雞煲皇

营业中

休息中

男朋友知我鐘意食雞煲 所以專登搵左間佢食過又好味既雞煲推薦我 今日同佢兩個人就拍住拖去左食雞煲啦。餐廳有分上下兩層 位置好多 ，坐得都唔算逼。我地叫左個細既雞煲 。由於我同佢都唔係好食得辣所以叫左小小辣，但我覺得我可以下次試小辣。想讚一下 ，雞煲唔算好油。雞好滑，啖啖肉。好多雞脾，雞翼位！好正！。配菜都好入味。佢唔似其他雞煲，一食完就想去廁所。同雞無炸過先放落個煲，感覺比較新鮮！而且半隻雞份量都好夠。肥牛係要大讚，好滑 好好味，口感一流又新鮮。而且細份量我都覺得可以，絕對對得住$158而個價錢響鈴就普普通通啦 還可以。但總結就係 好味，物超所值！

環境真係一般，有樓上座，下層好似得4張台。樓上比較大同舒服，服務真係好一般，做又36唔做又36個種。碗筷都算清潔，不會主動俾茶。飲品全是beer,罐或膠樽，沒有特色自創的那種。個麻辣汁好好味！！！呢個可以即吃或煮一煮，內有墨魚滑，新鮮炸，上來即吃，我是炸物皇，所以呢個是我的最愛。評：8/10牛肉一般，性價比高, 評：6.5/10一般，性價比高, 評：6.5/10響鈴一定係現成一盒一盒拿出來，很難吃，林晒 ！Taro片很差，一點都不粉!!!菜籃價點合理來吃是為了招牌麻辣味呢！最好吃第一輪，第二輪要等 。總評:6.8/10

7年前係我第一次食呢間雞煲...真係一試難忘...基本上每次朋友問我想去邊度食雞煲我都會話黎雞煲皇...呢度除左雞煲好食...小菜都好得👍👇🏻金沙魷魚...呢個鹹蛋黃味濃...炸到脆卜卜...👇🏻雞煲...小辣...走芫荽...真係食咁多次..都係叫呢個煲🤣再加湯打邊爐不得了架..落蘿蔔個d索味..好正👇🏻手切牛...呢個牛味好重...我地兩個牛魔王可以食碟大既...肉同脂肪比例平均

講起食雞煲，一定首選呢一間試左咁多間雞煲都係鍾情於佢既雞煲湯底係非常之入味除左雞煲之外，每次來到必食的就係炸蝦多士，無得頂，一食再食既感覺佢既打邊爐配料例如肥牛，黑豚肉同墨丸都係必點價錢適中又食得到高質雞煲

上網睇紅磡雞煲皇唔錯，就開住個Google map去搵,但唔知係因為信號差定咩，行嚟行去都未搵到，但就遠遠已經聞到好濃嘅雞煲味，於是我哋靠陣味去搵，終於搵到啦，係門排左陣就到我哋，一坐低梗係叫左個招牌雞煲先啦，仲有個蝦多士，跟住再叫其他野，海參，帆立貝，魚肚，樣樣都新鮮大隻，贊👍

除夕夜一大班朋友決定一齊食雞煲～於是就揀咗呢間比較交通方便嘅雞煲皇。🌟蝦多士：呢個真係不得不提，唔知佢點樣整得咁好食。本身係因為雞煲準備需時耐啲，大家諗住嗌黎過口癮，點知意外地係全餐最好食嘅其中一樣食物。🌟各種前菜：質素平均，新鮮。🌟雞煲：重頭戲當然係雞煲，同之前食都一樣咁好食，質素穩定。不過次次食完成身都係雞煲味😂洗衫好麻煩。🌟手切牛肉：質素比起其他嗰啲同類鋪頭好少少，肥肉分布嘅位置均勻。新鮮～🌟桶蠔：肥美大隻，有圖有真相因為全個場都好多人，所以講嘢好大聲先聽到對方講乜嘢，如果有埋間房更加正

由於我地係12月31日去食, 除夕日子當然要Book檯啦好在有book檯, 唔係就要排隊,而且我地8個人佢呢到除左雞煲,重有小炒食,食物選擇多元,而且望去格離檯好多野都好吸引我地第一時間order左兩個(隻)招牌雞煲,小辣大家記得如果想食雞煲要早小小叫, 因為佢係即叫即整,,,都要等10-20mins ,然後叫左一堆火鍋配料,食完雞煲食,至於叫左d咩真係不能盡錄,大家可以睇我地埋單張單咁係等雞煲黎既時候,最好就食大家推薦既蝦多士,真係超超超超超好食!! 1)即叫即做熱辣辣不在下話 2)多士夠香脆  3)蝦夠新鮮彈牙 4)每一件都足一隻鮮蝦本身我地8人係長檯,店員超好人, 見大圓檯台客埋單走左, 問我地轉唔轉檯。當然轉檯啦,傾計都方便D MA招牌雞煲味道超濃郁,連配菜都係好入味,如果你鐘意食青椒,洋蔥真係世界級雞肉嫩滑本地手切肥牛(細) X2 8個人一邊一碟,肉都幾靚美國桶蠔,肥美大隻,大家搶住黎食,一碟得5隻(本身叫多左一碟但無落到單而且我地又飽了,所以唔緊要)總括一年最後一個晚餐,食得相當滿足,招牌雞煲好食~ 又唔限你時,店員有禮

聖誕節食咩好！食個雞煲打個邊爐最好！三大兩小食一隻雞是常識吧！招牌雞煲$208，一入坐記得叫左個雞煲先，因為要等四個字。我地食招牌雞煲走辣。有些雞件的骨有些尖，食既時候要小心。雞件煮到十分入味，味道還可以，但不算野味，可能太耐冇食過雞煲。雞煲要食快些，當還有汁而未加水做打邊爐時，可以烚吓肥牛！！本地手切肥牛(大)$208，不算太美味，不過不失。特級桂花蚌$88，腥味極重！美國桶蠔$158，都算大隻肥美，但沒有蠔味。招牌蝦多士，蝦肉彈牙多士脆口。每件多士都十分平均。

雞煲王梗要試下佢既雞煲，平日夜晚早黎無咩人，裝修唔錯，仲有二樓可以同大油煙講拜拜未滿時有卡位坐算係好唔錯，幾舒服同私人下餐牌花多眼亂，簡單講A)雞煲打邊爐，B)雞煲叫小炒，C)魚煱，D) 其他煲打邊爐配料自己揀睇唔切，我叫左招牌雞煲加新鮮牛雜，白飯、萵筍加唐生菜招牌雞煲到！叫左中辣，佢係即炒起既，唔使等加熱就食得，雞滑，夠麻又夠辣濃味既，重慶口味，見到啲配菜都好想食，尤其是莞茜，一大札又鮮又綠，相當吸引如果你識食，雞煲挾牛雜其實係爆正食完好滑既雞，一定要先食，因為再煮就老撈牛雜再大火爆炒，見到都想食超香超正，係真係正到一個點肺個樣好正，點知完全唔諗咬唔到但其他部分係好好正特別牛肚，入味，夾，口感一流去到依一刻，啤啤佢最實際，金威大啤$16支，想點可以選擇叫小菜再食飯，或者加湯叫邊爐料選擇左再叫料，其實淨係叫左菜加萵筍，加埋湯就淥得，係湯唔係水萵筍切條唔太好，無左個爽口感既感覺，但都正都要記下，梗離個三個女人，叫個雞煲走麻，之後話「真係無麻味？不如俾啲花椒油我，爆一爆加入去」，之後一輪入廚教學，又話餸唔係咁廚之後店員神回應：「不如我開個爐你自己煮」，鴉雀無聲正#正雞煲#牛雜必撈#有風格之

昨晚3個女仔，難得一聚，又想食雞煲，去左同事介紹呢間雞煲皇。。。 味道几好，夠正宗。。。先點了必推 蝦多士，估是即炸，蝦味夠濃，多士夠脆。。。再等了差不多10几分鐘，招牌雞煲終於上了。由於其中一個不太喜辣，點了小辣及小麻辣。。辣度3個女仔都好滿意。。。 必推 百花釀油條，真心正，而且不是很多店舖有，算是特別了。。。 wasabi墨魚丸原本几期待，可惜吃過后，墨魚丸皮厚，wasabi味不夠。。

之前係youtube睇到條片介紹雞煲皇，片中佢哋話係最好食嘅雞煲，我睇完就好想去試吓，因為我覺得佢講得出話係最好食嘅雞煲，我估佢之前一定試過一品雞啩。。。。條片又話最好訂位先，話好多人會無位。我又信打電話訂位8點半❨兩位❩。。。。最終去到晚上8點20分左右，無爆場但算多人的❨可能係星期二無咁多人❩，有八九成滿坐。之後叫咗招牌雞煲加豬皮一齊煮，小辣中麻，但嚟到我覺得都幾辣吓，但又唔覺得有麻，一食落口就覺得係花生醬味，而雞肉又"鞋"，同埋佢哋嘅雞件切得好怪，舊舊都三尖八角咁，食得好困難。而且如果介紹條片的人食過"一品雞煲"，我真係想知佢會覺得邊間好食啲。另外再加咗一冬瓜同一淮山，一雪碧，埋單計埋加一$320。價錢平過一品雞，但我覺得一品雞好食啲。

今天接太太下班突然心血來潮想吃雞煲雞煲皇可算是我倆的飯堂今晚很幸運不用等位原來最後一張枱被我們坐了一直都喜歡來這裡因為他的味道調得不好有時和不吃辣的朋友來他可以去掉辣味但仍然香味十足這裡的牛也是一絕不會太薄牛肉味也非常足夠可能生意太好的關係上菜稍微有點慢差一點就餓暈了

今次又係全女班，一行7美女去搵美食，為咗慶祝友人升職我一向對雞煲冇特別興趣，但食完雞雞後，可以＂烚下烚下＂也覺得可以試試！最後由友人book枱，加上友人的Honey已經試了這間雞煲皇多次，十分推介，一於go go go。吃了一半才記得影相，必食招牌雞煲，我地點了全隻真係我食過最好食嘅蝦多士！一般般，味道不是十分出眾。友人八歳小朋友食了3碗，仲不停叫我試，好好味呀！本想留肚唔食，但最後也試了半碗因為友人想吃辣，但已經點了一隻雞煱，怕再點一煱食唔哂，正在猶豫點什麼。點菜姐姐話此乾煱分量不會太多。煱來時，我地有點十分驚訝，又話唔係好大？結果我哋都係食唔晒。友人想吃桶蠔，點了一份有6隻，十分肥大鮮甜，我吃了兩隻，但其中一隻肚內有砂，否則給5星。也點了淮山丶蓮藕丶萵筍，但都忘記拍照。驚喜的是蓮藕，與雞窩的汁十分夾，又脆口又入味！！還有另一驚喜是烏冬，十分十分彈牙，必食，小朋友爭食！

好幾年前，呢間雞煲好有名，食親都要等位，但依家周圍都雞煲，客都自然比之前少左。去到門口，已經聞到好香既雞煲味，但聞比起食更加吸引。我地一行7人叫左兩個煲，一個中辣一個唔辣，唔辣既雞煲預左味道會一般，但中辣亦都唔係好辣，亦沒有麻味，淨係覺有點咸，而雞肉既肉質則鮮嫩入味。另外我們亦散叫了不少配料，價錢中上但份量唔算多，每碟大約每人1件左右，感覺有點貴。魚皮最為失望，雖然脆但唔夠咸又無味。餐廳有電視、座位亦算舒適，但只收現金及EPS.

不是第一次吃了，但是看到这里好评这么少我决定要支持一下店家，很久之前头一回来的时候等了大概得有一个多小时，昨晚星期日我们特意早去，所以排了20多分钟就有位置了，点了小辣的一整只鸡，还是一如既往的够味，而且是真的有鸡肉的，还很多，不像有些鸡煲店的鸡肉块，全是皮和骨！吃完鸡煲后点了涮菜，我最喜欢吃冬瓜和藕片，很入味，而且不像肉吃多了之后感觉那么腻，唯独就是吃完出来之后，从头到脚都是鸡煲的味道，劝大家需要洗头换衣服的那一天拉朋友一起来吃啦，这样会比较方便，哈哈