雙辣 (已結業)

雖然我唔鍾意食辣野，但都同朋友嚟咗呢一間食中菜嘅餐廳，而且超級抵食！雖然鍾意食辣野，但係餐廳都有唔少唔辣嘅菜式選擇。呢度有平時上深圳會食嘅鱸魚，亦都有有干鍋食！！勁吸引，就算我冇咁肚餓，我都嗌左好多嚟食。上次我哋嗌左呢一個醉雞最值得讚嘅係，佢啖啖肉，俾咗雞脾為我哋，食落去好有酒味！呢個菜式食落去酸酸甜甜咁，好入味。而且啲肉都好多同，骨嘅比例差唔多。呢一個椒鹽魷魚，份量超級多。隔離枱見到都忍唔住嗌左過嚟食🤣🤣佢雖然炸過嚟，但係一啲都唔油。呢個干鍋真係超大碗，入邊我哋嗌左牛肉、芽菜、大白菜等等。入邊亦都有花生等嘅配料，食落去勁好味，而且唔會過咸。

好一陣沒有來到雅都商場了，翻新後食店多左，二樓有個大型food court，但座位不多，主要都係做外賣。行到最後見到雙辣，朋友一向嚐辣，咁午餐就決定食佢啦。午餐五十元左右，一餸一飯連飲品，價錢抵食。餐廳環境也不錯，幽暗寧靜，適合傾偈聚會呢。自己點左涼瓜炒牛肉，即叫即炒的啊。色香味俱全，牛肉嫩滑，涼瓜爽脆帶少許苦味，連同醬汁一起正好下飯。朋友點的四川回鍋肉，賣相不錯嘛。同樣即炒熱辣辣，五花腩甘香，椰菜青椒脆嫩，醬汁較接近豆瓣醬，微辣帶甜味，同樣很好下飯呢。另外的一位點了酸菜魚片湯麵，意外的等得耐呢，湯頭也是即煮的！魚片十分嫩滑，無骨啖啖肉。麵條有咬口，份量仲好多添。湯頭偏酸少辣，嚐辣朋友覺得唔夠辣，我就覺得啱啱好了。仲點左自選干鍋～要左麻辣羊肉片肥腸炸蓮藕片雲南花菜，睇見都流口水了。滿滿一盤，超級香，誠意之作喎！羊肉片好嫩，少許羊羶味正啊～肥腸有咬口，清理乾淨無異味，蓮藕花菜係瘦物嘛，正好平衡一下肉類同油份。要了少辣，哈哈，都係個句，朋友覺得唔夠辣但我就啱啱好，間中食到花椒八角等好麻㗎，好味好味。午餐餐飲可以選汽水或豆漿，豆漿賣晒，要左可樂同忌廉，夠哂冰凍好正，如果唔想飲凍，可以同店員問

今天天氣有點焗熱，焗到胃口麻麻地又懶得煮飯，於是就去雅都商場的一樓美食廣場探索下。.入面餐廳真的很多，不過我就揀了坐得最舒服的雙辣，入邊有卡位坐，裝修很有中國庭園風，很適合一家大細來吃。.我和媽媽兩個人就叫了兩個餸及一個白飯：烤魚（鱸魚）及京醬燒茄子。.烤魚（鱸魚）- 很懷念到國內食烤魚的日子！估不到原來在屯門這裏都有得食而且價錢合理味道十分滋味！鱸魚一整條上，十分新鮮食到有鮮魚的鮮甜，條魚都好大隻啖啖肉。而且烤魚內有很多不同的材料，包括寬粉、粟米、芽菜、木耳、蒿荀等等，所以我和媽媽叫一個飯兩個人分都好夠。而且湯底酸得好開胃，本身以為咁大條魚食唔晒，點知越食越好食、越食越開胃，神奇的事情發生了，食得一乾二淨！.要食得健康所以就叫了一個蔬菜。這個京醬燒茄子，賣相已經告訴你十分的惹味，不要被他的紅又嚇怕其實他不算很辣。而且燒得很香加上點點肉碎，我和媽媽都不禁食完又食.......相信在這美食廣場，坐得最舒服又好食的就是這間雙辣了，如果想食平啲，見到有外賣自取優惠好抵食。

小妹呢排去多左屯門第一次經過雅都商場 原來商場重新裝修過 改名為Go Go Mall 入面有好多餐廳同小食店同🐨 lunch 入去穩下有咩食 見到有間食川菜 都幾多人食 就入去試試由於🐨唔係好食得辣 今次全部都係嗌微辣🌶酸菜鮮魚片 $138小妹私心推薦✨級數好高🥰魚味夠哂鮮味😋最正係每一塊魚片都好滑唔會起榨🤤裏面仲有小妹最愛嘅寬粉配埋香香酸辣味😍又滑又彈牙再加埋萵筍 同埋 芫荽😋唔怕有油膩感🥰全個鍋酸辣味都好平均❤️忍唔住嗌多碗飯送酸菜魚😌午餐A 招牌香辣干鍋（一人前）$55Lunch都可以嗌lunch set🥰幫小妹銀包留番啲命根🙇🏻‍♀️干鍋有8款菜式 可選擇其中4款❤️豬頸肉、雞片、午餐肉、豬皮、牛丸、炸蓮藕片、炸枝竹、萵筍、肥腸、貢丸小妹呢次揀呢4款都好好食😋豬頸肉❤️又香又爽脆😋肥腸💛唔會咬橡筋咁🤤又好入味雞件❤️唔會起榨😋仲有豐富香辣雞味萵筍💛味道香甜🥰又爽口包埋香香豆腐椰菜花🤤全個套餐超抵食😍😍😍😍😍又包埋飯同飲品黃金蝦球 $98小妹今次食嘅黃金蝦一樣好高質素🙇🏻‍♀️❤️蝦味香 同時 好爽脆😋配埋啖啖鬆脆黃金蛋王🤤唔會過鹹 同時 黃金蛋王好足夠😍酸辣土豆絲 $48都幾大碟😍 酸酸辣辣

同男朋友仔行行下肚仔餓，見到雅都有間食川辣既餐廳幾吸引，就決定試試佢。餐廳環境好有中國特色，坐位算寬躺。餐廳主打食烤魚同四川菜，同男朋友諗左陣，決定叫川菜～🔻四川回窩肉味道：8.5/10價錢：$68用左腩肉片加埋紅綠椒同豆腐片一齊炒，非常香口。腩肉片厚度適中，好有口感。而且份量十足，正～🔻水煮鮮魚片味道：8/10價錢：$138魚肉好滑，而且份量都算多。而佢都幾辣下，但辣得黎又算香～ 最最最最既重點係師傅已經幫魚肉起左骨，鐘意食魚同川辣又唔想揀骨既朋友一定要試下呢個！🔻巴蜀口水雞味道：8/10價錢：$68佢雞肉既肉質好滑，份量都算多～而佢個醬汁辣得黎帶啲酒香，食落去個味道幾有層次，推介大家黎呢間餐廳可以試下個口水雞～地址：屯門鄉事會路112-140號雅都商場Go Go Mall1樓S73號舖

今次同朋友去屯門揾辣😍🌟川味麻婆豆腐，辣味適中，而且咸中帶甜，送飯一流🌟雙辣招牌干鍋，好大盆，材料好豐富，好足料🌟水煮魚，有粉皮係入面架，呼吸收曬鮮嘅鮮味🥰

畢竟疫情嘅關係，都有段日子冇得北上食酸菜魚。經過朋友嘅介紹下，原來華都商場開咗一間食川菜嘅小店！我哋一行二人嗌咗一個酸菜魚價值$138酸菜魚有一貫川菜嘅水準，魚嘅份量唔算多，但係呢勝在夠滑，唔會鞋口同埋酸菜嘅味道亦都好夠，下面仲有萵筍同埋寬粉作配料配上辣椒忍唔住帶多咗碗白飯來配酸菜魚😍😍同埋一個水煮飄香毛血旺價值$108相較之下毛血旺只能夠成為我哋嘅第二其實佢都好足料㗎。有鴨血，豆卜，魷魚，寬粉同芽菜麻辣程度令我地要嗌凍飲解辣😗會再來的😙

今日行過屯門開左一段時間嘅美食商場，見到「雙辣」這間四川菜，門口裝修得幾古式古香，見到中午時間又有客飯食，正正想食辣嘅我就唔洗考慮入去試試！唔知是否疫症期間，店內只得兩、三枱客人，但這敏感時期，少啲人可以食得安心啲睇一睇餐牌就決定食干鍋同擔擔麵啦！干鍋可選4款餸，今日就選左豬頸肉，豬皮，萵荀和肥腸跟一碗白飯加飲品（枝裝豆漿）。餐送到見到好多辣椒🌶️，心諗一定好辣餸就大約每款有兩至三件左右，先試一試肥腸，腸好霖，其他餸都好入味，但好可惜唔夠辣喎！有點失望。四川擔擔麵+鎮江小排骨，同樣叫左豆漿。這裡嘅四川擔擔麵同其他地方食到嘅有些分別，湯唔夠花生味，同樣都係一點都唔辣，為何餐牌會有一隻辣椒🌶️湯底傑傑地，甜甜地，味道不過不失，而麵嘅軟硬度就適中。但鎮江排骨就好好味，肉好入味，酸酸甜甜幾正！

食辣野會上癮係真嘅🤭屯門雅都商場gogomall嘅foodcourt有呢間川菜館～入到去要行到最入先見到間餐廳，午市都幾多人食，酸菜魚嘅味道都幾正宗，其他小菜都好抵食，有辣有唔辣，任君選擇😂😂.午市套餐A $55招牌香辣干鍋（一人前）配菜可8款選4款，先$55真係勁抵食，我揀左豬頸肉、雞肉片、牛丸同萵筍，麻味同辣椒香味十足，配菜爆炒得好惹味，送飯一流！酸菜鮮魚片 $138 選用左鱸魚，滑得黎又起晒骨，酸味麻味恰到好處，我平時食得辣所以可以再辣啲，酸菜亦夠爽口，好開胃😚晶瑩剔透嘅水晶粉皮吸收晒湯汁，非常好食😋鎮江糖醋小排骨 $58排骨燜得好腍，非常入味，唔太酸唔太甜，味道啱啱好乾煸四季豆 $68份量非常多，有肉碎去辣椒爆炒，少少微辣，唔係好食得辣嘅人都可以食，不過覺得可以再乾身啲會更好😊西柚梳打 $26飲品正常，糖漿集中係底部，飲前要先搞勻喇

自從屯門雅都商場裝修後，多了很多食肆進場。這間雙辣，門面最特別，古色古香的，很有中國四合院風格。看看餐牌，價錢原來不貴，可以多點幾款試味。京川名菜螞蟻上樹$68。這道菜想當年我在北京讀書時超愛吃，因為名字取得太好，肉碎當成螞蟻黏在粉絲上，就像螞蟻上樹一樣，很可愛。而且吃下味道又煙韌又香口，粉絲也很有飽肚感覺，想當年做貧窮學生，這道菜是我的最愛。京蔥爆炒羊肉$78，羊肉是北方菜常吃的肉類，吃完可以禦寒，羊肉卻一點騷味也沒有，就是因為他們的做法喜歡用京蔥、孜然、香辣等，今次選了用京蔥爆炒，喜歡這裏夠鑊氣，咸度適中，醬汁掛肉超好吃，每一口都充滿鑊氣。涼拌雲耳$38,是開胃涼菜，醋味很香，帶點花雕酒味，味道是偏酸而不辣，喜歡加了西芹的爽口感覺，雲耳除了爽還很滑，真的越吃越開胃。剁椒蒸排骨$68,特別要求了微辣，因為朋友不能吃辣，估不到味道不錯，剁椒調起肉香，蔥和蒜蓉味道輔助，令肉味更香濃，排骨新鮮爽口，估不到份量這麼大碟呢！毛血旺$108,很懷念！在台灣吃過一次就沒有再吃過。這次就來個京川口味，屬於小辣的，見到滿江紅，不吃辣的人就要再減少辣度，因為辣椒乾煮在湯裏，椒香特別濃郁，所以煮出來的食物

天氣開始轉熱，食麻辣出身汗，都幾過癮喎。行到屯門go go mall呢個商場，有超多好嘢食，就搵到呢間雙辣。好，坐低睇吓有咩好食先。巴蜀口水雞，雞肉好滑，有麻辣嘅香，唔會太辣。水煮牛肉片，大大碗好多牛肉片，又嫩又腍嘅牛肉，辣得過癮，仲有四川苕粉墊喺底，吸左麻辣湯，正！四川擔擔麵，麵質爽口彈牙，湯底好濃郁，粒粒花生食落好咬口。老干媽炒蠔蜆，炒得好香，粒粒蜆都好大隻，炒得夠入味。飲汽水、豆漿就係最解辣既。

好耐之前已經知道左新墟開咗個Go Go Mall喎，今日趁住人少少就去試一試！原來大部份都係小食攤檔，我哋就行到最入揀咗一間裝修睇落好古色古香嘅川菜黎食！屯門區好少有咁靚仔裝修嘅地方可以食烤魚！因為朋友唔能夠食太辣，所以我哋只係揀咗一個辣嘅菜式！第一個係糖醋排骨，分量真係算幾多，先$58 ，味道條配得幾好，如果送酒真係一流，食完唔會口乾！呢一碟雲耳朋友大贊個醋調得好好味，我自己平時少食呢類冷盤，但都覺得呢種酸味好入入口，超級開胃！魷魚非常有驚喜，首先份量多，仲要出嚟好有大排檔嘅風味，入口好脆，好想試埋佢另外一個黃金蝦！當然最終嘅主角就係水煮魚片， $138呢個份量，如果係出面食，起碼要Double價錢！我哋只係叫咗小辣，麻比較重，魚肉好滑，個汁拎嚟撈飯一流！

今日嚟到屯門雅都商場食lunch。「雙辣」係一間有四川風味特色嘅餐廳，主打干鍋、四川特色小菜。自選干鍋干鍋的種類、辣度和材料都可以自己選擇，我們就選擇葱爆(走辣)，材料可選4-8種，我地揀左羊肉、雞件、蝦球、雲南花菜、秀珍菇、豬皮。味道就係普通炒小菜的味道，鹹鹹地，加咗蔥蒜同芫荽，增添左香味。雖然有四川特色, 但完全唔會過油~不過重點係好大好大份, 如果一個人食一定食唔哂, 夠一個人食3,4餐, 所以真係幾抵食~~上海湯麵唔好睇佢好似好齋咁, 但依個湯麵好有驚喜。首先豉油湯清清地, 又唔會覺得過淡, 如果唔係咁飽, 成碗湯飲哂都得~ 而且干鍋較濃味, 所以覺得湯麵清清地幾好。麵條係上海幼麵, 食落煙煙韌韌, 但又條條分明, 唔會章住, 煮得岩岩好。唔想食飯叫依個湯麵都唔錯!!西柚梳打雖然知道梳打係勁易整, 但真係好好味! 西柚味幾重, 糖漿都比得幾多, 甜甜地的有汽凍飲, 如何配辣野食會好過隱!!!

星期六下午，我們來到屯門行街，心癮起想食辣野，醒起有屯門友話《雙辣》唔錯，就立刻去食返轉睇下有幾好先。睇見午餐都幾抵食就叫了 椒鹽豬扒配湯麵和豆漿，招牌香辣干鍋(一人前)選4款材料，我選擇左豬頸肉，雞肉， 炸蓮藕片，炸支竹配湯麵和可樂。除左兩個午餐，我們當然唔少得叫左水煮牛肉片，巴蜀口水雞和 京葱爆炒牛肉，呢到菜式夠哂多選擇，如果人再多d，又可以食多幾道菜。水煮牛肉片 ~ 一窩豐富的水煮牛，夠辣入哂味，除左牛正之外，佢下面d配菜好得我心，因全都好吸味的，有薯粉， 大豆芽 ，萵筍。巴蜀口水雞 ~ 配上口水雞的濃郁汁唔辣喎，雞又滑唔錯。京葱爆炒牛肉 ~ 一口京葱夾住滑牛肉，超夾。椒鹽豬扒 ~ 炸過的豬扒配上椒鹽，夠入味。我超建議如果一個人來，可以食 招牌香辣干鍋(一人前)選4款材料，因我選擇左豬頸肉，雞肉， 炸蓮藕片，炸支竹咁其實已經超好下飯。雙辣果然唔錯，值得下次再來食過。

呢間雙辣之前已經食過，但係因為覺得味道好好，所以再一次過嚟幫襯，享受一個豐富嘅午餐。一坐低，我就嗱嗱臨叫咗一個酸菜魚，啲魚肉質又滑又線甜，配上酸菜，味覺好鮮，而且裏面仲有一啲東粉，唔會好林， QQ彈彈，作左酸菜魚嘅湯，味道更上一層樓。我哋仲叫咗一個午餐，就係回鍋肉，十分之夠晒鑊氣，即叫即炒，而且份量又多，配上菜飯，更加覺得健康。我哋仲叫咗一個炒土豆絲，其實就係薯仔，火候夠晒足，而且入口爽脆，酸酸辣辣，十分之開胃。