霸王山莊 (已結業)

昨晚與一班老友聚舊, 試了此餐廳, 原因是有片皮鴨食!之前只聽聞了此餐廳但未有正式食過, 今次朋友們推介了:片皮鴨:超抵食, 勁大隻, 片得好靚, 仲係推架車向你面前片既, 2食只係$138!!!! 極力推薦小籠包:好食, 皮薄, 睇到d汁向裡面tim!醉雞:好勁酒香, 食落冇酒, 好掂!酸辣湯: 本人不好辣, 冇吃金華火腿津白: 好食, 清但有火腿味, 正!併盤: 叫了雞絲粉皮, 雲白肉片, 千層峄, 都ok第一次好有驚喜, 定必再試!!!!

不知所謂！荃灣霸王山莊尋晚放學後，又同friend去搵好野食，結果去左荃灣的霸王山莊，服務真係好垃圾，不知所謂！大約21:50入坐準備食宵夜，點知"原來"22:00入坐先可以叫宵禁，我火都黎埋，入坐個陣又唔講！！！見身邊人人都可以叫10蚊一牒的宵禁，我地就食"晚餐"！算啦，"晚餐"應該服務好dd，水準好dd，份量多dd，點知全部錯哂！呢間分店真係以後都唔會來！海蜇頭：爽口，不過份量好少，我真係問個watier，"你係咪來錯左宵夜呀！"仲要勁多青瓜貼底，都要成40蚊，有冇搞錯！不久，又來了一牒"宮保雞丁"，今次再問個waiter，waiter就答:冇來錯呀，宵夜根本冇呢一味" 我：肯定?waiter: 肯定！- 真係少得可疑/憐！6寸的小牒上的餸菜，盛惠50蚊啦！記住，呢度只係荃灣區！味道幾辣！成牒霸王炒飯的份量只係2牒前菜！！有冇搞錯呀！我同個friend都OOOOO哂咀囉！味道一般，同埋幾油，唔夠乾身！$46三鮮湯年糕- 又係勁細碗！一人一小飯碗左右！湯就多啦，料、年糕都勁少！聞落有陣味好勁，唔知係d菇味定係酸味~又5草野！真係食到一肚氣囉！少不在話下，最頂唔順份量同身旁的宵禁客一樣

不嬲唔知道荃灣有咩好食,見到霸王山莊個招牌咁耀眼,就決定同女朋友上黎試下,我地上到去都幾多人,等了一會兒就有位..女朋友話樣樣都想食..可能我們睇了很耐還沒有點菜,有位侍應主動埋黎介紹有咩新菜,他介紹有片皮鴨...但因為我們只得兩個人,所以沒有叫到..於是點了~黃金蝦~~(幾好味但食多幾隻會好漏),水煮牛肉~~(唔夠辣,辣D會好好多,如果芽菜換轉粉絲就好味得多,因粉絲會索哂D汁),宋嫂魚羹~~(幾清甜),小龍包~~(真係皮夠薄唔易穿),九菜花煎餅~~(好香九菜花味但底面煎得唔夠脆)..女朋友都話好好味..而且不時會有侍應幫我們加水,又會問D食物岩唔岩食,需唔需要加甜品不嬲唔知道荃灣有咩好食,見到霸王山莊個招牌咁耀眼,就決定同女朋友上黎試下,我地上到去都幾多人,等了一會兒就有位..女朋友話樣樣都想食..可能我們睇了很耐還沒有點菜,有位侍應主動埋黎介紹有咩新菜,他介紹有片皮鴨...但因為我們只得兩個人,所以沒有叫到..於是點了~黃金蝦~~(幾好味但食多幾隻會好漏),水煮牛肉~~(唔夠辣,辣D會好好多,如果芽菜換轉粉絲就好味得多,因粉絲會索哂D汁),宋嫂魚羹~~(幾清甜),小龍包~~(真係皮

嘩,好多蚊呀,一次過,冇下次 尋日兩個人黎食,待應服務一般,我地叫左,醉雞,紅油抄手,擔擔麵,喎碟,仲有甜品 個(醉雞)唔得-冇酒味.個(擔擔麵)太淋-應該係整麵時間太耐啦.個(喎碟)得4隻,仲要煎到黑色咁樣, 仲要收HKD25.00(離譜呀)個(豆沙喎X) 好硬呀.... 重要一提:呢間食店好多蚊,好唔衛生唔知係邊度黎.真係一次過唔會有下次COME BACK.

在母親節當日, 千身萬苦才有位吃飯, 本來也不太計較價錢, 一早便在此店訂位, 當時仍未有套餐資料供參考.到了正日, 點菜時發現有套餐, 而且仲超抵, 一圍都不過二千元, 在母親節果然好難得!!沒有如其他食肆趁火打劫, 讚!

話說都年幾前ge事，我同屋企人一齊去食晚飯，因為開左冇耐就諗住去試下，等位等左好耐，咁算啦，都係好生意je，入到去點左幾樣野，係咩就真係唔係好記得啦，最記得ge就係個炒飯...le個係"加料"炒飯，我屋企人食食下見到有塊用過ge膠布o係入面=.="(捲埋左,好明顯係貼手指ge)，成家人odd哂，即刻叫個waiter過黎，佢odd左..仲唔知做咩收埋我張單........之後有個manager黎，話唔好意思，話送返d甜品同俾9折我地wor，見我地仲係好唔gur就話咁8折啦，之後d甜品黎，但成家都冇哂胃口啦，跟住個manager無啦啦又行埋黎話:做咩唔食呀,唔arm食呀?(俾著你都食唔落啦下化......)之後仲odd bor!佢話:小姐我知你影左(碟野)相，不過大家唔好攪大件事，放左張相上網就唔好啦，因為咁，佢話半價，then唔收我地錢，之後我望左一望佢個名，我話你地d staff做野唔可以咁唔小心係咪呀，佢話小姐你唔洗望我個名啦........咩態度你話!

首先就鬧下先! 我同男朋友響夜晚十一點上左去食野, 事前唔知有十蚊泡菜架! 點菜張紙最底都係寫"茗茶每位5元加一服務費"咋! 其實我地只係食左廿幾蚊野, 但係就俾左二十蚊茶芥加泡菜! 等我仲以為佢有幾平添!不過男友覺得個位都算坐得舒服, 我地只係叫左一碗香菇炆雞麵同蔥油餅咋! 香菇炆雞麵: $13, 不過係細碗, 得兩舊雞加一隻冬菇; 麵要左扁滑, 真係又薄又滑, 同埋個湯幾好味! 飲到有d雞味架!蔥油餅: $10(兩件), 呢度既蔥油餅唔同出面果d架! 呢度既蔥油餅其實係冬甩咁既樣, 中間有個窿, 餅皮包住入面既蔥油餡, 都幾香口! 我同男友都覺得佢一d都唔油! 凍凍地但係咬落仲有d脆!除番開一人都係廿幾蚊, 算啦……野食既質素真係唔錯, 有d興趣想試下佢既其他野, 唔知幾時會有機會呢?

我寫既係樓上既杭州菜- 霸王山莊!我地例牌叫左個碧綠素菜包, $19, 菜菇做既餡唔太飽滿, 比"阿拉麵館"差, 一般OK la! 另叫了個雞絲粉皮, $39, 佢地既芝麻醬比較Thick, 花生粒幾多, 老公buy 佢! 最後要多個三絲湯上海年糕, $39, 細細碗, 年糕幾煙"un", 蝦仁都幾新鮮! 加埋前菜, 茶錢, $129! 最唔好係個冷氣風口位滴水, 食食下都要望下有無水滴落黎!

Last Sunday,I came with my friend at 7pm,Their staff was very rude ,We never visit their shopPoor Sevices

難得有一日假期,梗係要善用,用左大半個上晝訓教,約埋女友睇左場戲,肚仔餓行行下比好耀眼的招牌吸引,於是上左"山莊"試下!7點鐘,唔係好多人等緊,但個場面都滿哂人,好彩都有位坐.叫左好多野食,小籠包·擔擔面·醉雞·乾煸四季豆·糖醋魚塊·擂沙湯圓.小籠包真係好好食,皮薄又唔穿,難怪會得獎.醉雞女友話正,可能佢愛d酒味,我就麻麻地,但食得出d雞幾新鮮.擔擔面個湯都ok,但個面本身拉得好滑,應該又係自家制個種...四季豆就少得好香,但好似咸左少少.魚塊個汁就相當好,酸甜岩岩好,但魚塊上面d粉厚左d,咬落口感較硬.service都幾好,有主動撩我寫菜同問下須唔須耍加茶,笑容亦充足,有再來的機會!

上星期六同朋友去慶生訂左七點木台去到帶左我地去間幾簡陋既房裝修同出面唔同,好似求其整間房出黎叫左醉雞,小籠包,雞絲粉皮,素鵝擔擔面,紅油抄手....除左個擔擔面叫ok之外,其他無乜味又細碟紅油抄手個汁仲要甜甜地=.="由於o係房,要按鐘才有侍應不過d侍應都幾有禮貌仲有佢地會收$50切餅費架=.=不過之後就會幫我地同蛋糕映張即映即有相同埋送番張生日卡俾壽星囉.....

本人今次係第一次到荃灣店食飯,因為之前工作地點在尖沙咀,我以前經常到佢地尖沙咀分店食lunch,比我個慼覺係食物唔差,服務亦很好,只是有時要等位才可以入座,同埋食物有時要等很久才能送到.這可能是比較好生意的現象,所以我對霸王山莊亦有不俗既印象.但因為我現在在荃灣工作,所以今次我和同事到荃灣這間店試試,到達時間太約六點九左右,但無乜人,我地四個人被安排到一張近門口太約三,四張檯距離位置,但坐落一陣已覺得唔對路,點解好似無乜冷氣咁,坐落已覺得唔舒服,咁叫個伙記開大d個冷氣,佢話好之後我地只見佢行來行去同其他人傾計,完全無理過我地,跟住我再叫另一個伙計開大d個冷氣,呢個伙計對我講岩岩己經開到最大,咁我地諗住一陣會涼啦,點知都係無分別,後尾再找來一個部長對他反映後,見他走去應該是開大冷氣動作後,才感到有點兒涼快,真是有點被戲弄既感覺,當我們正當想找人take order 時,但眼見好似周圍都無伙記般,離遠只見到一名肥肥部長的和伙記聊天談笑,完全看不到我們在招手,真的想即時走人,最後有一名侍應生看到我們招手,才來幫我們take order,我們叫了幾味菜一個湯,但係無一樣特別好食,只有小籠包還是

之前同屋企人去食個lunch食一個餐有麵+小食麵就擔擔麵.小食無走雞.實係小籠包擔擔麵揀左幼滑.我覺得麻麻地.唔係太好食d湯唔太夠味.濃d好食d主角小籠包出場真係皮薄餡靚.唔係吹水皮薄得黎又唔會話真係好易穿又多肉汁.唔排除佢係灌湯但係出黎個效果真係好正

昨晚跟朋友首次光顧,6:45pm到尚有很多位選擇,本來揀了非吸煙區,但給我們安排了一張單吊兩人枱,叫了一位四眼哥哥侍應反影,他很有耐心叫我地改座吸煙區邊邊卡位,因比較舒適又暫時無人食煙兼且有電視睇,Good idea! 因為只有兩個女子組,只點了霸王小籠飽,雲吞雞跟七彩桂魚絲(叫四眼哥哥介紹),首先小籠飽我反而覺得鼎泰豐稍勝一籌,而雲吞雞湯汁是奶白色很有雞味,只是雲吞皮太厚,但是值得推介.七彩桂魚絲用上西芹絲,紅蘿蔔絲,筍絲,冬菇絲,青椒絲炒桂花魚肉絲,喜歡吃魚但怕魚骨的朋友就一定要試下.總括食物方面是唔錯,錯就錯在係一開始上菜就有一個女侍應埋嚟一輪咀問問題,問之前又無開場白,同埋只係選擇題,即係標準答案,你有意見佢當聽唔到,到我哋話飯都未食根本俾唔到意見同埋好騷擾我地食飯佢都當聽唔到,見前後成六頁紙,其實後尾差不多是佢自問自答咁滯,重話是老板要問卷調查,想開新舖.想法原意是正確嘅,只是人物,時間都揀錯咗!

昨日朋友約了我到此店宵夜, 其時已經十一時多, 突然下起大雨, 我狼狽地跑到此店, 已渾身濕透, 幸好好心的職員立時遞上紙巾又指示洗水間的位置, 而且當時他並不知道我是上來惠顧的. 能將心比己地待人, 實是難得.我把此事告知朋友, 加上食物及服務都十分滿意, 之後大家都約定下次一定再來