雪糕達人 (已搬遷) 新店位置

深水埗出名就好多平嘅嘢食，雪糕都好平，去到深水埗嘅西九龍中心， 8樓嗰度有一間雪糕店，又多選擇又抵食！平平哋幾蚊就已經有一筒，$10有4球！其實味道選擇都好多，不過咁啱我去到嘅時候好多味都已經冇曬la(･･;)，所以都有少少失望！雪糕嘅味道都唔錯，而且有啲味道仲好新穎，口感我覺得可以，始終呢個價錢唔可以奢求太高嘅質素，呢個價錢來講質素足夠有餘，可以媲美好多 雪糕店(*☻-☻*)，不過就算我係室內入邊食都好快溶(つД`)ノ...

🍨 雪糕 HK$12/5球相信去深水埗都好多人去呢間食雪糕，因為佢嘅味道好多，而且又平。 今次試咗芒果、百香果、番石榴、荔枝、石板街。 個人覺得比較特別嘅係百香果同埋番石榴，特別百香果真係味道偏酸，似水果嘅味道。

天氣一熱就好想食雪糕, 呢度嘅雪糕好多選擇, 價錢又平, 而且質素都唔差, 所以我哋都成日去食😋今次我哋就揀左兩球海鹽味, 一球豆腐味, 一球百香果味, 同一球薄荷朱古力味雪糕 ($12/5球)🤤🤤🤤🤤🤤海鹽同雪糕真係好夾,咸咸甜甜😋豆腐味清清哋, 但豆味濃😇百香果味酸酸甜甜, 好fresh😁薄荷朱古力有朱古力碎碎, 加埋清涼薄荷👍🏻下次要試其他味😋😋

今天一整天在深水埗吃喝玩樂，就算回家前，也要在西九龍中心的雪糕達人買十元四球吃，哈哈。現在要嚐到便宜又好吃的雪糕地方可不多，幸好雪糕達人依然提供價錢相宜的雪糕供我們這些小市民品嚐。我喜歡吃雪糕達人的雪糕不只因為便宜，還有它售賣的雪糕不只是傳統口味，亦有些新穎風味，是別的地方吃不到。今次我就挑了蕃薯，蜜桃，百香果，冧酒雪糕，每款均各有千秋，蕃薯雪糕挺有蕃薯的質感，味道濃厚，百香果果香十足，濃縮百香果的精髓般，蜜桃甜而不膩，冧酒醇厚味美。

喺西九龍中心食完晏晝就想喺埋果邊食埋啲甜品，呢間啲雪糕球係10蚊有4粒，其實幾抵食。佢仲有好多種口味可以選嘅，除咗食雪糕球之外，仲可以食cone、貓山王榴槤雪糕、芝士雪糕、金莎朱古力味嘅雪糕，各種各樣30款口味任你選擇。我叫咗4個雪糕球：綠茶、Oreo曲奇、菠蘿、雲呢嗱。綠茶味係有佢嘅香味同少少苦澀味。另外比較掂嘅就係菠蘿味呀！幾甜好有菠蘿香味。

次次去西九都唔可以唔食雪糕！今次就去咗試一間超級抵食嘅雪糕小店！憑學生證可以$10/五球（原價$10/4球）。總共有20幾種唔同味道嘅雪糕！每次都可以試唔同味道～我今次就試咗雲呢拿味、 薄菏朱古力味、石板街、提子砵酒同埋曲奇味。味道方面就真係冇得頂㗎啦， 每隻味都好好食😋😋個人最喜歡薄荷朱古力味，味道好似dreyer 雪糕嗰隻薄荷味，雖然每隻味道嘅雪糕只有1小球，但係成兜雪糕份量其實都好多， 真係cp值好高嘅雪糕呀！推介大家去食～

深水埗一直都係美食之地 而西九龍中心更加係平價美食之地! 西九龍中心有好多雪糕店 有唔同牌子 有啲係連鎖有啲係小店 呢間雪糕店係$10有5球 雖然每一球都唔係話好大 係一個高爾夫球嘅size 但$10有5球 真係喺香港唔係好多地方搵到！ 如果星期一至星期五 你又係有學生證嘅話 出示學生證俾佢哋睇 就會免費送多一球 即係$10有六球雪糕🤣😝 真係好抵嫁！而味道方面呢都有好多種揀 好多種生果嘅味道都有 你都有啲比較特別嘅味道例如係榴槤啦 豆腐啦...etc個人就比較鍾意以下幾種味：薄荷朱古力 石板街 豆腐 藍莓

係太子食完晚餐，突然想食雪糕，就同男朋友突登走黎食雪糕！好彩黎到仲未山門，仲有唔少既客人。由於口味太多，真係咩味都有可能會係度搵得到，缺點係有選擇困難症既我絕對用超過10分鐘既時間黎揀最後我揀左抺茶，黑芝麻，豆腐，榴連同埋唔記得左未味男朋友就要三球薄荷朱古力，紅豆同埋又係唔記得咩味。全部都好好味！我就最鐘意榴連同紅豆，雖然榴連要加兩蚊，但都抵既！12蚊5球都唔會話太細球，成杯都滿嫁！！食完係超滿足

回想起數年前，深水埗西九龍中心$5 兩大個單球雪糕火熱得被推上新聞，再看看今天來到這商場還是這麼多的雪糕店，這份雪糕熱彷佛從未冷卻過。今晚和寶寶吃過晚飯後，逛着逛着來到商場的8樓，看到這美食廣場的「雪糕達人」有幾個人在排隊，雪糕也好像很吸引似的，我們決定來個飯後甜點🍨。這裏的雪糕超級便宜，$10有4球，$12有五球，口味還竟然有35種之多😳我們選了「山水豆腐」、「曲奇妙趣」、「石板街」及「泰國椰子王」四個口味。豆腐，香滑而且豆腐味濃厚，好味道👍🏻。曲奇，有哈根大師的有八成相似，還添了幾分牛奶味呢！椰子，有椰香味竟然還有椰子肉夾雜在內，很讚❤️！石板街，相比之下比較遜色，這種巧克力味跟大品牌雀x一大桶三色家庭裝雪糕的巧克力味道差不多，就是添加了棉花糖及堅果而已。吃過晚飯後，在這裡嘆杯抵食又好吃的雪糕，真的很滿足☺️～！

飯後甜品最佳之選，又平又好食又多選擇，晚飯後總想食d甜野，10蚊買返4球，菠蘿味有肉粒，石板街有棉花糖同樣增加口感，荔枝味比較偏淡，豆腐味幾特別而且都幾重味唔錯。

我同男友向來出開深水埗都中意去西九龍中心8樓food court食飯, 貪佢又平又正又多選擇。食完正餐, 呢度仲有平靚正雪糕可以食。我地好多時喺度食完飯, 都會去呢間雪糕店買杯雪糕, 然後一邊食住雪糕再一邊行下個商場呢間雪糕店細細, 但雪糕味道嘅選擇1d都唔少呀!我諗大大話話都有幾十種。而且價錢好平! 10元8塊就可以食到了!而我同男友就中意食脆筒, 次次都係食大球雪糕脆筒($8) 的。雪糕大大球, 對我來講, 一球大嘅夠我過口癮了~我1直鍾情食提子冧酒味~ 我中意冧酒嘅味道男友就次次唔同的, 佢今日就食咖啡味, 我試左一啖, 都唔錯, 味道濃郁~佢仲試過好多其他的, 例如香芋, 益力多, 貓山榴蓮等, 全部都好唔錯呀~但有d特別味道可能會貴幾蚊~ 但都仲係好平的~雪糕, 唔一定係貴價先可以好食的~雀x嘅價錢(甚至更平), 都可以食到哈xxx嘅味道呀

平民價錢既雪糕店，$10有4球，我諗冇一間平得過佢，超抵食，口味眾多，幫襯一兩次都唔會試得晒所味道，今次買左薄荷朱古力，菠蘿，荔枝，芒果，每款味都好濃郁，好食。

次次黎西九龍中心都必食好平嘅雪糕，而且味道選擇勁多！每次黎都有新款，可能我隔太耐先黎😂12蚊有5球！而且都裝到大大杯！有d特別味要加錢我就冇揀到今次揀咗奶茶，香芋，椰子，番薯同提子冧酒奶茶嘅質感零舍唔同，係黏d，我覺得有d似gelato!!食落唔會太甜，但茶味唔太重，不過值得一試香芋就似平時維記食到嗰款蕃薯ok椰子食到有椰子粒，好清甜，好味提子冧酒大推！！有提子乾，冧酒味濃！正！食完呢杯雪糕超滿足！性價比超級高！

食完飯梗係要食返d甜野先滿足，哩間雪糕店有超多口味選擇，我買左4球，地板街，菠蘿，簿荷朱古力，荔枝，都只係10蚊，而且每個味都好好食，我推薦菠蘿，因為有果粒在入面，食落更有口感。

又在西九龍中心附近食完飯，當然必定去埋這間雪糕店食雪糕，12蚊有5球真係好抵(某d口味要額外加錢)，有30種口味選擇，總有岩自己，我今次就揀左: 荔枝、豆腐、煨蕃薯菠蘿、簿荷朱古力。荔枝有荔枝既味道豆腐味道好淡，淡如水，食唔出有豆腐味，唔建議選擇煨蕃薯哩個口味幾特別，坊間都好少有，真係有種煨過既蕃薯味道菠蘿重菠蘿味，而且入面有菠蘿肉，食起上黎更加有口感簿荷朱古力我必食既口味總括黎講，以上口味最不合格係豆腐。