雲貴川食府 (已結業)

平時一條友落街食，總喜歡搵間既抵食又有質素的餐廳，在第一城，真的很難阿！最近，發現呢間嘅午市中式套餐，也可一試！當日叫了個土魷蒸肉餅飯，連中湯及凍奶茶，只收＄３５，真係大件夾抵食！肉餅鬆軟，上面灑有蔥粒，很香！入面又咬到土魷粒，口感不錯！最抵讚係另上軟硬適中嘅大碗白飯，以及極度夠料的靚湯（紅蘿蔔煲豬展湯），無得頂！食完後仲有紙巾奉上，確係招呼週到！P.S.今次上菜頗快，可能才中午十二時左右，人流仍不多，可一試啦！抱歉，今次未能拍照，可能太餓之故吧！

見 佢 門 口 有 雲 貴 川 三 個 字 , 仲 以 為 係 佐 敦 0個 間 雲 貴 川 ...... lee 間 又 難 食 又 貴 又 落 錯 單 又 漏 單 ~ 冇 下 次 ~口 水 雞 : $ 38 得 個 辣 字 , 一 點 也 不 麻 ~ 酸 辣 粉 : 一 點 也 不 正 宗 ~ 食 過 傷 心 酸 辣 粉 的 人 , 不 要 在 這 店 吃 這 個 ~ 想 發 火 ~ 夫 君 點 了 墨 丸 雞 肉 牛 肉 清 湯 米 線 & 蒸 餃 子 , 墨 丸 雞 肉 牛 肉 清 湯 米 線 : 湯 底 淡 : 食 過 譚 仔 的 人 , 不 要 在 這 店 吃 這 個 ~ 想 發 火 ~ 墨 丸: 只 吃 到 麵 粉 ! 牛 肉 : 應 該 有 用 梳 打 粉 "拿" 過 ~ 雞 肉: OK , 但 不 是 譚 仔 的 那 種 雞 肉 ~ Order 蒸 餃 子 , 落 單 落 0左 煎 餃 子 , 上 菜 當然 是 變 了 煎 餃 子 , 叫 佢 換 , 等 0左 好 耐 都 未 有 , 叫 佢 取 消 , 黑 衫 的 女 侍 應 話 : 有 喇 有 喇 !

我之前已經想寫呢間野食評...點知個時OP仲未登記有呢間野...今日發現終於開左...忍唔住...即刻要入黎鬧...係鬧!!!我同老公俾左兩次機會呢度...第一次,岩岩新開張,仲請我地食拜神燒肉添,感覺都唔差.叫左兩碗好普通的酸辣米線,等左好耐,仲要入漏凍飲添!碗米線酸辣的比例係2:8,辣得黎仲要唔好味,我慢慢食先食得到,老公就辣到食唔到...事先聲明,我地平時好好好鐘意食酸辣米線,呢度的湯底真係完全唔掂!不過,話晒佢新開張,樓面廚房都未熟手,但請我食燒肉,我地都忍,都會再黎.一個星期後,我地俾左第二次機會佢,夜晚再黎幫襯,我又係食酸辣米線,老公叫薯粉,另加一碟凍皮蛋.落單,其實我地叫的野好簡單,佢居然又落錯,已經好嬲...米線每加一個餸四蚊,四蚊OK,好多舖頭都要呢個價...但我四蚊要一份火腿,一份火腿竟然加埋少過半塊金妹牌火腿,簡直貴到離晒大譜!!!至於湯底,同上次一樣酸辣的比例2:8,超辣但又唔好味!!!上次黎米線過硬(好似未熟咁),今次就過淋...究竟係咪食米線GA呢度!!!老公碗薯粉仲慘,佢以前食過,知道乜叫薯粉,但一食落口,超超超級難食!!!薯粉質地過淋,除左辣味丁點其他味

由於新開，有朋友見議去食。我們4人7時左右就到，地方大，人手足。我們每人叫了4碗有湯的暑粉+口水雞。口水雞$32左右都低食的，可惜一點都不入味。我朋友叫的腩肉暑粉，因為侍應寫少左腩肉，另上給她。一看之下得4塊，但我碗就有6塊腩肉。每碗的小辣分量都不同，很奇怪！

其實呢間 “雲貴川”我喺佢開張嗰日都食過下佢哋嘅米線,嗰陣時可能剛開張..好多人去食..因為門口好大. 環境都好開揚. 唔會坐得好迫..但第一次食覺得食品都係一般般啦，今日去咗幫阿妹影相..亞妹話想食米線又唔想去太遠…就再幫襯睇吓佢有無改進先…點知…一排無嚟…呢間“雲貴川” 竟然令我會有寫食評既衝動. 因為食物嘅質素真係比起上一次好食好多好多啊.真係令我哋好喜出望外啊.一行三人既我地ORDER咗:-1. 二人清湯米線 $45 - 雖然賣相一般..但好多餸，同嗰湯底都好清好甜.唔會覺得好似飲緊味精湯咁.2. 酸辣紅薯粉 $22 - 花生酸菜肉碎都好多. 夠酸夠辣. 紅薯粉軟硬適中.好食~3. 功夫雞翼$25 -.有D 香粉洒佐係雞翼上面令到好香啊…又脆口又JUICY. 很惹味4. 煎餃子 $20 - 侍應推薦叫我哋試下比d 意見既.話係用新鮮豬肉自家做既.同埋食嗰陣口感真係唔同.. 不過本人覺得可以細隻D..因為食一隻已經好滯口.5. 手拍青瓜$15 - 極力推薦~~~~~呢碟真係我嘅至愛..每次去邊一間米線店都一定會叫.但呢一間雲貴川 真係做到入味.因為我都食過出

在第一城中心，三十五座對面... 新開了兩所食肆，分別是麵軒和雲貴川食府。麵軒為台式連鎖店，而本人則對雲貴川稍為有興趣。兩個人，今天試了一碗過橋米線 (2人份量) 和小食 -- 皮蛋拌豆腐。皮蛋拌豆腐係辣的，辣得黎帶麻果種。佢唔會「拿喉」，麻辣味都算幾香。至於過橋米線... 都幾大碗。要清湯，即使有數舊肥肥的腩肉，但個湯底依然好清甜。佢每樣配料都有少少，但覺得佢青菜太多，酸菜太少。而佢既米線屬較硬身的一種。因為佢夠大碗，所以食到好飽。除了米線和小食外，佢亦都有碟頭飯和餃子。不過，可能因為新開，我地下午二時左右去到... 所有餃子均已 sold out。見有幾枱客叫炸饅頭，不過都炸得幾燶，個 look 好似茶葉蛋咁... 埋單每人 $32.5 。呢間食店質數都唔錯，可說是附近居民的新選擇。