雲川百味

营业中

休息中

幫手搬野黎左洪水橋，順便又去搵下野食先，見有間叫雲川百味嘅食店，入面坐滿人好似幾掂咁喎，睇下門口個餐牌，有飯有米線，都幾啱食就食佢啦。三點鐘都近乎全店滿座，揀左張面壁卡座，哈哈，私隱高得黎仲幾濶落😆🍜韮菜水餃螺旋藻麻辣湯紅薯粉叫左碗小辣紅薯粉，湯底麻麻辣辣幾好味，薯粉有咬口，韮菜餃大隻飽滿，好味😋🐖脆皮豬大腸口痕叫多碟炸大腸先，大腸又香又腸，認真係邪惡美食😆🥤凍檸茶再整返杯冰凍檸茶走甜，爽。下午茶減四蚊，抵😆

依間雲川都開咗一段時間😽😽今日放工，終於同屋企人去試繁忙時間都真係坐滿晒人 門口仲有人等位💛涼拌皮蛋💲2️⃣8️⃣呢個皮蛋必叫🤩完全冇腥味仲要皮蛋王係留心🤤🤤醬料唔會太辣重蒜頭🧄重口味之選🔥💛米線💲5️⃣4️⃣麻酸樂金湯 中辣🌶️🌶️🌶️呢度一餸$44 加多一個餸加$10我揀咗金菇同墨丸😽湯底好濃郁唔太油又夠辣🤤🤤正💛米線💲5️⃣4️⃣麻辣 少辣🌶️媽咪就揀咗豆卜同雲耳唔好以為個湯好似好清 其實都幾辣🤤呢間絕對有下次💛💛💛

已經食過好多次，平均兩星期食一次。蕃茄湯底非常出色，直至現時為止每次都會嗌蕃茄湯底。除非同屋企人食試過鮮魚湯底，都好出色。-雖然有時候可能廚房人手唔同，蕃茄湯底有時會偏鹹，或者有時會稀啲”杰”啲，但係都係正嘅。-配菜先至係重點，新鮮同超好食。選擇多，份量多，大力推薦豬紅，墨魚餅，豬大腸，韭菜水餃。都推薦花枝丸，螺旋藻，雲吞，芝士腸。炸醬OK，最好要求分開碗仔上。-豬紅好juicy，墨魚餅口感豐富因為有加入墨魚，唔係就咁出面普通嘅一餅粉團。-反而覺得炸饅頭同埋皮蛋小食一般般。-服務方面係有時會有一兩個姐姐講嘢會有啲串。

雲川百味琴日去咗元朗針灸，針完之後搭咗幾個站輕鐵去洪水橋搵野食，喺輕鐵站行一陣就見到米線鋪叫「雲川百味」，之前ig見人食完都話超抵食，所以我見入開元朗就試下啦！呢間米線餐廳門口又係有一級，又要出動我塊斜板嘅時候，入到去餐廳算幾大，大約可以坐60位食客，枱與枱之間夠一部輪椅通過，店內有普通枱同梳化背嘅可活動式椅子或卡位梳化坐比你揀，我就一定坐唔到卡位啦，普通位輪椅人士要睇住「菠蘿蓋」，如果無睇住會痛死，輪椅人士要留意！1.酸辣湯米線（小辣） 配香茅豬扒、豬頸肉同蒜香雞扒$64＋凍咸檸七$6（跟餐配有優惠，單叫原價$17）（10/10）呢度酸辣湯底唔會好酸，小辣唔會太辣，單餸就$44，如果要加餸就要加$10一個餸。我就揀咗香茅豬扒、豬頸肉同蒜香雞扒。你自問係食肉獸就有福啦，呢度唔會得兩三舊肉咁少，香茅豬扒係一大塊，只係幫你切咗條， 雞扒都係一大塊，雞扒肉質嫩滑，有蒜香味，豬頸肉大約5條，所有配料份量係勁多，再飲埋杯凍咸檸七就大滿足啦！2.酸辣湯台灣扁身麵（中辣） 配蒜香雞扒、花枝丸同肥牛$64＋凍檸檬茶$3（跟餐配有優惠，單叫原價$16）（10/10）呢度酸辣湯底唔會好酸，中辣唔會辣過出面

我不是常來洪水橋，因為約了人交收，順便吃個飯，我這個米線控看到這家在輕鐵站附近就進去了~~環境餐牌 墨魚咀 + 蝦卷 酸辣湯米線男友選了酸辣湯米線，相比麻酸樂金湯，湯底偏橙色沒那麼紅，酸度夠。墨魚咀有咬口，蝦卷釀了粟米粒在內，還不錯。 香辣腩肉 + 蒜香雞扒 麻酸樂金湯米線我就比較喜歡這碗麻酸樂金湯，顏色較紅，加上有麻辣，所以偏油一些，但更開胃。腩肉有4-5片，全帶肥膏層，蒜香雞扒有一整塊，醃得入味，推薦點這2款餸！椒鹽豬扒 $40份量好足！點這款因為自選米線餸裏面沒有🤣豬扒生炸，好香，肉質正常，不會韌，可以再辣一點就更惹味。

地點好方便，就喺洪水橋地鐵站附近，成日搭輕鐵都會經過😋🙌🏽今晚又想食米線，就嚟試吓呢間雲川啦🤭❤️ 豬骨湯（微辣）💛肥牛💛蒜香雞扒要一個餸$44, 要多一個餸加$10肥牛份量都幾多雞扒超級大塊😆食到好飽湯底要微辣,唔會太辣❤️豬骨湯(小辣）💛墨魚咀💛牛百葉份量同樣好多呀！要咗小辣，比起微辣的確係辣好多😆😆🙌🏽但好正!!跟餐叫咗兩杯凍檸茶，跟餐加$3甜度調教得剛剛好，係我喜歡嘅甜度🙌🏽💗椒鹽雞軟骨$33好有咬口，椒鹽味都好出😋好食呀

🐳雲川百味就係喺洪水橋輕鐵站行3分鐘就到嘅川菜餐廳，呢度專做街坊生意，因為附近冇大型購物商場。今次係經過見到好多人幫襯，所以就入去試吓！🐳酸辣香茅豬扒韭菜水餃肥牛湯米線先揀湯底，再揀餸，本身包左一個餸，追加餸每個$10，所以呢碗米線就要$64啦！每樣餸其實份量都幾多，我覺得$10 加1個餸都幾抵。至於味道方面，最鍾意佢嘅酸辣湯底，酸辣程度適中，擁有特別的味道。另外豬扒同水餃都好好食。🐳麻酸豬頸肉花枝蝦卷湯米線呢個麻酸湯底， 酸嘅程度比麻多，唔係好食得麻辣嘅人可以試吓呢個湯底。我都加咗兩樣餸，感覺上非常之豐富，佢嘅米線都唔會煮得太腍，仲有口感喺度。👍🐳椒鹽雞軟骨炸得非常之好，每粒雞軟骨細細地，但係佢嘅椒鹽味好濃好香，另外再配上孜然粉，增加香口味，粒粒雞軟骨都好爽口，值得推介！

呢間喺洪水橋輕鐵站隔離開咗一段時間嘅雲南米線之前食過一次，覺得個酸辣湯底好好味今次再嚟食，見到有麻酸味 唔知係新嘅定係之前冇留意就好想試下因為又麻又酸嘅湯底都唔係常見果然冇失望 雖然今日好似比之前食嘅酸啲但我個人係好鍾意食酸所以好滿意加左麻就升一個層次 好豐富既味道配菜方面 個人最鍾意以及必須推介嘅係豬頸肉 有燒過既薄絲狀態 唔會大大舊好un咁 有甜甜地既味道跟住係蝦卷 有鮮蝦的！超鮮超好味！小食炸大腸亦十分出色 外脆內軟有濃濃滷水味

前兩日同朋友食飯，無辣不歡既我就揀咗「雲川百味」🤪本身諗住求其食下啲辣野既我無抱太大期望，點知食落肚會有驚喜🫢我揀咗碗麻酸金寶湯配紅薯粉，加豬頸肉同牛柏葉，湯底好濃，紅薯粉又煙煙韌韌，係我鍾意既口感😋豬頸肉既份量又多，最後食到好飽🫢朋友就叫左個豬骨湯米線，都好濃豬骨味～佢嘅餸就有雞賢同豬紅，豬紅好鮮甜，係全餐最驚喜既野食🤣最後我哋都揀咗個小食−−手撕雞，又係好好味，啲醬汁好match啲雞🤤🤤

洪小橋呢間米線環境舒服價錢合理，選擇又多，食厭左連鎖米線千篇一律味道嘅可以try try。👉🏻豬軟骨螺旋藻酸辣中辣米線中辣都唔惹少，建議食開譚仔10少叫小辣好喇。豬軟骨偏瘦有啲可惜，螺旋藻正。👉🏻豬頸肉豬大腸酸辣微辣紅薯粉豬頸肉輕輕燒過，表面甜甜地幾惹味，切得比較幼細方便進食。豬大腸都好入味，稔身易咬。紅薯粉係幼幼彎彎曲曲嗰隻，食落係滑溜嘅，如果有得揀闊身紅薯粉更好。👉🏻炸豬大腸係比較有咬口嘅豬大腸～

一間位於洪水橋，主打小區生意嘅米線鋪。剛到門口，就聞到米線酸酸辣辣嘅味道，聞到都肚餓🤤同朋友各自叫了一碗米線加一份小食。➡️豬軟骨螺旋藻酸辣湯米線➡️豬扒墨魚咀酸辣湯米線湯底相當濃郁，酸味和辣味平均得宜，口感濃稠，惹味香口。不得不提豬扒炸得剛剛好，不會炸到乾柴柴，質感好嫩。而且豬軟骨份量超大，兩大舊，炆到軟腍入味。➡️炸韮菜餃子餃子皮薄餡靚，韮菜豬肉好足料，令到餃子漲卜卜，外皮炸到黃金色，香脆可口。炸餃子時間控制得宜，十分juicy ，值得一試！大家記得多多支持米線小店！

天氣涼涼地 食碗熱辣辣米線至正😚這間"雲川百味"位於洪水橋輕鐵站 附近 一落車 在馬會左邊直入雅珊園地下 非常方便👍👆地方大 座位闊落幾好坐除咗米線外 有飯食同小食^^呢度仲有五款湯底唔想食辣 有豬骨湯 蕃茄湯同鮮魚湯底#墨魚咀腩肉酸辣米線湯底夠香濃 啲餸份量幾多👍墨魚咀大大粒 彈牙爽口^^豬腩肉有皮脂肪一層一層好肥美入口又唔覺油膩 這個豬腩肉我❤️#麻辣牛柏葉牛柏葉夠曬爽脆😚麻辣唔算太麻辣🌶🌶 但夠惹味😋

平時都鍾意幫襯小店，見到朋友分享一於試吓，叫咗兩碗米線同一個小食。麻辣微辣米線，豬紅加豬大腸阿女話份量好多，但係佢都食哂😆我試咗豬紅同大腸，都好入味酸辣中辣米線，豬頸肉加墨魚咀中辣對我黎講都算辣，酸度都啱啱好，有墨魚咀幾特別，仲要有好多粒👍🏻椒鹽雞軟骨正常發揮，啱啱炸起又熱又脆，阿女話好好食凍檸水，凍柚子茶幾抵食！兩個米線，一個小食加兩杯嘢飲都係百零蚊，而且份量足一定夠飽！卡位梳化坐得舒服，我哋五點幾去到唔算多人，食完走嘅時候六點幾就多咗好多人！

近排試咗一間 好啱我口味嘅米線 雲川百味😃😃喺洪水橋雅珊園一出輕鐵站就係啦，非常方便就腳👍👍新裝修嘅關係，地方乾淨企理店員服務仲好好添😌😌米線通常與麻辣為主，見到魚湯 不妨一試 ，上枱一飲 有驚喜 湯非常鮮甜濃郁🤤🤤每一口 配上魚湯一齊食 ，好滿足！米線都夠彈牙有韌性 配料方面，要有嘅基本都齊啦豬扒同雞翼豬扒特別出色，夠厚、鬆化👍👍另外老婆揀咗 麻辣小辣，佢話好鬼麻🤣🤣非常夠風味豬頸肉好香口 大腸份量也很多，滷得夠入味😋😋揀咗麻辣牛柏葉 非常爽脆 炸魚腐熱辣辣脆卜卜，外脆內嫩 同樣好味😋食完即刻bookmark咗，又多一間on list 飯堂😛

好開心多咗一間食米線嘅好地方😍😍坐得好舒服😚😚又好好味 價錢又合理🌟單餸套餐$42有6個辣度可以揀(走辣/微/小/中/大/特）我同朋友都揀咗小辣，覺得呢個辣度好正🤤🍜豬骨湯（微辣）配菜：辣肉碎，酸菜，韭茶，芽菜，葱餸揀咗肥牛同香茅豬扒肥牛嘅數量都唔少 香茅豬扒醃得好香🤤呢個餐包一個餸，要多一個餸就加$10上限最多四款餸，同埋不設後加餸🍜麻辣湯(微辣 ）配菜：辣肉碎，芽菜，韭菜，葱個麻辣勁好食真係做到麻辣，真係夠晒麻，超正🤩餸揀咗香辣腩肉同墨魚咀腩肉半肥瘦好正❤️😛飲品，指定熱飲免費，凍飲加＄3我哋要咗杯凍檸茶同凍鴛鴦，沖得好飲，有港味🌟香脆蝦春卷$32呢間餐廳仲有唔同小食，我哋叫咗個香脆蝦春卷，炸得好香，唔會太油，點沙律醬好好味😋