麵麵店 (已結業)

食物：車仔麵無豬皮，豬腸，牛腩畀食客選擇，可能係新派車仔麵，對住電話餐牌真係選擇唔落，另外車仔麵跟餐係豆漿。excuse me,車仔麵配豆漿都幾新穎，轉熱飲要加$9，最後求其選擇常餐常餐叫左豬扒一丁，跟太陽蛋，多士，火腿，多士同太陽蛋有d驚喜餐廳格局：電話落單就預咗自助，但有嘢問想搵個人都難，阿姐唔係快如風咁行，就聚係收銀廚房個邊，收銀廚房係轉左個彎，所以唔會有阿姐見到你。今日食過就算，無下次

星期六11點幾，本來我諗住去另一間食早餐，可惜過咗11:30少少，無早餐食。 咁我就喺附近行個圈，睇吓食咩好，行到麵麵店，見未食過(其實佢開咗咁耐，我都未食過)，又唔使等位，就入去。行勻成間舖，剩返開揚嗰邊(會見到行商場嘅人來來往往)。一開始，我喺坐背位出面，面對收銀，食咗一陣(可能6分鐘)，就有3個員工經我身後嘅罅怱怱咁行入嚟間舖、再入廚房，我係明白咁行會係最快、最方便佢哋，其實行返外圍大門咁入廚房，都係行多10秒? 行大門唔使就住行，又唔會騷擾到食客，但啲員工完全無諗過食客嘅感受！ 後尾，我轉咗坐對面，望住啲人咁食，惟有拿拿聲咁食埋去😓埋單時，我有同職員反映以上情況，但講咗两句，對方回應:咩話？ (可能佢哋慣性咁行、咁打搞食客，所以佢哋唔覺有問題？！)我最後就話，其實嗰個個唔係路口，如果你哋係要用嗰度出入嘅話，唔該cut咗張檯, 唔好左住客人食嘢，食到我唔舒服、唔安樂😖！！

位於新都城既本土茶餐廳 如果揀呢一邊嘅位置就會相對比較開陽啲時不時會有途經商場嘅市民經過呢邊嘅位置就較為隱蔽少少 ,如果想食個寧靜小小嘅環境建議，挑選呢邊。另外舖頭落單都係採用QR code 當日就叫咗一個瑞士雞翼湯出前一丁另外煎蛋同炒蛋，都可以個別要求熱咖啡方面就覺得奶感覺較多另外不得不提多士既烘低做得唔錯另外朋友都叫咗瑞士雞翼，不過就揀咗撈如果係叫出前一丁可以要求店員俾返麻油你落而朋友杯凍咖啡，感覺係比熱咖啡更濃郁🧐

特登搭車入嚟寶琳站，就只為了食小儀車仔麵，點知個餐牌同啲餸都好唔同，完全轉晒。現在變成只是一間普通集團式茶餐廳，味道同菜式都沒有特色。味道沒有什麼特別，唔難食嘅，但好普通囉，同去普通茶餐廳差唔多。餐牌唔只有車仔面，仲有好多其他常餐、焗飯嗰啲咁，成間大集團式茶記咁囉.......其實已經換咗做美心集團經營，唔知點解仲要keep 住麵麵店個名，非常誤導。重等我為了吃小儀車仔面特登入來......好失望囉

小儀開既車仔麵專門店 聽就聽得多喇 好難遇到佢既分店今次經過終於可以試下佢係咪真係好食麻辣蓮藕 雞翼尖 豬皮 辣醬 大腸原來想食大腸佢話賣曬,之後佢又話仲有一份可以落單試埋大腸4料車仔麵$51蚊 最平3料$43起 想貪心試曬招牌8料麵$614種麵底選1 粗麵個人幾LIKE 夠爽口麻辣蓮藕又麻又辣口感好脆爽 估唔到冷盤都拎到黎做配料雞翼尖浸到好入味,飽滿肥大 豬皮洗得乾淨無毛無腥味好爽口大腸夠肥嫩有油脂唔會好柴皮 個湯底夠香辣 佢呢度款式唔多,但係做得幾好飲品一杯加7蚊平均消費$60 麵麵店 

☆ 麵麵店將軍澳貿業路8號新都城中心一期2樓241, 250-251號舖早晨，你地鍾意食d咩做早餐架？假日嘅我好鍾意食常餐，唔好問我點解，總之就係鍾意(*¯︶¯*)✦ 常餐呢到個常餐有得揀瑞士汁雞翼撈通粉，不過我覺得味道方面唔係好夠，雞翼ok入味，但通粉就無乜瑞士汁嘅味，淡淡地，同埋油左少少。最估唔到係除左火腿蛋，佢仲有條腸，雖然唔係d咩貴野，不過而家好多茶餐廳都慳皮淨係得蛋，所以驚訝左1秒(ﾟoﾟ;;

一心睇完小儀介紹文章，想黎試下特色車仔麵，點知超失望，冇晒特色菜色，連菜舖都冇埋。不單止，最嚴重係豬扒唔熟如果大家為左試小儀介紹必吃食物，大家可以唔駛黎，現在已經冇晒果d 菜色

午餐$48包埋嘢飲幾大碗，湯底比較淡，另加辣椒油夠香辣，蘿蔔好淋好甜，魚蛋彈牙，香茅豬扒好香好大塊，瑞士汁雞翼大大隻都幾入味，反而豬紅冇味最失色！見隔離枱啲西餐，碟頭飯賣相都好靚仔又一碟，轉型之後進步咗好多

好耐冇食過車仔麵啦！心血來潮諗起之前食過一間車仔麵幾好食㗎喎嗰陣時已經要用QR code落單㗎啦嗰陣時呢好似淨係得車仔麵叫，仲好多個餸比你揀，我至愛佢地d辣菜舖架啦 真係好好味㗎近排麵麵店好似轉咗d嘢喎？好似唔同咗🤔🤔嘩原來麵麵店唔止淨係有車仔麵呀！佢地仲有飯食添呀仲唔止呀，佢地餐牌仲多咗好多係茶餐廳食嘅餐同飯同麵添近期仲有外賣係88蚊3個餸咋，仲有十款小菜畀你揀平過自己煮呀真係勁抵呀！我今次試嗰個係蕃茄肉碎湯底嘅車仔麵揀咗午餐肉、蘿蔔同雞翼做餸wow D午餐肉煎到香香脆脆、蘿蔔好入味、雞翼好嫩滑呀k.o.晒成碗麵同埋餸仲送杯豆漿比你都係42幾蚊咋真係超值呀#麵麵店 #車仔麵 #katkatfoodies

掛住 d 佢d 車仔面，放工特登撘車去食。坐低發現無左 d 招牌餸。點完餐細心睇發現原來轉左美心集團旗下。食物十分普通，無晒以前既特色，完全唔需要跨區去食。十分失望。希望留個食評等大家唔洗好似我咁白行一趟。

叫左外賣平台, 第一次試依間車仔麵，貪佢多餸揀又有煎釀三寶食，味道不過不失，點知食到最後個女發現碗裏面有隻有翼昆蟲，叫外賣真係唔知點投訴，攪到個女作嘔🤢，真係無下次😡

又WFH，多左幫襯車仔麵外賣自取有折，用QR code落單，減少左毒L的心理壓力強烈推薦：香菇素湯 湯底好好飲，有好多菇碎喺底，味道濃郁，清得來好有翻屋企飲湯嘅感覺已經食過好多次，覺得好食嘅送有：麻辣腩肉好似肥牛咁簿又香辣牛腩有筋又有肉，煮得夠淋入味魷魚男人次次都點司華力腸唔係周圍有，大大條蘿蔔好味辣豬肉/ 韭菜餃子雖然得2隻，但有餃子食係開心d麻辣醬，菜脯都好食我鐘意食米粉，男人愛揀粗麵除左粉麵應，佢有得揀菜底，生菜通菜韭菜，生酮飲食/ 減肥嘅美女都好岩食

曾經係寶林返過一年工，麵麵店一直係我買外賣嘅最佳選擇，幾乎每星期都會買一次，不過就從來冇試過堂食😌 自從無喺寶琳返工之後，一直就冇食過，有啲掛住香菇素湯嘅味道，今日就試吓堂食！車仔麵選擇幾多，而且價錢經濟實惠，三餸包飲品，都係$42！特別鍾意食佢哋嘅蘿蔔，豬耳，豬腸，墨魚卷！不過最吸引我嘅係個湯底，香菇素湯。湯底菇味十足，就咁飲都唔會覺得鹹🤩不過略嫌堂食嘅湯太少，外賣湯較多，有得就咁飲，堂食嘅湯只係足夠啱啱好食完個面。另外，餐廳所有嘢幾乎都係自助，自助點餐，食完去櫃檯俾錢，冇乜服務可言。見到有個唔識用電話自助落單嘅嬸嬸，等到發脾氣都未有人理佢😅

今次係第二次來依間店食，一般名星藝人或者米豬蓮介紹嘅，我都吾會去食。但上次無意中坐低左先發現係某某藝人介紹嘅，既然坐低左都要繼續落單食落去。佢地都算幾貼潮流，落單都有IT影子，簡單用智能電話搜描一下，就可以在手機上直接落單，咁就可以等服務員送餐來，幾方便的。上次同今次都係一樣揀個 四餸粗麵，再配個羌湯底，雖然兩次嘅餸吾一樣，但兩次嘅餸、麵同個湯都冇甩拖，最正就係會有一小碟 辣菜甫跟上，我覺得依小碟先係靈魂所在，一邊招呼碗麵，一邊品嚐小碟，簡直係絕配。

叫左佢個套 有6樣野 外賣自取8折 有杯細紫貝天葵 原價52有啲貴 折左~40蚊都抵食 份量都算多 可揀湯底同加汁(咖哩汁 腩汁之類)係覺得蘿蔔唔夠入味 其他都ok 想食幼麵但無 有啲可惜