雪糕達人 (已搬遷) 新店位置

是晚在深水埗晚餐，友人建議我飯後去西九龍中心吃十元四球的雪糕。聽到時我"吓"了一聲，十元四球？友人說我沒聽錯，我就半信半疑上到八樓半食廣場。友人沒坤我，真的十元四球，甚至十二元五球！我一人還是吃四球就好。這裡全都是這裡有的雪糕口味，我選擇困難......最很就好隨意的看到甚麼就點甚麼。十元搞定！其實我沒有刻意選白色雪糕的，但現在三白一紫分別有椰子，豆腐，荔枝和芋頭味。荔枝甜甜的，芋頭有點像雀x牌子的杯裝雪糕。豆腐的豆味沒有另一家平價雪糕店的重豆味，還可以。反而椰子有點驚喜，內裡有椰肉粒，味道清新。十元真的抵食，不過當然不要期望它重奶味啦！如在附近經過可以來試下的~

我雖然係男人，但我超鐘意食雪糕，哩間雪糕店開左好耐，我印象中咁多年好似冇加過價，保持住10蚊4球，12蚊5球，如果某d口味要另外加1至2蚊，佢賣既口味有超過20款以上，花多眼亂，樣樣都想食。

於電子街💻吃過晚飯後，老公🍋就嚷著要去西九龍中心內🐉找他最愛的雪糕小店🍦，而人妻🐷呢，對於雪糕🍨當然是毫無還擊的能力😅。這家雪糕小店🍦位於西九龍中心🐉的美食廣場內，以味道款式之多及商宜的價錢而著名✨。款式方面有三十多款😲，由一般坊間常見的，到比較少見的水果味🍉也有提供。價錢方面則是$10四個雪糕球🍨，如果是大球的話，雙球則是HK$13🍦。這個價錢簡直是外間難得一見😍！可惜金莎口味已經售罄😢，唯有點了雙重朱古力🍫及綠茶🍵口味。朱古力🍫那口味不算太甜，口感尚算幼滑，朱古力味香濃👍🏻；綠茶🍵口味則相對上比較失色😰，茶香味不足，但可幸的是口感是蠻幼滑😒。總結：難得一見的價錢絕對是吸引力超高👍🏻，難怪有蠻多人跟我們一樣，晚飯過後🌝來這邊找個甜點🍨。口味款式頗多，下次要早一點來試一下那金莎口味🤩~

4球雪糕（12蚊 平到死）📍西九龍中心 | 雪糕達人·西九龍中心除左有好多平價商品之外8層嘅美食廣場都好多人光顧各國美食小吃今日佛誕假期人多到爆天氣又好熱係到買雪糕發現左一個平價雪糕王·4球雪糕只需10蚊5球就12蚊如果要貓山榴蓮就每球加2蚊我叫左4球分別是日本海鹽、提子冧酒、貓山榴蓮、薄荷朱古力每個味道都好味特別係提子冧酒嘅酒香突出日本海鹽就係好清新嘅味道 有少少鹹味除左呢4個之外仲有十幾個味道可供選擇而且仲可以任加朱古力粒同朱古力醬·

食完水門雞飯，梗係要食埋甜品啦，排晒長龍都要等食$10@4球雪糕每次食親佢都諗$10蚊有4球係點賺錢嫁？老闆呢啲真係辛苦錢，好有良心我點左2球蜜瓜同double chocolate, 佢不出來啲雪糕係唔會溶，應該無將隻不放落熱水浸，先可以keep住個溫度唔溶，但老闆就辛苦要大大力不。蜜瓜雪糕果浸味好fresh, 唔會好似有啲地方食果隻味好假甘。double chocolate 岩晒 chocolate lover, 朱古力味好濃，但唔會太甜炎炎夏日最岩飯後食杯雪糕好滿足呀！

價錢真係可能係全宇宙最抵：12蚊5球12蚊5球12蚊5球重要嘅事要講三次🤣抵到我學生証都唔好意思攞出嚟搲平兩蚊平都不特止，仲要好味！！！必試精選系列—柚子蜜：雖然一球加四蚊，但係真係抵俾！仲有柚子肉，個人覺得好味過啲H雪糕益力多：童年回憶，諗起啜啜冰奶茶：香濃！係港式奶茶嘅味道不會失望系列—提子冧酒、咖啡、桃海鹽：天藍嘅顏色，係打卡得最好嘅顏色😙，不過奶味太重，冚咗啲海鹽味，否則可以入必試系列

今次係西九龍8樓food court 有一間超抵食, 平價雪糕店😍依間雪糕店有超過30款口味可以選擇😍有選擇困難症嘅朋友就有排揀啦～😝仲可以任加朱古力醬, 士多啤梨醬 和彩針😋🚨請留意🚨$10食到4球雪糕$12食到5球雪糕如果你有學生證, $12食到5球雪糕😍4款口味嘅雪糕🍦($10)(北海道紅豆, 烤蕃薯, 山水豆腐, 海盜蜜瓜)味道唔錯, 全部都係最鍾意嘅口味😍😍講真, $10可以食到4款雪糕球, 真係抵到爛, 而且仲好好食😋Cp值好高, 深信每次去西九龍中心都一定會食雪糕, 試曬唔同口味😋

10蚊4球雪糕🍦😋姜汁牛奶+$2 秋涼好啱食姜味既野香芋海鹽 椰子😋有少少椰子肉一年咩季節都啱食雪糕😘有時唔一定要食好高級望落去好扼like既甜品簡簡單單一杯普通既雪糕已經好開心😄😚

天氣忽然回暖，放工來到西九龍中心，一如以往到這間人氣雪糕店平食甜美可口的雪糕。🍨 大概仍是冬天，客人不多，不用排長龍。 $12/5球或$10/4球 街坊價，好抵食!身為🍫朱古力小粉絲，我點了三款皆有朱古力味的雪糕:1. 朱古力曲奇: 富濃厚香甜的朱古力及曲奇味，融合奶味香濃的雲呢拿雪糕，甜香可口，是我最喜歡的口味，點了三球也不為過!2. 薄荷朱古力: 薄荷味甚為突出，清新易入口，混合朱古力碎豐富口感味道。3. 雙重朱古力: 富濃郁的朱古力味，香甜不膩。口感全都軟硬適中，甜香味美!

早前有報導過西九龍中心有超平雪糕, 而且味道並不差的,一直心思思想去試下但又搵唔到機會, 剛巧一連兩晚係附近做野, 順便上去食飯,那麼這個"飯後甜品"便出師有名了莆一進入廣場三樓大堂, 已經見到有兩間賣雪糕的, 價錢已經好吸引, 不過未食飯, 忍一忍你先, 上到八樓 food court, 又有幾間賣緊(其實如果你坐電梯逐層慢慢上, 都驚訝原來幾乎每一層都最少有幾間類似的雪糕店)最後選左八樓呢間 "雪糕達人", 最吸引既係, $10, 有四球 !!! 什麼 ? 出去名店食, 你半球都未買到呀 !最後我和友人選左下- 小四球 $10 (+$2) = $12 (見圖)薄荷朱古力 / 曲奇妙趣 / 提子冧酒 / +$2 姜汁牛奶- 大雙球 $13 (見圖)石板街 + 雙重禾古力我只係平民一個, 而且亦係偶爾食雪糕的, 呢十蚊, 我笑住俾, 老實講, 佢收廿蚊, 我都笑住俾

西九龍中心的 food court，是一個臥虎藏龍的地方應該人人都知道。西九龍中心好多食店都平到你唔信，也是一個應該人人都知道的事。前陣子，一間車仔檔的平價雪糕黯然結業了。令到許多人，尤其是有小朋友的低收入家庭失望。其實，大家不需要失望的，因為場內其實仲有一間雪糕店，賣好平好平既雪糕，這就是位於8樓 food court 內的《雪糕達人》。 我們花了$10，要了一份4球的雪糕杯。店中有好多個味道可以選擇，而這一4球雪糕，就全是我太太同兒子的 choice。有豆腐，薄荷朱古力，石板街同海鹽4種味道。白色的是豆腐，味道淡淡地帶豆香。石板街雖然拍不住外國大牌子雪糕的出品，但有夠濃 cookie 的香味。薄荷朱古力，很重薄荷味，很 typical 的薄荷朱古力雪糕。海鹽倒是一個驚喜，賣相像一個雪葩，入口有輕輕的 creamy，creamy 的奶味中帶出來的是咸咸地的味道，非常之特別。 又平，又夠好食。這一些既便宜又能夠令人得到開心的食品，食店，值得大家去支持。

呢間野都幾出名，平同多款，仲要好味，上哂報紙，背景唔多講。先睇餐牌。五花百門，花多眼亂，多不勝數。脆筒方面細單球6蚊，大8蚊，同便利店買甜筒差不多，但勝在感覺上新鮮d。杯裝方面十分抵，10蚊4球細，12蚊5球細，除開都係2蚊左右一球，如果想試多隻口味極推介。我就揀左最平6蚊既細球，口味揀最基本既混呢拿，過下口引算。唔細支既，真係同甜筒差不多大，正常味道，質感都係正常，冇特別驚喜。足料冇呃稱，哎到底都仲有雪糕，唔係得個頂。驚喜位係個筒好脆，食甜筒一定冇，淋哂一早。總結，好食，抵食，過口引一流。

食完午餐，再到8樓行下，見到呢間雪糕小店有好多人在排隊，我都一於去趁下熱鬧～～雪糕款色花多眼亂，驟眼睇，我估應該有多達15款以上的雪糕口味，而且價格非常相宜，沒記錯的話，4球雪糕只係$10，我就選了5球口味，也只是要$12，太抵吧！味道有好多選擇，而且幾特別，我就揀左荔枝、士多啤莉、海鹽、提子冧酒同椰子味。椰子味雪糕有粒粒，提子冧酒味道唔錯～～士多啤莉就假左D，特別在於它那鮮艷的顏色。雪糕質地較為黏口，唔算幼滑，但咁平，我覺得冇咩挑剔之處喇😚😚

呢個雪糕店絕對系我第二個家！每次到西九龍我都會泥會一會佢，今次我就簡左$12/5球，有柚子味、益力多、榛子朱古力、綠茶同埋蜜瓜。柚子味就要額外加$4先食到，感覺唔太抵，不過味道又幾清新。雪糕入面有柚子皮既粒粒，一邊食雪糕再加埋柚子皮幾有口感。益力多味都要額外加$2，不過為食既我已經豁出去！益力多雪糕質地比較黏，食落唔算太甜，益力多味都突出。朱古力幾濃，唔系死甜，都推介。綠茶味都幾岩綠茶控，茶味夠又幾香，唔借過重甜味同奶味。蜜瓜就有陣陣清甜味，食落幾清涼。

十二蚊五球又好味香港真係無咩地方可以搵到之前去ssp行街都會特登走上去食。平時食d常見味道，今次忍唔住同朋友試新野。諗住會係一個伏但原來唔係好食呢！顏色仲襯得好靚