韓日燒 (已結業)

今次妹妹介紹去試吓這間自助韓燒餐廳，地方很大，坐位舒適，服務態度很好！2小時任食全自助餐，點解咁講因筷子，用具水杯都是自助，由妳一開始坐低便計時，記住坐迴轉卡位，因有好多壽司選擇方便第一時間去拿，我當然坐在合適的位置，所以一有新的壽司我們便能垂手可得！壽司種類有很多，基本有三文魚，金鎗，墨魚，太卷，甜蝦，燒三文魚(特别推介）螺肉…………不能盡錄！燒物方面也有很多選擇，雞亦，肥牛，一口牛，豬扒，雞軟骨，雞腎，豬頸肉，魷魚鬚，金菇莱，茄子……太多種類啦！生果，雪糕，雜果沙律，涼粉，豆腐花*^O^*(推介)好滑好幼不錯！飲品有無糖豆漿，冰凍綠茶，五花茶(好細心），食住飲唔怕熱氣！調味料種類很多配搭，滿足哂各人要求！ 今次真係好滿意！還有個意外驚喜，就係d師父把一條條未經處理的三文魚擺到壽司卓上即席表演如何把條完整三文魚切成三文魚刺身！今次收獲豐富！

好耐冇去西九,改變大好多,連出名既明將都冇埋!見到有間日韓放題幾新奇,有埋韓燒,價錢又0K~~於是就試下。我同BF 8:45入場,因為8:45入場會由$168-->$148(要加一,任食2小時唔使等位,入到去系完全自助式,好方便,唔使落單 唔使等上菜 待應安排我地系比較靜既卡位  但系隔離D座位側邊系迴轉壽司位,會仲好,但系冇曬位。個場冇油煙,呢樣野做得幾好,最怕食完韓燒成頭油煙味。佢地個燒爐系放紙既,唔使倒油,所以唔會太油膩,如果張紙有好多焦又可以叫待應換。有好多壽司同刺身拎,但壽司款少左D,同埋出得唔夠多,味道就一般啦,唔會太差,感覺似爭鮮的級數。另外仲有鐵板燒同日式火鍋拎^^真系太多選擇了..鐵板燒仲會燒鮑魚 每台一碟,而味道就冇咩味而BF就去左拎D燒肉:牛肉,豬肉,雞肉,青口,魷魚,腸仔,等等其它野食仲有菜,冬姑,茄子+熟食+糖水+雪糕+飲料拎。最好食系牛,推介一口牛(好細件既牛肉塊),同埋雞排肉都好食。最後已經飽到食唔落雪糕.食埋D涼粉就埋單。我覺得不足之處既就系野飲太甜(蜜桃綠茶/芒果沙冰),想飲茶就柚子綠茶,唔會咁甜!另外仲有豆漿,5花茶,可樂..不過冇試到。第2

第一次寫食評！去完真系吾寫吾得！俾你地參考下……1.壽司品質是不錯的，比明將好，但系真系選擇超少，而且如果迴轉台無你想要既壽司，佢地系吾會同吾可以幫你order既。2.佢地真系全自助式的，如果你真系要去食，只系食壽司，一定！一定要等倒迴轉既卡位先好去，如果吾系，你就要自己出迴轉台拎，會有一排人企系度同你爭，一有好一點既壽司，好快會無哂，而且真系好少選擇……3.如果你真系好想試下呢間，建議加埋韓燒，因為無野食時，都可以有點東西燒黎食，佢地韓燒的選擇還好，應有的都有，個壽司真系吾得。4.熟食都系自己拎的，吾系紙牌order的。5.豆腐花挺好的，據說係老闆自己一早磨的，十分滑。其實員工態度還好，收碟好快。最後提醒大家多次，如果吾想企系度同人爭壽司，記得訂迴轉卡位。 

話說星期六想同小妹去食午餐，之前明將X個位開咗間韓日燒，個餐牌話係壽司、日式鐵板燒、生果、飲品、甜品任食兩個鐘，如果想韓燒，加多十多元就得。我同小妹諗，有日式鐵板燒，唔洗韓燒啦…結果呢個想法係錯既…因為成個午飯時段…我都無見到有人係個鐵板燒counter到為人服務…先唔講無鐵板燒，講吓壽司，不得不講，呢間比以前明X新鮮啲，用料好啲，不過…我同小妹都好失望，因為我哋無坐到廻轉枱…結果，我哋最想食既三文魚一出…到我哋可以攞壽司個位…完全無晒，幸好到最後，我哋都盼到…不過那已經是一個鐘之後既事，仲要係因為我哋張枱近攞壽司位…可以望到先可以近水樓台…奉勸各位，如果想食三文魚，你要等都等到張廻轉枱為止！食物選擇都可以…本人食得最多係咖哩角同春卷。佢哋仲有炒飯、炒烏冬、西瓜等…甜品有涼粉、豆腐花(係老闆每日早上自家制)，本人覺得都幾滑。仲有雪糕、西米露等。 雪糕，提起佢就諗起個班可愛既員工，因為雪糕剛從雪櫃攞出嚟，非常硬，佢哋竟然輪流企起度為客人服務？！哈哈…其實，真係都覺得佢哋好可愛，不過，你又真係有力幫到幾多人？我眼見前面已經好吃力咁為客人要咗四大碗，我決定自己動手，不過，佢哋緊持待客之道。感