雞煲棧火鍋

营业中

休息中

雞煲火鍋專門店 麻辣雞煲醬汁相當惹味香濃足料 食完雞煲再打邊爐 雞件大件多肉 汁醬辣又麻香 好滋味食材新鮮講究 每日返貨 雞子都特別肥美大隻過人 可以吸收晒雞煲醬汁嘅味道香辣惹味魚肉片一樣係新鮮魚 肥美鮮味 放入湯底煮一煮,好快熟就食得 入口嫩又香仲有好多唔同配搭 通常2人食一份雞煲已經好飽 平均消費$300評分8/10元朗媽橫路21-43號地下11號舖

說起元屯天最好食嘅雞煲，必定要食雞煲棧。首先麻辣雞煲醬汁相當惹味香濃、足料。建議可以加牛柏葉、豬粉腸一起炒！豬粉腸可以吸收晒雞煲醬汁嘅味道，超級惹味！第二要介紹的是他們的即炸響鈴，一定要試！即炸出嚟非常香脆，趁雞煲未加湯之前，先放入一條響鈴，吸收雞煲的醬汁，相當好食😋第三樣必試既係牛筋丸。牛筋丸咬開，內裏充滿肉汁，絕對唔會「柴」，相當出色！通常兩人食一隻雞，再加少少配料已經好飽。建議大家要早點訂位，通常星期五六日都好full。而且仲可以預留2樓嘅位置，坐得更加舒服。

6點鐘walk-in去，唔知要訂枱，差啲無得食，好彩職員安排後都可入座，跟住安排樓上坐。環境乾淨，冷氣足夠。員工服務態度好，食咗2個鐘 換咗4次骨碟。雞煲有水準，推介芝士響鈴卷好食。

香港地打邊爐，的確一年四季都打得，只要好夠好味就得。特別係入元朗，因為元朗區真係好多野食。左揀又揀，最後到呢間。雞煲煮到雞肉上晒色，一望落去已經流晒口水。香噴噴！

諗唔到食乜.. 朋友介紹食依間雞煲棧但因為有孕婦同小朋友 我就轉左叫佢個豬筒骨煲打電話叫外賣自取都係半個鐘可以拎一拎外賣嘩～ 點解咁重手既返到屋企打開 湯底連埋料佢都比2大兜我地用左一兜打邊爐 中途加兩次水都仲好夠味 湯底十分濃郁 有胡椒粒調味真心好正豬膶新鮮手切肥牛同牛頸脊都係揀大碟，5大人都有食剩三併餃裡面個雲吞好大粒 裡面原隻蝦超級爽口墨魚滑/豬肉片/水魷正常水準埋單$1128 食材係好新鮮 湯底又好味 真心推薦比大家去試下我6-7點去拎 當時鋪頭都坐滿7成啦

“秘制重慶雞煲(半隻)”($168)“安格斯牛頸脊(小)”($138)每逢冬天都係食雞煲嘅好時節🐔😛呢幾日涼返啲又可以去食雞煲啦🤣之前入開元朗唔知食咩食好搵搵吓見到呢間雞煲棧醒起今年未食雞煲😂即刻行過去睇吓有冇位😆去到大約18:00好好彩比我地walkin☺一坐底即刻落個重慶雞煲先🤤上枱嗰下見到個芫荽山仔即刻心心眼😍(唔食芫荽嘅朋友記得走荽🤣)雞件大大件食落好夠滑☺辣度方面要咗小辣覺得味道岩岩好🌶雖然半隻雞但好夠食😋食完雞煲唔少得嘅緊係繼續打邊爐🍲由於已經食到飽飽地所以只追加咗一碟牛頸脊🐮食落肉質幾嫩滑牛味幾濃絕對值回票價🥰呢間雞煲真心幾高質唔怪得長期爆場嚟之前最好book定位啦😝

最近天氣持續寒冷，由2020年聖誕節起，每隔三幾天，家中便打邊爐，食到有些厭倦～在公司講起，同事介紹這間雞煲，話很好食，雞很滑，唔「鞋」口，有多款不同口味選擇。我亦上網搜尋了推介。因為疫情關係，6點後禁止堂食，買回家慢慢歎！ 今次我試了，全隻雞椰子雞煲，用1個大膠盤載起，比我想像中大盤，打開後果然無令我失望，淡淡椰子香味，配菜也很足料，有超甜粟米和馬蹄，椰子肉也新鮮，煲起來屋企也陣陣椰子香味！另外加了響鈴和墨魚滑，價錢略貴，但貴得來也值得！

🐥雞煲棧 🎗️最近天氣冷...我家已經連續吃了十天以上的火鍋🤣🤣！想想也覺得可怕，但天氣冷就是要吃火鍋嘛，是不是~~~每天就是換新湯底跟加菜，暖又爽！🔸芝士響鈴 🧀+ 牛筋丸🐮因為香港還是晚上6時後不能堂食（餐廳內用），經過火鍋店不點套餐也可以買些單點的帶走，稍稍地支持一下！然後雞煲棧當然要點這兩種，響鈴是即叫即炸，香脆香脆還要再夾著邪惡的芝士~~帶回家讓我媽只打開膠袋一條縫，她一聞就猜出來什麼了（是多愛吃😂）牛筋丸咬開超多汁，也是必吃。➡️往後滑有餐單💲Hkd 58 🧀 / 38 🐮🏡元朗媽橫路21-43號地下11號舖🕟17：30 - 00：00#hkgirl #hkinfluencer #influencer #hkkol #kolhk #foodie #foodiehk #hkfoodie #foodies #香港 #女生 #美食 #香港美食 #元朗 #元朗美食 #美食日記 #美食分享 #雞煲 #香港小店 #良心小店 #黃店地圖 #黃色餐廳 #火鍋 #起司 #芝士 #雞煲棧 #poyeefoodie

這次和幾位朋友都元朗這間出名的雞煲店吃雞煲。我們叫了一個椰子雞，一個重慶麻辣雞煲。兩者比較，個人較喜歡椰子雞煲。湯汁香甜，有濃濃的椰子味，雞肉人嫩滑，配料方面有芹菜和馬蹄、紅蘿蔔等，令我10分滿足。另外麻辣雞煲很野味，雞肉很好吃，但醬汁較稠，不是我個人喜歡的。雞吃得差不多了，加上湯汁，就可以下不同的火鍋配料，牛肩肉脂肪分佈均勻，牛肉味很濃。響鈴也只能下兩三秒就要拿起來，還是脆脆的。我認為最好味的是鵝腸，它很爽脆，美味。

聽同事講呢間嘅雞煲喺元朗好出名，仲係黃店。於是喺重陽節假期前，一早打定電話訂位食煲。準時18:30前已到達門口，當時有一半已入席，大約仲有4張枱咋，所以做足準備係啱！呢到有好多款煲，除了基本雞煲之外，仲有椰子雞煲同胡椒豬肚雞。不過我最期待嘅係烤魚，雖然呢到唔係專食烤魚嘅小菜館，但呢到足足有5款選擇任君選擇！1️⃣水煮魚2️⃣酸菜魚3️⃣奇味烤魚4️⃣野生雜菌烤魚5️⃣泡椒烤魚其實訂位之前已經決定咗過嚟喺食烤魚煲，點知劃好單之後，一名疑似老闆娘嘅小姐話：今日冇魚返！而且做魚煲要整成45分鐘，太耐喇。我媽聽到已經即刻冇心機，黑晒面。最後落柯打改為：胡椒豬肚雞煲，另加手切牛、廣島蠔半打及響鈴。上菜喇！湯底胡椒味唔係好重，內有少少芹菜粟米草菇，雞同豬肚份量都足。即炸響鈴：唔多熱，唔似即炸食咗半個鐘，左催又催，廣島蠔同手切牛都未到。每次阿姐都話切緊切緊。等到燥咗，我又再同疑似老闆娘嘅人詐型。隔離枱遲過我地入座，但係我嗌白鱔片，佢地話冇。但我就見到啲白鱔片去咗佢張枱度囉！我碟手切牛追咗幾次，但係我有見到隔離枱又上得快過我囉。真係忟！廣島蠔：下水煮完之後，蠔個心仲係冰涷。睇嚟啲蠔都雪咗一陣，未解好涷！手切牛：雪花紋路好

天氣凍凍地～最啱就係食雞煲💁🏻‍♀️邊個話雞煲一定要食重慶 又或者辣味雞煲棧嘅椰子雞煲都好好味好有驚喜！識食梗係要👉🏻飲咗頭淡湯先好淥嘢食真係好清甜 好好味每人飲咗一碗 都仲未捨得淥嘢食今次叫咗一隻雞4個人食～食到今次仲食咗自家製響玲脆到唔洗3秒就斷開😚要眼明手快～～撈起先食到～～～仲重要係👉🏻「一碟芫荽呀！唔該！」

這家已經食過多次，真的不能不吃，會食上癮的！明明不喜歡吃完雞煲的氣味，但真的很喜歡這家雞煲啊！雞嫩滑，個人建議小辣便可以，否則會蓋過雞味！打邊爐必點的是即炸響玲...如要點小炒都要碰碰運氣啊！！環境尚算可以、 重點都是雞煲....好吃什麼也是值的..如果要食，記得提早book 位啊！

限聚令放寬左都未同過班朋友出去食飯，今次就一行四人去食呢間黃色雞煲啦😻位置就係朗屏西鐵站附近，十分方便易搵，雖然店舖空間有點逼，但係都無阻我食雞煲既興奮～今次叫左一個麻辣雞煲再加烤魚，一送到黎職員都好貼心咁幫你撈下，同你講要等幾耐，我地仲叫左個啲餸包括響鈴，職員仲高埋比我地知點浸舊響鈴先最好食！真係好nice呀🥰而個雞煲啲雞好嫩口 好入味，個汁真係好好好好正！另外個烤魚都好有風味，我平時唔鐘意食魚都覺得好好食，因為啲魚肉一啲都唔乾，再加埋叫既薯粉落去，超正！無得彈😱勁鐘意食呢到既薯粉呀😍

限聚令時間終於放寛少少，唔駛買外賣，即刻去支持吓黃店！本人覺得位置比較偏遠少少，但不礙我支持黃店。訂咗枱，一去到就有位。係二樓。乾淨企理，員工有禮貌。全晚老細係二樓同食客傾計，仲逐枱問客人啲食物O唔OK。

叫左個2 人餐外賣雞好足料又好味 返到屋企都仲係熱大個大膠兜裝左雞煲同火鍋料 火煱料好乾淨 唔係比爛野你通常打邊爐外賣菜都唔靚 但佢都好鬼靚仔唔會係求求其其咁好值得推介呢個雞煲外賣在家食到雞煲真係好幸福呀