影片
港铁长沙湾站 C2 出口, 步行约7分钟
继续阅读
电话号码
26641134
营业时间
今日营业
11:30 - 22:30
星期一至日
11:30 - 22:30
*每個月第一個星期日休息
以上资料只供参考，请与餐厅确认详情
哇，講真，今次嚟到雲南風味館有啲驚喜㗎！一坐低，我就揀咗個就多人推嘅三鮮米線啦—要嗰杯魚片底，正！起初我少少擔心魚會唔會韌咗，但啖啖魚片滑溜溜，一啖落肚已經覺得滿足咗。再嚟喺個湯底，辣到舒服😋，啱啱好嘅麻味，喝一啖湯，真喺熱辣辣地暖笠笠，啱晒依個天。熱騰騰嘅米線好有嚼勁，同埋超級好入味，真係話到我想一碗接一碗。話說個菌王汁底都唔錯，啲香菇起到味，一啖湯，一啖菇，個味道攪和到剛剛好。🍄最後，個水餃米線駛得好快就到手。碗度嘅水餃大大粒，啖啖肉感，咬落去又皮薄餡靚，佢哋家做嘅湯底重點俱全，真心唔錯。㊗️總之，我諗呢度唔係咁容易食膩，下次仲會再嚟，食埋其他款！轉頭見啦！
继续阅读
收工唔知食乜好，經過依間舖決定入去食下，門面係好舊式既麵檔，主要都係食麵同米線。我叫咗一碗豬軟骨椰餃熱拌米線🍜豬軟骨煮得肉質有啲乾，肥肉比較多，餃子不過不失。反而個米線有少少驚喜，米線軟硬適中，入口順滑，醬汁都好惹味。朋友叫左豬扒淮山米線，豬扒炸到乾晒，好韌，淮山米線，屬於清淡型，個人唔係咁鍾意淮山麵，好在湯底幾清甜，唔會專登過嚟食。
继续阅读
今日食咗一碗好正嘅撈米線！呢碗麵有啲豬頸肉同埋竹笙，味道香濃，令我回味無窮。米線煮得剛好，有啲Q彈，唔會太腍，令味道更加豐富。豬頸肉切得薄薄嘅，煮得好滑嫩，令口感更加豐富。竹笙味道清香，令整碗麵味道更加濃郁。撈米線嘅醬汁亦都好正，夠香夠鹹，有啲微微甜味，同埋啲辣椒碎，加入啲蔥花同埋香菜，味道更加鮮美。整體而言，呢碗撈米線真係好好食！份量夠足，味道豐富，而且價錢亦都好實惠！👍👍👍👍👍食物質素：⭐️⭐️⭐️⭐️⭐️服務態度：⭐️⭐️⭐️⭐️環境清潔：⭐️⭐️⭐️⭐️價錢合理：⭐️⭐️⭐️⭐️⭐️總評：⭐️⭐️⭐️⭐️⭐️我一定會再黎食呢度嘅！以上是本人對今日食咗的撈米線的評價。感謝店家的用心製作及提供美食，期待下一次品嚐他們的特色美食。
继续阅读
呢一間米線，由讀書果陣已經開始幫襯，係由兩位老人家經營，當時既味道係我心目中頭三好食既米線鋪頭，佢特別係在於個湯底，係其他米線鋪係搵唔到既味道，佢既麻辣湯底係會有少少豬肉碎同花椒碎，食完個嘴唇係會有螞蟻行過既麻辣感覺呢兩年去到發現唔見兩位老人家，原來已經轉左手，轉手初期味道仲保持到原版既9成質素，但每過一排去食，味道又再差左轉手係多左選擇，有飯同下午茶咁岩下午茶時間去到，就叫左個雞肉米線（中麻辣）+ 凍檸茶落單後唔洗3分鐘就上齊食物，米線一食就知係煮定，唔好話口感，因為係冇牙都食到既軟硬度，雞肉有5-6片，有少少柴湯底方面又再差左，連原本既豬肉碎同花椒碎都消失左，湯冇之前咁香亦冇出現螞蟻既感覺總結黎講，價錢唔貴，但味道亦冇之前既好，經過可以一試，特登過去就不了
继续阅读
因為疫情，自己煮左好多日飯，今日終於忍唔住出去行下，睇下有咩好野食。原本打算去雲桂香，無意間俾我發現到呢間小店。初初睇左食評，見到麻麻哋有少少擔心。不過因為價錢唔算貴，所以都想試下。我叫左酸辣薯粉加豬紅，一拎上手覺得好重，一打開滿滿的一碗，絕無欺場。豬紅好味，花生香脆，芽菜新鮮，湯底濃郁。唔夠酸唔夠辣，薯粉唔夠入味。 所以我相信叫米線，加酸辣就可以解決問題。我決定下次試雲南米線、 餃子，同埋招牌豬扒。
继续阅读