韓奶奶拌飯

营业中

休息中

🇰🇷 熱辣辣韓式釜飯•韓奶奶拌飯天氣凍冰冰，飯氣一族除左港式煲仔飯外，韓式釜飯都係熱辣辣、暖笠笠之選。位於元朗嘅「韓奶奶拌飯」餐廳引進獨立高壓釜飯機，製成風味獨特的韓式煲仔飯。飯焦愛好者千祈唔好錯過！套餐$68起，每款都配三款前菜、沙律及海帶湯，性價比極高，難怪長期大排長龍。🐮 特級牛頸脊拌飯 $118燒牛頸脊粒燒至焦香，加入秘製照燒汁，再拌勻菇類、蓮藕、雞蛋、蔥、芝麻和牛油食用，拌飯熱辣辣，飯粒飽滿煙靭，底部更有黃金飯焦，層次豐富。🍚 炙燒厚切鰻魚拌飯 $128秋冬限定新品！炙燒厚切鰻魚魚皮香脆，鰻魚肉結實有彈性，同樣加入秘製照燒汁，再拌勻菇類、蓮藕、雞蛋、蔥、芝麻和牛油食用，滋味滿滿。🥩韓式宮廷燉牛肉 $28燉牛肉加入紅棗燉煮，肉質軟嫩，充滿醇厚香甜味道，配搭拌飯，滋味更上一層樓。🍫 棉花糖朱古力配自家製炸薯餅 $30外脆內軟的薯絲薯餅搭配半融棉花糖和朱古力醬，香口美味。　🐮 #cowing吃在元朗🍽 餐廳：韓奶奶拌飯 @mrs.han.potrice🌐地址：元朗鳳攸南街3號好順景大廈1座地下3號舖#hkigers #hkkol #foodie #hkfoodblogger #元朗

本身都係random決定去食 所以都冇抱太大期望點知!! 係咪冇期望就會有小驚喜 比想像中好啲Set由$58-$128都有 豐儉由人 總共有9款每個飯set都會附送三個小菜 炒粉絲同海帶湯^^特級牛頸脊拌飯($88) | Rating: 8/10就係呢款 有被驚喜到 飯粒飽滿 粒粒分明 牛粒本身睇樣以為會好乾柴 但咬落係仲有肉汁有油脂嗰種!啲餸有啲雜菇 蓮藕 雞蛋 葱花 熟芝麻等 重點係有嚿牛油牛油同蛋令成個飯香好多 個另上嘅燒汁唔洗落多都夠香成個碗都有翻咁上下深度 仲有啲飯焦^^芝士韓式辣雞拌飯($68) | Rating: 7/10呢款都好食 但自己就覺得相比下冇咁出色都係呢種韓式辣醬嘅樣同味道 係expect到嘅味道不過因為佢比較辣 會比較惹味 男朋友就鍾意呢款撈咗芝士食落啲飯嘅口感冇咁分明 雞肉都係正常發揮單骨雞翼配乳酪醬3隻($28) | Rating: 5/10三個字 唔洗嗌🙂‍↕️會話係圖片只供參考(去到睇就明)啲醬完全唔夠 炸皮太厚 味道正常計翻其實係$28食1.5隻雞翼 即刻覺得好貴🫠利申冇喺韓國食過釜飯🙂‍↕️評論唔到到底佢韓唔韓lmao小菜 湯同炒粉絲會話係香港嘅水準

睇社交平台見到雞地新開左間韓式料理，而且仲係釜飯，即刻吸引左我同🐷先生去試😋餐廳總共有9款拌飯，同一d小食可以選擇，貴精不貴多，而且枱面有講解食用方法，就算店員忙起上嚟我哋都可以看圖識字😌每個套餐裏面都有啲前菜、小菜同埋海帶湯一齊上，視覺上覺得好豐富🔸秘製鵝肝煎蛋拌飯一大隻太陽蛋，仲有大大塊鵝肝，煲邊仲有塊牛油仔增加佢嘅香氣，職員建議我哋一半鵝肝撈完飯，一半同拌飯一齊食👍🏻果然口感會再豐富啲，佢唔係用平時嗰啲韓式辣醬拌飯，有佢哋自己嘅特色🔸特級牛頸脊拌飯牛頸脊全部切晒粒粒，份量都唔少，拌埋生蛋黃，增加左軟滑感，飯粒非常分明，食到尾仲可以有飯焦添🔸炸單骨雞翼配韓式辣醬欣賞單骨雞翼方便食用，但如果韓式辣醬係撈埋一齊會更加好🔸自家製炸薯餅配雪花芝士乳酪醬10分推薦，十分香脆而且有超多嘅芝士喺上面🔸芒果梳打、椰果桃汁兩罐飲品都比較少見食炸嘢飲凍嘢一流

【元朗新開抵食韓式拌飯🍚韓奶奶拌飯】-今日又同大家介紹元朗嘅飯堂😏呢間係最近新開嘅韓式拌飯🤩星期五夜晚去到大排長龍！事關個價錢真係好吸引🥹晚餐可以$60有找😳仲有埋湯同配菜🤯試業中仲免加一🤤冇理由唔試吓!-拌飯有九種口味可以選擇，豬肉、雞肉🍗、魚🐟鵝肝、牛肉🙂‍↕️梗有一款啱你口味！仲可以嗌埋小食😏有薯餅、餃子、炸雞翼😜-😋蟹膏蟹肉拌飯🦀 $98橙紅色嘅蟹殼非常搶眼😳拌飯除咗有蟹柳絲、蟹籽，仲有蛋絲、蓮藕、蘑菇同埋芝麻🤤口感非常豐富！加埋特濃蟹膏同埋牛油拌勻😙充滿香氣！跟餐仲配埋三款配菜、粉絲同埋海帶湯🤰🏻包你一定夠飽！好味指數：🌕🌕🌕🌕🌑-😋秘製鵝肝煎蛋拌飯🍳 $128另外一款必嗌嘅就係佢嘅鵝肝煎蛋拌飯😛兩大片煎到金黃嘅鵝肝非常香口😇餐廳建議可將其中一片鵝肝搞碎拌飯，另一片就直接食🤩油香滲晒落個飯度😜加埋蛋漿，真係大滿足‼️最尾再食埋脆卜卜嘅飯焦😜OMG好味指數：🌕🌕🌕🌕🌑-😋秘制泡菜醬拌餃子🥟$26泡菜醬微辣偏甜開胃可口😌餃子金黃香脆，脹卜卜包住粉絲😙味道唔錯～好味指數：🌕🌕🌕🌕🌑-😋炸單骨雞翼配秘製孜然蒜蓉醬 $42單骨炸雞食落好方便，配埋秘製醬汁同埋洋蔥食落嘅惹味～好味指數：🌕🌕🌕

聽講雞地開咗間新韓國嘢，食韓式拌飯，是晚就同朋友去試下先。新開張仲係試業中，已經晚上八點但門口勁多人等位，攞張飛仔等先，店員話前面等八張枱，嘩，真係好犀利好有人氣喎。⭐秘製泡菜醬拌餃子小店出品唔多，只有幾款鍋飯同小食，朋友話試下呢個泡菜醬拌餃子？餃子炸起大大隻，入面係豬肉粉絲餡，脆口好食。餃子下面係切碎咗嘅泡菜混醬，個人覺得偏鹹啲。⭐炸單骨雞翼配乳酪醬呢個小食就自己揀嘅，炸雞翼沾咗粉炸好香脆，單骨雞翼食得方便，乳酪醬酸酸甜甜幾好味😋⭐蟹膏蟹肉拌飯朋友個拌飯先到，佢揀咗蟹膏蟹肉口味，上枱時呢個紅東東嘅蟹蓋十分吸睛，蟹殼下面有牛油、蟹柳、蟹籽、雜菌、蛋絲等，食香味俱全喎，呢款嘅拌飯醬係用蟹膏，拌均之後相當鮮味🤤啖啖都有蟹嘅香味。⭐特級牛頸脊拌飯自己就點咗本店TOP1人氣嘅牛頸脊拌飯，除咗牛柳粒，仲有生蛋、芝麻、雜菌、蓮藕片同青蔥，拌飯醬係照燒汁，拌完之後香味十足，芝麻同青蔥勁正😍⭐自家製炸薯餅配雪花芝士乳酪醬見枱枱都有叫呢個炸薯餅，我哋都叫咗一客，但第一份出餐嘅時，店員唔小心飛咗一塊落地下，哈哈，重新再炸過兩塊出嚟，上枱時熱辣辣香噴噴🤤咬落薯餅係一絲絲，香脆有口感，上面勁多芝士，超好食。⭐

韓奶奶拌飯開左喺元朗好幾個月，主打韓式釜飯嘅餐廳！身為元朗人終於過黎試下。主打嘅韓式釜飯有多款口味，仲有秋冬限定嘅釜飯選擇。每份釜飯嘅份量都唔細，仲有3款韓式小菜、通粉沙律同埋湯！除此之外，menu上仲有好幾款韓式小食可供選擇添。今次就點左餐廳招牌之一嘅特級牛頸脊拌飯。食之前加入秘制照燒汁，再連同釜飯入面嘅生蛋黃、香蔥、牛油、芝麻、燒牛頸脊粒等配料拌勻就食得。拌勻後嘅釜飯好香口，照燒汁嘅甜同牛頸脊嘅牛脂香都突出，味道上好惹味。特別中意釜飯入面嘅雜菌！釜飯底部嘅飯焦都好脆口又好味。另一款釜飯點左秋冬限定嘅炙燒厚切鰻魚拌飯。中意食鰻魚嘅唔可以錯過呢一款！有5塊鰻魚，每塊果然都好厚切，而且口感好爽脆又彈牙。雖然味道上牛頸脊釜飯會惹味同濃味啲，不過呢個都唔錯。另外，仲試左兩款呢度嘅小食。炸薯餅有驚喜！同平時嘅炸薯餅唔同，呢度嘅薯餅口感係一絲絲薯絲。上面嘅雪花芝士乳酪醬芝士味好香，但又唔會太濃太膩。炸珍寶生蠔好飽滿！外脆內嫩又鮮甜。

成日喺元朗經過呢間舖頭呢都排晒長龍嘅，睇你人氣真係幾旺盛啊🙈今次就同朋友仔一齊去試吓。佢嘅韓式釜飯選擇都幾多嘅。而且價錢都唔算太貴，由$58-$128嘅選擇都有，總有一款係啱你口味。而且呢佢每一個set呢都會配三款兩本菜，仲有一個小食同埋海帶湯。份量都幾足。🌟特級牛頸脊拌飯（$98）我就叫咗牛頸脊拌飯，佢嘅牛肉粒超級多，而且每一舊都好嫩，都幾香牛肉味嘅。而且佢係會有飯焦架😍超級好味，呢一點真係好加分👍而且再撈埋啲雜菇啊蓮藕一齊食，味道都幾唔錯嘅🌟炙燒厚切鰻魚拌飯（$128）朋友仔就叫咗厚切鰻魚拌飯。佢嘅鰻魚好厚身，而且呢鰻魚嘅皮係燒得好脆👍食落啖啖肉。鍾意食鰻魚嘅，一定唔可以錯過。🌟秘制泡菜醬拌餃子（$50/4隻）我覺得鍾意食泡菜嘅，一定唔可以錯過呢個餃子。餃子本身已經好Juice啦，再包埋泡菜醬一齊食酸酸辣辣咁，真係食到停唔到口🥰🥰🥰呢一道菜比我想像中好食好多倍🌟自家製炸薯餅配雪花芝土乳酪醬（$30/1）佢嘅自家製薯餅都幾有人氣嘅，薯餅入邊好多薯仔絲😍因為係即叫即炸，所以就好脆，但係一定要趁熱食啊咁樣先最好食🥰🌟低卡橘子汁（$15）我就試咗佢嘅橘子汁，一支只係70卡路里，解油膩一流👍

終於食到🔥人氣釜飯拌飯店😍😍佢地既釜飯係set有前菜小食，海帶湯，大大釜飯食完超滿足😌👑韓式秘製醬牛肉拌飯呢個係佢地既皇牌拌飯👍🏻👍🏻真係頂瓜瓜，入面有香噴噴飯焦😆😆勁多韓式醬牛肉，加埋秘製照燒汁 蔥，蛋絲，芝麻，牛油🧈超級正\(^o^)/蟹膏蟹肉拌飯🦀🦀🦀呢個釜飯岩曬愛蟹之人特濃蟹膏😍😍蟹柳絲，蟹籽蒽，芝麻，牛油，味道👅好香濃啖啖都肥肥蟹膏香味自家製炸薯餅配雪花芝士乳酪醬🥔小食好出色，薯餅外脆內軟超級脆卜卜，入面既薯仔絲好juicy 上面有巨量既雪花❄️芝士乳酪🧀芝士味香濃，同薯餅好夾😋😋秘制泡菜醬拌餃子🥟泡菜醬吾係好辣，好岩配大大餃子食餃子大大粒，勁足料✨皮薄餡靚餃子外皮超香脆，入面既肉碎勁多汁好鬼惹味～～

最近成日都聽人講元朗有間食韓式拌飯好多人排隊見最近開始天氣凍咗一於試吓韓國嘅釜飯餐廳標榜係即叫即整晚市6:00就開，開門前已經開始有人排隊大約6:30已經坐得爆我哋試咗兩款特級牛頸脊拌飯牛頸脊切成牛柳粒咁樣，口感一啲都唔會韌，米飯粒粒分明，除咗牛肉之外，仲有啲配菜可以拌在一起吃，最邪惡仲要係有嚿牛油，令到個飯香噴噴，配上一個甜甜地嘅醬真係好夾，如果醬汁唔夠重可以另外再加蟹膏蟹肉拌飯呢個打卡就已經一流，蟹肉嘅份量都幾多，而且食落一啲都唔會腥，蟹膏味道好濃郁，食到尾仲有啲飯焦而且每個set都會配搭三個前菜同埋一個湯秘制泡菜醬拌餃子餃子係幾香脆帶少少微辣自家製炸薯餅配雪花芝士乳酪醬估唔到真係幾出色，乳酪醬好香而且勁邪惡，但係薯仔絲真係好出色，建議要快啲食，如果唔係薯餅個面就會淋左

今次試元朗排隊名店，韓奶奶普拌飯第一次食，嗌左4樣野試下，份量好多，2個人都食唔哂！特級牛頸脊拌飯，牛頸脊牛味好重，加上其他拌飯配料，一齊食口感真係好豐富，味道都剛剛好唔會過鹹或者過淡！超好食秘製鵝肝煎蛋拌飯，鵝肝好香就唔洗講，撈飯加蛋絕對係絕配！不過佢覺得過分邪惡，一個人真係食唔晒，再加上成個set仲有其他配菜！秘製泡菜醬拌餃子，好正宗嘅韓式餃子，入邊有粉絲，唔算太辣，好食單骨雞翼配乳酪醬韓式炸雞就係要配乳酪，點解查女啊？呢個雞翼分量雖小，但係味道絕對值得

韓式鍋飯唔錯喎，配菜連沙律加碗湯我哋三個人，各自叫咗三個飯，包括黑松茸素菜，韓式醬牛肉及特級牛頸脊伴飯，小鍋裡包括配菜和牛油，夠晒熱同香，食到七七八八之後產吓底部仲有金黃香脆飯焦，正呀！服務員工作效率高而且有禮貌餐廳小，不算寬敞，但整體還算舒適價格合理選擇不多，主要是鍋飯鍋飯很好吃，底脆晚餐套餐包括湯、macaroni沙拉和spicy 小菜

今次介紹嘅就係元朗新舖嘅小店，專門賣韓式蒸氣拌飯🇰🇷呢次夜晚黎到都要排左陣隊先入到。店舖總共有9款拌飯俾大家選擇嘅，而我哋今次就揀咗以下呢兩款😋➖➖➖特級牛頸脊拌飯 $88牛頸脊嘅熟度啱啱好，咬落去唔會韌，而且好足料，牛嘅份量足夠，每啖飯都會食到牛肉，配合秘製照燒汁同芝麻，撈埋蛋汁食都好滋味🥰➖➖➖香烤豬五花拌飯配辣醬 $68啖啖豬肉食落去好Juicy，亦都煎到好香，個人鍾意食辣配合麻辣醬食落去好味🫣飯粒非常分明，食到底仲有飯焦添🙌🏼➖➖➖秘製泡菜醬拌餃子🥟 $26/2隻餃子外層炸到金黃色，食落去香脆可口🥰粒粒都係大大粒脹卜卜，咬落去仲會爆汁，配合埋酸酸甜甜嘅泡菜醬食落十分之惹味😜➖➖➖服務: 7/10衛生：7/10環境 :7/10回頭指數：6.5/10地點：元朗鳳攸南街3號好順景大廈一座地下3號鋪 (港鐵元朗站A出口，步行大約10分鐘）中意嘅朋友仔記得Like&follow @all_day_eateateat 🥰➖➖➖#香港好去處 #香港美食 #香港打卡 #食好西 #all_day_eateateat#foodphotography #foodie #hkfoodie

難得去開洪水橋洪福邨，搭276P去元朗搵韓奶奶👵🏻，個人少食韓國🇰🇷菜，但見韓奶奶👵🏻有皓多報道慕名而來，落車唔記得do分段蝕咗，大馬路行過去要過天橋都要成10分鐘，皓彩唔大雨，門口雖然冇人排，但都坐咗9成，QR code落單，叫咗秘製鵝肝煎單拌飯$128，落單都方便，但問題🙋🏻‍♀️係張單睇埋之前幾張枱個客落乜，變咗唔係皓知自己有冇落單，要睇埋時間。等咗10分鐘有嘢食。有三式泡菜、海帶湯、通粉沙律🥗、醬、仲有秘製鵝肝煎蛋伴飯，兩塊鵝肝睇落皓脆，太陽蛋，有蔥花，牛油🧈皓快融，之前話會教人點食，而家冇，我用返自己食法，加少少🤏汁去撈，想食飯焦，但太硬挖唔到，鵝肝外脆內軟正，飯比想像中皓食，不過就坐得逼，冇位放背囊🎒，冇加一，埋單過$100可簽卡，我坐入後都多人等位同外賣🥡

熱潮過去，weekend 兩點去， 兩位唔駛等位，直入。小店預左搭枱+ 迫。 如帶大袋/ 背囊， 不建議去食。 試左牛肉伴飯 + 牛頸脊伴飯+ 泡菜醬餃子小食。以上兩款韓式伴飯都係跟甜醬油膏。 個人prefer 韓式伴飯甜辣醬多d。 每個set 都跟 3 款韓式前菜 + 一小杯湯+ 一個無理頭澱粉質。 韓式前菜 ： 唔錯👍湯： 幾好👍 濕下個口咁。 澱粉質 ： 似驚個飯食你唔飽， 無啦啦跟俾你， 我食個日，係跟個通粉沙律， 不男不女咁，十分不解！ 主角伴飯： Li 個食評係食左兩日之後寫。 個飯，而加回憶起，堅無咩記憶點…… 夠飽既， d 牛唔un, 食到，正路。 泡菜餃子： 底個醬，好夠味。 個醬濃味到，粒餃子🥟係咩味都食唔到！ 飲品選擇唔多，放心，如唔啱飲， 唔會有水供應， 亦無水賣。 兩人total 食左$202 。

見成日好多人排隊所以好想試一試佢叫左個🦀蟹膏蟹肉拌飯🍚冇細心留意睇清楚Menu 原來蟹肉係指蟹柳…….好失望以為會真係蟹肉同一開始無撈飯撈到底好多飯焦好硬～食唔到不過配菜的泡菜同黑豆係好味既👍🏻