青葉海鮮酒家 (昌泰街)

营业中

休息中

家庭日當然是跟家人飲茶，不過太晏去酒樓，到處都要等好耐，經過青葉即管碰下運氣，還是很多人，不過因為有兩層，比其他酒樓快有位，不到半小時總算坐下了。這天點了芋頭酥，牛肉腸粉，乾炒牛河，鳳爪，蝦餃，豬爽肚，咖哩魷魚，燒賣，腸粉排骨和鯪魚球。乾炒牛河當然不能與大排檔的鑊氣相比了，但其實也不錯，牛肉新鮮有口感。芋頭酥炸的不錯，粉量適中。蝦餃皮若再薄些，相信口感更佳。最後點了芝麻煎堆仔和雷沙湯丸。那餡料慢慢流出來，差點燙到了哈。

青葉响荃灣多年，一向做街坊生意。價錢親民貼地，仲久唔久就有特價小菜，海鮮。晚市人流唔算好多，人數唔多嘅話，walk in 都有位！作為海鮮酒家，晚市當然主打海鮮，小菜啦！而小菜質素屬中級水準，冇乜驚喜又絕無伏味！西檸煎軟雞 - 係"賣飛佛" ，雞扒炸到皮脆肉嫰，淋上酸甜檸汁，每次食小菜就一定有佢！鎮江骨 - 又係另一酸甜菜式，陳醋化解肉排嘅油膩感，食多幾嚿都唔覺滯！羅漢齋 - 有雲耳、青菜、筍片、洋蔥…… 顏色艷麗，口感味道層次豐富 荷葉飯 - 份量足4-6位，炒飯入面有瑤柱絲，蝦仁，豬肉碎。炒飯粒粒分明，每啖都有荷葉香 惠顧小菜，一般飯後都有甜品送，而甜品一般都係紅豆沙。紅豆沙煲至起沙，而且係少甜（讚）。响荃灣想搵平靚正小菜，首選青葉！

一年一度榮華大減價又來，一連三天，臘腸買二送一，阿媽捕咗呢個日子好耐，終於今日可以出動。出發前，約我去飲茶，青葉係我哋常去的酒家，貪佢啲老伙記有親切感。4個人，叫咗一個$165 套餐，再加一個菜苗餃。埋單都只係二百鬆啲，抵過去食快餐店啦。煎蝦米腸粉煎得香香地，加上有蝦米，所以，更加香口。豉蒜炒涼瓜幾乎每次來都會食，因為實在好食，我自己試過在屋企整過幾次，都唔及呢度整得好食。乾炒牛河味道係OK嘅，而且有鑊氣，不過炒得唔了夠乾身。魚蓉鮮竹卷味道適中，內裡的魚肉唔腥。菜苗餃，皮夠煙韌。呢度飲茶喺呢區嚟，係至抵㗎喇，嘢食又唔差。

聽長輩説青葉海鮮酒家是荃灣一間歷史悠久的酒樓，已經開了幾十年。平時常常經過路德圍，卻從來沒有留意這間酒樓，第一是這條街太多食肆選擇，第二是門面不大，望入去只見部升降機，真的沒仔細看。直至今天終於有長輩介紹這地方我試下~酒樓有兩層，我們三人坐升降機上一樓，一步出升降機就看到大魚缸，好多種類的海鮮。早上十一時許，不是太多人，都有吉枱，自己入去找枱，不用門口取票。食物款式選擇好多，套餐亦比其他酒樓多。有個中午三寶套餐，一碟炒麵飯，配兩個點心，平日$78，假日要$108 。我點了這個套餐，乾炒牛河配春卷和彩豆煎魚餅。乾炒牛河不是太多油，河粉都軟滑，牛肉份量多，整體味道都不錯。彩豆煎魚餅雖然賣相一般，但煎得好脆，夠香口，好食。我推薦炸両腸，裡面的油條脆卜卜，外面腸粉皮軟滑，熱辣辣，唯一就是無跟甜醬和麻醬。牛肉，春卷，芋角等點心就味道正常，和別家沒太大差別。侍應執枱沖水都快手，同行長輩都認得有些店員做了很多年，熟口熟面。雖然歷史悠久，但整體都乾淨企理，食物都可以～

本來懶懶地去咗美心皇宮，拎179號飛，先叫到134，真是等到天荒地老都未有得食，轉去青葉，星期日的中午不用等位，直行直入，還有很多吉位，而且食客不算吵，坐得舒服，嘆咗一個舒適的午茶，食物水準一貫，十年如一日，很適合我這些鍾情舊茶樓的人，金沙奶皇包冇得輸.

上星期日是車公公的生日飯，為近便老人家再次選了三月吃車婆婆生日飯的青葉海鮮酒家！姑勿論食物味道如何！只要能一家人和親友同祝賀爸爸壽辰已夠快樂了！ 吃的都是一些平常的酒席先來乳豬全體，皮脆肉嫩又不肥很不錯耶！ 第二道是花枝帶子西蘭花，花枝及帶子不算超高質但也算過得去，反而西蘭花則軟硬適中入味可口。 百花蟹鉗件頭就夠晒照喇！可惜蝦膠並沒有上次那麼彈牙而且味道挺鹹，最後吃了兩口便放棄了！！ 還有竹笙魚翅戒掉魚翅良久的我當然沒吃！加上不吃的親友便造就了車爸爸的經典4碗魚翅之畫面！！ 接力的是芝士大蝦伊麵，芝士汁味道調得不俗，大蝦亦爽口彈牙可惜又是太重口味，而且伊麵淋到一個點口感很不濟呢！ 可幸有這條沙巴龍躉挽回大家注意！龍躉蒸至熟度恰好，皮滑肉嫩沒腥味挺不錯啊~ 再來是紅燒鮑魚花菇生財，鮑魚炆得入味又夠柔軟，鮑魚亦保存得很好，花菇很滑溜兼沒有上一趟的酸味，加上爽甜的生菜這一味我頗喜歡。 最後當然要有喜慶非常的當紅炸子雞作尾，皮脆肉也香可惜大家也非常滿足剩了半隻有多，最後變成了我們昨夜的晚餐！ 單尾還有水餃麵和蛋白炒飯，水餃餡料偏甜麵條淋到一個點很難入口，攪到蛋白炒飯都冇興趣試呢！ 飯後甜品

長假期外遊消費實在太貴，倒不如留港撐撐本地食肆。和屋企人一起，總數六人，最好就係去飲茶。荃灣呢間酒家開業多年，我們都經常來幫襯，不過只限於晚市，今次是第一次在午市時段來，試試水準係咪都一樣先!點心、小食、粉麵飯類選擇都多，還有午市優惠三寶。雖然假期的價錢會貴少少，但整體都總較市區旺點平宜。我哋點咗好多嘢食。先來個【化皮燒腩 $48】。整整齊齊排列出來，層皮果然好鬆化，肉質夠入味，好好食喔!【菠蘿咕嚕肉 $38】個酸甜汁味道恰到好處，不太酸，而不太甜。咕嚕肉亦炸得香口。【西芹木耳鮮百合 $38】碟頭唔算大，簡簡單單，清清爽爽，都唔食。午市優惠三寶揀【橄菜肉碎炒飯】、【千層馬拉糕】和【免治牛肉腸】。【橄菜肉碎炒飯】色澤均勻，份量足夠。橄菜鹹鹹地，和細細粒肉碎炒埋入米飯肉，啖啖口感豐富。【千屠馬拉糕】軟熟富有彈性，還有些鹹蛋黃香，是水準之作。【免治牛肉腸】我覺得腸粉皮厚度和餡量都適中，唔似得依家出面流行嗰啲，一味標榜要皮薄餡料多。另外，仲點咗啲點心:【蠔皇鮮竹卷】是我至愛的點心之一。唔知從幾時開，出面的酒家無咗蠔皇鮮竹卷，取而代之是上湯鮮竹卷，我唔鍾意囉。所以來到這家酒家，一家要食。食落真係

上星期日是車婆婆的壽宴，一如以往中午便回家跟她攻打四坊成，下午茶時間為她送上生日蛋糕祝賀，又是Italian Tomato的皇牌士多啤梨蛋糕，沒有一間的忌廉比它輕柔好吃，但可惜今次的士多啤梨不夠香甜！祝車婆婆生日快樂、身體健康、生活愉快！！ 晚上選到歷史悠久的青葉海鮮酒家吃生日飯，環境尚算光猛但有點殘舊，果然是有過去的酒家！這都不太有關係最重要食物質素可好嘛！老人家愛傳統點上酒席，先來乳豬全體外皮夠香脆，豬仔肉身比較肥美，頭炮表現不俗呢！ 第二味是鑊氣不錯的象拔蚌帶子炒西芹，象拔蚌夠新鮮彈牙，可惜帶子醃得太重味有點鹹，最正還是爽脆香口的西芹！ 百花釀蟹鉗上檯時熱烘烘的，炸得不油膩的外皮好煙韌，內裡的蝦膠彈牙有鮮味處理得很出色。 翅呢家嘢戒掉良久奉獻給車爸爸品嚐吧！相信味道不俗因為他瘋吃了三碗！！ 再來是瑤柱發財好市這菜調味得不錯啊！ 瑤柱炆得鬆化可口，金蠔個子不少但酸味同樣不少！墊底有我愛吃的髮菜滑溜無沙好質地，還有脆口生菜很滿足的一味意頭菜！ 這條清蒸花尾躉目測起碼有兩斤多，師傅的蒸魚技巧很到家，剛離骨的魚肉質感滑溜，但始終帶點魚腥味(魚腥味我比較敏感，其它人蠻喜歡的)，但最敗筆是那

今餐是賀老爸生日的第二餐，前一日，他已擺了幾圍招呼了親友食飯，今餐只是自家一家人吃個晚飯而已。他很喜歡這家老酒家，常常來幫襯，今年生日正日都指定要來這酒家吃飯。今晚我們總共八人，侍應阿姐認得我老爸，她自然地招呼周到。老爸左度右度......終於決定點了:- 一份【迷你佛跳牆 $168】半隻【堂剪BB豬 $288】一隻【北京片皮鴨兩食 $128】8隻【鮮鮑魚仔 $224】一份【龍躉兩味 $298】一碟【鮮竹什菌浸時菜 $68】一碟【生炒腊味糯米飯 $98】【迷你佛跳牆】本來只是6人份量，但是，仍可分到8碗。湯燉得好清潤，飲到好舒服。見到湯渣都知道好足料。【堂剪BB豬】生日唔可以唔食燒豬，但係又驚食唔晒一整隻，所以，只叫了半隻。雖然，只是半隻豬，每人都可以分到兩件。皮薄又脆，味都恰到好處。【片皮鴨】北京片皮鴨兩食之第一食。個個都鍾意食。鴨燒得香，皮薄肉厚，又唔羶。【涼瓜炆鴨】北京片皮鴨兩食之第二食。鴨肉炆得乾了少少，有點失色。【西蘭花炒龍躉球】龍躉兩味之第一味。龍躉球煎得香，點些蠔油一起食，好滋味。【蒜香蒸龍躉腩】龍躉兩味之第二味。龍躉蒸得剛剛好，最好味其實係層魚皮，好正。【椒鹽鮮鮑魚】賣

星期日，阿媽話唔煮飯，想出街食，於是，一行四人來到這間酒家晚飯。坐低之後，一起睇菜牌，研究食咩好。“晚飯三大皇牌”，還是 “抵食孖寶” 好呢? 阿媽話要食片皮鴨，而老豆就話想食魚喎，我就話，食咩都無所謂，最緊要食得晒，唔好做大嘥鬼。卒之，都是由老豆話事，點了一個 “晚飯三大皇牌” 之北京片皮鴨 $128 (兩食)、一份 “生劏大龍躉兩味” $298和一個乾燒伊麵 $70。 由於食客多，侍應哥哥忙於招呼，故此，不得不手起刀落，快速地把一隻北京烤鴨片成一碟鴨肉，然後，立即把鴨殼拿回廚炮製另一道菜。 侍應哥哥果然有一手，鴨肉件件切得大小適中，啱晒用來包住食。鴨皮薄、甘香，鴨肉肥而不膩。不久，侍應哥哥就拿來一碟 “涼瓜炆鴨件”。比例上，涼瓜似乎少了一點，但鴨件和涼瓜都炆得夠林，易入口。“金蒜蒸頭腩” 和 “翡翠炒球” 分別登場。“金蒜蒸頭腩” 蒸得時間啱啱好，梗梗熟，又滑。“翡翠炒球” 炒得有鑊氣、夠火喉、啖啖肉。接著，乾燒伊麵都來了，大大碟，味道適中。最後，侍應哥哥還送我們每人一碗紅豆沙。今餐夠晒飽，抵食!

好難食，食左個全包宴d餸碟碟都無乜特別首先個燒味拼盤一般炸海鮮卷好散，中間無乜料條石斑 無味 最差劣係個糯米飯 燶燶地 好難食唯一係服務唔錯價錢中位，但食物太差，極不推薦呢個價錢荃灣有大量更好選擇

和家人來這裡吃飯。一行十三人，點了十多個小菜。例湯是蓮藕章魚，很足料，湯味濃不過咸。另有其他小菜，蝦仁蛋，醬排骨，海鮮雜菜煲，生炒排骨，南乳齋煲等等。食物不油膩，味道不錯。小菜是七至八十元左右，很便宜。

青葉嘅小菜一向都唔錯。尋晚無食到我最愛嘅滑蛋炒蝦仁同西蘭花炒帶子，不過因為時間比較早所以可以叫到平時好快賣曬嘅片皮鴨。片皮鴨兩味，分量唔多，尤其是鴨肉好少，可能d靚部位攞咗去整火鴨絲？不過我地都好耐無食片皮鴨，都算可以過吓癮嘅 果皮蒸鮑魚d鮑魚癡得好實，又無叉用，花咗一番功夫先拆到出黎，味道尚可，唔係好硬。媽咪叫咗個素菜，雜菌炒淮山，賣相唔錯，不過我唔中意所以無試到 最驚喜係金銀蛋莧菜！ 好耐無食金銀蛋喇！好開心 d菜好幼而且分量足，好多皮蛋鹹蛋 (食到一半先記得影相)，好滿足！青葉晚飯一向都幾多人，我地坐角落頭靜靜地都幾好，就係要叫侍應果陣就比較麻煩。叫咗埋單之後等咗二十分鐘都無人黎收錢，再叫另一個侍應問嘅時候先發現原來根本未埋單 算啦，忙中有漏，明白嘅！最緊要係出品好味！

荃灣出名就係多餐廳，而今日就揀左一間酒樓悠悠閒閒咁嘆下茶，可惜就好似有點失望去茶樓食一定係食點心，所以必點蝦蛟，鳳爪排骨飯，炸雲吞，先說鳳爪排骨飯，排骨得兩舊，鳳爪略嫌太淋了，所以有點失望。而蝦蛟就比較理想，蝦的size係適中的，而表皮亦無爛，代表包得好完整。配搭上辣椒醬就一流。

一間超唔起眼既酒樓，因為見到有平食片皮鴨，就試下啦，結果比想像中好，最緊要係熱熱地咁，配埋塊皮一齊食，剛好剛好，不油不膩，再叫龍蝦伊麵，亦非常不錯，雖然唔算大隻，但肉質爽脆實肉，有口感，價錢亦不貴，百分百超值