青亭素食料理 (已結業)

首先, 我想大家明白我並唔係一個口不擇言的人, 這個標題, 她是應得的上個月(2008年的四月), 在旺角女人街行行下發現一間裝修不錯的料理. 心想: 咁有信心咁落本咁去裝修一間面積不大位於女人街的地鋪, 應該值得一試! 咁就記低佢下次同女朋友黎試下啦到上個星期 (2008年四月尾), 咁岩又o係旺角, 而我同女朋友又咁岩又想食 D 清淡一點既野, 就諗起青亭. 咁就去諗住試下新野, 去到見到有幾張吉枱諗住可以坐低食, 點知佢話有人 Book 左未有位住!!!!!! 第一次聽到旺角地鋪既食肆咁有 Style 咁話有 Booking 未有位! 好野, 我心諗, 真係咁正? 下次真係一定要試, 拎左卡片就走人. 下次黎過!到左今日 (2008年5月6日, 星期二), 心郁郁又想黎食, 今次一早 Book 晒位咁黎. 去到, Full 晒, 門口仲有人排隊, 心諗唔係有 Booking 都冇位坐嘛. 好彩都係等左一陣就有位, 坐低左.點左一份南瓜薯餅, 一份汁燒茄子, 一份芝土焗香菇烏冬, 一份野菜天婦羅同一份三文魚刺身.環境OK, 坐位 OK, Menu OK, 價錢都 OK. 只差一樣,

今日下午，一行三人去食日本素食，叫左什錦壽司；有三文魚壽司，個樣幾似，幾好食，有肉鬆壽司，面頭Ｄ肉鬆好脆，有鰻魚壽司，樣都幾似和好食，中華沙律壽司，無乜特別，但也好食．叫左雜菜天婦羅，都ｏｋ啦．叫左海鮮燒餅，成ｐａｔ粉咁，比想像中差．叫左蕎麥冷麵，有碗芝麻醬撈下，都幾好食．最衰食吾到章魚小丸子，可能太早去到，反而食吾到，整體都算好食，埋單＄１４７，大家都好飽．

星期日同朋友到青亭試下，店舖細細的，要預先Book 定。最鐘意佢\地既鮑魚＆鰻魚Sushi,好有口感，一定再去　^_^

中式的素食平時吃不少，但日式的素食真的未試過。剛在旺角看完PS:I LOVE U，就到這裏試一試這間小店先來三文魚刺身，個樣就真係有d似，但食落去個味就好唔同，喜歡食三文魚的女友吃了一口便不再吃了，結果就我包底鰻魚燒汁炒飯：這個飯炒得很香，每啖飯也包含着燒汁味，唯獨是素鰻魚做不到像真一樣的口感芝士焗野菌：這一味是平時常接觸的素食，芝士表面有點燶燶地吃起來更美味，仲有烏冬係底，單食這個已經令我們很飽海鮮燒餅：雖然食唔晒，但其實個燒餅做得不錯，素蟹柳跟餅的味道挺配合最後仲有杯豆漿，不太甜而且有豆味，好快就被我飲晒平時去親日式店鋪食飯都要過百，如果想平平地試下d新野，這個店舖也是個不錯的選擇

一路都覺得呢間餐廳幾好, 價錢ok, d食物又唔錯, 坐得舒服又唔迫. 推介係石頭鍋, 差唔多係每次黎都必食但係尋晚去就真係好不滿........果兩個男waiter真係超唔掂, 完全唔識招呼客人, 明明我地入黎先架嘛, 又話執台俾我地, 有班人(5個)走入黎就由果班人自己就坐......ok ok, 人地係客, 都算啦, 起碼都話我地知有位定冇位啦, 由得我地呆企o係間鋪入面, 我地諗住走返出門口等, 佢可能以為我地想走, 即刻叫住我地話有位.坐底之後, 求其放底d餐具就算, 擺位都唔擺, menu又唔俾我地, 兩個waiter只係掛住吹水發夢......上菜, 將我地個小食拎左俾隔離果台, 之後又走返去打牙交.......果台客都諗左一陣, 發現俾錯就同佢地講, 有一個仲話諗住食添, 都唔知夾左未.......個waiter拎返果碟野俾我地, 當堂唔開胃另一個小食(南瓜薯餅3塊)其中一塊唔熟, 入面都仲係黏黏o既粉團.......唔係連個廚都唔掂呀嘛?!?!?!好彩個石頭鍋同烏冬都ok食到咁上下, 個台堆左d吉碗吉碟又唔同我地收, 張2人台堆到一台都係野叫左埋單, 個waiter完

枱不多，要先book位。牛肉石頭鍋飯味道幾好，可加$6轉套餐，有湯和甜品。壽司麻麻，飯硬而且冇乜味道。招呼普通啦~

以素食做主打的日本料理店...聽聞而一試的...本人去的時候有2位職員..約6時許..他們都只顅自己交談..沒什麼招呼可言..不過還可以的。個人認為食物賣相ok.. 但味道唔太得!"一口牛肉"味道ok..但只有5小粒..太少了吧!"三文魚壽司"三文魚冇味.仲退色把飯團染上粉紅色.."照燒雞排石頭飯"除了飯太焦..總體味道最好!"豬排烏冬"湯冇味..即食烏冬..總結: 汁醬味道不錯..其他所有東西冇味道..自己不會推薦俾朋友..如果想看看日式素食..可以一試..(試一次都唔算貴既)..如果真係想食野既就唔推薦。2人是次消費約$140 ..