靠得住粥麵小館 (已結業)

未聽過芽菜雞，入到間餐廳，見到張poster推介，咁就點嚟試下啦。呢碟芽菜雞，好抵食，有成半隻雞咁多，最鍾意就係隻雞係完全熟哂㗎，very very good。我平時好少食類似白切雞嘅菜式，因為好怕d雞仲有血色，但是呢碟芽菜雞，係全熟，一丁點血色都冇，超like呀! 而且d雞肉好滑，一d都唔會“鞋”，皮和肉之間仲有jelly layer, 唯一不滿的就是雞味唔算重，但亦無損我對這碟芽菜雞的喜愛，下次會再點的。通菜炒牛肉亦係另一碟佳作，牛肉一d都唔靱，雖未至於入口即溶，但好冧好易食，呢碟已經encore過好多次lu。

覺得佢地粥低太重口味，越來越咸，食完要飲左支1公升水，自從裝修完後食物水準差左，款式小左，冇新菜式來去都係粥麵做主角，小炒冇乜特別了，已經冇以前甘好食，希望佢地改善吓

今晚約咗好姐妹係屯門食飯，佢哋介紹食呢間靠得住，去到都有人排隊等位，等咗5分鐘就有位。我哋叫咗杏汁燉白肺湯，菠蘿咕嚕肉，芽菜水晶雞(半隻)，腐乳通菜炒牛肉和混醬腸粉。杏汁燉白肺湯，跟餐加28元好抵，所以叫咗2碗，好香濃杏仁味，豬肺好林，好好飲。菠蘿咕嚕肉，啲咕嚕肉勁脆，啲汁好開胃，送飯一流。芽菜水晶雞(半隻)，雞好滑，有芽菜墊底，啲芽菜好爽口。腐乳通菜炒牛肉，份量少咗啲，但好香腐乳味，牛肉好食又唔韌，通菜都好爽口。混醬腸粉有驚喜，腸粉好滑，啲醬好香，真係好好食。整體上都好滿意，環境都幾好，坐得都舒服，佢個茶係蘋果茶，好好飲，過咗開心的一晚。

两天連續光顧呢間餐館，第一日食梅菜肉餅飯，得個甜字，同埋好粉狀既，食一半已食唔落。算了，當呢個叫錯了，第二日食個所謂既濃香星洲炒米，嘩，無鍋氣既無香味，只係一堆顏色既野撈埋一碟，頂唔順食無一半埋單算。極之差，忍唔住要係呢度比大家知，物非所值

中秋假期同老婆行完商埸決定就地解決温飽，最后选择一粥麵舆靠得住，最终決定试下靠得住，刚刚遇着啱啱，有人離座即刻有位。然後點咗招牌淨雲吞，及銀芽炒麵，上菜頻快，雲吞小巧大地魚味足够，湯底亦够清重點唔會死咸，炒麵够干身，銀芽韭菜都適量，飽餐後滿足地歸家，餐飲業辛苦唔易做，要保持水準呀米芝蓮。

上次去靠得住，應該是很久之前的事了。當時鄰店仍是同一集團的點心瑪莉。也許因為整體評價不佳，結業變的很理所當然。這次再訪，是店家裝修 + 打通前點心瑪莉舖位之後的事。到來時間尚早，但有一堆人在外排隊。我在想：這裡有甚麼大不了的學問要排隊，然後疑似部長人士以很不友善態度詢問人數.......原來是早午餐交替時間，只有吃午飯的才會安排入座。哦，原來係咁。菜單很簡單，按不同配搭，收費有所不同。但由於入座時，侍應已表示暫時未有麵食。想了想，叫了個鮮牛肉粥 + 腸粉 + 鹹肉粽，連一人茶水接近一百元埋單，有點貴。侍應態度真的極一般。再加上我坐在較後位置，聽到店內職員因工作安排吵架的部份，感覺也不太好。食物在算在合理的時間內上桌。所見即所得。牛肉粥：粥底算是正常，但牛肉超硬，完全不是滑牛粥應有的，不及格。腸粉：熱度不足，感覺像求其放上碟。醬汁亦不足夠。鹹肉粽：唯一比較正常的食物，但是否如店家所言是必吃之選﹖我有保留。只是不過不失而已。整體很一般而已。會否再訪﹖如果不用排長龍，也許會考慮，不然免了。

哩間餐廳未裝修前已經出名服務差，阿姐當你透明，唔好阻住佢地享受生活。装修完地方大咗，服務質素頭一兩星期都幾好，但好快就故態復萌，服務水準再次回復水準，佩服、佩服。

靠得住一向都係我同李公子既清淡之選，今日午市唔知揀咩好，一於去屯門間分店試下先，店舖比起葵芳大間，但在門外仍然需排隊，等兩張桌。午市都算多選擇，有菜飯及白飯餐，背面更有平時都可以叫到的粥餐配不同小食，要留意一點，只有數個套餐跟菜飯，其餘都要+$5。特別留意飲品方面，有多種選擇，面大部分都熱飲不需額外加錢，實在不錯落單時，店員同我講因需即時蒸，所以需要得15-20分鐘，李公子見我想食又唔趕時間，都決定落單一試。結果只係等左10分鐘左右便上桌，聞到已經好白蟲草花味，份量都幾多，伴菜有豆腐卜，雞肉比較hi身，但係點碟底啲汁都幾好食；而菜飯，面有一層油，正確啲來講：應該係話菜油飯。不過入口都好食，菜都好多，可惜太好食，想份量再多返啲

未見過一間咁差態度既餐廳，今早一去，諗住試下有幾好味啦，話哂米芝蓮餐廳。去到好似茶餐廳，比人係咁推去搭台，之後我話唔搭台，佢就叫我坐張大台。坐低10分鐘，叫極佢都當睇唔到，水又唔拎餐牌又唔比。佢仲好串咁叫我等等啦小姐。講真，差態度既餐廳點好食都冇用再加上平心而論，個粥真係好稀好冇料，同傳統粥店冇得比，我真係一度以為黎錯左白粥腸粉好多醬，店員完全冇問我地要咩醬就倒哂落去。。。。。豆漿好甜，都好稀。。。。。後尾睇食評先知好多人有同感。。早知睇完食評先決定食唔食。。。。。。

擴闊店舖後首次光顧，大概是生意好吧。我點了一個配小食套餐，牛腩撈麵配麻辣豬耳，有水準的麻辣，味道十足，香辣惹味。牛筋腩濃味之選，勁香香料味餚製出來，份量頗多，軟硬剛好，配辣椒油更有風味。豬軟骨亦是濃味，而且炆得好淋，入口溶化。魚皮份量算多都好抵食，標明已熟，但口感依然爽脆，安心食用不怕蟲。大大四件嘅豬手，如果細切就更好，唔夠易咬，有點戟手，都好入味。整體都好靠得住，選擇亦多，可以再來。

今日星期日，3/9/17, 今日同仔女三人一齊食晏，我個女一早就話要食粥，所以我地就選定了去靠得住食粥品試下佢，因為自佢裝修好這個孖舖位(點心瑪莉執左後，佢要埋呢個舖位) 後，未曾黎過食。去到好多人等位，要排隊，等左20 分鐘倒先可以入座，都可以接受，始終係星期日，會多人。裝修後地方好大，夠光猛，有30-40 張枱架，好多卡位，坐得好舒服。我地分別叫了套餐：1. 狀元及第粥+招牌鹹肉糭 $66及第粥緊係有豬潤，豬腰，豬肚，粉腸及肉丸，各2片及2 粒，好足料，好爽口彈牙，同埋d豬腰無噏味架~另外招牌鹹肉糭就一般，有一小舊肥肉及蛋黃，都ok2. 鮮味雞粥+腸粉 $54雞粥都有4,5 舊，都好鮮味腸粉就都係一般野，都好食架3. 和味豬手菜飯$48 + $3~ 凍柚子蜜，有碟小菜脯跟埋。豬手都夠淋，好有口感，賣相都好靚，好味，d菜飯得一碗份量，大食d都唔夠飽但d飯好好味，內裡有生蒜香味，碎菜都好多，足料好好食，凍柚子蜜都唔錯喎~真係好味，都叫低食，我會再去架，* 每位茶錢$3, 無茶簡架，黎親就係蘋果紅茶茶包一壺，要收加一服務費架。

去食下午茶，啲侍應愛理不理，要叫幾次先有人應，但啲員工只掛住講笑，叫餐時已指住個餐牌干炒牛河，同多士 朋友只係講左句飲咖啡定檸檬茶好，應該係經理即時不耐煩走左去落單，完全唔比加，之後再柯打多杯咖啡就黑面，隔5分鐘後放張單在檯面，未睇已經有人放低碟炒飯，同返個侍應講是柯打干炒牛河，居然話係我唔啱食就幫我換，完全沒有唔好意思或抱歉，其後個黑面經理攞返張單去改，個經理自己落左錯還好似係客人問題，服務態度超差，已往都有係下午茶時間來食，係其他分店都未試過咁差，但屯門市廣場呢間啲服務態度越來越差

叫了外賣，等了20分鐘同職員講，佢先至同我跟，根源之後話我冇菜飯，美白返我得唔得，先開始做，如果我唔問就冇人理，最終等左30分鐘先攞到外賣，重點係30分鐘仲要最多兩次先有人幫我去包個外賣

成日覺得假日、紅日喺屯門區搵飯食好痛苦，尤其是屯市往往係人多到一個點。行到地下先知原來靠得住已經裝修完重開，以往都有食呢間餐廳，加上見位置多左，紅日都唔洗等位，兩公婆就食個快飯啦。裝潢其實同以前差唔多，唔算有好大改動，只係吞埋隔離鋪位，個人認為店員唔多足夠，而且太生手。坐低冇耐就有店員放低壺茶，同以前一樣都係蘋果紅茶，依然係 $3/位。單點餐牌大致同之前一樣，但午市套餐增加不少，除左粥、麵、撈麵，仲有十零款客飯，定價 $48-$56。我地一人點左一個客飯，同加左碟腸粉。套餐送飲品，我地點可樂同雪碧（見餐牌有印先點啫），呀姐話唔知有冇雪碧，然後行開左，咁我地等你番黎回覆啦…一路冇左影…突然上左杯熱奶茶，我地同店員講冇點奶茶，再問番頭先個呀姐，佢話有雪碧呀、入左單啦。大佬呀，你入左單，張單寫熱奶茶囉…唔識入咪叫人幫手。水晶雞菜飯 $58：比起圖片，實物當然冇咁靚啦，圖片只供參考嘛。不過有4片雞肉，可以接受啦，飯量唔多，女士剛好。雞肉無骨，雖然唔係滑溜，但食落都唔乾唔鞋，雞皮亦都唔肥膩。菜飯就比較油啲，可能吸引左唔少雞嘅油份。香菇滷水雞翼菜飯 $48：以呢兩食物做成一個飯，都幾特別，共有3隻

裝修完後還是第一次來到，好像比以前細了，廚房的位置也改動了，但感覺是光猛了。先來的蘋果茶改為白開水，因上次喝過，不是我杯茶，無謂浪費。我見好多人寫這裡的招呼很差，但我去到不是那回事。首先有一位好好招呼的女侍應小姐帶入座，然後告知雖然收十點半，但你可以坐到十一點多也可以的。當然先點了我的最愛蝦球雞粥+糉子套餐啦！哈哈那個糉子真是無得輸，很多很多綠豆，有少少失分是沒有肥內，只得瘦肉。那碗粥的蝦球很彈牙，三隻都像五元那麼大。而雞件也有四件，件件都有一隻手指那麼長。呵呵呵真的很美味。