雞仔去骨海南雞專門店 (靄華大廈)

营业中

休息中

雞仔去骨海南雞專門店｜長沙灣我最喜愛的豬頸肉飯No.1，以前經常光顧，無論午市晚市都好多人幫襯，雖然係海南雞專門店，但我的最愛係豬頸肉，大大力推薦👍🐷泰國特色豬頸肉飯(油飯) $52- 最美味的豬頸肉飯，外皮煎得香脆惹味，肉質柔軟多汁，係好多地方食過豬頸肉，始終都係這間最令人回味😋滷水元蹄飯 $48啖啖肉入口柔軟，味道濃郁唔肥膩，份量啱啱好😋🥣晚餐均送無味精老母雞住家湯，經常飲的是南瓜濃湯，味道清甜。

睇完主耶穌介紹來幫襯。明愛醫院附近午餐時段好多人要等位。無骨海南雞飯套餐油飯唔係好夠熱，油香尚可。個4腳趾托盤好趣怪。3種醬料都做得好值得逐一品嚐。最左面個拍黃瓜前菜亦都相當爽脆新鮮兼醒胃。例湯湯料有雪耳南北杏和椰子，冇味精但略嫌太鹹。油菜菜心唔係用蠔油，店員話係滷水汁，比蠔油好味得多了，值得一試。奶茶未到名氣茶餐廳水平，明顯有澀味唔夠順喉。但係精髓在於雞。一半雞髀肉一半雞胸。雞髀肉雞味十分濃郁，皮滑而不油膩。就算是雞胸肉雖然雞味沒有雞髀肉香濃，但也十分嫩滑而不起渣。簡單講是極高水平的雞，高度推薦！堂食環境佈局合理，防疫隔板設置認真，總體感覺十分舒適。雖然我這份餐的份量沒有主耶穌在片中的大，但始終食物質素是最重要的。10分滿意的一餐。聽講這裡的元蹄亦十分出名，下次必定一試。

👍🏻招牌海南雞配油飯 $54雞肉嫩滑，雞皮唔算薄，皮與肉之間有雞油啫喱，雞味好香濃😋👍🏻去哂骨啖啖肉正呀😆！油飯無乜味淡左啲，飯粒偏硬估唔到有幾粒青瓜做配菜，酸酸辣辣咁，清下油膩😌味道：8/10性價比：8/10-👍🏻金沙香蒜雞配油飯 $56係海南雞上鋪左一大堆炸蒜蓉，咸咸地好香口用嚟撈飯一流🤪！不過味道濃左啲，稍為蓋過左啲雞味🤏🏻味道：8/10性價比：8/10-📍#雞仔去骨海南雞專門店長沙灣元州街493號靄華大廈地下1號舖#hkfoodie #foodiehk #hkfood #foodhk #hkeat #hkrestaurant #美食 #香港美食 #外賣 #平食 #窮遊 #打卡 #香港打卡 #情侶好去處 #拍拖好去處 #長沙灣 #長沙灣美食 #長沙灣好去處 #長沙灣打卡 #海南雞飯 #海南雞 #雞仔海南雞 #雞仔

今次叫咗個二人餐🙆🏻‍♀️包左半隻海南雞，豬手，油飯，例湯同埋菜🥰無骨海南雞🐥去埋骨嘅海南雞啱晒我呢啲懶人，啖啖肉😆就算雞胸位置都幾嫩，一啲都唔會柴㗎🤤另外仲會配咗少少青瓜同埋三種醬料，好好食❗️滷水元蹄🐽滷水好入味😚尤其是層豬皮🐷不過整體偏鹹少少，配埋油飯啱啱好油飯🍚好香雞油味，仲撈左啲乾蔥，食起上嚟冇白飯咁寡😋我哋三個人叫咗一個二人餐都夠飽😛埋單$186，晚餐嚟講好抵食👍🏻

食完價格高昂的Grand Cafe海南雞飯, 來到長沙灣的雞仔海南雞飯, 七十多元吃到一份海南雞飯還有一碗肉骨茶, 還有一碟油菜, 這個份量連晚餐也相當夠. 先說肉骨茶, 是馬拉藥材風味, 味道甘而不苦, 排骨有三大塊, 份量也不少. 它的八角份量頗多, 喝起來其甘香甚為揮發, 甚為特別.海南雞飯的雞件肉質彈牙, 皮和肉的雞油豐富, 比較切港式切雞的風味, 雞飯油香一般, 反而上面的乾蒜在平時的海南雞飯也比較少見, 好處是為飯身提供脆口的口感, 但其濃烈的味道亦影響了油飯本身的原味. 食材配搭上見到它的心思, 但結果而言有些配搭比較怪, 當然功能性而言這已經足夠.

在長沙灣工作多年，竟然要睇亞蘇嘅YouTube 先知呢間正野，今日終於有機會試吓。叫咗個雞仔招牌海南雞，配住家湯同油菜。個湯係粟米南瓜，足料夠火候，唔係水汪汪。海南雞到了，份量好多，雞翼連雞胸差不多四份一隻雞，五六十蚊個餐，使唔使咁抵食？！D雞目測相當油潤嫩滑，食落真係滑溜嫩口，啖啖油香，感覺應是浸到剛剛熟，所以口感先咁正，隨雞附近四個醬料同醃青瓜，梗有一款啱你口味。要一讚嘅係個油飯，甘香而不油膩，成碟食到照曬鏡，正！環境7/10服務7.5/10食物8.5/10衞生7.5/10回頭率9/10

睇完亞蘇係You Tube介紹既平靚正好好食海南雞店，今日終於的起心肝由港島遠征長沙灣黎試吓。好彩我地到達時間下晏5点半仲大把位，餐牌套餐選擇好多。有1，2，4人套餐之類，啱唒D咩都想試吓既人。因為我唔食米飯，所以決定要1人招牌海南雞飯搭肉骨茶，再另外散叫豬頸肉，半隻元蹄同郊外油菜。先上肉骨茶，多料藥材味濃真係好飲。最好食係個豬頸肉，肉質嫩不乾身，個邊位仲燒到脆脆地有少少甜味，我自己覺得好好食。元蹄炆得好淋，外皮好夠味，都中間部分的肉質唔係好入味，不過正體都係好味。個海南雞嫩滑有雞味，但因為之前食過太安樓既海南雞有比較，所以我覺得2者係平分春色。最後2個人嗌到成台野食都先係$205蚊埋單。CP值高到不得了。

假日百無聊賴，逐行行街接下地氣。眼見飯鐘已到，還想唔到食d咩。突然間想起附近有一間海南雞飯，幾次想去都未去過。鋪面個logo醒醒目目，堂食需要測體溫掃安心出行碼。無骨海南雞味道正宗，嫩滑可口，配送三小碟沾料，口味略微不足，個人喜歡薑蔥多點。油飯香氣可口，飯粒分明有油嘅甘香之餘，不會油淋淋癡嗮口。肉骨夠爛，不油膩。店鋪不算大但係乾淨企理，睇得出用心經營食材之餘，用餐環境也很用心。不錯的一次用餐體驗。

呢間海南雞飯好出名，都有幾間分店，價錢親民，連阿蘇都推介。我食招牌海南雞飯，可選配油飯或白飯，仲有三款醬汁跟埋（薑茸，甜豉油，辣椒醬）。雞肉嫩滑，雞皮爽，每個套餐都附贈住家湯，每次黎都唔同款，每款湯我都鐘意飲。

行過見到門口幾多人，就入去試試，見到一個餐有齊海南雞及肉骨茶，即刻叫這個。肉骨茶海南雞飯set 77蚊一次過享受。前者足料，正！飲完成身暖笠笠☺️ 後者啲雞好滑好好食，油飯一啲都食唔出油膩感，真心正😍一定會再食🤤

晚餐黎左食招牌海南雞飯， $55一個餐已經包左湯，仲要個湯係足料好飲！！講下個海南雞飯，佢啲雞皮係顏色好黃色澤好靚，跟住啲雞腳好嫩口，好Juicy唔係乾柴柴，跟住有三個醬汁，其中黑色嗰個係甜甜地好似好蠔油咁樣，好好下飯！每一個醬都好足料！唔係求其俾少少，咁平食左咁好食既雞！好推薦！

今日去咗雞仔食海南雞飯, 中午繁忙時間必要排隊, 最好1215前到達 便可直入本人選擇午餐A1招牌海南雞飯 $53, 滑捋捋的黃油雞, 肉質滑, 無骨, 無雪味, 可惜雞味欠奉, 不過配點它的招牌3種醬汁(尤其薑蓉) 也可消滅整碟飯😏😏可選白飯或油飯, 跟配靚湯或熱飲一杯本人推介選擇靚湯一碗, 真材實料 完全冇味精. 今天是木瓜雪耳豬骨湯, 亦相信有大量雞殼一齊煲, 所以非常美味😋👍👍每次靚湯款式也不同若然你是細食者 可以選A2招牌海南雞飯 $47, 份量比A1餐少小小＆沒有前菜青瓜若然你是胃口較大, 可以選擇B1一人套餐 $63, 比A1餐多了一碟油菜&一杯飲品

睇完亞蘇視頻就去左呢處覓食，見有海南雞飯套餐及肉骨茶套餐，就每樣叫咗一份話咁快，海南雞飯餐已經到送，我哋叫佢比雞翼, 會嫩啲，雞嘅size適中，唔會太肥，好香雞味，但係其中有啲位唔係太熟，所以就放咗入去個湯嗰度灼，整體來講不過不失！但未去到好好吃的水準呢個係肉骨茶套餐，其實我係從未食過肉骨茶嘅，呢碗骨茶胡椒味好重兼幾辣，湯裏面有四件排骨但D排骨質地非常之鞋及冇乜味道，餐跟埋一個油飯，油飯好乾同埋好痴牙。整體來講海南雞飯屬於平平水準而肉骨茶就不算突出🤔今次阿蘇嘅評語高左D，實質食品係末去到好嘢水準！🥺

小編夜晚辛苦完一輪工作之後，打算同朋友一齊去長沙灣搵野食😊，因為小編發現無乜點去過元州街到食飯🍴，今次就專登過去搵美食。而小編無諗過自己已經太夜過去😟，大部分餐廳都已經last order左，正當已經無哂野食之際🤯，見到遠處有間仲未關門既餐廳係食海南雞飯🍗，小編就唔多選擇，決定試下呢間「雞仔去骨海南雞專門店」✨。✦✦✦✦✦✦✦✦✦✦✦✦✦✦🎈A3 秘製口水雞飯 $55小編不嬲都對口水雞情有獨鍾😻，因為非常喜歡口水汁既辣味，加埋雞肉超惹味🤤。餐廳既雞肉大部分都係無骨，不過特別有一舊就有，小編唔知點解🤔。雞肉嫩滑亦無怪味，而且份量足夠，好食🤝。不過小編有個小意見，如果可以將醬汁分別放會比較好，原因係未必個個食客既口味一致，有啲可能會覺得成舊雞肉都係口水汁會覺得太辣🌶，有啲可能覺得太濃，如果可以先分開放再點醬，感覺比較好🔥。✦✦✦✦✦✦✦✦✦✦✦✦✦✦🎈A7 雞仔燒豬頸肉飯 $53燒豬頸肉加上泰式酸辣汁，好開胃👅，而且豬頸肉有成十幾件，非常多。如果只係食豬頸肉既話，味道可能會好單調，而且燒出嚟既味道唔夠出😬，但燒出嚟既豬油又變得香口無比，而點上醬汁之後，味道更加濃烈，越食越滋味🤲。✦✦✦✦✦

話說有次朋友仔話長沙灣附近有間海南雞幾好味😋又抵食！結果食完真系無後悔去到😗——————————————————————#招牌海南雞飯 $53海南雞食過好多次但係呢間嘅海南雞除左價錢抵之外，d雞堅系又滑又嫩！佢配既油飯都好香，唔太淋身，好味！好味指數：8.4/10#秘製口水雞 $55雞同海南雞一樣禁嫩滑，而佢既特別就系個醬！個醬平時食開既口水雞味道唔同！佢食落多種風味，醬上面仲灑上粒粒花生🥜好味🤤🤤好味指數：8.5/10——————————————————————📍地點：雞仔去骨海南雞專門店 (長沙灣)長沙灣元州街493號靄華大廈地下1號舖⏰營業時間：星期一至星期日11:00-22:30☎️電話：53777710#美食#相機食先 #海南雞 #口水雞 #泰菜 #長沙灣美食 #cheungshawan #hongkongfood #hongkongfoodie #hongkong #food #foodssss___