靠得住粥麵小館 (Citylink)

营业中

休息中

平時想食粥麵, 都會幫襯呢間靠得著. 今日疫情下, 想食晚飯小菜. 我晚飯多數選中餐, 要有菜最好有湯, 呢度個餐牌啱晒我要求. 入店前店員例行幫客人探熱. 卡位同卡位之間加咗膠板係坐位上面, 安全啲. 坐低冇耐, 店員就送上蘋果茶同餐牌. 我哋兩個人, 點咗特價$48鼓油皇乳鴨, 加小菜餐的 鮮魚魚湯時菜, 跟餐加咗個杏汁燉豬肺湯, 跟一碗白飯, 其實我倆係“冇飯” 夫妻, 食七成飽就最健康, 最怕飽到嘔或者食唔晒. 嘩, 条黃立䱽加魚湯一流, 魚新鮮又煮得剛剛好, 魚湯好鮮甜, 小白菜又林又甜, 好味好味. 另外杏汁湯仲正, 一盅$28, 夠兩個人飲, 足料, 杏仁味剛剛好夠味又不過於太濃 ,冇加味精, 大滿足. 乳鴿肉質幾好, 只是鹵水唔夠味, 唔夠香. 埋單$198. 今時今日咁高質素食物又唔貴, 好難得, 一定會再幫襯.

今天跟朋友來這家吃下午茶。朋友叫了豬軟骨麵，雖然份量不算多，但有大大塊豬軟骨，麵汁也很濃，配上幼麵，味道不錯。朋友連湯也一起喝我自己就叫了迷你心肝寶貝粥，其實是新鮮帶子和豬潤粥。帶子大大件，但個人不喜歡帶子配粥，但豬潤就十分出色，一點都不硬。而且粥煲得很綿，十分暖胃。跟餐可選小吃，我們點了油菜和混醬腸粉。油菜不過不失，腸粉幾滑，再加上甜醬麻醬，非常好吃每個餐都是三十幾，就算是帶子豬潤粥也是五十幾，價錢算抵。

靠得住嘅下午茶真系好抵食👍🏻$35可以揀一款湯麵再加一款小食·🍜豬軟骨湯麵兩舊大大嚿嘅豬軟骨🤤睇相都流晒口水肉煮得好諗身好入味食落有黏牙感🤩滿滿嘅骨膠原·🥢混醬腸粉腸粉醬汁可以自己任意調校👍🏻有最基本嘅甜醬 花生醬仲有tasbaco辣醬🤪俾你揀腸粉爽滑 對比出面真係好食好多·🥢銀芽炒麵炒麵唔油 夠乾身鹹淡啱啱好·‼️不過要提提你 呢度服務唔太好侍應姐姐態度麻麻 舉手舉到攰先有人理你 有待改善

講真，食物質素正常，但個經理態度十分十分差，可以用惡的程度黎形容，只不過在結帳時問個收費來源，不但不解釋，仲用很惡態度講「無收多你架，我哋呢度係咁計」，身為經理你都用咁惡嘅態度對客人，咁你班下屬會點呢，俾米芝連幾多星都冇用啦，食完背脊骨落。

今日入靠得住食lunch, 其實佢嘅食物有些都ok, 員工態度大部分都好， 可惜有個戴眼鏡的男經理長期服務態度勁差， 已經去過幾次， 不是見佢鬧員工， 便是呼喝人客， 其實一間好的食肆， 經理態度最差真是可恥， 希望公司可以培訓一下這個男經理

今日幫襯依間粥店，樓面嘅姐姐服務好好，但是所謂嘅經理真係差到無人有！個男人臭寸嘴，服務勁差！我好耐無係香港遇過！好耐之前幫襯過一次已經見佢同D客人鬧交，因為佢落錯單。唸住過左一段時間可能會有改善，點知個四眼男人態度一樣差！差到你估唔到！佢可以唔滿意就啤住你！簡直嚇死人！依家咁嘅態度嘅店舖仍可以生存真係難以致信！咁都唔執?！我同屋企人永遠都不會再幫襯，如果你可以受氣嘅就去啦！真的不敢同自己嘅錢作對！

平時唔會寫食評，鍾意再去唔鍾意下次唔去，但沙田連城廣場呢間唔寫唔得，靠得住食物真係唔錯，尤其混醬腸粉，下午茶餐特別抵食，可惜呢間分店服務態度十分差，有興趣自己去感受一下！

曾聽朋友說過，這間米芝蓮食店的下午茶十分超值，而且味道也很好，終於有機會一試。我點了細蓉雲吞麵和混醬腸粉。腸粉先送上，碟內只有腸粉和豉油，甜醬、麻醬和辣醬已放在餐桌上，是由自己放的。加入各種醬料之後，吃下第一口腸粉，腸粉質感爽滑Q彈，加入各種醬料後，真的是美味無窮，真的很久沒吃過這麼美味的腸粉了！雲吞麵接着送上，先試湯頭，不錯，麵條質感也十分爽彈，也沒有鹼水味，反而雲吞令人失望，質感和味道也很一般。這店面積不太大，下午時段顧客眾多，要和別人拼桌，不過坐得也算舒適，店員的服務也不錯。

今日午餐吃粥，白鱔球粥餐配鮮榨油條，可謂一個貴族&一個平民的配搭，蘋果紅茶$92。幣傢伙！ 忘記走葱添！四大片厚切白鱔魚片，肉味鮮甜，結實中又爽脆， 粥底綿滑。熱辣辣油炸鬼香脆可口，吃掉半條感覺有點兒油膩； 油炸鬼係一種進可攻退可守的地道美食， 吃餘下半條油炸鬼，可以浸泡在粥裏吃，剛炸起脆卜卜的油炸鬼和浸過在粥裏面才吃，又有不同的口感，泡過粥的油炸鬼，油香溢滿口腔，又是別有一番滋味。$3一位的蘋果茶我覺得十分抵飲，今個午餐雖然 比較貴咗一點點，不過，白鱔球片十分好吃，而且略帶鄉音的女侍應服務良好，也值得一讚！

今日去咗沙田好肚餓想搵嘢食，講真太地痞我又食唔落，因為而家太地痞都要五60，即係想點先，我經過幾個商場之後搵到呢間野。佢集團式應該唔會好差，但我諗集團式都唔會好好。唔好理佢啦咁入咗去，嗰個阿姐服務尚算有禮，咁我就開始嗌嘢食，叫咗個細蓉加腸粉，叫左杯豆漿。唔知係咪我好肚餓我覺得腸粉好好食，係非一般嘅好食，之後到豆漿，可以啦唔算話最頂級，之後你嗰個細蓉三粒雲吞，感覺非常好，30零蚊，下午茶好值得試！因為我哋都睇性價比，性價比超高！

🐖🦴🍜| 豬軟骨撈麵 |豬軟骨味道唔錯，口感亦好好，但個撈麵好鹹，食到一半頂唔住，冇食了😕其實要成為米芝蓮推介小店，到底係咪單單有一兩道拿手菜就得呢⋯？🤔

來到沙田工作，一個人就走到連城廣場，看看有什麼地方午餐。午飯時候，那兒也很多人，來到這店前，職員告知還有空位，就二話不說走進去。店名「靠得住」，又說是「米芝蓮」食店，希望味道也是「靠得住」。午市套餐也很多選擇，可選配飲品卻不多，而且還每位要茶費，可是那杯蘋果紅茶倒是不錯，很香蘋果味。選了豬軟骨菜飯，以及一杯豆漿。不用等多久，豬軟骨菜飯已經送上。豬軟骨很軟，口感不錯，肉質也不太差，入口並不太乾，味道也剛好，還很入味，菜飯當中也很多菜，飯也不太乾，與菜很配合，只是豆漿並不太突出。雖然要茶費，也要加一服務費，但上菜速度很快，味道也不錯，在沙田工作午餐爭取時間的情況下，有此水準，可真算是「靠得住」。

我本身真係好鐘意食粥，行開沙田留意到有分店，之前食过，都好想再試。脆爽鯇魚片—$49Menu話哩個系鎮店三寶，將鯇魚背部魚皮灼熟，即時津冰水。大概有六七片，爽脆系真既，但其實無咩味道，一定要點辣椒油。兩三個人share就ok，食得多估計會少少漏，無特別驚艷既感覺。珍珠蠔仔粥—$42（凈點）$65（套餐價，多蝶菜）我點左哩個蠔仔粥，覺得好清甜同好鮮。如果唔鐘意蠔既人可能會覺得好腥。用料好足，感覺都有十三四粒，而且又唔算細粒。哩碗粥真係好啱我口味啊，好好味~鱔球黃沙豬膶粥（$79）哩個粥我試左少少，D豬膶都幾滑幾軟，粥都幾綿既。唐生菜 套餐配既生菜，正正常常出品。總結來講，粥既出品其實係算係高質，粥綿滑，料亦都多。當然價錢都唔算平，每人110度，但食完會覺得值既。一百蚊就食到米芝蓮餐廳，食下靚粥，OK架，久不久去食下粥，都係幾好既選擇。

今日買完餸去食粥,其實上次黎食過,味道已經一般,根本唔值米芝蓮的稱號,今次黎食主要係為左碟炒面(其實幾諷刺,係粥出名,但竟然炒面仲好食啲)但味道唔講先,服務太差,叫完粥,出埋單,但等左好耐都未有得食,另一枱迉過我地黎的,都已經上左菜.......問返佢,先知原來無出單比廚房!!!!!!!!!!連小食都未上.....只係得個侍應幫我地催單,但佢好慘,幫我地罐單仲比經理鬧。。。不過今次去啲粥比上次好食 ,炒面反而一般。。。係廚師問題定係。。。?總之水準唔穩定

ㄧ年之計在於春，ㄧ日之計在於晨。😎早餐ㄧ定唔少得啦！不過成日食嚟食去都係煎蛋、多士、火腿通粉，真係食到悶晒!😒今日想轉下😧…不如食個粥，結果走咗去米芝蓮推介嘅「靠得住」食個早餐。 早餐有分中/西式 。中式係粥品，西式係煎蛋、多士、通粉！我當然揀中式啦！ㄧ碗魚片碎牛粥配腸粉，真係ㄧ日嘅好開始! 此店粥低用魚湯淆製，口感綿密， 稀稠適中，魚片鮮味，碎牛加入米粉碎，食落好豐富。另外，幼滑腸粉又可以任意混醬，混出個人喜好的口味。正!!