雲南桂林過橋米線

营业中

休息中

不過不失位於尖沙咀寶勒巷入邊，通常一般我下午茶過嚟食，下午茶份量米線冇減少，而飲品就加$4凍飲，米線票，配料豐富，芽菜，酸菜，芫荽，肉碎足料，另外就係湯底濃郁，都叫唔錯

今日叫左小鍋雲南米線，微辣湯底，加左以下餸及凍檸茶，凍檸茶正常墨魚頭，已經脢左，用手指都可以㩒爛蘿蔔，又老雞翼，鹵水無味都幾岀色雲耳湯底超咸同個收銀姐姐講個墨魚頭有問題，她只係答……哦點呀⋯⋯真心超難食⋯⋯

以前真係好鐘意食尼間米線，覺得好好食😋過左一段日除無食，突然想食就叫個外賣食下，叫左小鍋米線中辣，湯底完全吾辣，又吾香，得個咸字餸：豆卜（有臭油味），蘿蔔（吾太熟，勁硬），豬耳（普通無乜味）

我應該有仍10年冇寫過OP食評呢度真係難食到我要寫..正如前面既食評所說: 我第一次食米線食到第2啖就已經想放棄 碗野得個辣字 無咸味無香味 唔好睇碗麵個湯好深色咁係真的!我可以再加多少少:米線陣味好臭, 唔係變左, 係呢隻米線好臭豬耳瀕臨變"叔"既邊緣究竟點做先可以整到禁難食?未試過食米線會嗌"好難食"🤮

都有一段時間沒有來吃了, 突然懷念豬腩肉與酸菜的味道又剛巧在尖沙咀, 所以就特意過來進食, 店鋪裝潢亳無變化, 始終經過年月洗禮, 有點殘舊, 感覺有點昏暗 😅 與昔日相比店鋪流量好像有變化, 店鋪內只有小貓三四隻, 由於以前間中都有來敝店也不以為然。對於此店我對服務不會太過在意, 所謂沒有期望沒有失望 😆 不過後來有五個客人進店時明顯態度跟對我是有分別的 🫠腩肉小鍋米線 $35一看米線時我已經有點擔心, 怎麼顏色有點暗淡, 配料也不如以前, 雖然我明白價錢也跟舊價差不多, 況且配料這些便宜材料, 多放一點點綴或提升口感等是必需的 🫥 吃了一口就感覺到湯比較淡味, 未有濃厚的酸菜味道, 腩肉醃味也失色了, 明明以前腩肉帶辣, 現在卻連少少都沒有 😑 十分後悔走進來, 雖然價錢便宜但也不值其價, 沒想到現在連本身唯一好吃的都不再好吃了。😮‍💨

飲完酒 好想食返碗米線 但又好頂胃 於是叫左芽菜做送 其實呢間既腩肉係好好食的 不過咁岩我唔想食肉 大大兜芽菜 睇到都開心  唯一可以改善就係杯凍檸茶 唔夠好飲 少田完都仲好田 

🐱返工Lunch想食米線，唔知尖沙咀區邊到有好食既米線😂就食呢間不過不失既店啦☺️價錢同味道都屬正常🤨兩餸麻辣小鍋米線（豬紅、豬大腸）：$42🌕🌕🌕/5 每碗小窩米線都會配少量芽菜、酸菜、芫荽、蔥花、韭菜、肉碎☺️唔食既朋友記得落單時同店員講啦🤭我就唔想個湯底咁油膩，所以走肉碎😂湯底來講正正常常，唔會太咸🧂豬大腸係有少少滷水味，幾好食，而且洗得好乾淨😉豬紅都好滑、不過就冇咩味🤣整體來講，Lunch有時想食米線既話呢間都係一間唔錯的選擇！價錢合理同味道正常，唔會太重口味🤓

【油尖旺區】【雲南桂林過橋米線】以前尖沙咀好多宵夜食，而家好似冇晒咁。好大程度上都係貧窮限制選擇，如果有錢啲，呢度都好多 bar 可以入去食少少嘢飲啲嘢咁。只不過如果講正餐就少之又少，就算係 bar 嗰啲，都可能會係廚房收咗工，得返小食咁。同道歉哥行到赫德道附近見到呢間，都真係冇乜選擇喇，咁就唯有食呢間米線啦。本身冇預食米線嘅，所以都冇乜 idea，求其揀咗個 $47 嘅「黃酒雞湯米線」，佢個餐牌聲稱係有紅棗、雞件、薑片同埋黃酒，但食落唔算好濃。而我本身仲加 $7 加咗餸，要「腩肉（微辣）」嘅，不過佢冇畀我，講一聲之後變咗另上，仲好，味道正常啦，咁樣碗就變咗 $54 喇。道歉哥就叫咗 $35 嘅「小鍋米線」，配個「腩肉（微辣）」做餸，辣度方面就要小小辣。而佢都有加餸，係 $7 嘅「魚肉春卷」，咁就變咗 $42，佢話碗嘢都 okay 嘅。張單另外仲有 $14 係嘢飲錢，我飲「枝裝豆漿」，道歉哥飲「罐裝可樂」，都係咁啦，可以有咩突破。全單總共 $110，以求其隊個宵夜嚟講唔貴。。。（地址：尖沙咀赫德道5-9號德裕中心地下5-6號舖）#1amfoodie #foodie #hkfoodie

自從無係尖沙咀工作就好耐係食今日想回味一下佢地的味道豬軟骨小鍋米線 （大辣）番到屋企大開得個辣字比起之前味道失色左好多豬軟骨完全吾係豬軟骨似排骨甘d 骨咬吾到得d肉仲係好鬆軟甘價錢佢就算係幾親民吾貴 $35碗一餸加米線

呢排同事返工都好鍾意食米線，搞到我都愛上咗食米線呢一個熱潮，今日去開尖沙咀行街，心大心細之下又去咗食米線 呢間餐廳之前都去過，水準都keep得唔錯 下午茶時間佢都唔係太多人 唔需要等位米線嘅份量好大，比嗰啲連鎖餐廳更加大碗，今日推介嘅係我叫咗炸醬同埋豬大腸 豬大腸洗得非常乾淨，咬落去唔會有臭味，而且非常有咬口，本身好鍾意食豬大腸，覺得佢做得都非常唔錯 炸醬再配埋米線簡直係一流，今日仲叫咗小辣，湯底嘅味道加埋酸菜配菜令到米線成碗嘅味道昇華，大家不妨到嚟試吓呢一間米線

尖沙咀行行，見到佢，一路對撈米線情有獨鍾，就走咗入嚟，入到嚟味道有啲奇怪，硬着頭皮試吓啦， 撈米線+1個餸$35，我叫佐腩肉再加咗魚肉春卷嚟到都幾大碗，味道唔錯食到我唔記得影相下次可以再試吓

叫咗個墨魚丸小窩米線，點知嚟到得兩粒墨魚丸，我以為佢比少咗叫個人過嚟問佢同我講真係得兩粒。兩粒墨魚丸收$35，個小窩米線又唔係特別好食，憑咩收咁貴。人地譚仔$35有六粒魚蛋。

其實真心講呢間米線舖嘅衛生情況同埋環境，就真係唔係咁理想㗎啦，但係我覺得味道算係可以嘅，真心我覺得好食過譚仔同南記，價錢都叫抵食小鍋米線加一個餸都係35蚊，我覺得佢個湯底非常唔錯，好濃味，但係食完唔會覺得好口渴，大大碗，夠曬飽肚不過如果你對衛生環境要求係好高嘅，就唔會推薦呢度啦，我覺得係眼不見為乾淨，但係食咗幾次都冇肚痛過，所以我覺得係可以接受嘅經過呢3年疫情佢都仲可以迄立不倒，所以我覺得佢都係有佢嘅生存之道嘅

尋日book左係尖沙嘴做facial，都預自己會做到夜晚9點半後，所以決定食左野先上美容院啦。見雲南米線近呢10年係香港都開到成行成巿，一定唔會唔好食得邊啦，點知我錯左佢個招牌 黃底藍字同某連續米線品牌真係似樣，入到去裡面啲燈光好／暗 下晝5點幾呢個鐘數客人唔多最終叫左個小鍋米線 加左4蚊轉紅薯粉 小辣 配料揀左豬軟骨 海帶 芽菜 豬大腸 我第一次食米線食到第2啖就已經想放棄 碗野得個辣字 無咸味無香味 唔好睇碗麵個湯好深色咁 而家小辣我都食唔到落去 每食2啖都要靠罐可樂定一定

🍜🍜🍜大碗好味小鍋米線▫️飲品+$7☑️招牌腩肉炸醬小窩米線 - $42都好大碗，米線份量足夠，而且軟硬度剛好。腩肉正常，另有大量肉碎，食到最後都仲有好多。配菜方面，韭菜、芫荽同芽菜份量都比其他米線店多，但酸菜較少。湯底叫了小辣，幾好，夠味，酸味辣味都食到。🔸雲南桂林過橋米線🔸分店：尖沙咀赫德道5-9號德裕中心地下5-6號舖旺角砵蘭街183號#尖沙咀美食#米線#午餐#lunch#尖東美食#一人之選#經濟之選#雲南米線#小鍋米線#腩肉#炸醬#粉麵