雙辣 (已結業)

川菜選擇好豐富，價錢都算幾實惠😆水煮牛肉片 $120水煮牛肉可以話係傳統嘅川菜系列，而川菜基本都係麻辣香味濃烈，呢道菜更加係有川味火鍋嗰種麻、辣、燙風味，牛肉片係用熱湯燙熟，所以先叫做水煮牛肉，咁作為主料嘅牛肉片當然滑嫩多汁啦，配菜仲有芽菜、萵筍同寬粉等等嘅材料，味道酸辣鮮香，秋天/冬天食就夠晒暖笠笠😚剁椒黃花魚 $88黃花魚係深海魚，所以肉質會比較細嫩，清蒸就啱晒啦，而且佢嘅刺都比較大條，食起上嚟都唔會太擔心會卡骨，啱晒我呢種唔鍾意/唔識吐骨嘅人食，而剁椒醬方面都夠晒香辣美味，但又唔會搶走魚嘅鮮味😋胡同酸辣湯 $68(小)酸辣湯勁足料，有肉絲、筍絲、冬菇絲、豬紅等等，真係每啖都好豐富，同埋好有口感，而酸同辣嘅比例亦都啱啱好，雖然話(小)，但份量都好多，足足分到幾個飯碗仔嘅份量😱蔥油萵筍 $48萵筍絲色澤淡雅，清香爽口，涼伴蔥油就啱晒啦，口感脆脆地好過癮🤪裝修都幾古色古香🤓

🌶️雙辣朋友話想食辣，行到Go Go Mall見到有lunch set，就決定試吓😂巴蜀口水雞飯 $52雞肉睇樣都知道好鞋，似係雪藏雞，完全冇雞味🤮口水汁淨係得種辣油既味🌶️四川擔擔麵+鎮江小排骨 $50擔擔面徧重花生味，湯幾濃，都幾辣🌶️排骨凍嘅，有4-6粒仔，偏甜欖菜肉鬆四季豆 $48唔辣，四季豆炒得啱啱好，但肉碎徧鹹，一定要撈飯一齊食蔥油海蜇頭 $16海蜇爽口，但蔥油味唔出，好似水咁花雕雞翼 3隻 $16雞翼好入味，皮脆肉唔會好實，正常發揮🤫豆漿、可樂 跟餐送3個人埋單$182口水雞係勁失望既，d雞都幾難食😅我諗川菜既口水汁應該就唔係佢呢種淨係得辣油擔擔麵同四季豆叫到正常發揮啦🤫小食+$16 都算合理，呢個價錢仲包豆漿汽水算抵既🤭單叫個d我就唔敢食啦，個口水汁都整到咁😅糧尾行過都可以試下既🤪淨係食午市套餐好啦🙏🏼

平日放工後和朋友來到呢間位於雅都Gogo mall food court雙辣，店舖位於較入位置，聽到不少人叫外賣食。座位寬敞，裝修中式懷舊風格。店舖採用環保落單，用可擦粗身筆寫底菜號同件數。酸菜魚$142：表面佈滿芫茜，配菜好多，有不少芽菜、酸菜，仲有萵荀，底下有好多薯粉，索晒湯汁。湯底偏酸微辣，喝起來感覺健康不油。魚片切得薄身，魚肉好滑身又冇骨。學朋友加酸辣魚湯落白飯食，碗白飯真係裝得幾高。干鍋配料四份起，點了麻辣小辣加入雞腎、豬腩肉、牛柏葉、金針菇、雞軟骨。表面好多辣椒條同麻籽粒，仲有紫洋蔥同蒜頭。自己最鐘意牛柏葉、金針菇，因為好入味又夠爽口。朋友就鐘意雞軟骨同雞腎，貪夠晒嚼口。有幾次都不小心咬到麻籽時，刺激舌頭，忍唔住叫枝豆漿解辣。

同同事黎Gogo mall食晏，想食辣野就揀左黎雙辣，好好彩有卡位坐，個位幾濶落呀。無黎一排，多左烤魚同雞煲喎，不過晏晝都係點午市套餐，快靚正仲唔使加一添。飲品自己就叫左罐忌廉，同事轉左特飲柚子疏打，幾香柚子味，不過甜好飲喎。另外兩位就要左豆漿，支裝上，寫住香港製造同無防腐劑喎。點午餐可以優惠價加小食，加左一份江南油炆筍，甜甜地嘅醬油味，筍爽口，雖然有幾條老身左有渣，但大部份都係嫩口嘅，好食。仲加左花雕醉雞翼，上枱時好有酒香，雞翼都好入味唔錯呀。同事叫的雙辣招牌炒飯，超大碟，真係超大碟～有雞肉，辣椒，花椒等同炒，炒得香口乾身唔油膩，辣辣麻麻好惹味，好好食呀。自己點左尖椒爆炒肥腸，尖椒意外地唔辣喎，肥腸堅肥好有咬口，正。同事叫的招牌香辣干鍋一人前，揀左腩肉，午餐肉，炸蓮藕片同萵筍，辣度叫了小辣，個人覺得唔夠辣啦，同埋個底好油同好鹹，唔知係咪師傅失手呢，上次黎好好食㗎。最後一個點左時菜炒牛肉，唔食辣嘅同事都有野啱食㗎，唔使驚。牛肉嫩滑，重蒜味，時菜係菜心黎，好食。我自己個份轉左菜飯，菜好爽喎，飯係粒粒米唔爛，最正係熱辣辣，熱飯特別香口。另外就係普通白飯，同事問使唔使裝到咁大個，質實曬冇虛位

同老公喺附近睇完戲已經係傍晚了 近近哋揀咗戲院隔離嘅雅都商場開餐 商場內一樓有好多食肆 除咗有譚仔之外 亦都有一個好似food court嘅地方 裏面開咗林林總總的小吃店 全部係自家小店 食啲嘢都幾有特色㗎不過我就唔係好鍾意food court嘅形式 所以我揀咗雙辣 佢嘅門面同內在裝修幾得意㗎 幾有古色古香嘅風味雙辣開宗明義係食辣嘅地方 以川菜為主 有各式各樣嘅干鍋，餐前小食，小炒，水主系列，仲有酸菜魚、烤魚、雞煲 等等香辣雞煲$168(半隻) 揀咗小辣 小辣已經好辣 食到我老公個頭出曬汗 食得辣又鍾意辣嘅朋友仔一定鍾意呢間餐廳天氣開始轉涼食雞煲就最適合不過 一路滾住一邊食 暖笠笠 雞煲面頭放咗大量芫茜 芫茜控至愛 香噴噴粟米都幾甜 隻雞唔算好大隻 但係啲肉都算幾嫩滑 而且冇乜多餘嘅脂肪 啱曬我呢啲怕肥又鍾意食嘅人炸支竹吸曬味 辣勁十足 超刺激老乾媽炒蜆$98 感覺有啲似豉椒炒蜆 蜆肉唔算好肥 但係冇沙已經好好 雖然肉少少 但總算鮮甜尖椒爆炒肥腸$80 好有鑊氣 間唔中食到粒粒辣椒核 辣得過癮 這種天然辣味我勁鍾意肥腸彈牙有趙口 咀嚼嘅時候有種回彈效果 好吃非常

耐唔耐就會想食下啲重口味麻辣野🌶今日就黎到屯門試下呢間川菜記得以前呢個商場係好噏耷 依家竟然有個小food court- 水煮牛 $120 其實午市餐牌都有水煮牛麵揀 但兩個人食比較想試下一大鍋 食得滋味啲👅牛肉都幾嫩幾大塊 其實我係比較鍾意食薯粉但佢既粉皮都唔差 而且份量都幾多初初開始食都有少少比啲辣濁親 但愈食就愈過癮 花椒味好重🥰好開心佢仲有萵筍 好爽口好入味！- 四川擔擔面加鎮江小排骨 🍜 $50另外就叫咗個午市套餐 免加一都幾抵食擔擔麵花生醬好多！但食落去未至於好濃郁 唔會太漏- 蔥油海蜇頭 $16呢個係跟午市套餐加嘅小食 全部都只係$16而且好好食！好有咬口勁開胃 會忍唔住係咁食🤤總結味道都幾好又抵食 值得一試☺️不過覺得就無咩服務，侍應比較cool😂

店舖位置難搵，在food court內，香辣味獨特，午市套餐平人均消費$50-$70，晚餐價錢一般人均$200-$300，同樣價錢有好多選擇，唯一係要受兩名女侍應西面。

呢間之前妹妹介紹我食，但因為住九龍區對我來講實在太遠啦屯門，所以一直都冇機會是，直至今日妹妹男朋友好好人呀，特登由觀塘外賣過嚟彩雲俾我叫左份中辣毛血旺。一試難忘呀，價錢仲好平，先$108，外賣都好大份，夠2-3人食，正毛血旺裏面材料有：鴨血十幾至廿片，薄切，好滑，但size真係好細片，吾夠喉，同埋感覺分量吾多萵筍幾片，分量太少，吾夠食魷魚幾舊，口感辣鮮爽口午餐肉幾片，入味，但煮到梅梅地牛肚幾舊，爽口豬大腸1-2舊，煮到好淋，無左大腸既口感，一般大豆芽大量，入味爽口涼皮大量，吾無薯粉既煙韌彈牙，而係爽口既似涼皮，口感都幾特別總結：價錢係超抵，外賣無加一，比出面平$20-30整體份量係多嘅，但係每樣嘅份量都係得幾舊就比較少，吾係好夠喉味道係正宗既辣，岩哂鐘意食辣既我，但真係越食越辣，屋企人唔係好食得辣就爭少少，唔係好頂得順嘅如果開返間係九龍區，我諗我會成日光顧

屯門食辣餐廳不算多，有質素有正宗嘅就更加買少見少🤣🤣今天雙辣算是喺屯門最喜歡的一家了地方就腳，座位亦算多，除了大卡位，仲有大圓枱添，仲有生啤、紅白酒😍😍可惜揸左車，唯有王老吉😂😂蟹籽粉絲明蝦煲 好有驚喜，大蝦🍤爽脆鮮甜，大大隻！粉絲夠乾身，食到底都無油👍👍水煮牛肉小辣已經好辣😏😏又麻又辣，合我口味，仲有大量寬粉。芽菜，份量很多呢.四川回鍋牛肉片用椰菜炒，牛肉嫩滑，惹味之選👍👍辣子雞軟骨送酒一流，爽脆麻香，上粉炸得脆卜卜總括很不錯，價錢大眾化，口味正宗😝

雖然踏入左10月，但係天氣都仲係好悶熱，成日都冇乜胃口，今次就約埋朋友一齊去食啲辣野，出返身汗，開下胃！記得之前係新墟有間比較正宗，又坐得舒服嘅川菜，就一於去呢度食裝修比較懷舊，行啲古色古香嘅風格食物選擇都好多，除咗有水煮，干鍋，仲有雞煲同烤魚等等嘅選擇，難為左有選擇困難症嘅我🤣🤣淨係揀食咩都揀咗好耐食川菜一定要食返個水煮系列，我哋今次就揀咗食水煮魚，冇辣度選擇，但係食落都唔算太刺激，非常香嘅花椒味，都係一般小辣左右嘅辣度有啲份量都好多，而且仲有好多薯粉，唔需要特別叫飯都可以孜然牛肉覺得最有驚喜，未入口已經聞到好香嘅味道，而且牛肉份量好多，蒜芯亦都炒得非常入味，下次來會encore四川擔擔麵比一般食開嘅多一個麻辣香味，最適合食辣嘅人士，因為加咗辣，中和左花生醬嘅油膩，食晒成碗都唔覺得Heavy青瓜小食都幾開胃，整體各樣表現都唔錯，性價比都幾高，連埋飲品人均150左右，下次會試一試干鍋同烤魚

久違黎到屯門一於食下啲非連鎖到爆嘅食肆拉，見放假唔怕就食麻香辣全包嘅川菜。黎到啲川菜館總有種去左古代嘅感覺，餐廳環境好有氣氛，掛滿傳統燈籠。🔷自選干鍋 💰181(香辣鍋底、小辣、肥腸、鮮魷、秋葵、豆干炸蓮藕片)自選干鍋岩哂要求高高，鍾意自選配搭嘅人。茜控緊係對個賣相深表滿意，香辣底當然夠香夠辣而唔係得個麻字，小辣對好多人黎講真係岩岩好夠凸。肥腸同鮮魷夠爽夠韌，而豆干同炸蓮藕片就係干鍋常客，非常正宗同食到好夠候。🔷酸菜鮮魚片 💰142酸茶魚呢個價錢係好親民，魚片夠滑無骨，即刻搵到都係大骨。配菜有芽菜，入到個酸酸辣辣嘅味，相信會有人飲埋個酸菜湯添。🔷涼拌麻辣脆海蜇頭 💰68海蜇頭份量一啲都唔少，脆脆爽爽又好清涼嘅一道前菜。

雙辣 (屯門)第一次過嚟屯門雅都商場、原來呢度咁多嘢食，全部都係平民野，零零些些比我搵到一間裝修唔錯嘅川菜館。 有雞煲、酸菜魚、 等等咁嘅酸菜，都好多人食雖然佢個位置好入。特別係推介佢個蟹子粉絲明蝦煲，勁多大大粒嘅蝦球，個粉絲好彈牙入味，呢個好想再食多次！我叫咗奶油高山菜。服務：服務好好，坐得舒服，一家大細都可以試吓，試吓佢嘅酸菜魚味道👅: 7/10地址：雙辣 (屯門)屯門鄉事會路112-140號雅都商場Go Go Mall1樓S73號舖人均消費💰：$60-150

心血來潮想食辣嘢😂 係雅都商場見呢間餐廳幾吸引，就試試佢啦~🥢水煮飄香毛血旺 $118水煮湯夠晒麻香辣🔥，入面有鴨血 牛肚 牛柏葉 豬大腸 午餐肉 窩筍 粉皮 芽菜，吸收左啲湯汁，夠晒惹味過癮👍🏻🥢重慶辣子雞丁 $80一上枱見到有好多辣椒，仲驚太辣食唔到，好彩食落辣度只係小辣🤣 雞丁香辣入味，食落幾juicy，唔會話好乾身~ 🥢香酥椒鹽鮮魷 $98鮮魷好大舊，食落軟身唔會韌😙 炸粉夠薄夠香脆，個人覺得如果椒鹽味重返小小就更好啦~🥢手拍青瓜 $40食辣野配返碟手拍青瓜，解辣又開胃！🥰🍹青檸梳打 $26🍹西柚梳打 $26

同朋友仔睇完戲 決定係附近商場覓下食 一入商場就見到food court 就係諗緊食咩個陣 朋友仔指住咗呢間問 食辣野好無雖然我唔太食得辣 但辣野真係好難抗拒 見到餐廳門口設計到咁靚靚 一於試下佢〰️〰️〰️〰️水煮毛血旺一上枱 見到超級大兜 而且啲配料超足 有鴨血 牛柏葉 午餐肉 牛肚 肥腸 芽菜 萵筍 粉條 最抵讚係鴨血有好多舊 朋友仔話粉條超正 索曬啲精華仲滑捋捋 食到最後仲要係到搵啲bb粉條仔 所以極度建議加粉條 成個毛血旺 4個字形容 又辣又麻❤️‍🔥 雖然我唔食得辣 但真係好惹味好過癮 下次嚟都要再嗌！〰️〰️〰️〰️巴蜀口水雞口水雞份量正常 兩個人share就啱啱好 雖然呢間餐廳主打食辣 但呢個口水雞辣味好溫和 酸酸辣辣 好開胃 雞嘅肉質唔鞋 而且食一啖已經食到陣酒味 無諗過酒同口水汁咁夾😋 食食下發現 原來呢間口水雞無花生 私心覺得加埋花生就更好啦〰️〰️〰️〰️辣子雞軟骨一上枱見到滿滿嘅辣椒 我表示驚驚 但點知食落唔係超辣 好香口 雞軟骨份量超級足 而且有少少雞肉包住軟骨 口感好過癮 雞軟骨先炸後炒 但完全無變淋 加上用咗乾蒜 孜然粉炒 食落好香口 送酒真係一流 忍唔住一粒接一粒咁食〰️〰️〰️〰️酸

又來呢間屯門雙辣🌶，之前都嚟過幾次，最喜歡他們的酸菜魚🐟❤️👍🏻！不過今次同朋友嚟食佢哋嘅小菜，味道都唔錯，值得推薦！👍🏻📌螞蟻上樹🌳$70相當惹咪，調味濃郁，輕微香辣，喜歡他們吵得夠乾身，粉絲軟硬適中，相當入味😋📌黑醋小木耳🖤$40黑醋香濃，酸味清香，清爽開胃，配合西芹，夠晒健康📌鎮江糖醋小排骨🐷$60超喜歡這道餸菜‼️濃郁入味，最喜歡他們排骨不會太肥，食落完全冇負擔，健康好吃😋❤️👍🏻📌紹興酒糟醉雞🐔$64最喜歡這個冷盤，他們的雞夠厚肉，酒味清香，好好吃😋📌孜然香辣牛肉🐮$80牛肉配孜然是這般和諧美味😋，蒜心清爽清香，牛肉夠嫩，配飯一流😋👍🏻📌上湯拉麵🍜$28湯頭清香清澈，味道濃郁，拉麵彈牙，口感相當好👍🏻👍🏻📌豆漿🥛$10飲品有汽水和酒類，不過我們最想飲豆漿😋👍🏻，味道唔錯，唔會太甜