雲南桂林過橋米線

营业中

休息中

早幾日收工獲通知無飯食...一個人在尖沙咀閒逛了一會，一個人想不到食甚麼之際，見到這間店人流唔錯，而且有兩人的細，於是入去試一試。胃口一般所以想食涼拌米線，要了中辣，想刺激一下胃口，配菜要了墨魚丸、魚腐和雞肉絲，因為見到隔離的人要了一碗有極多酸菜，不喜歡的我指明不要，等了十分鐘左右，來了的麵仍有酸菜，即時叫住阿姐，佢唔多願意地換了，只隔兩分鐘左右就來了，我見到仍是剛才那碗....但無心機爭議所以都收貨了，麵身是幾爽口，但不知為何麵是溫熱的...這是涼拌麼-_-魚腐口味不俗。墨魚丸無味而且不彈牙，明顯是一直浸在水中....味道過分濃烈，但辣味不足，是醫油的感覺過於嗆喉。

早幾日諗住用午飯時間去剪草﹐但因為只係亂草一堆﹐剪完都仲有半個鐘﹐原本諗住無時間食飯變成要諗去邊度食。只有半小時左右﹐唯有速戰速決。附近選擇不多﹐又唔想去茶餐廳做煙肉﹐結果揀左呢間雲南桂林米線。入到去﹐基本上已經滿座﹐有幾張則只余下一d 半個身位的空間﹐而因為我身型都幾有份量﹐最初諗住等一陣﹐但幾位阿姐不斷催促我坐低﹐結果都係要夾硬坐半個位。當然﹐一坐低隔離的食客都有略為遷就一下﹐但係感覺到氣氛唔係幾好。淨米線$17﹐每加一樣配料要$4﹐揀左炸醬﹑腩肉﹑蘿蔔三歡配料共$29。而因為我唔係太喜歡酸菜﹐所以講明唔要酸辣要麻辣(中辣)。另加一杯豆漿$5﹐總共$34﹐其實﹐呢間米線係貴過景霖或譚仔的。等左約5分鐘﹐米線送到﹐我一睇﹐即刻叫住阿姐﹐因為我要的係麻辣但有酸菜. 阿姐話﹐麻辣一樣有酸菜。原來如此。我只係唔喜歡酸菜﹐但唔介意食﹐所以照食可也。先任一啖湯﹐好濃﹐先感到少許花椒味的麻辣﹐然後酸菜味就出黎。呢個湯濃得有少少過份﹐可能係因為呢碗本身就係酸辣米線﹐只係另加麻辣﹐再加上我要炸醬﹐所以就變得過濃。講麻辣湯底﹐我覺得都係景霖最好味﹐濃淡適中。因為景霖係根據你要求的麻辣度去煮湯底﹐而唔係

兩個人叫左兩碗米線唔錯oY, 幾好食, 好大碗最好可以choose 多咩少咩

今日下午一個人閒遊尖咀，求其搵食。見呢度舖面幾大，又幾多人幫襯，就來試一下。有酸辣有麻辣，第一次都係試酸辣穩陣一點。叫了肥牛米線，要大辣。可能人多，都要等左一陣至有得食。碗米線幾大碗，配料有芽菜、酸菜及菜，再加上叫阿姐下重手的香菜及蔥，幾足料。渴一口湯底，是辣多過酸，頗辣，但還可以；肥牛不少，但好像柴皮一般，很韌，唔係好掂，早知叫小鍋米線加腐竹好過，碗米線吃完都幾飽。埋單25蚊，唔算貴，一試無妨。

如果係食過荃灣總店而番尋味的食家恐怕會失望了~Service一般~個waitress竟然唔知咩叫凍檸蜜~~(汗)米食更加係down左幾個grade~個湯完全唔係果回事~係鹹左的~~~而且食唔番總店個feel~唔開心~~

~比其他差wor~叫左一碗大腸,竹笙酸辣米線---小辣($25)完全唔得,得個酸字,d 餸又少,同荃灣個間比好遠--起碼夠大碗,這間...no again豆漿($5)---好d,叫做夠cool,但無豆味味道：3 環境：3 服務：3 衛生：3 抵食：2食唔過