雲南啊老表黑山羊湯鍋米綫 (觀塘工業中心) (已搬遷) 新店位置

雲南啊老表黑羊湯鍋米線！聽個名都知好食，其實係店鋪名，所以我今次一定要食黑羊米線，佢米線好滑，滑不留口，羊肉又香，不會有肉腥味，湯底清甜，我覺得我自己衝出香港，好似返咗去雲南到食，我同仔接得阿媽放工，今次由阿媽真心推介，梗係衝出九龍灣屋企，不吃快餐店，去下食特式嘅下午茶。佢個雞翼都好有風味，香草同埋有少少辣味，因為太好食，食曬無拍，而且大大碗，叫咗個大碗，兩人份量，價錢一啲都唔貴。但係個腐乳通菜，腐乳醬就一般。

想和朋友閒聊，又想吃得簡單點，腦中突然浮起想吃羊肉米線，於是去試觀塘分店。羊肉細碗米線來到這裏一定要羊肉啦，招牌菜喎。細碗都好大碗啊😱。雖然羊肉較薄，米線份量則非常足夠，啱哂大食的我~我喜歡這個清湯底，清得來而味道不過淡，好像沒有放味精的感覺。避風塘辣雞翼只是點點辣，但好過癮，香香脆脆，裡面的肉熱辣辣，而且調味很香。水餃 白菜/ 韭菜正常，中上水準。 外皮厚度適中，不 黏口。餡料味道剛好。晚飯時段，雖然不斷有客人，亦未至於全場爆滿。我和朋友閒聊很久，都沒被趕走🤗。

帶完姨甥女去觀塘泳池游水之後就係附近搵食揀左呢間米線舖，叫左碗大雞肉米線同b女share，黎到俾佢個碗嚇親，真係勁大碗！好彩同b女share 岩岩好冇浪費食物。雞肉overcooked 好鞋口，但湯底雞味濃又唔會油膩，台面有辣醬fix埋更好食，下次試下牛肉米線！(溫馨提示一個人的話小米漿就阿食架喇，大米線係超大份！）

我同朋友都好鍾意食羊 今次黎到呢間係觀塘專食黑山羊既餐廳 決定試下最出名既羊肉一入到間餐廳就覺得好親切 環境同平時茶餐廳差吾多望下個餐牌先 有飯有面 任君選擇我就當然試下最出名既羊肉大碗米線啦($60) 朋友就叫左牛羊雙拼大碗米線($50)店員一拎上黎 我同朋友都“嘩”左一聲 真係好大碗個碗好深 如果早上有食早餐既朋友建議細碗已經好足夠 羊肉大碗米線應該落左兩至三包米線 食極都仲有 羊肉都有15塊左右 非常濃既羊味但又吾會太騷 筋同肉既比例都非常好 推薦比鍾意食羊肉既你地

中午叫咗個細碗羊肉清湯米線,裝嘅碗好大,黎果時有D嚇親,但食食下又食得晒wow。個份量對女仔黎講系啱啱好，男仔就可能要叫大碗啦。個湯底有好香羊味,面頭灑咗D韭菜粒同蔥花,同有幾片薄切嘅羊肉，食落吾會油膩,但系夠味。不過羊肉就冇乜羊味,有少少「鞋」，食落個口感有少少似牛肉。另外，檸檬茶嘅茶底混濁，篤檸檬時篤咗好耐，因為睇吾到D檸檬去咗邊😂，而且整體味道偏苦澀,個人吾系好鐘意呢種。我諗會再去光襯,因為想試埋佢其他菜式。

來到觀塘雲南啊老表黑山羊湯鍋米線，到我來說，這是含有美好回憶的地方。這間店有個特色，細碗米線已經賣40多元，可是份量已經夠男性飽肚的份量，大碗的話更加多，賣60多元，足以2人分享食用。我點了羊肉清湯細碗加一杯凍蜂蜜。細碗已經大碗到這個程度了，味道方面，先試試湯底，無比清澈，清香入味，連爽爽彈彈的米線一起享用，已經有十分有吸引力。羊肉更加是滑滑嫩嫩，羊肉味道香口，多汁，連湯享用更勝一籌。湯底份量也多，不用擔心太快喝完湯而享受不了米線。另外，店內具有菜脯加配，個人十分喜歡，香香咸咸，加入米線一起吃更加有味道凍蜂蜜也有特色，冰凍甘甜，重重的蜂蜜味，是和熱辣辣的米線對抗的冰凍享受。價錢也是五十多元，飽飽肚肚，十分好評。

觀塘出名美食雲集，好多時都有d出名嘅高手，隱世小店係觀塘,想食咩類型嘅美食應有盡有。米線一向係好多香港人嘅至愛，而米線嘅代表非雲南米線莫屬，今次要介紹嘅店舖亦係主打米線嘅！一睇個名嘅長度就知佢來頭唔細啦！仲有，想食米線易，但想食羊肉就要睇季節，仲要係黑山羊，大熱天時真係唔係咁易揾好食嘅羊，而e家店，就全天候為你供應羊肉米線！一嚟，見到湯好清，唔會成層油，飲一啖，係好純正嘅羊肉湯，羊肉偏瘦，唔會好蘇，米線軟硬適中，好味

觀塘覓食系列又黎喇!!! 上瑜珈堂前當然要食啲嘢填填肚喇!!! 黎到工業大廈慨雲南阿老表黑羊肉米線，當然要試試佢地慨羊肉米線!!同朋友分享一大碗的牛羊雙拼酸辣米線，上台時都被嚇一嚇，真的很大碗呢!!! 牛腩片肉質軟熟唔鞋，羊肉唔騷，比較嫩，湯底清爽 ，加上大量酸菜，很惹味!!! 米線軟q彈牙，唔錯唔錯。另外仲加點兩款小食， 涼拌土豆絲和避風塘麻辣雞翼。 涼拌土豆絲爽口惹味， 味道比較麻辣，越食越開胃!!! 雞翼不算太辣，如果皮更香脆，會更好味。

有沒有些事, 你會隔一段時間就會想起?如果要我講我之前去澳洲working holiday的時候最掛住香港啲咩既話...我諗...野食當中呢間羊米線絕對係三甲位置之內XD不但我自己有時會心思思走去獨食而且有好幾次都帶埋朋友一齊去食~就係呢間~~~雲南啊老表黑山羊湯米線廢話唔講, 直接去餐牌~ 呢間係觀塘的店當佢仲係觀塘廣場的時候就已經幫襯開,雖然呢間出名食羊肉米線,不過我的最愛其實係佢既牛肉酸辣米線(當然羊肉米線都好味,我試過帶個朋友去食, 佢叫完碗羊肉清湯米線之後捧個碗埋口飲啲湯大讚好甜...連我呢個帶佢去食既人都覺得佢好誇張...)牛腩肥瘦剛剛好, 舊肥肉放入口, 咬兩啖, 陣香濃的牛味充斥成個口腔, 瘦的部分唔會乾到乜肉汁都冇,  唔韌得黎有口感 加埋少少辣的酸菜, 再配上蔥花同湯一齊食, 滋味十足 如果喜歡食辣的人士, 另外都建議配埋店內提供的辣油一齊食, 個味道...諗起都流口水啊...仲有就係而家每碗麵都會加啲豬油渣俾你, 呢個以前冇ga~ 雖然唔算加左之後味道又上一個層次, 不過本身有加料而冇加價仲係咁大碗米線 我覺得性價比黎講, 真係冇幾多間店好似佢咁抵的了~

呢間米線嚟嘅次數真係有唔少。因為其實我自己好鍾意食羊肉，但係出邊可以食羊肉嘅鋪頭又唔係好多，加上又鍾意食麵，特別係米線，所以呢間羊肉米線真係間唔中間唔中就來。呢次黎亦都係食晏晝飯，照常叫咗一碗羊肉米線，但今次就額外叫多咗一碟羊肉，因為真係好肚餓。羊肉依然都係好香羊味，雖然睇落好似好少咁，其實食極都仲有，份量多，又林又好食。加咗少少辣椒油落去就更加香。而且佢連啲湯都係好好飲。最後因為我額外加咗羊肉，都真係飽到唔識郁。得閒我會再嚟食㗎！

呢間店既羊肉麵由舊舖幫親到宜家，一路都覺得好好食，雖然佢加價加得都唔少。因為冇再係觀塘返工，無食一輪，今晚同老公仔仔再去，叫左野食，我仔就話天花板線有老鼠呀（佢唔識驚），有兩隻，後尾我都見到有鼠踪影，我老公背住坐見唔到，話照食啦。埋單同收銀細細聲講，佢答我地係咩，我未見過。以後唔會再幫親

吃羊肉米線的專門店  夠騷  喜歡吃羊之人的食店 一定要黎。入到去系焗焗地，環境仲有好大浸羊味，不過唔食牛都有其他肉食。呢間店好在有得揀有羊皮無羊皮肥啲定瘦啲，不過今次黎，店員話宜家都無乜皮GaLa 咁😭，比我揀就會揀有皮同瘦既羊肉。上面系大碗，下面系細碗，個名叫細碗不過都勁大碗，羊肉重騷味，有咬口好味，肥少肉多，肉的份量不少，有脆脆系湯面。絕對抵食，奶茶奶味足，勁大杯。仲有好多小食可以試。口水雞同手拍青瓜都正。

今日去觀塘搵朋友食飯傾計，點知佢仲有好多野做，就叫左我買埋外賣上去一齊食，仲指定要食「雲南啊老表黑山羊湯鍋米綫」，好彩唔算難搵！入面已經坐左好多人，好彩我係黎買外賣☺️我地買左2碗米線口水雞酸辣米線 ($39)雞肉嫩滑，個汁夠麻夠辣夠惹味！雞件入晒味真係好正！😋米線都幾彈牙羊肉酸辣大碗米線 ($61)朋友好肚餓就叫左大碗，真係勁大碗，分量好足！👍🏻羊肉仲有得揀有皮定冇皮，羊肉偏瘦冇咩肥膏，肉質幾腍，有少少嘅羊羶味湯底好鮮，味道唔錯☺️

逢要去觀塘，我嘅內心都會想起我最親愛嘅老表——雲南啊老表黑山羊湯鍋米綫。佢有咩咁吸引我？一個字講哂：平靚正！每次一入門口，已經聞到好香嘅羊羶味，然後個肚就會「咕」幾聲。我每次去到都一定係叫羊肉細碗米綫 $48，羊肉有得揀連唔連皮、要唔要淨瘦。自問如果同我一樣只係一個普通小女子嘅話，建議你叫細碗好喇，因為細碗已經好大，叫大碗係可以兩個人share喇🙊清湯個湯底好鮮味，羊肉食落肉質好淋，好有羊味😋👍🏻 鍾意食羊嘅話，呢間真係要放落你嘅bucket list～

雲南啊老表黑山羊湯鍋米綫前排經過天文台道見到呢間sale羊既米綫鋪，見到呢個店個名咁長又咁特別，羊肉湯米綫！鐘意食羊既我當然book mark左！🥰今晚同另一半黎試下，叫左個大既牛羊米綫$52，見食評講一個大既都夠2人食，就睇下有幾大碗！😳牛羊米綫$52真係好大碗，兩個人食一個大既加1至2個小食都飽晒！米綫都多，湯吾錯，似自家煲既，冇乜味精，羊冇羶味，都幾好食。👍🏻牛普普通通。但餸吾多。下次可以試下食淨羊米綫！🤨第二日另外賣左個口水雞$32+1（外賣），都吾錯，辣得黎都香。🤤外賣口水雞$32+1（外賣）