霸嗎拉麵 (已結業)

晏晝想食拉麵，專登去咗寶琳呢間霸碼拉麵食。因為係平日，佢有午市套餐，而且都幾抵食。我叫咗個灸燒豚肉味玉拉麵配三件羽根餃子，連埋汽水都只係$68，汽水可以自選。拉麵算大碗，豬骨湯底好濃郁，豚肉好大塊，而且燒得啱啱好，唔會太硬，呢個價錢連埋嘢飲都真係幾抵食，不過略嫌拉麵煮得唔夠淋。同行朋友叫左厚切叉燒味玉日式咖喱飯，連埋波子汽水總共$52，係日式拉麵餐廳來講，呢個價錢連埋嘢飲仲要係波子汽水都真係幾抵食。不過日式咖喱有少少辣，但對我來講都係接受到嘅，見佢塊叉燒都幾大塊，容易咬開，唔會太硬。要留意番佢呢個午市套餐只係星期一至五，可能因為係冇乜人係呢個時間食，所以會比較平，而且佢間餐廳都冇咩人，座位算寬敞，而且侍應服務態度都算好。如果冇午市套餐，佢一碗拉麵都要80幾蚊，算係正常價，不過有套餐就唔會咁食。😬

講下環境先，商場店舖黎講，都算正常Size，裝修都正常日本裝修，好多木制用品，另外佢有正宗既毒撚位，但位就好逼好窄，如果坐滿既位，要夾住隻手黎食同埋都冰水又唔夠冰，無喇喇仲要落檸檬好耐未食過拉麵 今日黎試下霸嗎 一向鐘意食辣既我 梗係試佢個辛味，保守啲叫一個中辣，點知。。。。。原來無味既，唯有加d七味粉補補，個湯睇落好濃郁，食落就真係無乜味，同埋仲要勁少湯，好似搞到變左撈拉麵咁，價錢仲要百幾蚊一碗，去日本求其揾間小店既拉麵都好食過佢，一次半次近近地過下日本隱就算

今日個個跑揸馬，港島大塞車轉左坐地鐵去下d平時唔多去嘅寶林行下新都城商場，行下街睇下戲食吓野。首先叫左個濃厚豬骨豚肉玉子拉麵，湯底同平時不一樣，有豬骨味唔太油，但塊叉燒有啲細塊囉同少，不過好彩有隻玉子蛋食下，整體來講我比三粒星⭐️（五星滿分）之後我叫左過限定加拿大原隻龍蝦拉麵配蝦湯底，湯有蝦味唔太鹹，不過...隻龍蝦就有啲失色，果然係急凍龍蝦肉質較乾，叫黎呃like都ok嘅，呢個價錢比到一隻龍蝦🦞拉麵算係咁啦，外觀可以比四粒星⭐️（五星滿分），但係未到就只有兩粒星⭐️（五星滿分）。不過我平時食兩個拉麵都要百幾二百幾蚊啦，雖然味道唔太出眾，不過呢個價錢可以食到兩碗拉麵其中一碗係龍蝦拉麵都算係一個幾好嘅體驗。

其實之前已經聽過有人介紹呢間拉麵幾好食，但係我一直未有機會去試。估唔到原來屋企附近都有一間分店，於是擇日不如撞日，就決定去會一會呢間拉麵店🍜離遠未行到埋去就已經覺得門口好搶眼，因為門口成幅牆都好colorful😆 店內座位唔算好多。炙燒豚肉味玉拉麵🍜好食耶！同我之前食過嘅拉麵味道有啲唔同，個豚肉因為係炙燒過，所以有種炭燒的香味，豚肉都幾嫩滑唔會好似一般叉燒咁整到好乾身。連湯底都有少少炭燒味，味道好濃郁但唔會好咸。拉麵都OK彈牙，吸埋湯汁都幾好食。不過個溏心蛋就有少少整得太熟扣少少分。

和家人到將軍澳新都城中心逛街，這裡食肆種類繁多，經過這間拉麵店，幾有日本風味，一於入去試吓，侍應禮貌地安排座位。點了醬燜鷄义燒拉麵，等了一會，一碗熱辣辣拉麵到來。湯味清淡鲜甜，鷄义燒肉質鮮嫩不肥膩，配上青綠碎粒香葱，更能提升上湯鲜味。值得一讚是拉麵，麵質煙韌彈牙，绝不糊口，吃起來暖氣騰騰，有置身日本食肆之感覺，再加上清爽炒芽菜，更有錦上添花之效。接著以美味紅豆抹茶雪糕作為甜品，雪糕用木盆盛載，幾有農村特色，賣相夠晒吸引，甜甜滑溜紅豆配上清香抹茶雪糕，美味可口，真係賞心樂事。

香港拉麵店不少，要找有水準的確是不容易，今次终於找到了。拉麵店位於將軍澳新都城中心，舖位不算大，裝修有東瀛風味。由於在非繁忙時間光顧，人流不算多，較容易揾位。餐廳主打日本拉麵，由於比較肚餓，點了濃厚豬骨豚肉玉子拉麵加替玉(多一份麵), 一碗熱騰騰嘅麵加上流心蛋黃，已經香氣撲鼻，濃厚豬骨湯內是份量十足嘅麵糰，吃起來爽口彈牙，麵條掛滿肉香濃湯，加上幼幼葱粒，配合 厚厚豚肉，鬆化腍滑，何等美味! 添加一份幼麵更感滿足。甜品是小木桶盛載嘅红豆黑芝麻雪糕，紅豆清甜美味，黑芝蔴雪糕, 芝蔴味濃郁，十分可口。

昏迷左成日，今晚食好啲先！凍凍地想食拉麵，喺商場行咗陣，見呢間嘅拉麵幾吸引，所以就嚟咗呢度食。拎飛攞位後大約10分鐘到就有位坐。就係比呢個龍蝦拉麵吸引左啦😋原隻龍蝦拉麵（櫻花蝦豬骨湯底）

同小火子去完寶康公園放電，我們去了新都城的霸嗎拉麵吃晚餐，我和火子爸點了豚肉拉麵，我選的是辛辣口味，我覺得湯底，麵也不錯，豚肉也夠淋，而且份量亦多，絕對能夠飽肚。至於比較特別的就是餐廳提供兒童餐，$55有一碗小拉麵，有果汁，有小啫喱，結帳時吃兒童餐的小朋友可以得到一份小玩具，是鼓勵他們乖乖吃飯的小動力啊！ 4歲的小火子現正開始享受有自己的食品與餐具，所以每次點兒童餐也很開心呢！我在平日還曾吃過霸吧的午餐，有拉麵，餃子及飲品，更加抵食呢！

新都城真係越來越有質素，連「霸嗎拉麵」都開於此地。每當我掛念日本時，都會食一碗拉麵，聽聞這是從廣島而來的拉麵店。好吧，就來一場廣島之旅！首先因爲有名拉麵店都一定會出現排隊人潮，加上傳統拉麵店都長長細細的，充滿熱鬧溫暖氣氛。今次很醒目地提早到店面拎籌，結果15分鐘就可入坐。嘩嘩嘩不是開玩笑。龍蝦鮮甜多膏，濃郁湯汁是拉麵精華，濃而不油膩，有層次，麵條硬度剛好。另一碗是醬燜雞叉燒拉麵，其實這是雞腿肉卷，十分滑溜多汁，將雞肉卷成叉燒型 啖啖肉是男士最愛，肉食朋友再加點一份 只需$35 有4卷。特別一提雞拉麵湯頭也用上雞卷精華，製成雞湯，清潤滋補的感覺謝謝廣島之旅非常滿足！

今日係我同男朋友拍拖9週年當然要出去周圍行下啦,男朋友就上網搵下有咩好~好快就搵到呢間好多人推介既拉麵店~即刻揸車去試下先~一去到門口已經見到好多人 去拎張飛仔可以周圍行下我地大約等左半個鐘左右就入得啦~入面坐位唔算太窄 仲有位俾我放戰利品仲有好多調味料俾你選擇~款式都算多 仲有好多小食可以選擇睇岩就係張紙仔到寫 包你唔會叫錯啦咁岩今日仲有個期間限定 一定唔會少左佢啦~我同男朋友就叫左一碗灸燒豚肉味玉拉麵 同一碗極上原隻龍蝦味玉拉麵仲有多個羽根燒餃子小食外面非常脆 入面多餡 灸燒豚肉味玉拉麵好好味, 肉好厚 湯唔會太禯 麵又岩岩好 仲有隻溫泉蛋跟住出埸既就係極上原隻龍蝦味玉拉麵真係原隻龍蝦呀!!仲有好多膏呀真係好好味 啖啖龍蝦湯 超級鮮味 龍蝦多肉 仲有西蘭花,甘荀吸滿龍蝦湯既味道仲好細心俾張濕紙巾 等我可以放心用手食 食完仲可以周圍行下街 樓下就係停車場 超級方便呢間野真係超級推介 令我地第9年既今日過得非常完滿

呢個星期六晚，黎咗呢度食，之前食過一次，覺得普普通通啦，同埋都係偏油⋯⋯所以都唔係我哋首選揀嘅食店😅今次我就叫咗另一款野菜味噌雞白湯拉麵，而女友就點翻上次個款：濃厚豬骨豚肉玉子拉麵。我個到先，飲啖湯先⋯⋯嘩！估佢唔到！ 呢個白湯幾好味喎！即叫女友試吓，佢都話好味😋 但選咗少油，都仲係好油吓🤨跟住濃厚豬骨豚肉玉子拉麵都到嘞，呢個真係幾好味嘅，一整碗由湯到肉到玉子都好味道😋  又係個句，選咗少油，依然都係油，我寧願佢無得揀😆辛辣餃子到！⋯⋯原來就係淋一層辣椒醬油係面，點咗少少試，都好似幾辣咁。 決定食完個麵先，要同佢沖沖涼先食🤭 對我倆來講味道好一般，個隻辣實在過辣，辣到係有點苦，餃子亦不是特別的，連愛辣嘅女友都覺得唔好味⋯⋯👎🏼

尼間拉麵店都開左有一段時間，見到尖沙咀果間分店既評價都唔錯，一直都好想試下，但每次星期六日經過都好多人。今日趁平日無乜人，終於有機會一試啦！下午四點左右黎到，提供緊午市套餐，有飯有拉麵選擇，$48 起無加一，一個套餐包汽水一罐。黎到拉麵店，我地當然要先試下佢既拉麵啦，拉麵午市套餐只有2個選擇，我同朋友就分別簡左炙燒豚肉味玉拉麵配羽根燒餃子同雞叉燒雞白湯拉麵配唐揚炸雞。上菜速度都好快，十分鐘左右就有野食啦兩個拉麵既湯底都好香濃，應該係足料淆左好耐，唔會好似某啲拉麵店既湯底好似溝左水咁稀。唯一略嫌雞肉湯底油左少少，食得多會有點膩。麵條無得選擇軟硬度，但食落我個人覺得岩岩好，麵有少少彈性，唔會煮得太過耐個人比較鐘意黎個豚肉拉麵，叉燒半肥瘦，肉質鬆軟，果然係慢煮左十個鐘，叉燒經過炙燒更加香口。味玉亦唔會太鹹，咬落流出濃濃既蛋黃汁。至於炸雞同餃子就普普通通，中規中矩啦。

瞓醒肚餓決定落街食嘢， 今次去到鄰近寶琳地鐵站，旁邊的商場內的一間拉麵店 。 一個人食唔到啲咩，所以就選擇最簡單嘅午市套餐。我就選擇了沙律海苔豚角飯配唐揚炸雞送汽水。 沙律醬十足，本身沙律醬味道已經咁好食，當然係穩陣之選，再配合埋海苔， 又有另一番口味，一碗飯帶給我三種唔同嘅感覺。 另外一定要講嘅就係豚肉角， 粒粒肥瘦均稱， 日本，人人都會食一口牛，我覺得呢個一口豚，都係一個唔錯嘅選擇。炸雞方面，外脆內裏肉汁豐富， 最重要係雞醃得夠味，完全唔會覺得淡口。今餐咁奉上汽水一罐，當然冇咩特別，同普通汽水一樣。再有機會嚟食，一定係食午餐，都係因為性價比問題。

今天跟朋友在將軍澳行街，在新都城路過一間拉麵店。店舖裝修很有日本感覺。進去坐下，主餐牌選擇不多，不外乎日式拉麵及日式咖喱飯。今期還有推介的龍蝦拉麵，還有午市套餐，價錢相算合理。套餐大部份包括前菜及飲品。最後跟朋友點了兩份套餐,一份拉麵及一份飯，還有兩客小食。拉麵方面，很重牛油香味，面質感覺還可以。叉燒雞肉卷味道不錯。豚肉飯方面，豚肉被切成細粒裝，略嫌肥膏過多。小食方面，有餃子及炸雞肉。味道跟一般拉麵店的差不多。整體上如果以午餐價錢來說，性價比還可以。

星期六的下午茶，在將軍澳逛了很久，有點肚子餓呢，見到平時霸嗎拉麵都有長長的人龍，但是今天竟然沒有就一定要去試一下，門口有一個大大的餐版子，看到有lunch set，價錢介乎$48-$68之間，有一碗拉麵及一個小食，還有汽水，lunch tea價錢相當吸引。下午茶拉麵份量十足，絕不偷工減料，大大塊肉配上一隻糖心蛋，筍，蔥心，拉麵可選偏軟及正常，貼心的服務，湯底香濃豬骨湯，豚肉入口溶化，好好吃。三隻餃子煎成一塊大脆片底，入口香香脆脆，配酸酸地餃子汁食都不錯。