霸王川莊 (已搬遷) 新店位置

叫左個餐同個fd share食（呢個好似係3人餐）仲有碟炒回窩肉掛住食無影到個餐每個餸份量唔多，但夠2個人食嘅炸龍蝦粟米好食又惹味，不過粟米份量太少，成碟加埋大約得半條最可惜佢無單點椒鹽炸粟米😮‍💨皮蛋豆腐不過不失，皮蛋少少腥酸菜魚 - 好睇個人口味我覺得隔幾條街嗰間麻辣派對抵食又好味過呢間喎，見人見智啦，呢間就辣味出d，對家酸味出色d，本人食酸菜魚就鐘意食酸多過辣嘅回窩肉火候幾好，味道足 唔會太鹹👍🏻

心血來潮去尖沙咀搵吓餐廳食麻辣嘢，喺K11發現呢間川菜餐廳，門口見到個餐牌個賣相又幾吸引，仲有麻辣煮嘅蟹🦀、蝦🦐、龍蝦🦞，凍凍地想暖吓個胃就嚟咗試吓。呢度有水煮魚🐟套餐亦有一般餐牌俾你揀。我哋係兩個人其實唔可以食到太多，所以揀咗個簡單嘅酸菜魚餐。酸菜魚一份再加咗牛柏葉、芝士腸、金菇。好香、好熱辣辣、好好味，入面仲有薯粉，啲魚好爽滑。如果你係揀水煮魚，你更可以免費加4個餸，好抵。但我哋怕太油及太辣，所以穩鎮起見就叫個酸菜魚試，你見佢啲辣椒🌶🌶🌶都唔少，所以成個魚都有好香嘅辣味架。呢個第二道菜，麻辣龍蝦🦞，啲一粒燈嘅蒜爆香咗舖上面，香口到可以夾埋一齊食，仲有個特色粟米🌽，好惹味。👍🏻👍🏻食咁多辣就叫咗買一送一嘅沙冰，呢杯係波蘿檸檬沙冰smoothie，好大杯又解渴。👍🏻兩個人唔係叫咗好多嘢，但份量算多，夠飽嘅。地方舒服，服務亦好。埋單係HK$800有找，比較去食個麻辣米線貴得多，但個酸菜魚真係好味，好值得一食。✅

Happy friday梗係要食啲好嘢啦！霸王川莊雖然喺K11最高嗰層，最入面，但成日都好多人排隊。今日早咗放工，又想去試吓運氣，好彩等咗5分鐘就有得入咗啦👍🏻👍🏻呢度除咗川菜之外，其實其他菜式都一樣出色！首先係必勝嘅北京片皮鴨，啲皮勁趣脆勁熱。另一個細心嘅點係，包片皮鴨嗰啲皮有一層層嘅紙分開，方便拎同埋方便食。呢度花雕醉雞，可以嘅話係我食過嘅Number one。首先個容器勁靚，好似嗰啲明朝嘅宮廷風格🤣 醉雞全部起晒骨，啖啖肉，酒味香但係唔會太過濃烈，美中不足嘅係今次嘅份量有啲少，有d意猶未盡。干扁四季豆鑊氣夠，但又唔會太油膩，有少少辣，如果唔食得辣嘅朋友要注意啊。仲有呀，個炸小饅頭都好正，新鮮熱辣炸出嚟，點煉奶食真係超級邪惡🤩

態度很好，會解釋客人不明白的地方，等候入座時間不用很久，五分鐘內已安排入座，衛生措施做得很好，亦很細心有提供口罩袋等等，食物也不錯，很推介他們店裏的水煮魚，其他小菜很也值得一試

之前元朗食開果間執左 唯有山長水遠黎尖沙嘴呢邊 試下呢間水準係咪一樣，眼花撩亂，餐牌太多選擇，樣樣都好吸引，選擇困難，索性揀左個抗疫孖寶優惠烤北京片皮鴨（半隻）+成都水煮桂花魚/南充酸菜桂花魚（例牌）原價586$抗疫價$458 仲可以享用特色飲品買一送一優惠！片皮鴨，皮卜卜脆，唔會濕軟/淋左，加上香濃油脂味，肉質肥而不膩，鴨肥油香！（加上甜麵醬，京蔥，青瓜，餅皮）可因應自己口味去搭配酸菜水煮桂花魚選用小骨肉厚既桂花魚，口感好嫩滑，湯酸得黎帶住小許辣味，尚算惹味， 配有薯粉，兩個食都啱好，美中不如就係，得水煮魚先可以加配其他配料，想試多d唔同配料既可以揀水煮魚！

環境裝修很好，坐得舒服，侍應的服務都不錯，有禮殷勤。 我們三個人點的是酸菜魚和半隻片皮鴨的套餐，再加了一個菜，份量基本都夠的，但那隻鴨，說是半隻，但感覺很少，可能因是三人感覺更少了，那個酸菜魚的酸辣比例很好，不會太酸或太辣，說是桂花魚，但肉雖不算很滑也算不錯，另外，湯底下有很多薯粉，肯定可以吃飽的，三個人加一個蔬菜就差不多了，在這樣的餐廳，這個套餐的性價比算不錯， 總的來說，是很推薦與朋友相聚的好地方。

朋友突然黎到尖沙咀想食川菜，就去左K11搵辣野食。俾餐廳個抗疫二人餐吸引左黎食，酸菜魚加片皮鴨，$458絕對夠二人食，酸菜魚好好味，個底仲有好多薯粉食唔晒。茶飲有八寶茶，但要收錢的。座位舒服，不過冷氣有啲凍

難得同一班朋友共聚晚餐一個想食酸菜魚一個想食片皮鴨就搵到呢間兩樣都有價錢又唔貴，幾吸引嘅川菜先講講個環境幾舒服呢個係首度推介嘅酸菜魚味道濃郁重口味啲魚片冇諗過會有咁多片酸菜好爽口，好開胃個底有好多薯粉，唔驚食唔飽霸王辣子雞$149基本上冇咩肉，全部都係炸左既雞皮唔值得食大大杯水果茶普通平時飲開水果茶嘅味道有啲假，偏甜，有幾片新鮮嘅水果係入面，50幾蚊雖然好貴不過飲得好爽芒果沙冰皮蛋豆腐前菜，凍食，好滑，清清淡淡，以為麻麻地但係會一口接一口係咁食

自從中學時代食過霸王山莊之後都無食過，今日路過尖沙咀，K11 shopping mall, 又有久違嘅片皮鴨，忍唔住要就試吓，係好意外收穫，抗疫價算唔錯，兩個人完全夠晒。久違嘅烤鴨味道，十分回味。抗疫套餐買一送一餐。酸菜桂魚加送半只片皮鴨，雖然鴨有啲少，但酸菜魚份量好足，唔建議再加其他餸，同飲品，因為有個茶都已經好足夠。酸菜桂魚：份量足，有薯粉，夠入味，酸酸地少少麻辣。湯底都唔錯夠酸同微辣。不過28-30蚊追加一款額外料就慢慢地。桂魚唔腥係非常欣賞。片皮鴨：份量明顯不足半只😅，但都皮脆肉嫩，烤鴨油香加蔥片同青瓜算係水準之作。套餐458 算ok.可以一試。計埋茶介15蚊一個人：因為係菊花茶，都ok .下試可以再嚟食過。

見抗疫孖寶平過平時咁多，就叫黎試下。🤜🏻半隻烤北京片皮鴨😃份量好少不過鴨質鮮嫩彈牙大葱有少少腥，唔知係咪處理不當粉皮新鮮弄，熱辣辣整體ok🤜🏻南充特色酸菜魚😗人生第一次食，原來酸菜魚係咁嘅味麻香，唔算太辣魚唔腥另外加左萵筍條同鮮腐竹真心覺得唔洗加，因為每加一樣餸要25起但分量少得很😑完全唔值🤜🏻芒果香桃沙冰🤢🤢🤮本來冇諗住叫野飲但食食下酸魚頂不順辣度而且叫呢個餐，野飲買一送一真係唔叫好過叫，一飲落去一大陣假味係濃縮果液加濃縮糖精嘅味道。。。好難飲🤮呢杯野本身要50蚊，如果係比正價錢我一定喊出來最好果樣係杯茶😊係藥材嘅花茶茶位本身15蚊一位，呢個係最值嘅亮點最後埋單六百五就算係抗疫孖寶，我都覺得貴左d，因為唔係想像中咁好食

我地去個日好少人，成間舖頭得兩枱客，環境都幾舒服，我同一個朋友就嗌咗個成都水煮鮮魚片 (例牌)，可以揀四個配料，我哋就揀咗金針菇、牛柏葉、牛肚，同埋水晶粉皮。辣度揀咗小辣，一啲都唔辣只係有少少麻，建議食得辣嘅朋友仔可以中辣起跳。湯底其實都幾正宗，麻多過辣，不過見佢都幾重口味所以都唔建議飲個湯。而配料方面，金針菇就正常發揮，牛柏葉比想像中好！好爽口！而牛肚就麻麻哋啦，好淋好淋，水晶粉皮好厚好晶凝通透，就算我哋兩個人食一個呢啲煲，唔使嗌其他小食都已經好夠飽，建議最後一個配料係用嚟揀面類，確保會飽肚先！食食吓好頸渴，同朋友就各自叫咗杯嘢飲。我朋友就嗌咗杯桂花芒果沙冰，其實就正正常常冇乜特別。而我就嗌左杯特大新鮮果茶，好fresh!!入面好似有橙，百香果汁，同士多啤梨，雖然小貴($50)但我覺得都幾值得一試！同埋好解渴！

老友聚餐，朋友點名想吃酸菜魚，最後選在了方便大家放工抵達的中間點尖沙咀。我以為，在香港吃川菜很容易中伏，尤其還是消費較高的K11裡。。。 這家還滿熱門的，畢竟週末的朗豪坊店都要排隊，我們提前訂了位。 看到門口有抗疫套餐的promotion，不過晚餐時刻早已售罄，所以轉點二人餐。 酸菜魚，看起來大大兜其實裡面魚肉的大概每人分得兩塊就沒了，底下倒是墊了不少薯粉，嗦滿湯汁我的愛。酸菜不算鹹且帶點甜味，有回甘食完不會口渴。 紅袍辣子爆波士頓龍蝦，本來怕朋友吃不得辣，店員建議我們可以轉粉絲清蒸，猶豫了下還是堅持original，事實證明是對的，其實也沒那麼辣，更多是香氣撲鼻。炸蒜好香好惹味，龍蝦下面鋪滿烤粟米，尤其是我這種對🌽不太來電的人，都啃了兩條，好正。反倒是龍蝦就普普通通啦無咩特別。 二人餐外又追加了黑糖糍粑。東坡肉和浙醋排骨，出品都不錯。畢竟一開始我還judged friend川菜館點蘇浙菜冇野嘛hahahhh 凍飲買一送一，圍返25一杯而且是大大杯，都抵。 四人食剛好清盤，埋單1100，品質價格都算ok，值得encore。

今次一行四人 四條女都鐘意食麻辣魚 佢係做得唔錯 重點係佢可以自己揀餸 魚 同辣度 四個人食一碗 仲可以叫多兩三個餸 佢有個肉碎蛋飯 真心屈機 好好食 成日掛住 個甜品一定要叫拔C咩咩咩 超正

每個星期 #小秘書 點都會搵一日搞個 #家庭聚會，同屋企人見吓面之餘，又可以試吓唔同餐廳😉 呢日我哋嚟到「K11」嘅「霸王川莊」。餐廳裝飾得幾骨子，大門口擺咗一棵閃令令嘅 #金錢樹 非常吸睛🤩 我哋被安排坐喺餐廳嘅一個角落，環境都幾舒服，只可惜嘅我哋唔可以坐埋一齊，唯有各自叫鍾意嘅食物。爸爸媽媽最鍾意食 #糖醋松子桂花魚，而我梗係要試吓佢哋嘅 #四川擔擔麵 啦🤤 條 #魚 🐟炸到脆卜卜，淋上 #糖醋汁，甜甜酸酸咁，味道都唔錯🤤 可惜份量比較少，三兩下手勢就K.O咗佢喇😅 至於個 #擔擔麵，因為要就小朋友嘅口味， 湯底我哋要求微辣，聞落去味道都幾香，只係湯料花生醬唔夠濃，湯底略嫌浠咗啲😅 爸爸每一餐都要有飯到肚，所以我最後揀咗個 #招牌霸王炒飯 做結尾。我講唔出個 #炒飯 入邊有咩配料，不過就炒得好乾身，每啖飯咬落去都好香口🤤 不得不提係每人一盅嘅 #八寶茶，望落去都幾精緻，不過我就唔多識欣賞， 而且我最怕唔凍唔熱嘅水用嚟沖茶，怪怪的… 不過爸爸就似乎樂在其中喇🤪 我覺得整體 #食物質素 唔錯，不過員工笑容欠奉，而且又急住被追埋單😅 明明埋完單出到大門位置，仲有幾枱食客食緊嘢㗎，做咩咁趕

有個抗疫孖寶半份片皮鴨再加酸菜魚 （桂花魚）＝$458。 如果散叫酸菜魚，桂花魚本身係要加錢，所以呢個套餐都幾抵。每次都嚟食佢嘅酸菜魚。 佢啲魚真係夠滑，間中有幾片有細骨可以接受。 魚片滑，佢應該冇用太多生粉醃製，而且魚片鮮甜，唔似外面用太多調味料去醃製，覆蓋咗魚本身嘅鮮甜味。呢樣幾好。抗疫套餐嘅酸菜魚跟酸辣粉， 如果要加料記住點餐前講 ，如果點了餐後就唔可以再加配菜 。 因為想食豬紅，就加咗豬紅 。本身兩個人食，其實呢個套餐嘅份量已經夠，唔需要再加。 酸辣粉夠2人份量。 酸辣粉煮得淋，亦有趙口。 豬紅偏鹹 。片皮鴨要等20分鐘，食完個酸菜魚就上。時間啱啱好。呢度唔係食片皮鴨嘅地方，但係不失不過。你唔好要求佢好高水準，啲皮薄薄脆， 好有烤鴨嘅油香， 係食得落口嘅片皮鴨。叫咗飲品唔想飲八寶茶，佢話都要照收每位15蚊/人茶錢。勁想講呢個土豆絲真係好難食， 好冇誠意，淨係加少少唔辣的辣油 ，撒少少芝麻。 我本身鍾意食熱嘅土豆絲，多酸多辣，呢個係凍嘅，唔夠酸又唔辣 。成個組合太怪，因為係凍嘅，味又唔出， 薯絲又唔夠爽，食起來好嘔心。一個抗疫套餐， 加豬紅 ，兩杯飲品，茶錢，土豆絲。兩個人，八百