口罩，最唔慣係每次離位攞食物要記得戴口罩😷。食品質素高，長腳蟹又大又鮮甜、海南雞飯同燒味都好好味、燒賣好正，串燒同牛柳粒都好味、甜品冇得頂。絕對值得一試。

服務好好👍🏻本身早左去，一入到座位就有人幫手比水同套椅套，佢哋嘅服務真係好好。我見仲有D時間就四處走走，我睇到食品嘅種類都幾多，而我最愛嘅甜品都超級吸引😍 到左6:30，大家都開始攞野食，一大班人去曬攞海鮮，好快就冇曬，但我見到服務生都攞左好多出黎補充番，唔會攞唔到🙈。而且其他的食物都唔錯，值得一試。 而我鐘意的甜品都好多款，我每款都有試🥰，最鐘意都係拿破輪同冰皮綠茶。真係一個好好嘅自助餐，下次一定再黎☺️

前兩日同朋友一齊食自助餐，我地6點正入場已經見到食物陸續擺出黎，即刻趁餐廳仲冇咩人既時候影少少相📷。一入座既時候即刻有人落水杯同幫我地啲袋粒椅套，服務都真係唔錯👍🏻，攞野食放住個袋係位都安心啲，又唔驚食食下嘢會整污糟個袋😅😅6點半開始自助餐個個都聚晒去攞海鮮，一開始龍蝦同長腳蟹最搶手。凍海鮮方面，我淨係攞左龍蝦，龍蝦多膏，啲肉食落都幾爽口下，好好吃😄👍🏻海鮮果邊其實都有檸檬同其他醬汁比人配海鮮，唔鐘意單食海鮮既人都有醬汁可以配搭👏🏻熱食方面，我去左食車仔麵😄果度都有10種以上食材比你自己揀去比個師傅煮熟配麵，麵都有5種咁多❗️❗️湯有清湯同冬陰功湯比你揀🍜，今次我叫師傅推薦我食邊種麵，對於選擇困難症既人真係一時間都揀唔出要食邊款🤭個師傅幫我揀咗細麵，麵條好吸湯，勁好食🤤，冬陰功湯食落唔會太辣，味道啱啱好，❤️蜆肉好好食，冇沙同埋真係好鮮甜🤤🤤🤤對我黎講絕對係每次去必食之一❤️。👍🏻👍🏻👍🏻👍🏻👍🏻❗️❗️❗️另外我仲攞左其他熱食，十分推薦而且下次黎會再食既有海鮮鮑魚粒鍋巴，一口鴨肝，羊架，牛扒👍🏻👍🏻牛扒搭芥末酱好好食❤️🤤，果邊仲有燒汁都黑椒汁可以比人選擇✅可能個人口味原因，唔偏好食蒜蓉所以個蒜蓉粉

服務態度一流👍🏻我地一入到去坐低既時候，就即刻有人幫我哋啲袋同衫套上椅套，跟住啲水都上得好快！之後收碟嘅速度真係好快，一食完就差唔多有人會幫你收走隻碟，咁我哋張枱就唔會變得好迫👏🏻👏🏻跟住我哋嗰日係坐喺鋼琴隔離張枱，有人彈琴同唱歌，仲可以自己點自己鍾意既歌🥳🥳我哋都點左好幾首～個歌手唱得真係好好聽❤️❤️之後到啲嘢食啦，一開始我去食咗佢哋啲車仔麵😋😋😋味道真係幾好，尤其係個冬陰功湯底，夠味又唔鹹😍之後仲食咗個海南雞飯，啲雞冇骨，跟住啲飯仲要非常之好食，一啲都唔癡笠笠嘅感覺👍🏻後尾仲食咗個牛扒，入口即溶🤤🤤🤤🤤一啲都唔難入口！下次一定會再食返呢個❤️❤️之後就去咗食刺身壽司，個三文魚好好食！同埋有一條好長嘅蟹柳壽司，好特別～！嗰日仲送咗一隻大蝦同芝士帶子，勁新鮮又勁大隻👍🏻👍🏻尤其係啲甜品特別好食，果然係有自己餅店嘅酒店👏🏻👍🏻我食咗好多蛋糕同甜品😋😋😋😋至於雪糕就係Häagen-Dazs，有五種味—比利時朱古力、士多啤梨、雲呢拿、Cookies&Cream、綠茶🤤咁喺雪糕隔離呢就有即整嘅handmade pancake，就有原味同埋香蘭味，我真係極之推薦食呢個😋🤤啲料落得勁足，啖啖都係香蕉🤤😍

好耐冇同老婆食自助餐，見openrice 有拆就去訂。email問最多都係7拆，做唔到最低6拆。咁就去試下啦，當日12點去到已經好多人！先講講午餐刺身有三文魚，八爪魚，𩶘魚同吞拿魚。刺身一般，𩶘魚唔新鮮，八爪魚冇鮮味，三文魚正常，吞拿魚暗淡。壽司係要叫佢整先整，冇叫！因為都係用返刺身加舊飯。凍海鮮有大蝦，蜆，蟹腳同青口。蟹腳冇咩肉⋯青口唔甜最好係蜆同大蝦 叫做新鮮！沙律區可以唔洗睇⋯⋯冇咩好揀⋯😟凍肉芝士又冇咩⋯⋯到熟食區⋯都冇咩款可以揀有條魚⋯點心（見係有包⋯⋯蝦餃比人搶晒/燒賣/牛肉，每次出一款）炸魚/炒飯/菜/咖哩雞/牛尾最慘年燒牛肉都冇（去buffet就係想食）今日係燒豬髀😖鞋過皮鞋⋯⋯串燒區有牛柳粒/雞翼/雞串/冬姑/燒腸最好食算係牛柳粒燒味區都係個d,係有個海南雞飯叫ok.湯就可以唔洗試 ，普通中湯。係最好食蝴蝶酥，食左一打！其他甜品好普通，冇咩款又唔會好好食。雪糕係H牌同有即整pancake粉面檔冇試⋯因為唔吸引，係東蔭公湯底。折完都要$310 一位！其實覺得唔太抵，因為d野唔太好同冇款！野飲就自助 有汽水/橙汁尼個價錢比貴少少 仲有大把選擇！（全程冇影相）

見食評好似唔錯的自助餐，而且open rice有6折lunch Buffet優惠。來試下平均每人唔洗300蚊就有自助餐品。12點開始，去到已經好多人，以為週一會少人d，估唔大大家都幾得閒。冷盤海鮮有長腳蟹，大蝦，青口，蛤蜊四款，蟹腳不算肥大，不過都OK鮮甜，大蝦正常。沙律吧有各種菜自選，小涼菜等。刺身都係四款，有三文魚，吞拿魚，八爪魚，鯛魚，質素正常發揮。有Bbq，菇呀，雞翅，牛柳粒，粟米雞肉串，燒菠蘿等，味道不錯。熱盤種類都蠻多，炸魚柳非常棒，燒味也很不錯，果然係有中菜廳的酒店。甜品更加多選擇，提拉米蘇很好味，芝士蛋糕也不錯。雪糕係哈根達斯，綠茶，朱古力，士多啤梨，雲妮拿四款。還有即整pancake。坐窗邊位還有sea view。整體非常唔錯，推薦掛住食野，唔記得影靚相

好耐以前唻過兩次，但覺得又貴又麻麻⋯而且其實以前最鐘情洲際自助餐，關閉咗之後都好難再有自助餐睇得上眼⋯⋯⋯今次純粹係喺呢間酒店book咗一晚，唔知食咩好，又懶，打落去問又竟然有位，咁就事旦啦～點知水準好咗好多喎‼️‼️我平時食自助餐都對啲熱盤冇乜興趣，多數食海鮮多，但呢間竟然吸引倒我去夾唻食，仲要係好食㗎喎！擺盤仲擺得幾靚添👍🏾refill速度係超級快！其他酒店好少狂refill魚，但呢間會👍🏾食自助餐我都好少可飲湯，我今次係飲咗三碗🙈今次係鯊魚骨煲雞&雜菌湯，正到暈呀！中湯飲落係勁足料，好似啖啖精華咁！個西湯又係勁足料！甜品都做得唔錯，每款都做得幾好食，蝴蝶酥我都應該食咗起碼6塊😋👍🏾飲品方面，檸茶係自己沖嘅，另外有罐裝嘢飲、橙汁、西柚汁揀👍🏾而且service 仲好好！個環境係靚嘅～好浪漫feel~ 雖然整體水準我覺得都係未及以前洲際，但我都會推介！值得再唻！房客有7折

每次想食自助餐都總會諗起the greenery，貪佢價錢合理d野質素又唔差，大大話話呢幾年都去左十幾次。自助餐食評平時都好少寫，因為唔同種類既食物一定有好有壞，但今次真係太過份一定要俾個差評放工即興想食自助餐，以為疫情會好少人點知全層爆滿叫我地坐二樓，話俾個七折我地，咁呢樣我都無乜所謂既。去到又突然話有位於是又唔洗坐樓下，但只有八折，心諗是旦啦餓啦乜都好啦我地入座既時候大約七點半，一路食發生好多野食都好似限量供應咁，之前從來未試過壽司吧一入去個時都重有火灸三文魚同赤蝦個d，過幾個字再出去個時已經得蟹柳，再之後連師傅都走埋，個時都點係八點幾做乜事宜家壽司好貴？串燒就長期都淨係燒蔬菜，粟米蕃薯長期都有。但牛脷以前都係一堆堆放係道，今日食兩個半鐘無睇錯只係出左兩輪，重要有一輪得四串雞軟骨同腸仔好少少，每次行過都有貨係道。因為想食牛脷於是係counter前面等足五分鐘，本身前面已經有放男士等緊，點知出爐得四串，位男士都只敢拎一串八點幾個師傅又係放棄左繼續燒。其實串燒根本都唔值錢，唔知點解都係限量到咁食到九點幾，涼粉都食到見底勁誇張菜又係無refill咸野無野岩食唯有食甜品，點知排到我又係無晒

午市自助餐有折，於是安排一家人去跟家姐慶祝生日。疫情下仍然有很多人，有折關係吧！可能折扣關係，可以選擇食物比較不是貴價那些，海鮮只有阿拉斯加長腳蟹蟹腳、蜆、青口、蝦.... 當然他們的一向甜品選擇比較豐富，即整pancake不錯。甜品外，主食一般。而極度失望同埋從來未見過一間酒店咁渣的是生日安排，預先告訴他們有人生日，叫他們整一個生日祝福語牌，平日酒店會拿一件甜品然後把生日祝福語放在甜品上。結果他們只是把那個生日祝福語的牌放在白色的碟上，我們全家看見都覺得非常震驚，很難相信酒店的 presentation 會是這樣，同埋這個祝福語牌是收了$30 ，可以想像是一間星級酒店會這樣送上。還有牌上漏了家姐的名字 😣😣😣。不會再幫襯的酒店餐廳*相片中是我們自己加了芝士蛋糕放上生日牌，可以想像只有一個生日祝福語句牌就咁放在白色碟上的樣子嗎