雞煲皇

营业中

休息中

聽講好食所以黎試下，不過大失所望！雞唔好食，味道都怪，兩個女仔埋單$560 超貴！打邊爐居然連醬汁都無，有冇搞X錯！打邊爐的菜份量又少！服務態度又差！唔會有下次咯！難食，千奇唔好黎！

前幾日..我同六位朋友再次黎呢間雞煲..水準亦無變..之前一年前食過一次..係我唯一食得最多舊雞既雞煲店..亦覺味道剛剛好..雞都好滑..我本人之前一直麻麻地食雞煲..因為試過太多間..好咸..好難食..由於我地7個人..所以叫左兩煲..呢煲係招牌雞煲..👍🏿好味 叫左半隻真係唔夠食呢煲係特色香濃椰子雞煲..味道普通..打邊爐個陣落聖子..豆腐..淮山片..蓮藕片..粟米..食到椰子味..唔錯呢個估唔到吸左椰子味湯底..好好味聖子同花甲要一早訂聖子好好味 好厚肉..無沙..👍🏿朋友話試下量度下隻蝦有無9吋中...叫左兩碟手切牛..色澤好靚..但忘記了影相個個見到忍唔住立即夾..哈哈～呢碟係羊肉片..都唔錯

早幾個月前食食過一次 今日朋友又想再食 一行五人又黎啦 一坐低由於太肚餓 我地就叫左個招牌蝦多士 半隻小辣雞煲 一隻唔辣雞煲 （我食唔辣）蝦多士先黎到 熱騰騰 好正 好推 但人少少未必啱 因都幾多件 一食完蝦多士 雞煲就黎啦 唔食芫茜要早講 因都會有幾多係煲雞到 雞煲裡仲有不少紫洋蔥 （煮完好甜） 個汁甜甜地 d 雞都算入哂味 幾滑 食到8899就可以加湯打邊爐 打邊爐料首推本地手切肥牛 大家食菜時都要小心雞骨痴左係菜個到

呢間號稱雞煲皇，喜歡雞煲的我，點都要試試，當雞煲上檯，煲到滾之後打開，很香。雞件吃落都可以，而味道有些似我在深圳向西村某某的雞煲，後來和老闆傾開計，才知道他回深圳學習做雞煲，所以味道十足十。而其他配料都新鮮的，不妨試試。👍

之前朋友介紹過話抵食同味道吾錯，因為早幾個月諗住試，點知遲左幾分鐘無得食， 琴晚見早左就專程過去試下係咪真係甘好食叫左個招牌雞煲，雞煲味道都吾錯， 但未去到話好好食（可能我抱著友人話好好味既心態去掛😅）叫左幾款邊爐配料，有響鈴、美國特級雪花肥牛、芋片， 稻庭烏冬、手打墨魚丸響鈴同雪花肥牛有點失望， 響鈴吾夠脆，肥牛仲衰過某間任食火鍋既肥牛同埋有根芋片就不過不失， 稻庭烏冬佢地應該出過水，手打墨魚丸彈牙，但無乜墨魚味

今次係我第五次黎食，水準keep 住一流，有朋友生日就打算再食，好彩book 左位，但都好多人，如果真係要排隊我都會等，因為值得………招牌雞煲好好食我比較小食莞茜，但連莞茜都好食。響鈴好脆打邊爐必有芝心丸好多芝士，我試過有d舖頭芝心丸入面都好水，無咩芝士，但呢個超good,仲有韮菜餃都大大粒鮮蝦雲吞加日本蟹柳，雲吞仲要好大隻蝦呢個牛肉粒一個字形容正，我係食牛肉全熟既人，熟晒但非常易咬，有口感真係值得推介俾朋友

因為上星期行去一間勁長龍雞煲店時，行經呢間雞煲皇，當時聞到個味好香好吸引，所以一星期後就走唻試下。我哋係坐樓上，比樓下大，但嘈啲...點了一個招牌雞煲，全隻雞，之後再點了腐竹、粟米、脆鯇片打邊爐。雞煲唻到時，唔係想像中果種香味，食落都算可以，小辣應該一般人都接受到，洋蔥煑極都唔淋，淋左入晒味會好味啲...全隻雞，但兩個人食完好似無咩食過咁，因為隻雞好細，睇翼同腳就知係小小雞...腐竹粟米都無問題，脆鯇就唔多新鮮，有少少瘀瘀地色咁... 服務都ok 嘅，好快有伙計唻應你，衛生就一般，地下都幾滑同感覺好污糟咁。整體無想像中好，可能太大期望，因為佢叫自己做雞煲皇嘛...

這次又是三個女人，不過同上篇所提的三個女人是不同的，除了我是沒變，其它二位倒是換了人。。。。。。工作忙，運動抽不出空來。。。。。飲飲食食人是最容的放鬆的活動。這回又來到了紅磡的雞煲皇，三個女人皆愛之地叫了小辣小麻的招牌好味道，小小麻小小辣，小小的刺激我們另類的薯片這回粟米真清甜。我愛吃菇，不過這回沒叫冬菇，倒是叫了金針菇很喜歡青青滑滑的䈑芛，必叫的青菜這是帶些厚的美國肥羊，不多，但己足夠，口味比薄的更佳，咬勁更大。這個應是魚卷，很有彈性，口感吧肯定的比魚旦更好，因除了彈更多的是有嚼勁餃子拼盆這是脆皮腸，咬下去，芝士熱咀，因為芝士是滑出來的，在嘴里流動。這回又是抱著肚子離開的。。。。。

朋友提議到雞煲皇食晚飯，大家都無意見，於是一行4人即刻搭車過去。大約6點鐘到達，由於時間尚早，任你揀位。座低後即刻點菜，除咗主角雞煲外，仲點咗火鍋必備嘅炸魚皮、響鈴，其次就係魚片、魚卜、手切肥牛同埋菜，配埋幾枝冰凍啤酒就good good啦！

之前店鋪較簡陋的雞煲皇已經擴充，搬到對面街，而且有2層，店內環境算是寛敞，坐位擺放沒有太擠迫之感，可惜中間的2人座沒有位置放手袋，如果可以參考其他店舖在椅子下有一個籃讓大家放手袋就好了。雞煲可選全雞或半雞，我們只有2個人就點了半隻雞。點了招牌雞煲 ($118)，比起回味雞煲，味道比較濃和惹味。因朋友不吃得太辣，故點了少少辣，少少麻的雞煲。撲鼻的雞煲來到了，有香菜、洋蔥、蒜頭，雞件方面，肉質偏向瘦的一類，不過肉質蠻滑的，醬汁底濃郁惹味，不太辣而帶鮮甜，均勻包著每塊雞件，非常喜歡這醬汁。吃過雞後，便可加入上湯，雞湯略帶甜味，喜歡味道重一點，店方安排了一碗和雞煲一樣的濃醬汁，可供自由添加增味，非常欣賞這個安排。另外點了螺片($68)，入口有煙韌質感，肉質爽滑有嚼口，可惜沒有無螺片的鮮味緬甸8吋海虎蝦($50)，體質蠻大的，鮮味十足，肉質結實鮮甜又彈牙，可惜蝦頭內沒有蝦膏比較失望。總括對雞煲的醬汁非常欣賞，不太辣而帶鮮甜，下次一定會再來，到時叫多點朋友，會點中辣試試看。