韓樂 (TKO Gateway西翼)

营业中

休息中

今日同爸爸去左韓樂撐枱腳，我地叫咗兩個麵餐 一個係蕃茄濃湯豬扒，焗溏心蛋韓式粉絲配蒜蓉牛油多士 。另一個係龍湯豬骨，煙肉讚岐烏冬。兩個餐都係40幾蚊。好好食，好飽同好抵食! 坐位都舒適，檯面又大，舖頭都幾乾淨!

呢間韓樂舖面大, 大部分都係卡位, 坐得好舒服, 店員亦唔會迫人搭枱。因為住係附近, 所以成日都會黎呢間韓樂食飯, 每逢午餐/晚餐時段黎食都會叫一款非常好味既菜式 - 石頭鍋飯。佢可以揀牛肉, 豚肉, 雞肉, 個人比較推薦豚肉, 有少少肥, 又切得薄, 配落石頭鍋會令個飯更香, 而且D肉唔會大舊到阻你炒個飯。呢度既石頭鍋飯石鍋燒非常之熱, 食左半個鐘個石頭都仲係熱辣辣, 而D飯本身煮得唔太濕, 所以係個鍋度炒炒下好易整到粒狀既飯焦, 非常可口。個飯本身唔只得豚肉, 亦有各種蔬菜配料, 非常豐富, 亦令到呢個飯比較營養均衡, 每次黎到都食到清空成個石頭鍋, 大滿足!

唔係講笑 我都叫食野要求唔算好高 但我今朝叫左個雞排部隊鍋麵 我竟然食左幾啖麵同塊雞排就算普通公仔面都算 個湯完全唔係湯，係水黎 係白涮 冇味架... 老老實實 我係屋企煮個丁面好味過佢好多好多好多 最後落辣椒油食左幾啖 毅然走人 食黎都太高卡路里😀😀 仲有隻煎蛋有一半係濃左一陣𤓓味😀本來見隔離枱食個部隊鍋麵（冇肉最平個隻) 有個鍋裝住先敢叫 屋企人個個豚肉嘅上左 都同想像中差好遠 我知部隊鍋係公仔麵 但完全唔expect同普通嘅公仔麵餐零分別 (仲要衰過)下次食翻蕃茄算

📍韓樂 韓式豚肉拌粉絲@ $26小妹呢排放假，多左機會係屋企附近覓食，呢間韓國餐廳係小妹下午茶多數會去既地方，佢既下午茶時段係2點至6點。份量又大份同抵食，算係將軍澳性價比高既選擇-韓式豚肉拌粉絲 附送紅豆冰先$26 而家一個大X樂下午茶閒閒地都要$30起跳。而家價錢真係唔話得。小妹本身以為份羽量係輕量級，因為個價錢同下午錢既關係，點知一上檯俾個份量嚇親，完全係lunch既份量黎，大份到呢！-試下味道點先，先將豚肉同粉絲撈勻，啲粉絲就會沾上豚肉醬汁。豚肉唔係得一兩塊，有成4/5塊架。咬落唔係好硬，個醬汁鹹鹹地，帶有少少甜度，都幾惹味。但真係好大份既原因，同埋韓式粉絲食落都好滯下，最後小妹都係投降，真係食唔落，仲有一大杯紅豆冰要飲。係今時今日咁既價錢同質素，小妹絕對係會俾5個贊佢-黑松露醬芝士 脆炸薯條 附送熱飲一杯先$28 個薯條係非一般炸薯條，加左小小蒜味粉去炸，好有細個哈迪斯既味道。個黑松露醬絕對唔係頹野，有好濃郁既黑松露同芝士味。同出面西餐廳索價接近一舊水既黑松露醬薯條差唔多。呢個絕對係物超所值。-地址：將軍澳常寧路2號TKO Gateway西翼地下001-002號舖-推介指數👍

依個下午茶好抵，44蚊有一大碗麵，個炸豬扒都算多，個流心蛋都好大個，啲麵可以自己選擇，米粉分量就多啲，粉絲都多，個係公仔麵就小啲，個麵嘅湯底係蕃茄味，個蕃茄味都好濃，而個多士都好大塊，而且仲好香好脆又平又好味

同同事過黎食lunch, 坑口都算多野食，今次黎左momoku, 我就食咖哩雞焗飯，啲飯係珍珠飯，叻喱味好香，唔算好辣，配埋飯味道幾好，雞好脆，價錢都唔貴，得閒可以再黎

呢排DSE完，呢間嘢請埋啲新仔，完全唔知啲餐牌點配搭。我本身諗住揀緊兩個餐。一個係特價晚餐$63 ，跟特飲+$8另一個係主餐牌$66 ，冇寫跟嘢飲。我本來嘅首選係$66嗰個，我問個新來嘅侍應，確認下個餐係咪+$8就有個特飲，我前後問咗兩次，佢都話係，所以我就放心落。但係落完之後，張單寫住個特飲係+$13 (原價$26半價)，成件事伏咗。我即刻同佢講，佢話最多只能夠cut咗杯嘢飲，冇得轉餐。真係火都嚟，如果佢知嗰個餐係$66+13，我就會揀返$63+8個餐，依家冇咗杯嘢飲，俾貴咗，食得唔安樂。好心呢間嘢就好好培訓下啲intern啦。一句講晒，劣評！

選擇多到你唔信，同埋間餐廳好大，絕對唔使擔心冇位，位置都好好，要一個地方食嘢傾吓計都唔錯，下午茶好抵食但係食物呢... 想讚真係唔容易。淨係一個字，平！但係真係唔敢再食🙈🙁 菠蘿蕃茄豬扒焗飯芝士完全冇味，炒飯底唔好食，豬扒還豬扒，飯還飯☹️卡邦尼煙肉扁意粉絕對唔係卡邦尼既味道，奇怪😐 糖心蛋牛肉飯牛肉嘅味道OK，反而泡菜嘅味道怪怪地，不過不失🙂 柚子蜜糖雞翼呢個比較好食，炸野咁漏加柚子醬剛好😡 三色果醬磚頭西多士質素太差，西多一啲都唔香口，果醬冇咩味道，唔知食緊咩紅豆椰汁沙冰

好姊妹出左trip去咗歐洲差唔多成個月，終於返嚟香港，梗係要約佢食飯傾下偈啦❤今次返嚟坑口食韓樂，因為佢超鍾意食呢度嘅石頭鍋飯，最重要係同我哋兩個各自屋企都好近好方便😉牛肋肉石鍋珍珠飯(餐):$68牛肋肉份量都幾多，好鍾意石鍋好夠熱，可以慢慢傾計都唔怕啲飯凍咗👍🏻之前啲飯同餸係同個石鍋一齊出，但宜家白飯分開裝，所以無左飯焦😂凍柚子茶(跟餐):凍飲加$3少甜少冰，但飲落係暖暖地😂Hite啤酒(大罐):$15夠晒冰涼👌🏻柚子蜜糖雞翼:$29外皮超脆，雞肉好滑，同柚子醬好夾👍🏻半溶芝士炸薯條:$26薯條好脆，但芝士唔係好夠，食到尾淨係淨返啲薯條😢

三個女人一齊去下午茶樂下😁😁 都好耐冇嚟呢一間食，難得老友放假就梗係吹下水啦! 👄💦💦💦💦可能未到下午茶時間，可以好容易攞到位坐😁😁座位很舒服闊落，最緊要就唔好畀人哋有騷擾的感覺 ，你知啦!三個女人一個墟吖嘛😂😂 起碼都坐佢2粒鐘啦!👄💦💦💦我選了😋卡邦尼煙肉扁意粉餐，下午茶竟然賣相咁靚又大體，真係唔似 一般茶餐廳擺設，好有高級餐廳的感覺，煙肉又不算肥，扁意粉又唔算硬口感非常 ，如果卡邦尼汁濃郁些應該味道配搭更好啊！😋😋白雪雪碟又大🍝賣相好吸引卡邦尼汁濃啲就更好味喇

好耐冇去過這裡了， 原因是之前很貴，沒有套餐，全部都是分開叫的， 一家大小食， 並不便宜， 所以差不多兩年沒來這裡了， 今日經過，看見這裡的下午茶，同平時餐廳的下午茶價錢差不多， 而且有套餐， 就不妨入去再試， 我叫了一個 輕量級 半溶芝士鮮茄肉醬 珍珠 飯， 等了約十分鐘， 終於出爐了, 啖啖特濃芝士肉醬 的珍珠飯，真是十分美味， 而且芝士是可以拉出來的， 我叫了一杯熱朱古力味道也是特濃的， 真是不錯， 不過稍為甜了一點, 而輕量級的飯太少了，幾分鐘就把牠吃乾淨了， 不過整體而言，$36 的這個套餐 ，這個價錢 有這個質素 的確吸引， 下次會再嚟幫襯， 這裏的環境很 韓風，裝修也很特別的， 坐落也有空間感， 坐得也很舒服的， 值得推介。（ 剛問過店員，原來這個價錢只限一至五，星期六日就稍後會貴多幾元了）

點了三樣食物，全部失望。大韓石鍋一口黑椒牛每口牛都咬不開，全部有筋。牛冇味，汁冇黑椒。典型開粉水汁。野菜豚肉炒粉絲係汁煮，汁浸住粉絲。冇炒過。豚肉幾少塊，同相片完全不符。咸。半溶芝士香草焗年糕香草幾小點。芝士開汁。年糕一叠叠未有煮開。明白係港式選擇，非真正韓食。但食材及味道不及茶餐廳。同集團的意樂較好。

呢日係年初三, 雖然係赤口, 但冇有怕, 照去朋友屋企拜年~好早就黎到坑口, 食個早餐先9 點幾黎到, 一去到就有位坐百里香雞扒 (配餐肉、煎蛋、粟米、蒜香牛油多士)我揀左個雞扒, 表面煎得脆脆地好正! 雞肉冇雪藏味最期待個蒜香牛油多士, 好香呀如果大塊D就好喇hahaha漢堡扒蕃茄濃湯腸仔通粉 (加配蒜香牛油多士)朋友叫左個蕃茄通粉再加$3 要個蒜香牛油多士(好大塊呀!! 好抵!)試左少少個通粉, 個湯都幾甜下~兩個餐都配個飲品

叫咗個60蚊嘅卡邦尼意粉，貨不對版，忌廉汁黎嘅⋯⋯加咗勁多料都好難食，究竟係點煮先做到咁？😂😂😂某某間意式餐廳大概30蚊都好食過佢⋯⋯講真有d嬲其他野食都係麻麻，得個樣，但真係唔好食⋯⋯猶其是嗰個 粙子蜜糖雞翼⋯⋯好唔夾😣除名！

同CM拍拖之後第一次去到坑口食野，發現原來將軍澳個頭都好多好多好多又平又正嘅食肆😍我哋行左好耐之後比一間韓國餐廳唔係太韓式嘅平價下午茶吸引到✨.雪山粒粒花生醬烤多士🥪（連飲品）$28✅因為CM真係好好好迷戀花生醬🥜，所以係完全冇猶疑嘅情況下就嗌左依樣✨本來因為太平我都冇expect啲咩，結果發現個多士嘅花生醬夾埋棉花糖嘅配搭絕配🤤有埋飲品性價比甚高😚❎略嫌花生醬唔太夠令到個多士好乾，係靠棉花糖嘅甜味黎填補，食完幾口渴😕整體評分：7/10.魔鬼芝士·一口炸雞🧀🍗（連飲品）$32✅成碟炸雞份量好足又唔太油膩，融左嘅芝士同炸雞混合一齊簡直係絕配🤤❎略嫌啲芝士汁過淡唔夠濃郁亦唔夠熱，應該係之前整左一段時間所以扣左啲分，不過性價比依舊好高🤔整體評分：7/10.溫泉蛋·牛肉·石頭鍋珍珠飯🍛 $63✅依個石頭鍋飯嘅材料幾足😛各種芽菜菠菜特別係牛肉🐮都比我去其他餐廳食嘅份量多✨牛肉肉質鬆軟亦有事前醃過💕依款石石鍋飯有兩種唔同嘅醬汁：醬油麻香汁同韓風香辣汁。其實應該剩係落一種汁，但係我同CM就兩樣落曬😂之後仲覺得唔夠仲要多左次醬😂😂石鍋飲菜式普通但整體滿意～整體評分：8/10.韓樂 (將軍澳)將軍澳常寧