雲南啊老表黑山羊湯鍋米綫 (觀塘工業中心) (已搬遷) 新店位置

近日愛上麵食，是港式車仔麵、越南粉、日本拉麵，或是雲南米線，都是我近日嘅心頭好。在網路上搜尋下，發現有雜誌報導一家以抵食又好食的羊肉米缐打響名堂的小店，而且還開了分店。今天天氣有點涼意，正是吃羊肉的好時機。這小店是茶餐廳的格局，沒有半點焗促，感覺地道。而餐點方面主打米缐，分大碗，小碗，價錢也只不過是$36-$58，價格貼地。除了米缐以外，還有數款特色小吃如口水雞、蒜泥白肉、拍青瓜、豬手等等供應，由$18-$30。特色清湯羊肉米線$45這兒的羊肉米線可以選擇有皮或去皮的羊肉，又可選肥或瘦，選擇具彈性。羊肉是選用自然放養的黑山羊，羊的騷味突出，羊的味道香氣撲鼻，難道這就是苗族風味？羊肉羶香，肉質腍身又嫩口，湯底清澈鮮甜，而且在米線中加入羊油，令羊味進一步提升，雖不致於一試難忘，但味道確實唔錯。米線帶有米香又弾牙，滿有口感，而且份量唔少，令人飽足。真估唔到細碗米缐都咁大碗，真有點意外。牛腩湯鍋酸辣湯米線$36牛腩是厚切的，口感十足，加上肉質軟腍，滿有肉香。雖然肉的份量唔多，但以$36定價而言，是可以接受。酸辣湯味道比想像中溫和，微微的酸，輕輕的辣，加埋軟滑又帶點嚼感的米缐，幾唔錯。拍青瓜$2

平時成日食譚仔果d比較大路大眾化d既米綫，今日黎開觀塘工業中心呢頭，決定試試呢d特別又好有雲南本土風味既湯鍋米綫先 ～從Menu就可以睇到呢間米綫係好有自己特色既，而睇餐廳名都可以知道呢間係特別食羊肉米綫既，所以羊肉可謂必食！ 同時，大家可以見到佢有有大碗細碗之分，雖然只係差$10，不過侍應姐姐係我落單果陣同我講，大碗真係好鬼大碗架！禁我結果係叫左細碗既，大家等等可以睇下小食都一定唔少得啦，可以叫黎同朋友share嘛，價錢都好貼地添野飲方面，我同朋友都揀呢期新出既無糖可樂，好似話真係可以減慢糖份攝取，減少脂肪吸收喎大家唔好誤會，呢碗已經係細碗黎！佢真係好大碗！所以大碗既話⋯我諗都真係幾誇張，好好好肚餓 / 大食既話，絕對可以考慮我叫左個牛羊雙併米綫，細碗$38，肉既份量都幾多，羊肉夠香唔會太羶，連皮帶有少量脂肪，都幾香口 ；牛肉都幾林，有d似牛腩，兩款肉都唔韌，幾唔錯麵既份量當然都夠曬多啦，d米綫都幾有咬口架，完全吸收曬d湯同埋肉既味道，所以就算係清湯都好夠味，而蔥花更加係點綴的一大重點小食就有呢兩款，左邊既美味口水雞，右邊既避風塘麻辣雞翼雞翼都幾有特色，因為唔係我地平時食開既港式避風

今日一個出席活動，所以先醫飽肚皮，一個點了大碗米線同口水雞，的確份量超多，兩人分享也夠食，建議女仔點小碗配小食。前陣子都好受歡迎的羊肉米線，食店跟店名一樣，明顯是主打賣羊肉米線，湯底有清湯或酸辣，以黑山羊米線最受歡迎，當中還分帶皮及淨肉，前者必叫的，還有雲南風味麻辣小食，也是不可缺少的。【帶皮黑山羊肉酸辣米線】（大）$58羊肉好香好嫩，肉同湯都有少少羊羶味，配酸菜加微辣，更加酥香惹味。特別喜歡帶皮，因為皮係另外炸至鬆脆，放湯同食，吸湯汁之餘，又有酥脆油香口感，超正。米線亦好滑溜有彈性，吸埋羊肉湯味，份量也很足，好飽肚。【口水雞】 $30個辣汁超吸引，麻辣香有齊，越食辣味越刺激，亦停唔到口。雞肉唔鞋，又夠入味，連雞皮都夠爽滑不膩。

放工想食個quick dinner，即刻諗起黑羊湯米線。兩人食都係百幾蚊，抵食。熱檸水、凍奶茶(跟餐$7)美味口水雞($30)酸辣度適中，辣度適合大部分人食，雞肉都幾入味。豬手青湯米線細碗($36)豬手燒過好香，好大隻豬手，可以斬細件些，容易食點。米線好有咬口，好食。避風塘麻辣雞翼($22)不辣，都幾惹味。羊肉酸辣米線細碗($45)，湯底有羊味，好濃郁，羊肉鮮嫩，不會韌，不會so，真係好味道。酸菜分開上

今日午餐同左個同事一齊食米線呢度既羊肉米線最出名，我所以我地叫左碗大既清湯$58share一齊食之後見到都有唔少小食，幾吸引咁，我地都每人揀左款再share大碗既米線真係勁大！！！完全足夠兩個女仔share清湯唔油膩，配上爽滑米線一齊食就當然無得輸而羊肉香而不騷，愛羊既同事一路食一路讚小食我地要左口水雞$30同蒜泥白肉$30兩款小食既味道都唔差，不過不失啦而中午就有得跟餐加配飲品大熱天時就梗係加返杯凍檸茶先啦又沖得幾好啵，茶底夠濃，檸檬夠新鮮------------------------------食物質素：🤤🤤🤤(5🤤最優)價格水平：💰💰💰(5💰最貴)環境裝修：✨✨(5✨最好)服務態度：🌟🌟🌟(5🌟最佳)整體評分：❤❤❤❤❤❤❤(10❤滿分)是次評論及分數視乎進餐當天的品質而訂，亦同為個人觀感：）------------------------------

去觀塘探朋友仔，順便一齊食晚餐，佢係地頭蟲實知附近有咩好食。朋友仔帶我去咗觀塘工業中心，我就覺得奇怪，工業中心都有好嘢食？在觀塘工業中心第一期地下，有間「雲南啊老表黑山羊湯鍋米線」門口有一幅黑山羊的海報非常搶眼。坐下來睇下餐牌，除了黑草羊外，仲有雞、牛、豬都有，米線以外也有不同的小食，我點了清湯羊肉細碗米線及避風塘麻辣雞翼、飲品凍檸樂。米線一上枱已聞到羊的香酥味，米線非常滑口，清湯底很濃厚，而羊肉我選了不要皮，入口香淋軟滑，入口即溶，果然係鎮店之寶。小食避風塘麻辣雞翼，只係少少辣，外皮脆脆，配上米線很好吃。凍檸樂用上大大個鋁杯，能好好保持到凍飲的溫度，用上原罐可樂，真是我的最愛。朋友要了雞肉米線，雞肉用上原隻雞斬件上，並不是雞胸肉貨式，份量不少。另一小食要了蒜泥白肉，蒜泥用上鮮蒜磨制而成，蒜味十足，而白肉厚薄均勻，配上蒜泥好吃😋

今日跟同事去觀塘拿電腦，他知道我吃羊肉之後便帶我去吃「雲南啊老表黑山羊湯鍋米線」。此店位於觀塘工業中心一期地下，離觀塘港鐵站不遠。我們叫了大碗的羊肉米線，當米線送到來的時候，原來真是好大的一碗。清湯不油膩，羊肉不太羶，就算怕羊羶味的朋友都應該可以接受。羊肉份量都不少，吃下去的時候，感受到香香的羊肉味，再喝一口湯，味道不錯，再加上一口米線，真的是絕配。另一個是牛腩湯鍋米線，也是很大碗，感覺很抵吃。牛腩炆得好入味好腍，一咬即碎的感覺，米線更吸收了湯的味道一起滲入口裏，真是滋味啊。美味口水雞，冰涼嫩滑的雞件帶少少麻辣，沾上汁一起吃，很好味，但雞肉不多。蒜泥白肉，半肥半瘦，切得薄薄均勻的，入味好吃。「雲南啊老表黑山羊湯鍋米線」，價錢大眾化，味道又不錯，加上份量又足，所以怪不得咁多捧場客。

呢間米線喺官塘可說是深入民心，早喺舊址觀塘廣場既時候已經成日去食，係老表既小fans。之後觀塘返工更加帶幾個同事一齊去，大大碗又可以叫幾個小食share，真係食得好開心，好滿足。宜家間唔中放工偷懶都會中途喺觀塘泳池落車上天橋過去食~ 搬左大舖坐得舒服d，更加多左款式～呢度既米線有大細碗size，基本上一人食細碗已經夠，大碗可以2人share了！除左招牌黑草羊，仲有牛腩、豬、雞等，而我最愛就係黑草羊肉連皮米線，呢度個湯頭真係好正，每次都要先喝幾口。今次點左牛羊雙拼米線。不過牛腩略嫌瘦咗啲，蔥會用湯匙裝住，唔食蔥可以唔落，好細心。另一碗叫左淨羊肉米線。呢度既蒜泥白肉，蒜泥跟白玉係分開的，薄薄既白肉一層層色澤分明，將加左白醋既蒜泥放上白肉一齊食，蒜同醋香樸鼻，好有層次！唔同外面食既有麻辣油既味道。 試埋豬手，豬皮係燒過既特別香口，肉質夠淋，筋位軟滑。飲品方面少有地可以揀(凍/熱)蜂蜜，仲有茶蜜， 夠曬清甜滋潤！

黑羊湯米@觀塘米線有清湯同酸辣兩種，我哋一人一樣，試下個分別 仲點咗啲小食～朋友叫咗個羊肉大碗真係大大碗，份量好多！但佢話好味，仲食哂全部 朋友 share 咗啲羊肉俾我，果然名不虛傳，真係好嫩滑而且無膻味！我就叫咗豬手酸辣米線，細碗都好多，哈哈～ 酸辣米線係多咗啲酸菜，同平時嗰啲酸辣湯底有啲唔同，我覺得呢種酸辣幾好食。豬手都係大大隻 涼拌青瓜廿蚊勁大碟，真係好抵食。青瓜酸酸涼涼好開胃，亦都好爽脆～水餃嘅外表係幾樸素，但入面充滿肉汁，食落好好食！再嚟必定會 encore 水餃 飲品都係大大杯，夠哂冰凍

上次去完APM配眼鏡，今晚就拉埋朋友一齊去攞貨順便食飯。因為都無咩想食就食米線啦，附近又無食開嗰間，見呢度有羊腩食咁得意，就同朋友入去一食。羊肉唔係個個接受到主要原因係佢嘅羶味。尤其係成年左嘅羊，因為體脂高所以羶味相對地濃烈。不過呢間店嘅羊肉就無呢個問題，因為採用年輕放養黑山羊，羊脂較少令到食落無咁令人抗拒。酸辣羊肉湯米線(大碗)。羊肉入口滑嫩，雖然係瘦肉部分但都唔覺柴口，好腍身。酸辣湯底好清，又唔會因為太辣而搶過羊肉嘅滋味，整體幾唔錯。米線偏硬身彈牙，腍返少少會好啲。如果點清湯就應該食到最原始嘅香甜。清湯牛肉米線。唔知係唔係個湯都係共用關係，朋友嘅牛肉湯都有微微嘅羊肉味。不過係接受到嘅。牛肉比羊肉更腍啲，牛脂煮到化晒。所以食落完全唔使咬就化開左，真係入口即溶，正。米線都羊嘅唔多，但個湯就再清甜啲，口水雞。雞肉結實，吸收左麻辣醬汁之後好惹味。最鐘意係佢嘅花生，原粒炸得香口酥脆，配上醬汁及雞肉一齊食，口感同味道都好正。酸辣豆芽。豆芽夠嫩所以食完無渣，加上少少酸辣味道，開胃之餘又健康，話晒食左咁多肉，食返啲蔬菜平衡返，係應該嘅。估唔到羊肉米線嘅效果都幾唔錯，亦都留意到尖沙咀頭都有分店，下次

第一次食羊肉竟然唔錯🌝以前係唔敢食羊肉，因為怕佢陣so味！呢間開係觀塘嘅米線專門食黑山羊肉，大家都話唔錯，加上知道羊肉其實係好補，所以就同媽媽去咗食！原來細碗已經係超大碗，差唔多等於譚仔嘅過橋米線份量！大碗真係好誇張，不過都有唔少人點。湯頭係清清地但又唔會好淡味，羊肉有分帶皮或者淨瘦，我雖然揀咗淨瘦但都有夾雜咗一塊帶皮，食落去幾唔錯喎！無so味之餘瘦肉又唔會鞋，有啲似牛腩，甚至比牛好食。我嗰碗勁正，好多半筋半肉！食到帶皮嗰舊會比較有so味，但都接受到。米線都做得好出色，煙韌彈牙，唔會係白雪雪(好事黎，即係無漂白過🌚)比起譚仔更好食！呢碗咁大碗$45又唔算貴，羊肉出面都賣得幾貴下。小食方面拍青瓜($20)、涼拌木耳($20)價錢合理，份量都大。食得出夠新鮮，而且木耳係我鍾意嗰種有啲膠原嘅感覺(我唔鍾意水發嗰種)但店員話木耳少少辣only，對於唔敢食辣嘅我其實係好辣，仲要係辣到入曬味個種！夠入味，嚐辣者應該好鍾意～跟米線配嘢飲平啲，食完飲番杯熱菜蜜，超解渴！

對於羊肉的熱情有增無減，朋友介紹雲南啊老表黑山羊湯鍋米線，主打羊肉米線。喜歡羊肉人一定喜歡入到店內已經聞到羊肉香味 米線設有大、細碗，價錢$58(大)元或$45 (細)。除了羊肉，還有牛腩、豬手、雞肉米線，選擇都頗多  羊肉米線 (細) $45羊肉米線有帶皮和凈瘦兩款選擇，今次凈瘦羊肉細碗，但絶不細碗，份量滿足正常女士。先呷一啖湯，湯底清甜。再一啖羊肉，肉味香而唔算羶。以$45價錢，有清甜湯底，份量十足羊肉，加$7可以有凍飲麻辣豬耳 $25麻辣小食$20起，性價十分高。我最喜歡麻辣豬耳份量適中，夠麻夠辣

有個喺觀塘返開工嘅朋友介紹有間抵食夾大件嘅羊肉米線，今晚就去咗赴會。APM行過去都係5分零鐘，7點幾去到都差唔多滿座，隔局都幾有特色，牆上都掛滿好似 青藏高原嘅牛同羊嘅畫，重點係冷氣夠大，因為好怕食到成身汗。事不宜遲，叫返個大碗羊肉米線同口水雞，仲加咗杯凍檸茶。先嚟大大杯檸茶，夠晒飲。口水雞，樣子同一般嘅差唔多，但味道都幾令人深刻，佢又唔算好辣，但佢令到啲雞入晒味，佢啲香草，麻子嘅味都溶入雞肉，正。去到主角大大碗嘅羊肉米線，佢有得揀羊肉連皮定係羊瘦肉，米定米線，我就揀咗瘦羊肉米線，但佢又唔鞋喎，兼且好有羊味，正，佢個豬骨湯底一啲都唔鹹，仲好有骨味，按自己喜好再加埋啲辣菜圃，層次又再高一啲，呢個份量影真夠我飽。下次可以再試埋個牛腩，我frd話牛腩都正。

上次行過觀塘廣場才發現雲南阿老表黑羊湯鍋米綫不見了！原來已經搬到觀塘工業中心一期這邊差不多一年了，新店感覺上比較大呢～仍然保留了很 classic 的海報吃米線必點小食，這客是涼拌木耳，每片木耳都好大片哦，麻辣得來又非常爽口，很捧的開胃小菜另一道小食點了麻辣雞翼煎得香口又惹味這碗是牛羊雙拼米線，男友點了大碗，真是超級大的滿滿一碗，連大吃的他都差不多吃不下哈哈清湯好甜❤️ 牛肉和羊肉都熬得很軟淋，吃完身子都暖暖的我就點了水餃酸辣米線，也是放滿了水餃這個正常份量都已經好澎湃了水餃可選白菜或韭菜餡，這個是白菜餡，非常飽滿又有湯汁，而且餃皮煮得剛剛好，不錯吃

The noodle shop is specialized in the #yunan noodles, and the shop promised meat source is organic. Although I cannot quite tell if the meat tastes organic or not, one thing I do notice is they opt out the msg. The thirsty feeling that usually follows a bowl of noodles doesn't follow after I indulged this huge big bowl of noodles. Talking about portion, this noodle is huge! Bigger than my face (which means really big) and enough to feed a small family of three if the dad has very small appetite.