影片
营业时间
今日营业
11:00 - 21:30
星期一至日
11:00 - 21:30
以上资料只供参考，请与餐厅确认详情
优惠
95折
[太兴、靠得住、敏华冰厅] $50 现金券 (即买即用)
$47.5
$50
最近感冒完，想食清淡些，就想起靠得住，好耐冇食過，午市時段叫了粥套餐，碎牛魚片粥加混醬腸粉，粥熱辣辣和軟綿綿，食後沒有口渴的感覺，真材實料👍🏻，腸粉保持水準，滑嘟嘟，混醬調味適中，滿意😀這店的環境舒適闊落，讓人可以舒舒服服地享受午餐😊😊😊
继续阅读
星期日比較多人，求其搵間餐廳，屋企人（年紀較大）1:50去餐廳，當時職員比左QR code佢哋，佢哋想叫午餐唔係好識掃code，叫職員落order唔肯幫手落，之後我到餐廳幫佢哋係電話叫，當時落單時間2:06，menu已經轉左下午茶時間，無左佢哋想食嘅午餐，因為個時間比較尷尬，落咗個雲吞麵加油菜，我之後先發現下午茶餐一模一樣，而且平啲（怪自己睇漏眼），叫個職員問佢可唔可以轉做茶餐，個職員講嘢態度好差，話係跟入坐時間計，無得轉，留意返哩間野啲價錢唔算係平，有得轉又一模一樣當然想平啲，我話你地個電子menu都轉左做下午茶啦，點解無得轉，而且落單時間係2:06喎已經可以當係下午茶啦，然後個職員話如果想食下午茶再出返去排過隊，真心嬲，比錢食飯係受你氣？岩岩無排隊入黎食？（午餐）唔幫人手動落單都算，啲職員懶懶行，下午茶轉唔到都算，當自己睇漏眼，仲加多句受氣？真係唔想寫差香港啲餐廳，不過請埋啲咁嘅職員等執笠啦，之後有個男職員過咗嚟，我問個女職員叫咩名，個女職員都走左過嚟我睇左全名（佢自動消失），個男職員係哩間餐廳嘅經理，問發生咩事，我話要投訴佢（女職員）態度，佢（經理）話唔好，佢（經理）都解釋咗因為係計入坐時間所以改唔到茶餐，表示唔好意思，佢（經理）應該見我幾火，都有同我地道歉話會同返個同事講（講真哩啲職員講黎都嘥氣過一排咪又故態復萌），我見個經理年紀都有啲大，而且唔關佢事，態度都好，所以唔想為難不必要嘅人，佢（經理）仲話請我哋飲豆漿酸梅湯，講真受唔起，亦拒絕左佢好意，都驚佢哋會加料⋯4個人埋單$306ps 如果咁不幸迫住要食哩啲大型連鎖餐廳留意個電子menu ，fake fake地
继续阅读
難得今日可以食下午茶，睇咗幾間最後去咗靠得住。果然係米芝蓮，食物同埋服務都好好🫶🏻入到去服務員嘅笑容同埋溫柔嘅說話，已經好窩心。下午茶餐叫咗牛腩麵有專人灌湯，牛腩好腍，三嚿牛腩兩嚿根，啲麵好爽。再跟一個混醬腸粉，份量好足好好味。為食再叫多份甜品，$12腰果露，絕不欺場，好香，好明顯係炒完即磨，冇溝粉，太美好。😋😋😋
继续阅读
昨天是第一次光顧此店，正奇怪在晚上8：30還需要排隊輪候。茗茶我們點了菊花杞子，已經是非一般的選擇。主菜點了春日豐年訟，包括的竹笙椰子雞窩出奇地鮮甜，馬友加上花雕和金華火腿粒配合得恰到好處。平民價錢侍應有禮招待也是意料之外。總括而言，此餐廳是5星級性價比！
继续阅读
今日係母親節嘅大日子。我隻死仔，話要請佢母親食飯. 作為父親的我 當然可以黐餐。 我老婆（就住）佢嘅荷包，求其搵一間。我哋決定去咗太古城嘅 靠得住。 門口寫住米芝蓮推介餐廳。我都估唔到 粥粉麵飯嘅連鎖店都會有米芝蓮！先畀我介紹一下， 太興 集團上市之後， 除咗佢哋嘅手本名曲太興燒臘 亦都起咗 幾個大品牌, 敏華冰室, 茶木, 亞參雞飯, 靠得住。。。靠得住大家都知道做粥粉麵飯。佢哋對馳名嘅係 以自家魚湯粥底馳名！ 佢哋嘅粥底係用海鮮淆出個海鮮湯，再煲粥！我哋叫咗個鮮甜帶子粥佢嘅粥底果然鮮味， 但係老實講， 可能用得太多海鮮之旅嘅嘢， 我食落感覺得有少少 味精感覺。 總體味道不錯。 帶子大大隻， 唔會煮個籠。我亦都叫咗個 滑牛肉粥。 粥底基本上係一樣。 牛肉方面算係 軟硬適中。 感覺可以。我亦都叫咗一份雲吞麵， 因為我不嬲鍾意食雲吞麵。 佢上雲吞麵嘅時間係用個煲仔喺你面前放啲湯上去， 目的就話唔好浸淋啲麵。 佢嘅雲吞麵都可以， 小弟覺得佢偏鹹。我哋亦都叫咗啲小點。 混醬腸粉， 蘿蔔糕， 炸醬麵， 銀芽炒麵。混醬腸粉， 我覺得都可以，唔會有 冰過嘅感覺。蘿蔔糕就一般。銀芽炒麵， 食落好味香口， 麵質太薄， 如果麵輕輕粗少少會更加出色。炸醬麵就太鹹啦， 嗰醬太濃。總體嚟講,如果佢稱 佢自己沒用味精. 我唔係咁 相信.靠得住係連鎖店。 能夠 在管理上 做出 咁嘅 菜式 ， 都算係不錯.
继续阅读