雲南啊老表黑山羊湯鍋米綫 (觀塘工業中心) (已搬遷) 新店位置

今日食晏時間經過呢度，見到佢哋做「黑山羊米線」，主打黑山羊肉嘅餐廳真係好少有，咁我又好鍾意食羊肉，就決定入去試吓。叫咗「牛羊雙拼清湯米線」，佢哋有分大碗細碗，我就叫咗細碗，再加豬油渣；另外仲點咗一個「美味口水雞」，同埋凍檸茶。米線好快嚟到，黑山羊肉非常掂當，好香羊肉味，有咬頭，一啲都唔肥，真係好味，唔怪得知餐廳用「黑山羊湯鍋米線」做店名。牛腩味道都唔錯。另外一個驚喜係豬油渣，非常香口，米線一上嘅時候即刻食就脆脆地，等一陣食啲豬油渣就吸咗啲羊肉湯嘅味道，軟軟哋又有另外一番風味😋口水雞好惹味，我仲將啲口水雞汁加入碗米線裏面，令到米線更加惹味😋放喺枱面嘅菜脯同辣椒醬同麵一齊食好正。凍檸茶好濃好飲，正👍

今日收工突然好掛住啊老表嗰陣羶味，仲記得之前嚟食嗰陣一行入門口都已經聞到嗰陣撲鼻嘅羶香，實屬愛羊人仕嘅心靈慰藉。凍檸茶，有水吧嘅餐廳永遠都係加分嘅，唔洗吓吓都飲罐裝嘢，啊老表無論檸茶奶茶汽水跟餐都一律平五蚊，凍飲仲同熱飲同價添，少有少有。口水雞率先送上，係我最鐘意嘅雞胸部位，口水雞汁嘅味道甜甜地，唔會話好辣，非常惹味。水餃，呢度嘅水餃最正嘅地方係可以兩隻兩隻咁嗌，我地嗌咗白菜餃同韮菜餃，餡料脹爆，韮味濃郁，加埋跟住水餃一齊嚟嘅黑醋同枱枱都有嘅菜脯一齊食，好味到暈。避風塘辣雞翼，4隻雞翼都係賣22蚊，真係抵到忍唔住追加，嚟到見到仲要係大大隻嘅雞翼即刻心心眼，味道香辣，外皮仲有少少脆身，屬水準之作。羊肉酸辣大碗米線，咁耐無嚟梗係要嗌番個"大洋"嚟頂吓癮，先呷一啖湯底，濃濃嘅羊味即刻充斥住口腔，感覺羶好，部份連皮嘅羊肉羶味更加 double up，分上嘅酸辣味道亦豐有層次，令人大感滿足。除咗靚羊之外，啊老表仲有牛腩、牛肋、雞肉、豬大腸、豬手同豬頸肉等等嘅非羶味菜式，唔鐘意食羊嘅伴侶都可以陪我一同品嚐，二人同行，一人食羊。

朋友在觀塘工作，今天特意來探班，順道大家一齊吃過午餐，我們揀選了「雲南啊老表黑山羊湯鍋米綫」。餐廳很有飯堂本色，燈光通明，座位闊落，以木製傢俱枱櫈，簡樸實際。食物方面有很多選擇，主打羊、牛、雞及水餃，可配米綫或飯，份量也超大，細碗也可足夠二人份量。還有特色小食，款款都是有雲南風味，有辣和不辣。必點「羊牛雙拼米綫」配上酸辣湯底，湯底不算太濃味，清甜香口，米綫滑溜彈牙，羊肉嫩腍，牛肉是薄片有牛肉味，質素不錯。「水餃酸辣米綫」有白菜或韮菜選擇，今次吃韮菜， 餡料充足，水餃皮不會太厚，味道也很好。小食「涼拌木耳」木耳爽脆，麻辣十足，愈食愈辛辣。「避風塘辣雞翼」味帶鹹香，雞翼不是太肥，較為乾身。米綫跟餐可配罐裝汽水，選擇也很多，而且還有+C及白色可樂，超正呀～

成日都想搵D食羊肉既舖頭,但唔想下下都係打邊爐🍲係觀塘經過見到哩間店個名咁長咁得意,又係食羊米線,所以同朋友決定試下!食物方面:⚪️羊肉酸辣細碗米綫湯底都幾香,但酸辣味就無咩,只係係湯加左D酸菜,食到少少醋味,但就完全唔辣🔥羊肉唔會太羶,切得好薄一D都唔會un,米線好滑就算係細碗都好大碗!⚪️水餃(白菜豬肉和韭菜豬肉)餃子普普通通,係烚既無湯🙅🏻‍♀️餡既味道還好,皮唔係薄果種!⚪️美味口水雞雞肉無咩味,但無碎骨,個汁都OK幾香👌🏻但雞唔入味,口水汁入唔到去,但份量都算幾多!⚪️涼拌鳳爪鳳爪比較硬,個汁都係用返同一個辣汁,所以都係入唔到味,一般般!⚪️避風塘辣雞翼雞翼有少少乾,但味道唔錯,幾惹味😋有D似燒雞翼,唔錯!.整體方面:店舖係工業大廈果邊,但唔算難搵,就係曹通既店舖,無咩特別裝修,但地方都幾大,唔會座得好迫😉想試羊肉又怕羶既可以試下,唔錯,價錢唔會太貴,細碗都夠哂食😊

🟩今天的晚餐吃一個較特色的食物，羊肉食火鍋就食得多，羊肉做米缐就較小，而且仲係咁有特色的雲南黑山羊湯鍋米線。特色得黎又唔貴，價錢和口味都大眾化，而且大部份人應該都會喜歡吃，隨非你不喜歡吃羊肉😅🟧不過不吃羊肉也沒有問題，因為一樣有其他食物，豬🐷牛🐂雞🐔及其他一般食物都有，只是如果喜歡吃羊的人來到，不防一吃這𥚃的特色黑山羊🐐湯鍋米線😇————————🟫牛🐂羊🐐雙拼清湯米線——-牛清香，肉嫩，湯清甜，配料放上炸得透香又脆的🐷豬油渣，很小地方做得好吃的豬油渣，炸得甘香又沒有油脂的.......滑滑的米線😋————————🟥黑山羊肉配酸辣湯鍋米線——羊肉嫩鮮甜，而且一點「酥」味也沒有👍配有脆口的豬油渣，配上的酸菜酸中帶甜，另外我自己又加上他們的自家製菜莆放在米線一齊吃，更覺滋味😋——————-🐔避風塘雞翼———有辣有唔辣😊🐷自家製豬手———炇得夠腍夠火候😊——————食吓特色羊，做人唔會懶洋洋😂😂😂開心🥳⋯⋯簡單

屋企人話想食米線，又上網睇吓觀塘有什麼米線特別好吃，見到呢一間評論不錯，就一於去買個外賣返屋企食呢一間餐廳一入到去就感覺好正宗，非常有中國風，羊肉係呢一間嘅招牌菜望一望餐牌大概也是50多元，湯底有豬骨湯和酸辣湯選擇，屋企人鍾意食羊，叫咗個牛肉雙拼米線 $54 , 白菜水餃10隻 $33, 再加多杯飲品返到屋企，見到侍應已經好細心咁將豬骨湯同米線分開，另外再加上辣椒油吃餃子用米線爽口彈牙，配上羊肉和牛肉，羊肉有羶味，味道濃烈水餃餡料甚多，新鮮好吃這一餐加起來也不用$100，還不錯吃呢！

🔸羊肉酸辣大碗米線 $62🔸韮菜水餃 $33🔸豆漿 $9-今日收工又買外賣返屋企食，今日突然好想食羊肉，就上網search咗呢間專食羊肉嘅米線餐廳。原來位置喺工業中心附近，都幾近地鐵站。嚟到當然唔駛諗，一定係叫羊肉米線啦！叫咗酸辣湯，有好多菜圃喺面頭，超足料超開胃啊！大碗米線真係超！級！大！碗！！！！兩個人share食啱啱好😂 羊肉係一片片咁，份量都好多，少少騷味唔算太濃。水餃有十隻，真係好滿足好飽啊！

黑山羊一向都好滋補，不過要喺香港食到正宗既黑山羊就有啲難度喇，好在朋友介紹觀塘嘅雲南啊老表黑山羊湯鍋米線就食到正宗黑山羊喇😚😚羊肉大碗米線加雞肉真係大大碗🤩份量無用置疑，作為鎮店之寶既羊肉真係無得彈😊羊肉好香既羊羶味，而且味道係慢慢由羊肉深透出黎，肉質好鬆化，食落口好似溶左既感覺，加上羊味濃湯，好香甜，米線既軟硬適中，比出面既米線更加好口感，而雞肉係走地雞黎，所以味道方面好有保證🥳牛腩湯鍋米線加雞肉比起羊肉唔會好失色，牛腩味道就偏向爆發性，一口食落去牛味即時由口腔爆發哂出黎，而湯方面一樣係咁清甜，配合埋牛腩既濃味，個衝擊係比較突出😜😜口水雞亦都係用左雞味濃郁既走地雞，而且辣既程度拿捏得好，只會只有辣字，反而可以配合埋雞既味道，令到味道更加豐富。自製豬手用高湯作為配塔，每一隻豬手都唔會太肥，而且做到好淋身，食完豬手肉之後，再啜埋吸收左部分湯汁既豬骨，Yummy!腐乳通菜好新鮮呀，通菜既口感加上有少少辣同味道獨特既腐乳，真係超級夾呀，讚喔😄😄

自小不吃羊的我, 嘗過好吃的羊後, 只要羶味不會太重, 就不會抗拒了。這天在觀塘工業區逛街, 差不多午餐時間剛看到這間店，就買外賣回去跟家中老爸一起分享。記得以前曾開在觀塘廣場地下，客量非常多 ，每次經過差不多也是客滿狀態，所以從來沒有吃過。牛羊雙拼米綫外賣將湯分離，以另一個碗分開裝，以免米綫軟掉。裏面的肉羊比牛還多，羊大概是羊肩位，切成薄片；牛則是牛腩。聞起來有淡淡的羶味，吃上去也是不算羶，正適合我!牛腩肥瘦適中，不會靭，老人家吃也沒問題。白菜/ 韭菜水餃水餃皮厚薄適中，餡料份量十足!!  味道亦算不俗!不知是否錯覺，白菜那款的水餃皮總覺得比較薄，較易散。整體味道雖然略咸一點，但尚算不俗!

這羊肉米線，現在貴得多，印象之中，之前小碗應該$20-30多，大碗都只是$30-40多，現在細碗都已經要$50。而且羊肉，還沒有得選擇要有皮還是沒有皮，又增加了其他例如牛腩，或是豬大腸等等將車仔麵的配料。但內裏的裝修，以及座位，以及阿姐的樣貌，好像都沒有改變。湯的面頭還是有不少韭菜以及青蔥，味道還算是肉味香濃。羊肉尚有少許羶味，羊羶香得來不會太誇張。反而友人的那個牛腩，質地不錯，不算太過硬，亦都不會顯得太過肥膩。白菜餃子亦都比較普通，外皮偏厚，內裏的餡料有古怪，總是有一兩粒好像咬極都咬不開的東西。收費貴了而不算格外特別，難怪有些人客都去了較方便的東廣場那家新的羊肉米線。

秋冬之際，食羊肉係不二之選，溫補之餘又美味想食得清淡啲，嗌咗清湯湯底。湯底同米線食落去完全唔膻，反而有清淡嘅羊肉香味...大碗黑山羊米線，售價$60...分量非常足夠，男女朋友唔係特別大食嘅話，share食一碗大米線都夠，再嗌多一兩個小食...完美麻辣豬耳...辣味夠，但香味可以再香啲，但總括嚟講都唔錯最緊要係應該無太多味精，因為有時食完米線/重口味嘅小食會非常口渴，但我食完哩間鋪嘅食物就無哩個情況發生，唔錯

今晚天氣稍涼，想食點米綫，從前很喜歡，因為量大價錢便，只是現在都太貴，味道又不好。既然想食，就要到比較有心的店。黑草羊是區內頗佳之店，我也光顧兩三次。基本上款式不多，就是羊肉牛肉米綫。從前也沒有雞肉豬肉款式，大概因應市場吧。牛肉羊肉雙併酸辣。牛肉是牛腩，清湯款式，燉煮得頗佳，肉嫩不柴，有香味，帶肥甘香。羊肉應是羊肩位置，同樣肉嫩舒服，帶羊味而不羶。所謂酸辣，大概是調了醋的澆頭，也不算辣，相信是怕破壞了湯底，嗜川辣風味的要失望了，同樣也可免去那加一元的必要。本來驚艷的湯底，感覺變淡了，可惜。說實話也是坊間米綫店水準之上，也沒放味精，大體而言還是滿意的。見到有雲南米線一款，點了來試。對我來說，就是廣東腸粉較薄身，放湯也軟滑，也許我也可以這樣做。但到店還是點米綫較好。店內有自制辣椒油，頗香花椒味，辣是不太辣，相信作用點睛以不破壞湯為主。菜甫好吃，爽脆甜，放點到麵也是好的。點了餃了，白菜豬肉。說實話，店肉的小食可不點。餃子是自家製不錯，但肉餡調得不好，粗鞋，多薑蔥，皮厚。之前也點過口水雞，肉無味，斬得有碎骨，口水料不到位。這是大碗，抵上別人兩碗了。整體而言，光顧米綫就好，必不失望，當然店內燈光

一直bookmark左佢好耐但一直5經開～or時間就5到！！今日中午終於試到！！🥰🥰🥰我一直都好鍾意食羊～有「so」味我都好ok！！我一行入舖～勁大陣羊味！！🐑🤣🤣其實除左羊我見牛都係佢主打黎！我因為一陣捐血～所以特登叫左牛羊清湯米線！我想講我叫完～2分鐘就有得食！😂😂快到嚇親我！先試牛～好鬼新鮮！雖然都知係雪牛但應該5係冰左好耐好有牛味～如果麻麻牛可能頂5順陣味！羊勁「so」😂😂但好正好好味！！佢切得好薄好方便食！！另外一提佢有擺豬油咋！所以清湯湯底都已經好好味！另外佢小份量我都已經好飽～！如果我住附近我應該成日黎食🤣🤣🥰🥰

「雲南啊老表黑山羊湯鍋米綫」裡面售賣的主要招牌食品，主要都是黑山羊羊肉湯米綫。我以為曾經在旺角裡面，光顧過一間同樣主打羊肉米綫的中餐廳，不過我食過的旺角米綫餐廳，是主打雲南「黔菜」的羊肉米綫。相反地，「雲南啊老表黑山羊湯鍋米綫」裡面主打不是主打貴州米綫菜式，主要來自於雲南菜，另一個名稱叫做「滇菜」的菜系食品。由於「雲南啊老表黑山羊湯鍋米綫」位處觀塘工廈地舖，所以我儘量避免拍攝樓面好了。原來「雲南啊老表黑山羊湯鍋米綫」在工廈地舖營業，所以我即使在接近下午茶時段上門光顧，結果仍然遇到很多工廈上班族，上門光顧享用「雲南啊老表黑山羊湯鍋米綫」的羊肉米綫食品。至於我因為忠於自己個人的飲食需求，所以刻意選擇「雲南啊老表黑山羊湯鍋米綫」裡面的雙併湯米綫，配菜食品主要以「牛腩」為主，另加餐廳裡面的招牌食品「羊肉」而成的「牛羊雙拼米綫」。另一方面，原來餐廳還為了「牛羊雙拼米綫」，設定了辣與不辣兩款截然不同口味，辣味的米線名稱叫做「牛羊雙拼酸辣米綫」，至於不辣的味道版本，就被稱之為「牛羊雙拼米綫」。食客在「雲南啊老表黑山羊湯鍋米綫」裡面，無論選擇酸辣米綫，抑或是味道不辣的「清湯米綫」，兩款口味米綫食品的實

Signature of 雲南啊老表黑山羊湯鍋米綫 is this black lamb rice noodles from Yunnan, and it really does live up its fame!I ordered a large bowl of Black Lamb Rice Noodles in Sour & Spicy Broth for HKD$61, and when it’s served, I was stunned by the portion! Huge bowl with lots of black lamb meat pieces and noodles! The lamb was tender and meaty, very enjoyable! And the broth was more sour than spicy, I actually added a bit of chili oil to top of the spiciness. Rice noodles were ordinary.Should have ordered the