雲南桂林過橋米線 (已結業)

在香港打工 都必定會遇到一位特別愛吃米線的好同事 每星期都會吃一次而我每次想吃的時候 都必定會選擇雲桂香比起數字哥連鎖式米線 湯底會比較足料香濃個人覺得湯底是米線的靈魂 而雲桂香就做到基本湯底都有香肉碎豐富了濃湯口感的層次性今日隨便點了個小鍋米線（小米）腩肉炸醬豬大腸小鍋米線 $49------------------------------腩肉偏瘦 感覺比較好咬口 腩肉亦吸收了米線濃湯 令湯的香味徘徊在齒唇之間 數字哥連鎖式炸醬是可以另上的但雲桂香基本設定是隨湯上大家可以叫服務員幫忙另上隨湯上味道自然比較輕也是米線上的小點綴豬大腸也是雲桂香必食之選大腸香滑可口不肥不膩 也是我每次必定的配搭比起數字哥連鎖式雲桂香算是用心用力的米線專家

本身價錢唔算平 餸又少 丸類 冬菇每樣得2粒 唔係因為個酸辣湯底ok 我唔會嗌 但我已經清晰講明走莞茜 第一次算 第二次又係咁 今次第三次 因為我完全接受唔到莞茜味 搞到我要掉左成碗唔食 如果食飯時間唔夠 真係玩死

員工態度差到無人有，幾好食都唔會想再幫襯啦..............................

電話成日無人聽、員工態度又差咁做生意點得..............................

本身想食辣麵 用雲南search 就 出現咗另外一間鋪但係用銅鑼灣麵舖一search就見到有兩間同一樣嘅鋪仲要係同一個地址如果我見到呢一間舖嘅食評我係絕對唔會嚟呢間嘢試見到佢兩個正評 又冇腐皮諗住實食冇黐牙點知唔好食就係因為太多辣椒油食條菜都滴曬油咁好想死雖然米線地方好少賣埋米粉但係呢個挽救唔到我嘅心豬皮夠曬好咬口墨魚嘴都算唔錯但係呢啲唔係我要嘅米線 嘅靈魂都要係湯底但係佢齋油都冇用希望編輯會改過佢另外一間鋪嘅資料啦

同朋友4點幾係銅鑼灣肚餓搵食今次朋友介紹我黎試雲桂香原來雲桂香下午茶係2:30PM~6:30PM無特別平，只係凡惠顧米線／粉麵，可以加$4有凍飲，加$6有豆漿／汽水，加$10有特飲。３個人叫左２碗麵share!一碗係「涼拌米線（無湯）」$27加炸醬$7一碗係「雲桂米線」$50涼麵好好食呀！辣辣地嘅炸醬、花生、榨菜、咸菜配埋麵好正唔會太重口味，而且各種配料都同個涼麵好夾～推介雲桂米線搵左小辣，比較多配料，但整體味道好普通，配料未見出色。每人唔洗$30就可以係銅鑼灣食到個下午茶，涼麵好好味，下次再佢我都會揀佢

食物份量勁少，我嗰個重要唔係下午茶餐係正餐，仲要我一個人同三個三唔識七既人的夾埋一齊，D呀姐仲係啲客面前大吵大鬧⋯⋯以後去金西蘭去譚仔都唔黎哩間，咁既服務態度咁嘅食物質素直係比錢買難受！離晒普⋯完

星期五因為夜晚仲要OT係公司樓下食。據說好食。入去叫咗碗最簡單的米線，因為食量小，所以不敢加嘢，落單的時候，姐姐好有趣，佢話再過三分鐘飲品要8蚊啦，依家至需要4蚊，重要三分鐘要快5啦，於是加咗杯熱奶茶。因為叫的是麻辣，中辣，食得我超級爽……奶茶從來不加糖，呢杯本身都唔苦。下次試下酸辣。

兩個女生，吾係好餓，但想坐得舒舒服服食米線，所以去左雲桂香，貪佢有卡位坐。叫左一個薯粉，一個菜，同兩個野飲，因為最低消費每人三十蚊既。墨丸腩肉配水晶粉，其實我地都身一次叫水晶粉，佢比薯粉硬小小，咬感重，同因為挺身，所以飽肚好多既，不過比起薯粉，吸湯能力就低左，冇咁入味。腩肉些小肥，有一片直頭得肥肉，白色一片，小小嚇親。菜心新鮮，好青綠同爽口。

店名：雲南桂林過橋米線地址：銅鑼灣駱克道450號地下好味指數：8.4／10價錢：$30豬軟骨小窩米線小窩米線湯底，味道酸酸的，挺開胃。而米線質感煙靭，吸收了湯底味道非常入味，配合其他配料如芽菜，酸菜等一同吃非常惹味。豬軟骨肉質夠腍入味，中間夾着的軟骨非常爽脆。店名：雲南桂林過橋米線地址：銅鑼灣駱克道450號地下好味指數：8／10價錢：$35豬大腸，蘿蔔酸辣粉這間米線店我由中學已經開始幫襯，一直都覺得好好味，但係每次叫親酸辣粉都總覺得唔夠熱同湯，但係今次食我覺得進步左好多，夠熱夠湯！正！先說湯底，味道酸酸的，挺開胃。而酸辣粉質感煙靭，吸收了湯底味道非常入味，配合其他配料如榨菜，花生等一同吃非常惹味。豬大腸質感同樣煙靭入味，而蘿蔔鮮甜夠腍。 

其實坊間興起的「譚仔熱」我真的不太明白為何可以持續這麼久。我不是說譚仔不好吃，但真的不夠突出。最令體驗一間麵食店其功夫的一定是個湯底。好似我兩年前食過譚仔，個酸辣湯底真係太過清淡、淡而無味。酸味就只純粹得個酸字，絕對唔會吸引你食落去。而我當日係叫個豬腩肉米線，啲豬腩肉白雪雪，都係冇黎味道。至於米線就真係好普通一個米線=_=(我喺荃灣分店食既)聽講譚仔個土匪雞翼好似好出名，所以我都有叫黎食(已經係幾年前，唔知宜家仲有冇賣)(我喺尖沙咀分店食既)。等待時間長不在話下，而且上枱之後發出陣陣怪味道，好像腋下的臭。食落又咸又重味，根本不知道有甚麼好吃。而且職員多之落單都落錯了 ，改了三次，最終來的東西都不是我原本叫的。為求公平，我在雲桂香叫返同一款麵---「酸辣豬腩肉米線」，我選擇左小辣。啲豬腩肉醃得好soft好入味，咬落都好有肉汁。最起碼最基本係啲似係有顏色的，代表醃製過。一碗都麵溫度好緊要，如果等候時間過長會直接影響客人的食慾。我入到間鋪入面其實坐滿曬人，我開頭都係要搭枱。在咁多人的情況下，都可出菜出得咁快，五至七分鐘內就有得食，值得一讚。個湯係濃的，應該有用到特別的材料淆製。 酸同辣都分別

見佢咁企理 下午茶時段又有位 就入左去叫左個 醬拌皮蛋 同 麻辣牛肉米線 小辣 飲杏仁霜以米線黎講 尼間上菜比其他店耐左小小 佢第一樣上既 唔係杏仁霜 唔係 皮蛋 竟然係米線唔知係唔係我唔識揀 揀小辣  食落去得個酸字 完全唔辣 又冇辣椒油係側邊完全提唔起我既食慾 不過麵都幾彈牙既 但冇湯底 幾彈牙都冇用 牛肉完全唔麻 唔辣  而且好un 一咬落去就想痴牙咁濟  雖然D牛肉好大塊 但真係好難食(自問對食物要求唔高)第二樣上既係杏仁霜 完全冇味 只係一杯白色既水 唔好話杏仁味 連甜味都冇 豆漿都入味過佢N倍係我食左半碗米線既時候 佢先至上 醬拌皮蛋皮蛋既量好少 都係味道唔突出 話酸唔酸 話辣唔辣 又唔香 俾既醬又少順帶一提 D阿姐上菜果陣好似唔知D客要咩咁 拎住幾碗去到客人面前 豫疑好耐 好似等D客自己講邊碗係佢咁 上米線係咁 上餐飲都係咁 食完到我俾錢 佢張單 我見到寫 57  我就拎左57 行去俾張單佢  佢話: 59  我呆一呆 以為聽錯 我好平淡咁問: 幾錢話?  佢就好似好不耐煩咁 大聲咁講 五!十!九!  尼個時候 我身為一個食客 我冇辦法再忍  野食唔好味 我可以忍 但咁既

Keep fit是女人的終身事業！偏偏又係一個為食的白羊座，又點可以放棄美食呢？唔Check過卡路里都唔知，原來米線熱量比米粉高出兩倍嫁！加上米線通常勁大碗，食食下食哂成碗真係好飽，加埋啲湯有肉碎其實都好肥嫁！再加埋至好味嘅腩肉呀、丸呀、餃呀咁〜嘿嘿！肥死你在此分享小妹一個小小keep fit秘技：酸辣米線走肉碎小辣唔加餸次次都叫呢個，真心推介！好好味〜注意：走肉碎後會比平常辣!要小心喔〜走左肉碎個湯清左好味好多，是我最愛的酸辣味!油份減左八成有多！如果怕dry 可以揀點菜類（木耳、紫菜、九菜都是keep fit好朋友）仲係覺得dry要啲肉就可以揀豬耳！補充骨膠原❤但我覺得一碗已經好多，仲有大量芽菜、九菜，份量已很足！連加餸錢都慳返〜〜飲品不建議點甜和凍的。食辣忍唔到，凍檸茶走甜是我的至愛❤咁樣叫，食完暖笠笠肚子大滿足❤誰說keep fit 冇啖好食？說回食物，今次貪就腳來了銅鑼灣分店味道是咁多間分店水準平平的一間喔！份量較少，連九菜都得三四條！面頭的䓤花香菜都下得十分孤寒!令食味大減！價錢仲要比其他分店貴兩至三蚊！（不過地段租金貴都是人知常情嘅...)環境衛生倒是值得一讚！大部份是卡

同朋友到這店食個QUICK LUNCH湯底夠哂肉味,酸辛比例做得幾好,加上薯粉既煙UN,係一碗找不到缺點的湯麵配料就無咩特別,肥牛唔太肥,肉味欠缺是常識水餃也沒有靈魂,幸好雞翼煎得香口個湯正,配料無所謂啦

很久沒來吃米線，今天便來一躺熱拌米線(內有花生、炸菜、酸菜)另加支竹魚蛋(小辣)。。$34滿滿的一碗捧到你面前，十分滿足呢熱辣辣的，又足料~熱拌米線無湯不像有湯般辣!加上配菜酸酸辣辣的很美味!支竹:不會煮得太老!硬硬地幾好~魚蛋:尚算彈牙!下次都係食呢個熱拌米線，不過會試其他配料!