雲南小鍋米線

营业中

休息中

You would know this place if you are a rice noodle lover! Visit for more than three times before and still don’t disappoint me, although they mainly offer rice noodles dishes. All the food portion here is generous! Opted the rice noodle paired up with sour & spicy soup (mild level 小辣), topped with seaweed and pork tripe this time. The tripe is braised properly and has a nice springy texture. For the soup, you can smell the authentic spicy aroma from far, I like the intensity which is also not to

特登冒名而來試一試呢間米線，小店位置唔算方便，但係極多人幫襯。小店空間編擠迫，所以搭枱係常識。今次叫咗一碗（少少辣）酸辣米線，配雞絲同螺旋藻，雞絲滿滿的好開心🥰 不過米線量偏少。湯底酸辣味道十足，感覺冇偷工減料，不過食食吓覺得好咸。

雲南小鍋米線 ｜ 葵涌今日難得放假 之前上網經常睇到依間雲南小鍋米線今日經開荃灣買野就順便上葵涌上下依間去到門口出面已經勁多人係到排隊 好彩我早左10 分鐘左右打去叫但係我係外賣 因為知道一定勁多人我去到等左5 分鐘到比完錢已經走得 不過我地就直接係隔離個公園到開餐😋😋😋一打開都嚇親 叫左豬耳 同豬頸肉 雞絲滿滿既雞絲 佢既湯底比較偏辣 唔算太酸鐘意食辣既朋友一定要去試下豬頸肉份量都好多 味道都好份味麻辣豬耳 食落都係好麻😍😍下次試堂食

晏晝三點去到，呀姐叫我哋攞飛，攞完門口等咗十分鐘，有個呀姐叫我哋堂食嘅跟佢上去，行後巷樓梯入，條路好窄，成班人湧晒喺度，呀姐叫號碼，叫到我號碼，根本插唔到入去，之後好心人見我哋號碼咁前，讓開兼大聲講比人行先，我哋入去，呀姐叫緊後4個號碼，我比張飛佢睇，講聲唔該，佢就當睇唔到，叫其他人繼續入！之後叫我坐到最角落頭。 都仲忍住啖氣，咁遠水路過嚟都係為咗碗米線啫！到落單，又係嗰個呀姐，頭兩枱落晒單，佢遞手示意客人落單，我就向佢揮手示意落得單，佢一個不屑嘅眼神斬一眨眼拎去第二度，幫幾個未諗好嘅女客人度落單！我望咗兩分鐘，全程幾個女客人喺度商量，但偏偏呀姐就突登唔幫我落單！我食嘢要比錢㗎！唔知以為嚟乞！名氣大唔係大晒！唔食你我唔洗死㗎！大不了咪過荃灣食！

石蔭呢間雲南小鍋米線🍜一直都好出名，我想試好耐但一直都冇時間，因為位置都幾唔方便。好彩今次終於有機會俾我試到！(≧∀≦)好好彩我去嗰日係平日嘅夜晚，唔算好多人所以唔洗等位直接就入到去。環境嚟講都算唔太舒服，佢啲位置都比較窄，而且需要同人搭枱。我叫咗最出名嘅雞絲同腩肉。碗嘢嚟到真係有啲嚇親，因為佢啲雞絲真係鋪到成座山咁，而且好幼身，浸湯食好爽！腩肉好入味，而且肉質唔鞋口，呢2個餸都好推薦！( ＾∀＾)而米線就正正常常，不過不失。湯底我揀咗微辣，因為聽人講話佢小辣都好辣，不過都係撞手勢。我今次嘅微辣嚟講真係唔辣，仲有少少甜味，幾過癮。整體嚟講我覺得如果唔洗排好耐隊嘅可以一試，唔算住好遠嘅人都可以嚟試下！(●´ω｀●)

呢間舖平時超多人，諗住閒日放假獨自歎，13：55到達小店，入舖後被指往後巷舖等，嗰度有位亞姐叫du安心出行，du完跟隊等位啦，聽到有人問使唔使攞飛，亞姐話唔使。3位入完、2位入，只剩我繼續等。等吓等吓越來越多人，因見亞姐冇派飛冇記錄先後，於是行近少少等，14：14有兩人剛到就問另一亞姐攞飛，其他已經到咗一陣嘅見勢就問呢位亞姐攞飛，亞姐之後叫號碼138，心諗我等咗15分鐘妳依家又話派飛，於是出聲話我嚟先喎，亞姐只係問有冇138，奇怪冇138回應，之後欲安排剛取飛的兩位入座，我話程序上唔係咁嘛，佢話大家都有位，又問係咪入，心情不很好的我話"唔食tim呀" ，之後轉身離開，此時聽到有人講粗口似在說給我聽。兩位亞姐麻煩夾吓點安排座位給客人，出名唔係大晒，都要有禮有品嘛。。

荃灣出左名食米線，而呢間系其中一間成日比人提起既米線！見呢排天氣凍番，最岩食越辣辣嘅米線！呢間米線位置相對比較偏僻，真係要特登搵路先至黎到！鋪頭有兩間打通，相信peak hour應該要等30分鐘到，翻台亦都快！米線質地偏軟身，而湯底較濃，如鐘意連湯一齊飲既朋友就唔適合！推薦：腩肉：肥瘦適中，本身有味螺旋草：配濃味嘅米線十分清新！建議如果順路嘅朋友可以過嚟試一試，但係如果要特登搭車入嚟就冇咁嘅必要🙂味道：🌼🌼🌼服務：🌼🌼🌼🌼環境：🌼🌼🌼抵食：🌼🌼🌼🌼

📍雲南小鍋米線葵涌梨木道112號葵寶大廈地下5號舖🟠呢間小鍋米線店舖早已被youtubers介紹過，本身店舖已有一定熟顧客，但相信依家多了唔少外來食客。平時除了堂食滿座，亦見不少人等外賣，相當熱鬧。店主有多項配菜推介包括炸醬、腩肉、螺旋藻、冬菇等。😋🍲小鍋雲南米線(小辣)($30-HKD)除了已有米線、芽菜、酸菜、韭菜和肉碎之外，另外亦叫咗配菜(每款配菜不同價錢，有$9/$10/$12-HKD)，而螺旋藻、雞翼尖和冬菇都是($9-HKD)。螺旋藻吸晒湯汁，好味。冬菇好咬口亦好香甜。成個米線熱辣辣，冬天食特別好味。🤤🥟上海淨菜肉雲吞($34-HKD)有菜、豬肉、麻油、葱和酸菜，另外亦加了配菜紫菜($9-HKD)。🟠總括來說，呢間米線舖經營了多年，但仍然吸引到一定的顧客量，的確係好食抵食才能維持至今呢。😋

好耐無寫過食評，為左佢開筆寫個好評。鐘意食米線要黎一次，唔係話特登黎，但黎開葵芳就黎食一次啦。黎到門口好多人，攞飛就要穿過鋪頭去另一間鋪位，等左5分鐘到就有位。柯打左個螺旋藻豬軟骨少少辣米線。等左好耐好耐，米線熱辣辣上桌。試試湯底，正，濃郁酸辣；米線正常，配合螺旋藻增加口感，正；開頭以為豬軟骨唔match 酸辣米線，點知幾夾喎，亦入味。味道都重口味，所以成碗食，食得耐有啲膩，加錢可加飲品，要左枝綠茶，解膩。

一直都聽人講石蔭有間好出名既米線，係全港咁多米線中既top 3🤔今日揸車經過，就黎試下佢！🛎 $59 自選小鍋米線 加響鈴、螺旋藻、雞絲聽講螺旋藻、雞絲係呢到必叫🤔所以兩碗都叫左份量真係好多，每樣都佔左差唔多半碗呢個價錢黎講好抵食響鈴索曬啲湯，好惹味😚叫左小小辣，對我黎講真係小小辣啦不過食耐左個湯底就有啲咸🤔🛎 $59 自選小鍋米線 加冬菇、螺旋藻、雞絲朋友揀左冬菇～幾厚肉同埋都有成4大舊👍🏻唔食辣既朋友可以落單時講野少肉碎呀，因為佢啲肉碎係辣辣地架🛎 +$7 跟餐+C檸檬梳打🛎 +$11 跟餐 鹹檸七🌐 環境/服務原來鋪頭比想像中大後門上去係有多個鋪位所以就算見到好多人排隊，其實都唔洗等好耐～

前陣子不少Youtuber都有介紹他們心目中最推薦的米線，無獨有偶，石蔭雲南小鍋米線都榜上有名！作為一所街坊小店，怎樣成為Youtuber的大愛米線呢？難得來附近工作，決定要試試她有多強。早上11回半到達，直接入座及點一碗皇牌米線（小小辣），熱辣辣的米線10分鐘後上檯。「材料會否來得有點多？」小妹心裡第1句獨白。碗上只見材料而不見米線，的確有點誇張。先呷一口湯，小小辣無誤（頭30秒），她的辣來得有點慢，很刺激，但又不至於令小妹要瘋狂喝水。腩肉肥瘦適中，肉質滑溜並帶微辣滋味；雞絲是店主用心處理之食材無誤，雞絲吸收酸辣的湯底後更加過癮；而螺旋藻就是爽口健康的食材，吃畢邪惡的肉類後好像成功幫忙淨化身體。吃畢這個價值56元的米線，捧著肚子離開，滿足到極點吧！離開時，發現店外已大排長龍了。

🔥🌶【 (石蔭)雲南小鍋米線 】🌶🔥⋄—————⧫♟⧫—————⋄專程來試石蔭 2️⃣5️⃣年老字號，人稱最強米線嘅「雲南小鍋米線」‼️🙋🏻‍♀️：我要中辣，唔該。👩🏻‍🦱：你有冇食過㗎？我地同出面唔同，我哋真係辣㗎。💁🏻‍♀️：hmmm…. 咁中小辣啦😛⋄┄ ┄ ┄ ┄ ❖ ┄ ┄ ┄ ┄ ⋄🌶自選小鍋米線($30)基本配料：米線、芽菜、酸菜、韮菜、肉碎自選配料：腩肉(+$10）、雞絲(+$10）、炸醬(+$10）⋄┄ ┄ ┄ ┄ ❖ ┄ ┄ ┄ ┄ ⋄📍地址：葵涌梨木道112號葵寶大廈地下5號舖⋄⋄#hkig #hkfoodie #hongkongfood #hkfood #hkfoodporn #hongkongfoodie #instafood #foodblogger #hkfoodbloggers #hkfoodies #相機食先 #hkiger #hkigers #ilovesharingfood #openrice #香港美食 #hkinfluencer #foodiehk #discoverhk #ccrreami奧運 #ccrreami葵涌 #ccrreami石蔭 #石蔭 #石蔭

雞絲螺旋藻冬菇小鍋米線（中小辣）$58-辣度夠 辣度比出面其他米線舖高落單個陣個店員都有提醒我哋 Nice！辣得過癮 辣得夠正🤌🏻三個餸入面 冬菇最surprise!大舊 厚身 肉淋 冬菇味好rich😍一咬落去就😍😍😍👈🏻雞絲撕得好細 浸湯食就最好索埋湯底個味 不過肉質就唔係嫩滑如果想食嫩滑 就比唔到滿足感你啦螺旋藻就最普通 食落去同海帶差唔多口感爽口 但驚喜唔大-✨辣>冬菇>雞絲>螺旋藻-

中小辣有時又唔辣 有時又好辣 叫人點叫辣度今次我已經叫左中小辣 結果辣到食唔到 浪費晒成碗野可唔可以穩定辣度 每次去食 都係叫中小辣 辣度都唔一樣 🤷🏼‍♀️ 🤷🏼‍♀️🤷🏼‍♀️🤷🏼‍♀️🤷🏼‍♀️🤷🏼‍♀️🤷🏼‍♀️🤷🏼‍♀️🤷🏼‍♀️🤷🏼‍♀️🤷🏼‍♀️🤷🏼‍♀️🤷🏼‍♀️🤷🏼‍♀️🤷🏼‍♀️🤷🏼‍♀️🤷🏼‍♀️🤷🏼‍♀️🤷🏼‍♀️🤷🏼‍♀️

舊居附近有呢間網民吹奏到識飛聲稱全港排名頭三嘅米線但當年小弟搬走時根本未開對於老石蔭人嚟講唔係回憶今次趁平日夜晚特登返嚟行返轉慕名測試下呢個皇牌米線落單冇耐米線就上菜份量算係大大碗先講d餸雞絲刨到雪花狀好幼 但食落好鞋腩肉呢？有d鞋、有d淋但味道偏甜冇乜其他味仲有好大堆螺旋藻食落去好似食草咁 好攰而靈魂嘅湯底都係偏甜冇其他特別令人留下印象嘅味道以呢類小鍋米線而言呢間米線真心唔得再一次證明被人吹奏未必真係好食叫我下次再去食？不了