雲長小龍坎老火鍋 (已結業)

深圳除了按摩外，最令人想念的一定係麻辣的味道！同事講起原來香港都有＂小龍坎＂，二話不說就打去訂枱，原來七點前埋單或九點後入座都可享全單8折優惠升降機門一開，已經聞到那陣熟識的麻辣香味。進去看看，餐廳裝潢很有特色，有紅紅燈籠高高掛，牆上還有三國時代著名的英雄人物晝像，就連餐牌都係雲長，豐有巴蜀風情，還播放住懷舊的純音樂，令人好像回到古代似的，真係好特別啊！！首先餐前小食 – 麻辣鳳爪有少許辣度，肉質爽口，是一道不錯的餐前小食我們當中有朋友不吃辣，所以選了＂紅油藥膳鍋＂！一邊是紅油（麻辣），一邊是藥膳（不辣），這樣就可以滿足不同人的需要！就連個鍋的設計都特別過人，鍋邊是一個「龍頭」設計，實在令人驚喜！鍋來了，店員叫我地可以著住圍裙？！原來餐廳還會提供圍裙給客人，真係好貼心呀！圍裙款式都好得意，又一驚喜位！紅油（麻辣）鍋，我們叫了小辣，辣度適中，開始吃的時候辣度剛好，但發現它的後勁很凌厲越吃越辣，最後還是叫了冰凍的可樂，哈哈！打邊爐必點的牛牛 - 極品手切肥牛賣相好靚，一看就知好新鮮，脂肪分佈平均，脂肪同肉的分佈分明，肉質嫩中帶點咬口，肉味濃厚，配上麻辣的香味，認真一絕！＊P.S.: 菜單上

大夏將至，仍無損我對麻辣火鍋的忠誠，今日在銅鑼灣逛完街後，去了雲長小龍坎老火鍋。它的位置相當便利，處於Sogo旁邊的金百利廣場七樓，約朋友聚聚都十分方便。雲長小龍坎老火鍋的裝修充滿中國傳統風格，一入門口已見到一塊用古字寫的牌匾，餐廳裡面用上了紅燈籠🏮作燈飾，配上木製的餐枱和椅子，令人猶如置身古代。調味料放於餐廳一角，食客有需要可自行添加。未吃火鍋前，侍應先送上一碟鳳爪小食，味道不錯。紅油藥膳鍋分麻辣和藥膳兩邊，切合一枱人不同的口味，麻辣湯底辣味層次豐富，能吃出不同香料的味道，至於藥膳湯底味道溫和，用上了准山、紅棗、元肉等藥材，煮蔬菜一流。極品手切肥牛質量極高，牛肉脂肪分佈平均，只要輕輕煮十多秒，剛剛熟，入口便能吃到濃郁的牛肉香味。手打四寶丸有蝦丸、墨魚丸、牛丸和豬肉丸，當中比較喜歡爽口彈牙的墨魚丸。紫菜響鈴即叫即炸，新鮮奉上，入口鬆脆，裡面的紫菜增加一份口感層次。鮮山藥切得不厚不薄， 不論放入麻辣或是藥膳鍋，都盡吸湯底味道。生菜新鮮翠綠，份量多。打邊爐當然要吃個出錢一丁，在麻辣湯下煮的麵，口口都是辣椒、花椒粒、八角，倍添刺激感。

依間過江龍想試好耐嚕，仲要係陳生投資，依日終於捉到朋友仔一齊食😗✨款式黎講唔算好多，但都有特色嘢，重點都係個火鍋，馬上點左先🤤紅油藥饍鴛鴦鍋，藥膳湯一滾我地就飲左幾啖，唔口渴之餘仲有藥材香，正🦁麻辣既麻好香，辣油好辣大家要小心🌶紅薯粉係必食，我地係麻辣鍋煮完再淋返藥饍既湯上去，沖走辣油但食到啖啖麻味滲哂入去薯粉度🤤墨魚滑～好大份仲要勁彈牙，食到個香味，落兩邊都好食🤡花甲王我地主要落係藥饍，海鮮嘛，新鮮大粒不過比起墨魚滑就冇咁抵嚕😗紫菜響鈴🦁又脆又香，佢仲比埋個甜酸醬點黎食，不過我照係淥落去紅油度，辣得過癮🤤串串蝦，落藥饍就好，落左一次去麻辣，啲蝦殼都係紅油差少少死左😹最後係紅糖糍粑，好好食，凍左都好食，必點既煙韌甜品😻

食麻辣火鍋好似會上癮咁款，呢排都唔知食第幾次麻辣火鍋喇，今次呢間第一次食，睇下係咪真係傳聞中咁勁先餐紙寫晒啲野食要碌幾耐，諗得幾周到～不過我呢啲心急人上都係會一鑊熟...首先落左個鴛鴦鍋先，紅油麻辣同蕃茄我都好鐘意食！落埋啲料好快就齊晒，三個人都嗌到成枱野食，不過半個鐘之後就清晒凍豆腐係要黎配紅油湯底，吸晒啲湯，辣到飛起。。。但好過癮手打蝦滑仲食到蝦粒，真材實料！台灣貢丸就冇乜大驚喜，就係貢丸嘅味道囉，大大粒，不過不失，但唔點又唔得～同埋有樣好就係$48咋 (唔係手打丸幾乎平成倍)醉雞係估唔到咁多，好似90蚊左右，打邊爐叫都幾抵食大大件又滑，雞皮唔肥剛剛好，同埋好入味，好食到也是醉了。手切肥牛有少少貴，不過都係貴野有貴野好，牛味好濃而且碌十秒左右就食得。唔係紙片咁薄，肉質鮮嫩。仲有個雜菜盤中和一下食左咁多肉。最後兩個湯都食到溝埋，分不清了，個人鐘意紅油麻辣湯底多好多，可能太濃列搞到蕃茄個個食唔出咩蕃茄味。整體黎講都可以，值得一試呀（如果book到位的話，因為好似都幾full,同埋最後記得check單）

天氣回暖先特別想打邊爐見到有間新開冇耐，係大陸開到黎香港既小龍坎，決定一試！一入到去就感受到好重既中國風，又望到銅鑼灣既景色。湯底揀咗麻辣同藥膳湯，叫咗小辣都係辣到飛起，但果種香味係的確會令人上癮！ (利申去譚仔係叫5小辣) 而藥膳湯係我覺得好高質既湯，清得黎亦都好鮮甜，冇藥材味，每樣食物煮落去會更加帶岀鮮味全部野食都好正，介紹下最好食最高質三樣食物手切牛肉好鮮好冧，肉質分佈均勻。新鮮水餃用料好足，唔同既素食，肉同大蝦，食落爽口入味。而呢個墨魚滑，新鮮重墨魚味得黎，仲要係岀奇咁彈牙！呢一碟墨魚滑係我食過咁多間最好食既一間雖然好食但價錢都係有啲偏貴~ 平均每位$300

2個人吃了1100幾有D貴囉！味道ok啦！腰片好比心機去飛水👍鵝腸係真的鵝腸，有點肥，女仔怕肥未必喜歡，跳舞牛蛙！真係識跳舞的，擺上台的時候總會郁！肥牛ok！蘇肉雖然賣相唔得不過ok，不過太多花椒癡埋一齊啦！其他無咩驚喜，調味料唔係好多款比你選擇！醬油不夠鹹總會唔會去？no啦，太貴吃不起再見👋

CWB幾間最出名嘅麻辣火鍋，唯獨呢間一直未有機會試佢。未食之前已經聽過唔少傳聞，難book、安排差、非原裝等等，不過同食物味道如何冇直接關係，所以難得有位，就即管一試。每枱都有圍巾同大量紙巾，唔驚烏糟。枱上仲有人頭份的香麻油，其他醬料就要行出去自己加。食過麻辣火鍋就知道，呢個超級香嘅麻油簡值係麻辣火鍋嘅靈魂，加左之後，個種辣即刻變得易入口好多，重點係超級重的麻油香味。成支倒晒落去，一滴不漏，正～嗌左鴛鴦湯底（紅油/蕃茄）麻辣湯ok 蕃茄個味好淡，所以都係主要集中食紅油個邊，辣到頂唔順先放過蕃茄湯個度過水😂極品手切肥牛（細份）$198雖然係點細份，但望落都好多，大概都有廿塊，夠晒我地三人食。餐紙有寫碌12秒就可以，碌一陣就好夾返上黎食，牛肉好滑夾埋個麻辣湯底，真係依家諗返都係咁吞口水。手捲牛舌花 $78其實就係擺得靚啲嘅牛舌，呢個要碌多陣大約20秒，都係好快食得，爽爽地都係好好食。花雕雞件 $98相比起牛魔王，其實我係雞控。見到個份量就即刻覺得好抵食！雞件有好多唔同部位，又難得件件都咁滑，雞味都好濃，推介👍🏻貴妃蚌 $28/隻呢個又係我都覺得幾抵食，好似街市買咁大隻都係差不多價（？）非常

麻辣火鍋真係愈開愈多，我問朋友點解要揀嚟呢間食？原來係因為呢間係一間星級火鍋，係陳柏宇開既，朋友身為佢既fans又點會唔去食，佢食過之後就話好正，好堅持要帶我去。我地星期六晏晝行完街行到攰好早就上咗去，一入到去已經見到入面好有中式風味，好多中國畫同燈籠等等，傢俬都係好中式。調味豉油可以係出面拎～枱下面有櫃桶好甜心有埋紙巾提供俾客人！呢度既食物選擇都好多，而比起一般火鍋，呢度更加有一啲炸物、小食同甜品可以叫埋，而且款式都出面餐廳少見。檯面上面每個人都會有油提供，朋友話原來係因為有啲餐廳怕食物啱啱上嚟既時候好熱，好多客人未必即刻食到，而啲油可以倒埋落豉入面，等客人可以將熱既食物浸落油入面立即解涷，咁就可以即刻食到！我地叫咗個藥膳+麻辣鍋，藥膳既湯好濃味好好飲，我仲飲咗兩碗添！極品手切肥牛（小)$198  - 好好食！小酥肉 $68 - 佢有一啲花椒係入面，食落去有啲麻辣既口感，好好味！即炸紫菜響鈴$58 - 就咁食卜卜脆好好食，或者放落湯入面浸都得！鳯城水餃皇$78-料好多，食落去啖啖肉 / 秋葵$38-第一次打邊爐食到秋葵，就咁浸完唔落任何醬料都好好食 / 涷豆腐 $38-打邊爐必食！ 

平時食LUNCH食茶餐廳食到悶 今日娘親話出黎同我食野 咁我見呢度7點前埋單有8折 一於就試下 只限現金!5點入到去見到有班國內人食緊 都聞到好大陣辣味 可惜我係唔食辣既 又唔食得藥膳所以就唯有揀田園蕃茄湯底 個爐好型 有2個龍頭 紅紅既蕃茄湯 見到都覺得開胃醬油就放埋一邊自己去執料 配料唔算多款 咁我諗店家係對個湯底好有信心先唔需要太多其他味整色整水.不過台頭就每人放左一罐油 一問之下係用黎撈埋醬料會香D 不過怕油既我 係無用到既唔洗一陣火鍋料陸陸續續上哂台 媽媽想食牛骨隨 所以就嗌左碟 都有唔少嫁手切肥牛(小) D花紋好靚! 蔬菜拼盤 有白菜,生菜,油麥菜,娃娃菜 仲同唐X  個架都好有氣勢太極雙滑 好似係墨魚滑同蝦滑 如果有粒粒就更好咬口!相信係自家製既紫菜響鈴 有汁比你點黎即食 

有質素既火鍋唔易揾，星期日去銅鑼灣shopping完去左Sogo對面金百利廣場七樓既“雲場小龍坎老火鍋”，尼間火鍋店裝修特別，夠晒中國特式，而且我地早去，7：00前埋仲有全單八折，好味又抵食。麻辣併蕃茄鍋底 $138每次打邊爐如果有鴛鴦鍋底我都會揀，可以一次過食到兩種口味，湯底選擇唔多，有三款選擇，麻辣味我選小辣，因為太辣會蓋過食物原有既味道，而蕃茄湯底夠濃，剩飲已經好味。內蒙羊肉片 $108羊肉配麻辣最適合，一大碟羊肉肉色新鮮，食落嫩滑，羊肉唔算騷，平時怕羊騷味既朋友都可以食。龍哥牛肉卷 $88又厚又滑既牛肉卷包住芹菜莖，食落外面肉厚有咬口，裡面芹菜莖爽脆，好味又有新鮮感，絕對要試。白鱔片 $108白鱔片每片大細適中，肉質肥美夠晒新鮮，夠實唔會鬆散，好實在既感覺。鬼馬墨魚脆 $68將墨魚滑樣落油炸鬼然後炸到金黃香脆，打邊爐之餘又可以食下炸物，尼個十個推介。即炸紫菜響鈴 $58嚮鈴同紫菜一齊卷埋炸，每啖食到兩種脆味，仲可以配埋酸甜醬，第二度食唔到。稻庭烏冬 $38烏冬放蕃茄鍋最好味，蕃茄味滲入烏冬然後變蕃茄湯烏冬，唔會太淋身，味道一流。翡翠豆苗 $38點既時候以為係普通豆苗菜，原來係一

明明早排天氣熱到拎哂D夏天衫出黎著，收哂D冬天衫入櫃，點知呢幾日就即刻凍咗都幾多吓~唔得啦！又係打邊爐既時候啦！黎到銅鑼灣shopping完之後，感到強烈餓意，所以忍唔住搵野食。見到呢間雲長小龍坎老火鍋好似幾出名咁，一於就去試試。一黎到門口就覺得個門口好有中國特式，入到去睇見充滿古風既壁畫、古色古香既木枱木凳高掛既紅燈籠，假雀籠裝飾，仿如穿越咗時空返回古代一樣。時間尚早，成為咗第一個顧客。有用一樽樽麻油砌成既牆。入面有一個房間，人多可以book房。醬料係哂枱上面自己自由調配。連碗碟都好有中國色彩。每個人都有一樽麻油，除咗可以增添更多香味之外，聽講仲可以解辣。餐前小食有麻辣鳳爪，食落小辣爽口，味道唔錯。連個MENU都係英雄人物啊！食物款式都幾多，點完就可以交俾店員落單。MENU上面更有教唔同食材要淥幾耐。點咗紅油藥膳鍋(鴛鴦)，一邊係麻辣火鍋，一邊內有藥材，淡淡藥材香味唔會攻鼻。細心一睇，個鍋係有龍頭ga！感覺自己就係皇上咁享用御膳。打邊爐點可以唔點肥牛呢？但係得兩個人食，所以點咗碟細既極品手切肥牛。一上枱就見到碟肥牛擺得好靚好整齊，上面仲好有心思咁用一朵花作裝飾。淥好既肥牛食落唔會太肥

今日約咗個同事係銅鑼灣食生日飯，佢係重慶人，咁就睇下有乜嘢啱佢食！重慶最出名嘅就係麻辣鍋，咁就上網search下銅鑼灣有咩麻辣火鍋，原來大陸好出名嘅小龍坎火鍋已經登陸左香港，仲咁岩喺銅鑼灣就試一試佢啦。上到去裝修好有一貫大陸嘅風格，地方雖然唔大，但係佢枱同枱之間嘅空間感十足，唔會好迫，抵讚。必試紅油藥膳鴛鴦鍋！紅油湯底一望就覺得好辣，愛辣者必試，隔離個藥材湯底香氣十足，係足料既。極品手切肥牛，牛肉脂肪均勻，食落有牛味，落鑊十秒就食得啦！跳舞田雞，極力推介！上枱時隻田雞跳左成分鐘舞，生命力頑強，夠晒新鮮，好少地方有得食，原來田雞用來打邊爐係咁夾嘅！龍廚八寶摩天輪，其實係有兩款水餃，雲吞，蝦滑，墨魚滑，手打牛丸，牛根丸，豬肉丸，放左係摩天輪上面，賣相好鬼靚。最後加個雜菜盤，三個人食啱啱好。下次要叫多啲人嚟食，因為個湯底真係好正，多d人可以試多啲唔同嘅食物！

Good food, great friendly and knowledgeable service, great experience! Can’t wait to go again! Really friendly manager who gave great recommendations. The pot itself was full of flavour not just heat and oil. We went for a medium spicy level and it was hot (and we eat spicy)! I can’t imagine going for the full level! One word of warning, you’re gonna feel it the next day! 🌶

依家大陸興起小龍坎火鍋，食嘅係四川蜀味火鍋， 我哋咁鍾意食四川火鍋，喺大陸都食唔少。近年香港經常將大陸火鍋引入，依家連香港都有小龍坎，聽聞陳柏宇都係老細， 今晚就嚟試下香港嘅分店先！香港嘅小龍坎，裝修格局似足大陸嘅小龍坎，當然地方冇大陸咁大。牆上有三國時代著名英雄人物壁畫。 而菜單上面嘅當然係雲長啦！雖然我好鍾意食辣，但係同行朋友都有啲唔係好食得辣，所以就叫咗個鴛鴦紅油藥膳鍋，$138， 一邊係藥膳味，一邊係麻辣味。 麻辣味就冇大陸食咁辣，較為港人接受。前菜送咗幾隻麻辣鳳爪，唔係好辣，好開胃 打邊爐點少得靚牛，呢盤係極品手切肥牛（大$288），好靚紋理好香牛味。鮮製鴨血$58 超滑溜呀，係我打邊爐最愛配料。食開紅油麻辣，實在係忍唔住叫番個紅薯粉$38索下麻辣味之前喺大陸食完呢個紅糖糍粑，返到嚟香港嘅小龍坎當然都要食啦，$58，其實係炸糯米糍加左糖漿，外脆內軟煙煙靱，甜絲絲，作為結尾甜品一流。

曾幾何時，想吃麻辣一定要回深圳，今天大陸的火鍋連鎖店，相繼出現在香港，不用坐一個小時回去，就可以舒舒服服，享受一頓美味麻辣火鍋了。這裡裝修似古代客棧，全是古代方枱、方椅，加上牆上劉、關、張的壁畫，猶如置身古代。這裡只有一間房間，其餘座位都是在大廳。紅油麻辣鍋$148，牛油的香味，加上麻辣的味道，嗅到就知道是非常正宗的四川麻辣火鍋。我們要了小辣，辣度不算太辣，不過當鍋底越長時間就越辣。極品手切肥牛腋$288，脂肪分佈均勻，肉質軟腍，牛肉味十足，牛肉和麻辣非常夾，這個是必點的。手捲萵筍片$58，切得薄而長，喜歡吃爽口的，只需滾幾十秒，就可以吃到爽脆而鮮甜的味道。白豬仔午餐肉$48，廚師好有心思，將長方型的午餐肉對切，砌成心型的花，看上去很美麗，有點不想破壞這個心思，不過午餐肉吸了麻辣味，又真的好好味。花雕豬腦花$68，不是很多地方有得吃，因為膽固醇高，可是美食當前，又要放膽吃一次，豬腦花吃落有點像豆腐，入口溶化。什菜盤$68，蔬菜新鮮，火鍋吃這麼多肉，平衡一下，感覺舒服很多。稻庭烏冬$76，只需滾到散開就可以吃，煙靭得來有嚼勁，我喜歡用這個來作為火鍋的結尾。不得不提就是每份餐具前，都有一罐