青亭素食料理 (已結業)

我和朋友三人不想散叫食物,故最後點了四人餐,種類豐富,但每碟份量不太多,$218,加一後每人都是$80很抵食! 芝士海鮮焗飯：十分正,很香芝士味,又不會太油膩　　芝士焗什菌：不知點解面會有烏冬，有金菇及冬菇，但芝士汁太多，很油膩　煎餃子：樣子很像真的餃子，煎得很香口，大大件，味道不錯！　素壽司：整體來說８件壽司的質素都不太好，素三文魚的質感很’水’，得個’爽’字，沒有特別的味道，蘆筍壽司很硬，不好食及不太新鮮，都是吃回真正的魚生壽司　鐵板牛柳：真是用鐵板上，熱辣辣，有很多不同顏色的黃椒及綠椒來伴碟，感覺很像真的牛柳，不錯！　　和風炒烏冬：份量都很多，但炒得很油，有冬菇及素肉來炒，味精超多！　甜品：百香果果凍，很好味，酸酸甜甜，很滑，形狀也很可愛！　服務很好，但地方很細，又有很多人等位，故吃了一小時半要走人，但整體來說，算是很便宜又飽肚的素食．

28/8(五) 7:30pm週五的晚上,插進川流不息的女人街,好不容易才覓得一家不用等位的餐廳--青葉.我倆點了蒲燒鰻魚飯$34,及中華叉燒石頭飯$38;加$6轉定食(餐湯及甜品).味噌湯--淡而無味的味噌湯...蒲燒鰻魚飯--味道及質感有七成相近;白飯加入紅米;仍乏彈牙,配清灼的西蘭花及椰菜,味帶不討好的菜青味.中華叉燒石頭飯--跟鰻魚飯水準不相上下;多了少量飯焦墊底,椰汁糕--味如嚼蠟,一無是處的糕團!面如死灰的男侍應,擺出臭臉一副,大概不想幹吧!下不為例的"青葉"...

放榜前幾天約了朋友吃晚餐，談談未來，由於對方是個素食者，所以選了這間素食料理，坐下良久才有人招待我們．．．是晚很想吃咖哩，便點了個咖哩雞肉伴飯（＄３４）賣相不錯，咖哩不夠香濃，而且份量不足素雞肉份量略小但味道ｏｋ，可惜吃到最後只剩下飯，比較乾整體味道可以，但以這價錢（加一後＄３７）在旺角應有更好的選擇！

愈來愈多人喜歡素食，素食店亦愈開愈多，我們食過幾間，還是覺得質素一般。第二次來青亭，依舊要等，不過店員禮貌周周也無所謂啦，但地方的確淺窄，坐低都隨時會碰到隔離枱那一種。叫了一個叉燒飯，雖然明知不可能跟真叉燒一樣味，但事實上完全不覺得那是一塊叉燒…朋友叫了鰻魚和雞肉，我們都覺得其實三種食物味道一樣，只是汁唔同。那杯水蜜桃特飲更恐怖…用糖水溝的，成杯淡到以為飲緊水！杯身還要痴立立，搞一搞杯底的「果肉」依舊無味，跟店員要求換一罐可樂最穩陣，他們肯換…但之後拎著杯野跟我們說：「其實你地未搞喎，ｄ味o係晒下面」，真好笑，不過我們也懶得理了…總之，無下次…

15-5-2009以前0係銅記食過素刺身覺得幾得意 (http://www.openrice.com/restaurant/commentdetail.htm?commentid=1914262), 知道旺角有間同類型食店, 又貪玩0黎試試, 還掂之前睇過食評好似都唔差. 3:xx pm 0黎到, 諗住叫一客小食加一份雜錦壽司乜都試 d, 點知落完單女店員走出來一句「無壽司飯呀, 所有壽司都無喇」, 唯有淨食「芝士蟹柳春卷」($18) 及「三文魚刺身」($32).春卷原來一客得一條 (開二), 真係... 幼身春卷賣相似足沙爹王的脆蝦棒, 入面就係「卡夫」味芝士及「麵粉」蟹柳, 味道可以預計, 不過熱熱的春卷皮竟然可以唔脆, 唔係即叫即炸? 沙律醬亦離奇地淡口, 食到 R 晒頭又皺晒眉頭.「三文魚刺身」就無得頂咁難吃 -- 「三文魚」係大豆製品, 咬落頗似擦膠, 仲要帶點「出水」及溫溫吞吞, 同「元」字頭迴轉店轉了幾圈都無人認購的極唔新鮮「葷」三文魚有 9 成相似, 好唔好食你話呢? Wasabi 係牙膏, 不過豉油仲嚇人, 溝了好多水, 味道怪異又帶點腥 (???), 我去了「

去完好失望.......之前俾我發現左一間叫『青亭素食料理』既日本餐廳,兩位朋友又真係咁偉大,陪我入去一試我地滿心期待:::一定要叫『三文魚』剌身,但落單時為求安全起見, 我地都係揀左壽司!『三文魚』壽司上枱之後,我地就知選擇得無錯! 頂! 食緊塊膠咁啊!!!繼而, 又上左『鰻魚』飯,我都唔知點形容佢好喇...............3個人都食唔願食哩碗野,最好味都係西蘭花=-=然後, 我就試左我認為最『正常』既露筍『和牛』卷,食個塊『和牛』個時, 我心入面真係爆粗!覺得自己好似食緊一舊勁多油既黑色物體=-=最後, 仲有炸『蝦』!我平時已經唔多好炸野,都係個句::::成口油!我滿心好奇諗著一試素食料理,仲要佢地陪我, 搞到佢地對素食咁反感

對於食素人仕黎講, 呢度係一個值得推介的小店, 食得多傳統齋鋪, 黎呢度試下, 仲算係有d新意~~我地當日叫咗好多野, 不過我淨係試咗以下的食物:1. 金菇牛肉卷 - 幾好味2. 鰻魚石鍋飯 - 個人覺得呢個飯既汁好味過牛肉飯既汁, 好夾味, 鰻魚係食素人仕食開個隻有紫菜包住個隻魚, 一d都唔似真既鰻魚, 食肉既人千萬唔好期望過高; 石鍋夠熱, 有飯焦....Good 3. 牛肉石鍋飯 - 味道一般4. 肉鬆sushi - 最好味.......內鬆夠dry, 紫菜夠脆口5. 蝦沙律sushi - 掉走面頭1/4隻蝦既話會好食好多, 個沙律併sushi飯原來都幾夾味, 尚算ok6. 白汁烏冬 - 一般, 可以唔試7. 燒餅 - 有沙律醬係面, 唔係和民好咸個種燒餅, 味道幾好, nice8. 果汁味特飲 - 全部特飲用果汁味糖槳溝水, 隻杯外面仲係"立痴痴", 千其唔好試.....仲有其他三文魚, 吞拿魚sushi無試到, 因為自己最憎食呢d假肉........最後, 原來唔記得咗食甜品就埋單走人...........蝕咗添PS. 呢度地方淺窄, 坐得唔係太舒服; 同埋好多菜式都話無..

這個年頭鼓吹健康飲食，多菜少肉，身邊不少朋友甚至轉行吃素食。對於無肉不歡的我而言，偶爾吃一餐齋清清腸胃沒有所謂，若要餐餐食的話，就真係No thanks! 跟一位食齋的朋友出來吃飯，為尊重對方，也提議去吃素食。但那裡吃齋好，我真的沒有概念，就交由對方選址，他說旺角有間素食料理店，似乎幾特別，也有興趣一來。菜牌內見到又壽司刺身又牛肉卷，仲有天婦羅，十足十在吃日本餐咁，完全唔覺得在吃素食。為免卻點菜的煩惱，就要套餐。四件壽司，真假難分，三文魚甚至連坑紋也做到足，我吃了一件三文魚和吞拿魚，不論口感和味道與真的沒大分別，飯也握得不差，完全不知他用什麼材料做出來的。隨後上的金菇牛肉卷拼日式餃子，像真度又是驚人。金菇經油炸，再用素肉包裹著，配上甜甜的醬汁，脆口也有點肉味，比起真品有過之而無不及；日式餃子外皮煎得香脆，餡料有點煙韌，幾特別。炸天婦羅，用上的材料是薯仔、茄子及一些什菜，幾爽口的。粉漿不太厚，亦不失香脆口感，吃不會太油，我覺得可以。還有鰻魚炒飯，飯炒得不錯，粒粒分明的，不太油，卻仍香口。相信那鰻魚是由腐皮，包點紫菜做成，吃落帶點脆，再加上醬汁，我收貨了。最後出場的甜品是奶凍，味道偏淡，但

天天又魚天肉，想想突然來一頓齋也不錯，於是就到青亭試試啦！兩個人叫了套餐﹕頭盤4個壽司(三文魚、中華沙律...忘了！)，主菜炒烏冬，還有芝士雜菇，牛肉捲，甜點。模仿葷的食物樣子雖像，但味道卻不著邊際，真是素的不錯，炒烏冬熱騰騰，味道可口！不過想想為甚麼非要素食做到和葷的食物一樣呢？那還不如真去吃真真正正的三文魚、牛肉捲。這樣一來，感覺就不一樣了！

星期六晚..一早決定想去潮樓食1蚊1隻雞..點知自己遲左去要排大隊,所以最終都無機會試.最後2個人去左女人街亂行一通決定試下這店既素食...2個人叫左一個和風牛肉石頭飯, 一個秋刀魚同埋一個什錦豚肉餅.估唔到這店既食物真係唔錯, 特別係個燒餅真係好似食肉咁好香好好味, 石頭飯有好最喜歡既飯焦同樣出色.反而個秋刀魚一d都唔似..只係用上腐皮包紫菜蛋再去炸..最後加上甜酸汁..太油啦我覺得麻麻..不過此店做既素菜真係好有水準..2個人食都係每人五十幾元真係超值

同女朋友點左個"二人前":壽司4件神戶牛柳鰻魚沙飯八爪魚丸, 同埋海苔豆腐棒講真...D野真係同真的好相似!口感亦都好似!味道就當然有D分別啦最好味係個神戶牛柳樣似不特止、味道都好似，好好味!一定要試!!不過整體份量就少左DANYWAY, 一試無妨!~素食黎講都算唔錯的~

上網找下有乜好食,本來諗住試下隔離果間西X町ge台灣菜,但經過呢間見到係素食ge日本野.睇左陣出面ge餐牌,就同老公入去試下,間野裝修得都幾清雅.D茶係玄米茶.侍應沖左一壺放係我地張檯度我地叫左個二人套餐.128元價錢合理個餐入面ge配搭款式有得比你揀,我地揀左有4件壽司,鐵板牛柳.白汁海鮮焗飯.餃子同小丸子.野飲我地揀左味噌湯.有D驚喜覺得D野好好味.牛柳好香好濃.個飯入面有D紅米係度.好香口.餃子同章魚小丸子都ok.小丸子入面係薯蓉同雜菜.個湯無麵豉ge但都幾清甜.差D忘了說仲叫左肉鬆壽司.因為我好鐘意食素肉鬆.好正!最後上埋兩個馬荳糕甜品.份量都算ok,.到我地埋單時間店己坐滿人.服務方面都幾好丫.侍應仲問我地有無九折卡.我話無.佢就比左張我.我就好滿意呢間野ge水準勒.估唔到無意中去到合心水ge素食店.下次一定帶媽咪來食.會再試其他小食

7月18號當晚聚會去呢度食飯...見呢度禁多好評黎試下佢係咪真係禁好食先..一行5人...呢度係西門町隔離..唔難找ge地方...我地見餐牌好平($3x有拉麵)..咁咪叫多幾樣..照燒雞扒拉麵: 塊雞扒好細..味道唔知點講..d麵一般..牛肉石鍋飯:牛肉食落質地好怪...d醬汁味道仲怪...海鮮燒餅:海鮮其少~~個餅好薄..口感真係好唔知點.../.\三文魚刺身:我feel到佢好努力咁扮三文魚..可惜都係唔得...個味唔知點咁仲有幾樣炸野...個幾樣炸野反而ok wor...總之你唔好想像到佢同真肉一樣ge口感...可能你會食得開心d la...食完呢餐埋單位位$40度...不過好似食陣風咁...食完呢餐都要去仙跡岩食先飽到...service黎講都可ge...可能店細...人手都可以話夠ge...態度ok la..去呢度食之前真係要三思!!對唔住我忍唔住俾個喊你~~

舊女友及其表妹們介紹, 青亭日本素食, 今日同兩個朋友食埋飯先散Band, 找不到她問路, 找了其表妹問問位置, 本身已行錯方向的我們, 回頭向家樂那邊找.找到了, 價錢不是貴, 舊女友及其表妹們介紹話好食, 絕對是值得一試的地方. 看見石頭窩飯好抵食, 只需30多元, 看見鄰檯"師姐"食得津津有味, 與她淺談中分享了大家素食心得, 她道, 這石頭飯值得一試.點了兩個飯, 一個中華叉燒石頭窩飯, 一個鰻魚石頭窩飯, 叉燒是齋叉燒, 飯亦混入了紅米, 很清淡, 鰻魚似是腐皮加上紫菜, 如果不說這是素食館子, 味道可以亂真.刺身, 三文魚及吞拿魚, 吞拿魚有兩種色, 難道素食也有新鮮與不新鮮乎, 這個看得出不是吞拿魚. 三交魚, 連坑纹也做出來, 吃下與不吃下, 都與三文魚無別, 有點想問問是用什麼做的, 但始終沒問.服務不錯, 客情亦很好, 離開前, 給了我一張95折咭. 忘了說一個金菇牛肉卷, 金菇素肉卷, 用素肉, 包著金菇去炸,, 朋友的女友對牛肉敏感, 她很開心地說終於可嘗金菇牛肉卷, 是齋牛肉, 必食.

今日放學後同同學落旺角食lunch,想試呢間野好耐叫左個野菜什菇拉麵: 好普通既拉麵-__-不過d菇好多..好中2 ^v^2個朋友叫左個白汁芝士焗飯...我冇食到..佢地話好味d餐仲送埋湯同糕點架 可憎我2樣都唔中2 最可惜就係早餐吃得太飽, 唔係都會試下佢d壽司~.~下次我會再去.. 試佢d壽司!!!!最搞笑的是,d waiter比隔離台玩死, 隔離台有4個女人叫左1碗烏冬食, 但竟然叫d waiter拎把剪刀比佢地,哈哈~ 搞到d waiter勁無奈