霸王川莊 (已搬遷) 新店位置

抵食四川菜·酸辣水晶粉皮·花雕醉雞·天府風咪燜生蠔·霸王川莊香辣蝦·剁椒粉絲蒸扇貝•南充特色酸菜魚·紅袍辣子波士頓龍蝦·清炒時菜另外再加咗個水煮魚同口水雞，整體可以特別喜歡酸菜魚裏面嘅粉皮，佢呢度嘅粉皮唔係扁新嘅好似薯粉咁圓轆轆，不過個酸菜魚我覺得佢油咗少少，個蠔好惹味值得一試，扇貝就真係差咗啲，完全冇味同埋唔夠新鮮，埋啲粉絲太粗，呢啲份量夠晒八個人食！

今次係去食麻辣豆腐鴨血湯火鍋 ，勁正勁正👍🏻菜單上註明係4星辣，就真係有返咁上下，最怕其他有啲餐館寫辣又唔辣，會好失望。我點左個2人餐 $7xx 未加一 同埋未計醬料錢。最後埋單$11xx因為慶祝老公生日食好啲講返正題先 咁個餐有啲咩呢？主打有6款海鮮拼盤（龍蝦、鮑魚、珊瑚蚌、元貝、貴妃蚌最後仲有海蝦）樣樣都勁新鮮 隻龍蝦上到桌 都仲有反應（以經斬開左兩邊）唔係冰鮮野👍🏻👍🏻另外當然仲有打邊爐必備既牛肉 雜丸 蔬菜當中我最愛既係 手打墨魚丸 彈牙 無雪味 仲要粒粒都好大粒。鴨血雖然係湯料 但都唔失禮，唔係街買果啲即食野。最後叫左杯大大杯既鮮果茶 因為真係夠晒辣 幾大杯都飲得哂🙈如果你食得辣 就黎試下啦👍🏻

呢間野一啲都唔陌生已經多次同屋企人一齊去食佢嘅食飯今次我哋叫咗水煮魚 個水煮魚可以俾你配搭4款配料 咁我哋就揀咗金針菇 豬紅 薯粉 午餐肉全部都好好味好入味薯粉嘅份量仲要好多食唔晒我最欣賞佢嘅地方係呢度食嘅酸菜魚水煮魚嘅魚肉係冇骨㗎！ 因為我食過其他地方就算二百零$3xx蚊都好都可能會有骨-🤢🤮🤮🤮 另外我哋仲叫咗爆雞粒呢個我都接近$200本人來講覺得有啲貴佢嘅賣點係全碟都係辣椒不過其實味道係唔錯。值得一試

已經有好耐冇食過水煮魚啦！咁啱有個鍾意食辣嘅朋友都話佢好耐冇食過川菜，就搵咗呢間嚟試吓😍我哋嗌左一份水煮桂花魚（辣度3），配菜揀咗金菇、牛柏葉、娃娃菜、木薯粉，同一份「川莊辣子蒜片和牛肉」🤩講吓味道先，桂花魚嘅魚肉好嫩滑，份量比想像中多，兩個人來講啱啱好，唔會每人得幾塊咁👍🏻配菜水平正常，其中木薯粉同湯真係超夾，分量超多，多到兩個人都食唔哂😂辣度佢有分1至5，我哋揀咗3，呢個辣度對我哋嚟講岩岩好😋 好多餐廳為咗迎合香港人口味，就算嗌到大辣都唔夠辣，所以呢間值得推介俾鐘意食辣嘅朋友😝辣子蒜片和牛肉唔記得咗影相，牛肉淋，油份充足，份量亦岩岩好總結來講，呢間餐廳啲嘢食嘅份量算多，唔會令人覺得餐廳好姑寒，而且經Openrice book位有八折，我哋兩個人食到捧住個肚落街都只係每人$250！真係超抵！

今次來到霸王川莊經網上訂位，有68折係香港食飯去到餐廳都係有個特點店員係唔會主動提你有特惠套餐😫細問之下原來2人-6人套餐都有的🤷🏻‍♀️🤷🏻‍♀️睇完覺的前菜唔係好岩食，因為主要係想食魚⋯例牌都$258，仲有個珍寶版$458所以最後都係散叫左《南充特色酸菜魚》例牌！魚來了聞落個味都唔錯，魚不是薄片的，而係較厚身的都滑的，食到最後都無食到一條魚骨魚跟一個薯粉(又係要問先話你知有個薯粉跟🤫薯粉量很足酸菜略少了點，酸度中等，辣度一般成都回鍋肉$99送飯一流，味道都唔錯八寶茶$15+10%服務費如果你話杯茶好飲都算啦！重點係唔好飲🥱味道很一般，雖然有浸左一陣先飲，但係真係好普通，就算你唔飲八寶茶，飲水都係會收你茶位費！為收錢而收錢，坑人好彩酸菜魚同回鍋肉都有打68折如果唔係食個午餐都要成400蚊，真係會食窮!

以往疫情期間一直同同事們有幫襯，食物水準冇參差，尚算好吃。由於逢星期一及五午餐有半價，加上平時招待的女性職員服務態度非常之好，同事們都喜歡來此。可惜，經過今天之後我們會backlist呢間店舖。因為佢哋有一個法線向後退嘅男性經理鬧我們，為什麼我們付錢吃東西也要給你駡呢？無論你嘢食個水準一直維持也好，下跌也吧，我們也不願意再幫襯。他是否從來未做過服務性行業呢？還是他並不適合做服務性行業呢？ ！PS. 但我們也知道呢位經理是不在乎的！因為他向我們說：「我本身就唔願意接待你們這批客！」而我們只是剛入到店。共22人客人傷心💔決別

專登為左酸菜魚試呢間餐廳，仲有主餐牌68折實係值得一試！霸王川莊酸菜魚(珍寶)湯好濃郁，可自選配料，加左豬肚，窩旬，午餐肉，不得不提同午餐肉真係出奇地好食，一定要試！建議可以叫埋白飯去送d湯😋魚塊好滑冇骨連小朋友都岩食！另外，餐廳出名八寶茶，真係有好多配料，但個人不太鐘意個口味，唯獨覺得桂圓好好味😋

我哋今次用咗OpenRice嘅discount同朋友一齊gathering去食㗎！ 差唔多有八折真係好抵食佢哋嘅酸菜魚係我食過暫時最好味嘅酸菜魚超級大碗兩個人基本上係食唔晒因為佢除咗好多嘅酸菜魚之外仲有好多嘅薯粉酸菜魚嘅口感好好火候調校得好好唔會話好林肉質爽口彈牙而且最重要係佢一啲魚骨都冇對於我係唔識處理魚骨嘅人來講係非常之好㗎薯粉方面係透明嘅薯粉好好味。朔晒酸菜魚嘅味道另外我哋仲叫咗土豆絲我就覺得好辣。不過我朋友就覺得OK菜苗方面都好好味！ 兩個人三樣嘢食咗$600有找性價比ok 食物質素幾好

泡椒蓮藕帶爽口開胃小食，但都幾辣😂中辣水煮牛肉 3號辣可以自選4款配菜選咗豆卜，牛柏葉，薯粉，窩筍另加追加咗魚牛肉上到嚟未熟透 所以唔會話好柴 都算嫩 浸浸下就會熟咗所以唔洗擔心話唔熟嘅問題，可以放心食豆卜同薯粉索曬d湯汁好野味如果中意薯粉較軟身嘅朋友可以食曬啲餸，最尾先食個薯粉，咁樣就會入味同咬易咬碎中意有咬口d嘅可以選寬粉，較大片同彈牙有咬口d.窩筍都爽口，又健康最尾叫咗嗰小饅頭解辣一流2個人食勁飽好滿足

霸王川莊位於尖沙咀K11，但旺角有家叫川莊，但菜單都一模一樣的，很好奇是不是同一家的，有人知道嗎？我常去的是在尖沙咀K11那家，店內裝潢是古色古香的中國風，坐得非常舒服。晚餐主打是火鍋，但我最愛吃的是他的水煮牛跟小菜，只吃過一次火鍋。-🌶水煮牛必點必點！水煮牛是水煮牛肩肉加三款自選配料，配料有24款可選，每次都必水晶粉皮，就是扁薯粉，然後再跟心情點不同的配料，比較推薦的有落窩荀條、午餐肉、凍豆腐和牛柏葉，豬紅不太推薦，因為都不太入味。基本上點一個例牌的已經非常夠吃，盤子比的臉還要大，裡面的料都裝得滿滿的。牛肉剛上桌時還是粉嫩的淡紅色，跟生牛肉河粉一樣，要浸在湯裏一會兒才能吃，肉質超嫩，而且非常有牛味，大力推薦！.🌶老家糖醋小排骨好吃的糖醋排骨！排骨還能吃到炸過的酥脆感，另外糖醋的比例調的很完美，甜中帶酸，酸中帶甜，每一口都是人生的味道。.🌶川莊口水雞這個分量不是太多，只有幾塊，但都比較大塊，每一塊都用竹籤插著，非常有趣的試桌方式。雞肉很嫩滑，醬汁也調得很好吃，香中帶麻，麻中帶辣，可惜是雞塊並不入味，而且由於每件雞都較大件，導致中間感覺在吃白切雞。.🌶黃金翡翠（四季豆、乾秋葵）喜歡吃咸蛋

之前係旺角同元朗都食過。入座係夜晚七時左右可以即時入座。一坐低即刻沖了一杯八寶茶，甘甜解辣。因為得2個人所以淨係點了例牌水煮魚片（仲包左4個自選配料：萵筍、海帶、午餐肉、水晶粉皮）另外為了可以解下辣叫左甜奶小饅頭。水煮魚片十分足料，最後食唔晒。可能因為叫了小辣，味道偏麻，辣味一開始還可以接受不過會越食越辣。好彩有八寶茶同小饅頭解辣。配料份量好多，每樣起碼有10舊以上。水晶粉皮煙煙韌韌，午餐肉係好食個隻，萵筍、海帶都吸左辣湯，食得好爽呀K11呢間環境闊落，冷氣仲好勁👍🏻唔會食到標晒汗再幫襯指數 😋😋😋😋價錢偏過，如果有優惠會多d食😹

位於尖沙咀K11嘅霸王川莊最近晚市做緊訂座享七折優惠😽今日收工決定約埋幾個同事一齊嚟！珍寶成都水煮魚-桂花魚好耐無食過正宗口味嘅水煮魚，我哋一行四人一個珍寶水煮魚份量好足夠夠晒珍寶，可以任選四款配料，今次我哋就叫咗午餐肉、長豆卜、牛肚同埋紅薯粉。嗌左最小辣對於唔太食得辣嘅朋友已經會好辣，仲要係後勁有啲嗆，好過癮👅桂花魚食落口超滑😍，無腥味👍🏻；配料索晒啲湯汁，好惹味，特別係牛肚同薯粉，好夾！👍🏻👍🏻👍🏻哩個水煮魚下次都要encore!口水雞同酸辣水晶粉皮屬於小食份量，微辣，口水雞皮厚過肉，性價比唔高；水晶粉皮爽口開胃。最後嘅片皮鴨一食半隻，份量比較細，同埋望落似鴨胸多個平時食到嘅鴨肉，少失望😞不過蒸皮夠晒煙un👍🏻哩度環境舒適，食物味道不俗，可能今晚比較多人，上菜速度慢，但係服務態度唔錯，價錢略貴，如果淨係為咗水煮魚都可以encore

服務很好，環境也很好，食物味道一般，辣子雞好咸。雖然水煮魚的配菜比較少，但有四川菜的味道。如果配菜可以增加分量會比較好。價錢還算合理，午市有7折，不過酒水同飲品沒有折扣。

之前係元朗店食過一次lunch, 之後搬離元朗後無再食過。今次經過尖沙咀就決定再試！進時間係晚上9點左右，等待左10分鐘左右先有得入座，店內尚算寬敞。八寶茶: 足料，好飲。有妃子，菊花，玄米等，八寶茶是可以解辣的，配酸菜魚一流，味道帶點回甘甜。招排酸菜魚: 叫左個例牌南充特色酸菜魚-桂花魚(辣)。因為驚有魚骨，所以叫左桂花魚，除左例牌仲有個珍寶size,不過例牌已經好大例，二人食，魚都分量，無骨，夠滑，無魚腥味。除左之外配菜分糧都足，有大量薯粉，可以不用配飯已夠飽。爽辣黄瓜皮: 好普通，性價比低。

水煮牛肉超級好食。牛肉好高質，自問食遍大大小小出名川菜或者小店，包括麻辣火鍋，呢間牛肉暫時最好食。本身鍾意食辣唔係好食辣，辣度1至5，只係叫左最唔辣既1，都覺得辣辣哋，叫左個白飯中和下。仲有免費+4款配料，揀左薯粉、萵筍條、金菇、芽菜。個汁同薯粉好夾，好正，食唔停口👍🏻👍🏻👍🏻👍🏻。另外仲叫咗個濃湯翡翠苗，都ok，有啲小菇子一齊炒，食落新鮮，口感清脆，唔太軟亦唔硬，剛剛好，唯一係食到最後啲菜浸係濃湯內左有少少鹹。2個餸，2個人食，份量好足，少少食唔晒。如果比較細食，剩係叫水煮牛肉都夠。題外話，張枱好寬闊，坐得幾舒服。如果有圍裙就好，食薯粉好需要，哈。