雲南桂林過橋米線

营业中

休息中

先講服務態度，岩岩去到叫左個撈米線，睇下張相，係啊係叫撈啊！個啊叔落錯單出左湯米線同佢講番，佢仲要話自己冇落錯係我講錯都算，之後仲要態度勁衰咁問我係咪要換…為左腸道健康着想，我決定唔換，諗住好好丑丑都食完反屋企算…重點來了！真心難食，好努力咁食左啲冬菇同兩件豬潤，其他放入口咬左啖忍唔住即吐（因為冇真正食落肚既食物所以就唔詳細講）…豬潤不論厚薄依然硬實粗鞋有臊味，唯一食得入口既冬菇口味偏甜，冇咩特別……四十幾蚊食左幾件冬菇同兩件豬潤，而且只係勉強可以入口…啊！仲有半條菜，條菜已經係成碗米線最好食既，其實格離左右咁多間都唔錯，點解呢間可以做得咁衰既呢？！真心唔推薦，可以既話去其他地方食吧！！本來即好心情完全被影響曬＃@＆

每次要自己食自己，我首選都會揀食湯麵！簡單得黎又可以揀自己鍾意嘅餸！尖沙咀見到呢間雲南鋪頭，又夠寬敞坐得舒服，就入左去開餐揀左蘿白，豬肚絲，水餃佢個湯底好正，又有肉碎、芫荽、芽菜好啲好香好好味啲餸都幾好，不過不失蘿白好甜～啲水餃好大粒，睇落似係自己包嘅～好多餡料！豬肚絲超多！係爽口嘅！好似食極都仲有咁哈哈

這天深夜，剛喝完酒的我路過赫德道，想看看有什麼宵夜可以吃。本來想去Uncle 4的但不知為何竟然沒開，又走了一小段路剛好看到這間米線店還開著。那時候差不多4:15，我走進去問幾點關門，伙計說last order 4:45，意思就是開到5點，一個人吃時間多得是！一般喝完酒的我都特別嗜辣，於是點了中辣小鍋米線（$23）加木耳（$7）。上次在另一家米線店點了個大辣差點沒把我給辣死，吃完之後肚子很不舒服，雖然我很能吃辣但腸胃頂唔順，所以這次保守點選中辣就可。不久後熱騰騰的米線就上桌了！嘩，第一眼就超級誘人，聞上去也好香，於是我即刻拿起匙根喝一口湯嚐嚐看。第一感覺就是，中辣竟然也蠻辣的！以後可能點小辣就好... 太辣不僅對腸胃不好，也比較多油，並不是那麼健康。雖然如此，我還是不爭氣地幾乎將湯全喝完了！因為實在太餓，而且真的很香。吃到最底還有點意猶未盡！$30一大碗色香味俱全的米線，還是深夜4點的宵夜，真的超抵！以後應該會經常來幫襯。

After working OT until very late, I have decided to come to this restaurant nearby my office for a quick dinner. Not my first time coming to this place. This place serves very spicy noodle with different soup base and toppings. I have chosen the classic Yuen Nan soup based with rice noodle and pork belly, wonton, and deep fried fish ball ends. It's best to have a bowl of hot noodles after a long day work. The pork belly is very thinly sliced with a good tenderness but it was not the best type of

今日中午，捻住吃下粉，就捻到附近有間雲南米線，呢間分店係我第一次吃，之前吃開旺角同沙田分店，中意吃就係小鍋米線但今日就偏偏俾我遇上不好的回憶，以後都唔會去呢到吃！今日都唔算多人，但職員比較少，都等幾分鐘先有得落order。粉到左，我發現雞翼有兩條大約2cm長噶雞毛，其實果下都唔爽，因為肉眼都睇到，雞翼響個面，一睇都睇到，但費事小事化大，唯有自己攞走，當冇一回事……點知到我吃到中間發覺有條好長好長噶野，我眼都突埋！！！！！長野有成30cm長，我叫個職員過嚟我：你睇下職員：呢啲係芽菜入面噶野，冇問題加（捻都唔捻當冇一回事，個職員就走左兩部）我：你睇多次，我唔睇清楚，唔小心吃左，吃死左點算？？職員：冇事加……我：唔單止呢樣喔，雞翼仲有長長噶毛，我都費事搞大件事，用紙巾包住職員：（笑笑口……）呵！雞翼有气正常噶喔！到呢刻個職員都覺得冇事，唔換新不碗米線或取消此單（取唔取消我唔緊要，我唔係有錢比，我只係唔想搞到吃個飯都唔爽），仲要職員又想走！我同我朋友忍唔住講：咁食xx見啦！職員：算啦！取消呢個啊！非常唔高興噶第一次，都係最後一次！！！

小妹係尖沙咀返工，呢間係我最中意既米線！二十幾蚊就有一碗米線。今日叫左小鍋米線，小辣，加冬菇，埋單只係$31！外賣返公司食！叫小辣岩岩好，冬菇爽口，入晒味好正！

今日又自己出去食LUNCH喇，今次要介紹既係我公司附近既雲南桂林過橋米線。其實我本人就唔食得辣既野，所以如果有朋友話去食我都唔知會食咩好，因為唔食辣真係冇咁好食。點知有次我老闆同我講話呢間既黃酒雞湯米線話好好食。咁我就決定去試下.....點知一試就愛上左.....呢一次已經係第2次食喇^^但價錢我就覺得都幾貴下，都成40蚊.....有冇野飲.....黃酒雞湯米線如果大家要叫呢一個野食既話，就最少都要等10-15分鐘，因為係即叫即整...一上枱既時候係滾到出哂煙...酒味極重。賣相亦都OK吸引一食落口既時候好似飲緊阿媽煮雞酒既感覺，味道好，夠味，雞味都濃。但係唔知係唔係D雞醃得太耐，入味就好入味丫，不過一咬落口肉係散既......又梅.......第一次食又係咁...第二次食都係咁.....如果唔係個湯我愛上左....我都唔會再去食....唉~"~ 食後感: 唔知係唔係因為酒家味精，食完極度口乾......返到公司勁飲水.......所以我都唔太敢食太多~ 哈哈~總次就又愛又恨啦! 

今日又冇帶飯...所以落左街買外賣食...食左一排牛腩米都有d悶..就另覓食...依間米線雖然聽同事講過唔好食...但點都要自己試下既....我就叫左清湯雞絲滑牛米線.....嘩...一飲湯....清淡如水....滑牛變韌牛...雞絲無味....米線好彩唔係淋...食完後....仲覺得肚餓....個米線仲要價值三十多大元....真係不大值....

大約零晨二點幾, 和朋友到了諾士佛台飲完野後, 有點餓, 便走去食米線. 這間米線是我們飲完野後的宵夜落腳處. 上次叫了米線, 今次就試下酸辣薯粉. 配料叫了豬軟骨, 豬紅和雞翼. 豬軟骨滷得好入味，口感介乎似牛根與牛腩之間. 豬紅咬一啖已經很滑. 雞翼都滷得入味而且肉很嫩. 酸辣湯底唔錯, 好濃而且不辣, 當中有酸菜和肉末, 肉沬很碎, 十分香. 酸菜也做得不錯，酸中有咸香, 還帶有少許辣味. 那透明晶絲的薯粉很彈牙煙韌, 而且很索汁, 非常入味，味道不錯!這碟皮蛋一般吧. 不是溏心皮蛋, 吃下口感怪怪的, 有d苦澀味. 凍檸荼好飲.

晚上和朋友過去銅鑼灣飲野後, 大約三點幾, 便坐的士落去尖沙咀食宵夜. 想起這間米線還沒關. 便到這裡吃吧.叫了一碗豬腸, 牛肉, 雞絲酸辣米線, 牛肉好滑,口感唔錯,肉質的軟腍度控制得恰到好處,不失嚼勁. 鹵水豬腸好好味, 夠香夠入味. 至於酸辣湯底, 叫了微辣. 味道十分濃郁加上大量芽菜、酸菜、韭菜等，超正斗. 而米線淋淋地幾好食. 茶夠濃, 不錯.

早幾星期前師傅一兜友見悶悶地, 於是三更半夜去左老尖, 最主要係想食個宵夜, 可惜又諗唔到食咩好? 四圍行下, 最後喺唔多選擇嘅情況底下, 就揀左呢間食店作為宵夜啦!入到去一坐底, 師傅先發現原來係上次問題餐牌嘅另一分店, 所以餐牌問題師傅唔再多講; 於是就睇下有咩想食, 最後諗左一陣, 就揀左豬潤同埋菜肉雲吞小鍋米線, 湯底當然要中辣啦, 另外再加多一杯凍檸茶!等左一陣豬潤同埋菜肉雲吞米線同凍檸茶一齊登場, 師傅即刻試下杯凍檸茶, 凍檸茶味道一般, 茶底唔夠濃亦冇咩茶味, 好處係比較凍; 再試下豬潤同埋菜肉雲吞小鍋米線, 先講下湯底, 湯底夠濃夠辣, 十分惹味; 而米線入口都幾滑, 加上煮得煙煙韌韌, 份量又幾多, 不錯; 豬潤份量都算幾多, 煮得一d都唔老, 而且算係爽口, 加上又唔苦, 都幾靚; 而菜肉雲吞有兩粒, 雲吞皮唔算太厚, 而菜肉冇甚廚特別, 可以啦! 配菜酸菜味道夠酸, 但唔會好咸, 開胃架, 而芽菜就幾爽口, 又唔生, 所以都可以!總括黎講食物質素普普通通, 服務一般, 環境都乾淨, 價錢唔算平, 師傅二餸米線都要成廿九蚊, 計埋飲野就三十五蚊落樓, 唔算抵食, 但

同樣的名字,係其他地區ge好幾間都食過,相信呢間必定係最差ge一間.首先係冇人招呼,星期日7點呢d時間唔係好過份呀wa?樓面得1個人?!??!好多吉位都係走左人但未執好野.諗住求其揀個卡位,點知發現其中1邊真係污糟到嘔,當然,冇清潔係一個問題,不過上手真係唔知點食野的-_-部份野食,好似比其他分店貴$1 ? (eg.雞翼$4 -> 5)幸好食野果方面唔係話相差得咁遠,係D豬紅味精勁左D~炸春卷都ok~份量依靠真係1d都唔少呢.....普通大男人都應該夠~雖說味道唔係有咩明顯分別,但所有其他野都明顯地較差,價錢又冇平到,就真係唔OK囉.

因為近我, 平均一星期最少會食兩三次, 但近哩一兩個月水準越嚟越差, 成日俾少咗餸, 一係無加配料, 一係湯底唔掂, 我食嚟食去都係嗰兩款, 所以有唔同味一定知, 要等好彩嗰次先掂, 唔知哩排搞乜鬼, 我忍咗好耐, 再係咁差唔會再去.

1:00am時要開飯，選擇不多，這裡幾近通宵營業，只好將就。厚福街分店的出品，印象是可以醫肚的。(醫肚定義，能填飽肚子，味道不過不失，略有可取之處)這間分店大概專攻附近酒吧買醉的客人，深宵裡要求自然不太高.......所以就出事了，熱伴酸辣薯粉+年糕+豬脷，年糕完全沒有味道，凍而略硬，沒有煙韌口感;豬脷太厚，不爽口。熱伴酸辣薯粉(小辣)，非常大碗，但如題...不酸不辣不熱，伴以莞茜、花生、蔥粒，少量酸辣湯.....難道把湯粉的湯倒掉大半就是熱伴粉????猶記得厚福街的伴粉有肉碎、辣椒.....這裡都走掉了，那酸辣湯稀稀的怎麼為薯粉增添味道呢?下回還是到隔壁吃打冷!

今日去附近拎野~之後肚餓食個lunch~ 之前都有食開~荃灣同mk都食過~最差都係依間~我照舊叫左個小鍋米線~豬軟骨~走西~小辣~~黎到點知有茜味=___=算照食~豬軟骨太硬唔入味...米線有點硬=_=~無奈地食完~個到冷氣唔係好夠~食到流哂汗=___=個湯同之前食開有點不同~雖然味道差唔多....但係較重味精~食完好口乾~食左好多水~埋單24蚊~又貴又唔太好食~下次都係食返mk~/荃灣