靚靚 不一樣的車仔麵

营业中

休息中

早餐雙拼寫明價格是$36（近兩年已經加價左幾輪），嗌左炒麵配燒賣，豉油炒麵個麵係凍架，毫無味道可言，芽菜都唔係炒，系topping咁加落去…第一次見有餐廳咁整豉油炒麵，求其到一個點，仲要係凍…食過最差嘅豉油炒麵冇之一！燒賣冇乜嘢正正常常最便果種啦。收錢果陣明明部機顯示係$36，menu都係咁寫，阿姐會係你拍八達通嘅前0.5秒➕$2，等你根本反應唔及已經俾左$38😳不過買早餐嘅顧客一般比較趕時間，唔會同佢計較$2，但係咁樣屈法，附近返工嘅人都唔會再幫襯第二次咯，有咩好處🥹同大聲兼惡嘅阿姐完全冇辦法講道理，佢只會不斷咁重複同樣一句嘢，溝通無效，只好作罷，冇下次啦～

#搞串個pantry講到香港🇭🇰特色嘢食，大家都會諗到蛋撻、魚蛋、菠蘿包、燒味、#車仔麵 。今次就去到#尖沙咀 一間車仔麵舖啦。今次嗌咗兩碗車仔麵，同埋一碟仔甜酸齋($14)。第一碗車仔麵($49)就嗌咗河粉、沙嗲湯、豬腸🐷、雞翼🍗。另一碗($45)就嗌咗河粉、瑤柱湯、通菜🥬、尖椒皮蛋🥚。大部分餸價錢介乎$8至$16，而麵底同湯底都要另加錢。感覺上，貴過其他同檔次車仔麵店少少💸。車仔麵(河粉、沙嗲湯、豬腸、雞翼)🌟🌟湯底唔算太濃味，唔會太咸，感覺似加咗水再滾過咁🧐。豬腸普普通通，有咬口，唔會有臭味。而雞翼滷水味只留於外皮，入面啲肉就無乜味啦🙃。車仔麵(河粉、瑤柱湯、通菜、尖椒皮蛋)🌟湯底可能有瑤柱嘅關係，有啲偏咸。尖淑皮蛋🥚係另上嘅，味道淡淡地，唔會太咸，唔會太辣，易入口，不過同時有一陣皮蛋嘅乾枯味。另外，通菜就脆口，唔會太腍🤩。甜酸齋🌟🌟🌟🌟呢個甜酸齋令人驚喜💥！！味道非常開胃，酸甜嘅味道其實同大部分嘅甜酸齋無分別，但係佢嘅口感真係好正🥳。咬落口，外皮竟然係脆㗎，而入面就腍腍地，少少彈牙。呢個甜酸齋真係會食唔停🤤！！經過尖東個頭，又想試下特別啲嘅車仔麵，同埋好食嘅甜酸齋，都可以去試下

平日食開嘅小食店腸粉都係一模一樣味道，我估來貨源都是差不多，今次咁啱經過科學館道心血來潮想食小食，這間靚靚店聲稱腸粉沒有防腐劑，抱住一試無妨嘅心態。腸粉$15 6 條，腸粉不像連鎖店那些放了很久的味道，這間店有點兒像薯粉的白色版本，因為我不吃甜醬花生醬那些，店員主動提出給我沙嗲醬，腸粉和沙嗲醬配合起來天衣無縫！！這個高質的小食店下次必定再吃

不嬲知依間車仔麵係出名 所以都有少少期望 望到個menu都唔平（以車仔麵黎講） 十七八蚊一個麵底 每樣餸麵係十幾蚊起跳 所以叫三個餸都已經成五十幾蚊 最後叫左 雲吞 雞翼 通菜 油麵其實睇相已經知係好無心機整既車仔麵 超級求其雲吞 普通 雞翼 正常 同好味扯唔上關係 只係放得落口最嬲係咁hea 咁稀既沙嗲湯底都要加1蚊 通菜本身正常 但腐乳好難食叫埋個招牌叉燒 完全無特別 唔駛專登叫成間野都唔係一間有心做好食物既餐廳黎 只顧效率 唔理質素 價錢收得咁貴要比番相應既質素野出黎

耐唔中都有外賣呢度嘅早餐，不過今次會係最後一次。呢日買咗個雙併早餐 炒米+蘿蔔糕（$32)見到跟餐飲品有新選擇，試下新嘢啦，要咗凍腐竹薏米豆漿（+$4)八達通俾完錢發現佢收咗$38，我話應該係$36，A阿姐堅持係$38但係冇解釋點計，我指住menu話32+4真係$36喎，A阿姐好似完全聽唔明我講乜，我追問$38點計，冇人答到我🙄呢個時候B阿姐出聲，晦晦氣氣叫A阿姐俾返$2我，A阿姐一邊俾錢我，仍然一邊不停講係收$38。$2事少，但係請好好地同客人溝通，解釋點計，而唔係不停講廢話。張menu寫得好清楚，定係其實menu寫錯？我唔介意你話我知。對住無法溝通嘅阿姐我成頭黑人問號。等外賣期間，A阿姐喋喋不休堅持自己啱，我只可以回應返同一句：「你張menu係咁寫」。突然B阿姐一句得埋嚟：「依家咪俾返$2你囉」，聽到呢句先係最嬲🔥🔥🔥。明明係你地收錯錢，就應該叫A阿姐唔好再出聲；如果你認為你地無錯，就講清楚點計，就係咁簡單，有咁複雜咩？講埋食物，加錢嘅腐竹薏米豆漿，腐竹已經融化得無影無蹤，同普通豆漿冇分別。雜菜炒米嘅雜菜變成銀芽。諗住幫襯多啲小店，唔好慣性食連鎖店，不過阿姐呢種不一樣的服務態度睇嚟

炎炎夏日，決定買外賣回公司嘆冷氣，似是火爐的吃午飯時間熱到溶，排隊落單，阿姐是快手的，但應該是廚房不配合，有很多等外賣的人在等候。首先，這裡的價目選擇方式跟一般車仔麵店有所不同，我初時看不明白，也看見有其他食客詢問，因為這裏是逐樣計錢的，湯底、麵底、餸，分開計，但落單紙的設計混亂，而且價錢也貴得驚人，相信詢問的是以為價錢是食物代號呢！我點了三餸加菜淨食，價錢絕不便宜，生菜$9一份、牛筋腩$18、魚皮餃、牛丸$11 ，全部都超出我對車仔麵的觀念。價錢唔貴，沒所謂，但竟然$9一份的塞得半棵生菜。！ $18的牛筋腩每樣只得一粒，每樣的意思是一粒薑、一粒牛腩和一粒牛筋。$48 的三餸加菜淨食，一打開盒蓋，嚇了一跳，永遠不會回頭再幫襯。

無意中發現的好味道。標注湯底無味精既車仔麵店。睇門面以為無咩特別，食完真係有種禾桿冚珍珠既感覺。😳💋北海道3. 6牛乳炒蛋蕃茄濃湯米線配海南切雞，得獎鹿兒島豬軟骨🍜米線淋滑，湯底濃郁，係真材實料既🍅蕃茄湯，有少少蕃茄肉，仲配左芽菜、豆苗和豆卜，口感豐富。尤其豆卜吸晒d湯汁，啖啖入口都係爆汁。牛乳煎蛋好香蛋味，估唔到佢咁滑，份量都好大。🐷豬軟骨好軟淋，好重膠質，醬香味都好濃郁，好入味，與蕃茄濃湯好夾。🐥海南雞酸甜開胃，皮脆肉滑，仲配搭左幾條醃白蘿蔔。不過我食個時有咖哩味，雞肉背面又真係黃黃地😳💋沙爹豚骨湯油麵配茶香豬紅，泰式香草豬柳，口水雞中翼🍜沙爹湯底香濃， 油麵爽口彈牙。沙爹配豬紅好夾。豬紅好嫩滑，茶味就唔多覺，但係好入味，唔會淡某某。🐷豬柳比較乾身鞋口，有香茅味。🐥口水雞翼，好多白芝麻同四川香料既汁浸住，但唔太入味，淡口，因為凍食，肉質唔太嫰滑。🍹是次叫夠3個餸，免費贈一杯凍/熱金柚茶。呢杯野飲一d都唔hea， 好濃郁，酸酸甜甜，好消暑，不過我覺得可以淡少許，有點過甜。另外仲有唔少特色飲品可叫。雖然價值比平常既傳統車仔麵貴，但呢間車仔麵店，配料和湯底都極多選擇，份量足，而且好多都係

#尖東 #靚靚不一樣的車仔麵 超級好食有冇味精😍#酸辣粉 我叫咗微辣 都太辣🔥😅 適合食得辣嘅人士🤣湯底濃香，配料入味， 薯粉煙韌彈牙，好好味😋#菊花蜜 清甜解辣，仲要係餐飲，一流👍#兩餸車仔麵 湯底都唔錯#小菜 酸得好過癮，正🤭👣 靚靚 不一樣的車仔麵尖沙咀科學館道14號新文華中心地下22-23號舖味道: 8/10味精: 1/10價錢: 7/10環境: 7/10服務: 8/10

金牌八喜面$57 呢個麵包咗八款餸，有蘿蔔、雞翼、紅腸、豬紅、牛腩、牛筋、魚蛋、生菜同埋甜酸齋。八個餸$57都幾抵，今日佢仲送咗杯熱嘅紅棗雪耳。湯底好似用咗少少咖喱汁，麵嘅話佢就喺幼面。啲蘿蔔一定整咗好耐所以朔晒啲汁。豬紅都好好因為冇煮到好爛，食落去都係挺身。不過甜酸齋食落去就有啲油。不過好在有生菜，可以朔咁啲油。牛腩煮得好淋，食落去就散開咗。紅棗雪耳（跟餐）真係真材實料煮，見到會有紅棗同埋雪耳。不過飲落去冇乜甜嘅味道，淡淡地

晚餐九轉茄子🍆其實就係煎過沾醬油嘅茄子，不過keep保持紫色同到成條茄子形無煮到淋晒，抵讚👏🏻粟米魚柳飯 套餐粟米芡多，質地杰身，魚柳有四塊，大大塊，呢個套餐包埋菜，而且好大碗白飯，幾十蚊一定飽肚！都抵食！四川紅薯粉叫左少辣，少少酸辣，因為湯底加得太多水，酸辣湯底偏稀，似係佢哋賣嘅麻辣燙湯汁再加水….___________________靚靚 不一樣的車仔麵 (尖沙咀)尖沙咀科學館道14號新文華中心地下22-23號舖___________________

一間食左好多年既車仔麵，同時都係天下聞名既Poly學生飯堂之一既靚靚車仔麵，好懷念既味道！今日叫左特式燒黑毛豬叉燒，但係有少少韌，燒汁就好夠味，燒得都幾香，我最鍾意既係墨魚餅，煎得勁香又好有墨魚味，份量係極多，建議可以share食，最後一餸就簡左牛筋，都有驚喜，好夠稔，充滿骨膠原既牛筋入口即溶，好正！湯底係清湯加少少腩汁同埋小辣，配米粉食好夾！靚靚車仔麵真係有好多比較少見既餸可以簡，次次都唔知點簡好，份量又大，真係好抵食，值得推介！

今日行過紅磡附近，就試吓呢間靚靚不一樣的車仔麵呀🤟🏼聽聞以前呢☺️理工大學有好多學生當呢度係飯堂😆而家可能因為疫情關係啦，中午時份呢就其實冇乜人嘅。我揀咗一個比較名貴嘅湯啊呢個湯呢係$32嘅北海道3.6牛乳蛋茄蕃茄濃湯，雖然喺車仔麵檔呢，個湯底係算貴嘅😹因為我食嘅餸😆就比較中等價錢，所以呢就想要一個靚啲嘅湯。但係呢個湯呢，真係推介嘅👏🏼✌🏼同埋係物有所值嘅😎貴就貴啲，但係佢絕對唔係味精湯嘅🥳佢嘅蕃茄湯你係有一種家的味道🥰我叫咗魚皮餃，芝士腸，午餐肉，同埋黑毛豬叉燒，呢度咁多個餸來講最好最好食係煎墨魚餅🥰必食之選🤤🤤🤤車仔麵來講超級豐富🥰🥰呢塊午餐肉呢係比較厚切嘅，而且煎得好香，係真係幾好食嘅，雖然呢就有少少油，同埋唔係太健康😹🤪黑毛豬叉燒呢，因為可能呢，咁啱我食嗰件佢呢比較瘦呀，所以呢唔夠嫩滑囉。只要你叫三餸一麵呢，會有一杯洛神花茶送

冬天凍冰冰要食番熱湯麵，兩個人行完街去食個快晚餐，就決定食車仔麵🥢唔錯唔錯！姐姐態度都好friendly☺️車仔麵3餸會送一杯熱胎菊杞子茶，不過今次飲左熱薏米腐竹豆漿，🥛味道好甜，係見唔到有腐竹的😂可能隔走左～～野食方面，黑松露豚骨湯底米線：濃濃嘅黑松露味😳估佢唔到，豆卜索埋啲湯好好味😋唔會好油，米線好滑，硬度適中！辣特濃蕃茄河粉：辣辣地加蕃茄湯好香好入味😋加左雲吞不過係bb雲呑😂尚可！

2020年7月29日，食肆全面禁堂食的第一天，工還是要返，飯還是要食，日子還是要過。靚靚標榜用3M水，食物不加味精，所以我常來買早餐。午餐就較少，因為堂食位置都迫，其實車仔麵食過的確是吸引的🍜。外賣湯和麵是分開上，雖然不環保，不過要保持麵質就唯有這樣。每次也是點瑤柱濃湯底，其實其他根本未曾試過😅，今次也不例外，因為的確好味，食完又不會囗渴，似乎真的沒味精🤣選了茶香豬紅，質感是實的，不會一夾便散。豬大腸，不會有太多肥膏，不會有尿壓味👍三個菜送飲品，是日柑桔檸蜜，有點甜。總括是好味的，不過份量少，而且價錢都唔平，所以性價比就不太高。

作為一個紅磡出沒的香港仔，喺呢一段時間經歷咗社會運動加上全球疫情爆發，係對於自我認同感就非常之強烈，強烈到5·1勞動節都想食番啲香港本土嘅食品，車仔麵我諗都係一個具代表性。講起車仔麵，呢頭就靚靚車仔麵啦 。有幾不一樣呀？我食佢嘅車仔麵好多時嗌到成枱都係餸，好似嗌小菜咁樣囉。碗麵反而係無咩餸。今次我就特登做一個例子出嚟啦，普通一個豬骨湯底油麵都冇咩好影呀，但係就嗌咗啲喜歡食嘅「分開上」，例如嗌咗一個9轉大腸、黑毛豬叉燒、9轉茄子、酒糟豆腐、腐乳通菜。 9轉做法就比較香口和有丁點兒「麻」味。 叉燒好腍滑，腐乳濃味㗎，唔鍾意食濃就要注意啦，落單出聲。可惜公眾假期，就冇咗最富貴嘅紅燒花膠，浸咗但無人處理，可惜呀。我諗靚靚車仔麵的不一樣，除了可以嗌到一桌面餸方面share，有創意同埋一路添加非傳統車仔麵食材和湯底呀，推陳出新，其實呢種靈活多變嘅港式口味，值得支持。