韓樂 (TKO Gateway西翼)

营业中

休息中

放假行開商場，咁岩又到下午茶時間，見到呢間屋環境唔錯於是入去試吓，見到下午茶餐都好多選擇，韓式西式都有，都幾花多眼亂環境裝修幾別緻揀咗個麵餐意想唔到嘅好味呀，湯底好濃，而且仲有好多香菇，特別想講杯熱奶茶好有茶香。好耐未試過有一個咁滿足的下午茶，下次再黎！

今日去將軍澳食午餐，等人等到下午茶時段先食到，見到呢間韓國餐廳可以小一半價錢食到個小型芝士炸雞，就入去試下，環境同座位都幾好，大咖位坐到6個人，我叫咗一口芝士炸雞，朋友各叫鮮茄焗豬扒飯同一口炸雞湯粉絲，當然，大家分享嚟食，先講自己個芝士炸雞，芝士味濃，有小小甜味，雞炸得脆囗，芝士都拉到絲，一次過滿足到食芝士同炸雞的願望，當然，只可當小吃，但不可當午餐，所以可以優惠價加錢追加小食；薯條或雞亦2隻，我揀咗薯條，又粗又脆～另外鮮茄焗豬排飯，份量較小，男仔食要叫午餐份量或者叫兩份先夠飽，豬扒唔會乾爭爭，滿滿鮮茄同芝士喺面，加埋真珍珠米，好開胃，而最後個一口炸雞湯粉絲都唔錯，兩樣食物分開上，不是一碗過，影響兩者味道，炸雞係酸甜味，雖然有汁，但完全無影響個脆度。個湯好飲～係豬骨湯，配料豐富，有菜，有甘筍，洋蔥同京蔥，最得意係加咗D奇阿籽落去，好健康，本來食炸雞好熱氣，加埋個湯粉絲，中和返晒，另外D咖哩餐同炒粉絲都多人食，餐牌都有好多食物選擇，路過可以一試，近大門口好就腳，一落電梯就見。

幾好食既石頭鍋飯，有兩隻醬提供，一隻辣醬，另一隻唔記得，整體黎講個飯唔錯，石頭夠熱，出到足夠既飯焦，不過略嫌佢個泡菜唔夠辣，食落久缺d野味環境就唔錯，d裝修幾靚，新淨，最好既係有單人枱，就算自己一個黎食，都唔洗同其他人搭枱，非常抵讚，依家好多餐廳新裝修都配備單人枱服務方面，有自動出票機，按機拎飛，晚市都算多人，一班人食可能會難d等到位，待應一叫就黎，上菜速度還可以，10分鐘左右最好既係有韓國啤酒叫，大罐都係$15，推薦大家試下

中午時間見到呢間韓樂，就走左入去...唔知點解見到佢有個香草烤雞蜆肉意大利飯好想食...最後竟然冇叫韓式午餐...反而叫左呢個意大利飯加一杯熱朱古力我只能俾好評...因為諗唔到味道有咩唔好😄😄要我俾唔好嘅只能夠講服務水平有改善空間...因為想點餐嘅時候舉手🙋想叫服務員...等左好耐都冇人望....最後要自己起身行出去搵服務員埋位點餐...佢哋態度都ok嘅，友善的只是如果能夠多望幾眼睇下有冇客人有需要幫忙的...會更好😌😌😌

韓樂 ～ 韓食為主但原來還有其他選擇晚餐時間，唔使點等位朋友選了個牛排我心大心細後決定食焗豬扒飯因為太肚餓了我們還試試柚子雞翼牛排好快上，5成熟，一切開有汁溜出朋友給我試試薄薄的肉嫩嫩，點了黑椒汁更好吃配上有粗薯條、泡菜同什菜卷個焗豬扒飯好香蕃茄汁再有一層薄薄的芝士豬排肉都好軟好入味食食下都食左一大半但太飽的關係最後都食唔晒... 份量都大好抵食柚子雞翼是柚子汁灑在面的雞翼好大隻，配上柚子汁都幾特別晚餐可以半價加飲品，真好！我們一人一杯：柚子洋薏米、柚子梳打

今天天氣凍左，除左著多件衫之外，就系打邊爐嘅時候啦！平日打中式邊爐就多，估不到會有韓式火鍋，名叫蔘韓芝味鍋！個名好搞笑，原來系湯底有人蔘🐔、辛辣豆腐大醬、芝士三款！今次禾選了人蔘湯底加肥牛，因為我唔食得辣和芝士！😁總括來說，個火鍋套餐都幾多野食，有肉有菜有粉絲和海鮮，份量對我來說很夠! 我們兩個人，還有叫焗菠蘿茄汁豬扒珍珠飯和忌廉煮蜆肉，十分好吃呀！天氣凍凍地，打邊爐是最好不過的啊！明天如果繼續凍，會再來encore!😃

我成日嚟呢度食午餐，由其烤焗食物同醬汁嘅味我都幾鐘意，晚餐只食過兩次，覺得同午餐食嘅嘢大同小異。不過近排見到有晚餐多咗火鍋，仲有芝士味添，即刻同朋友嚟試吓。我哋分別叫咗滋補人參雞湯底同魔鬼芝士香菇湯底，每個湯底跟特選鮮肉盤同配料各一份，正常應該夠飽，不過我哋胃口好少少，叫多一份午餐肉，粉絲同埋海鮮香蔥煎餅。呢度火鍋幾好，價錢都合理，芝士湯底好濃幾好味，人參雞湯我覺得無咩人參味，配料質素都唔錯，煎餅因為上次試過唔錯再叫，不過配料嘅海鮮好少。上面有一層幾厚嘅芝士醬浮喺面，見到都覺得吸引。人參雞湯較淡。鮮肉盤揀咗比利時優質豚肉(4安士)同特選安格斯牛柳粒(4安士)，肉質唔錯，由其牛柳粒無筋亦又有牛味，豚肉亦無油膩感。配料有少量蜆，魷魚圈，牛筋腩，午餐肉，菇同蔬菜較多，令有粉絲同兩片薯仔同粉絲。魷魚圈唔韌，牛腩唔會太淋，豆腐卜入口唔會好多 碎碎同有渣，午餐肉係三花牌，粉絲係韓國粉絲但份量好似唔太夠，蔬菜亦新鮮多款式，全部都唔錯。另外叫嘅午餐同粉絲。海鮮香蔥煎餅，有薄餅刀比你自由分割大細，海鮮少過上次，味道都係唔錯嘅。火鍋餐追加飲品加$8,，只可以揀柚子洋薏米同柚子檸檬茶，其他要原價，呢點有啲怪

個鐵板超熱 一直烘住啲芝士 食得好安心唔會怕佢走熱🤭🤭然後啲芝士又孵住啲炸雞嘅pat pat 啖啖都熱辣辣 好過癮😆😆佢啲芝士一定唔係矜貴㗎啦 但係又令人會食到好上癮first impression係同之前kfc出過嘅芝士炸雞嘅芝士醬完全一模一樣味😂😂啲芝士仲要激大篤 千萬記住唔使慳住食 拎住嚿炸雞就可以狠狠地yaam!!啲雞肉頂瓜瓜地嫩😍😍味道：7/10韓樂 Momoku魔鬼芝士一口炸雞$52📍 將軍澳

又去將軍澳揾好友傾下計。。。佢介紹呢間新派韓國餐廳。。。假日有srt lunch menu。。。。點咗個雞柳炒粉絲。。。腩肉石煱飯。。。雞扒海鮮蕾飯。。。雞柳炒粉絲。。。用韓式粉絲炒。。亁身。。味道帶少甜。。雞柳ok滑。。吾錯腩肉石煱飯。。。石煱夠熱。。所以飯焦香脆。。腩肉 爽而不膩。。配合醬汁。。 又甜又辣。。好正雞扒海鮮薈飯。。。雞扒香脆又滑。。海鮮及菇亦好足份量。。但略嫌多咗少少汁及濃度吾夠。。如果煮得杰身一啲就完美喇杯咖啡跟餐包的。。及格柚子盧薈。。潤喉。。正食到差不多時。。原來已到下午茶時間。。佢地可以俾我地照叫。。我地加多個 松露薯條配芝士醬。。即叫即炸。。好正由中午一點食到五點半。。期間冇人趕你交枱抵讚

第一次見到呢間鋪頭以為都係食韓國野，但入到去餐廳睇menu先見到原來好多菜式都有，例如其他國家既菜式！另外，菜單、店面設計都似連鎖店「意樂」。👆🏻忌廉野菌扁意粉味道不錯，忌廉的醬汁足夠沾滿每條麵！吃起來也不太油膩👍🏻👍🏻一開始以為份量不夠吃，但吃完了還是飽飽的☺️另一個比較有趣同少見既菜式: 趣味.手握飯-三文魚換然之即係叫你自己整個手卷😂😂味道普普通通，係屋企都可以自己整到餐廳環境總算不錯，座位寬落！

我同下面兩位差評既朋友非常有同感，d阿姐服務態度非常差，有時好似想趕客走咁。其實呢個集團未轉韓樂之前叫功夫叉燒。d侍應係同一班人，果時服務態度都係咁差。不過間野位置好多生客，食過幾次以後唔會再去幫襯。

餐廳內環境設計風格非常有格調雖然都經常來光顧但拍攝出來都別有一番風味韓國柚子茶好味糖心蛋泡菜飯粒蛋幾好食但略覺豚肉同泡菜無咩味比較乾身既飯呢個燒汁雞扒配珍珠飯已經 encore 好多次又有至愛既芝士🧀🧀塊雞扒都幾滑同多汁食極都唔厭加$10要埋個香脆炸薯條🍟🍟非一般炸薯條有小小蒜味粉去炸野味香脆🤤二人同行埋單都係$82....又一抵食茶餐午餐🥣非常夠食份量價錢相當合理👍🏻抵我成日去幫襯😆

經開哩間食店，見佢裝修都幾型格，而且仲係我喜愛既韓國菜，叫左個蜜桃豬扒焗飯($5x)，上菜好熱辣辣，哩個值得要讚，但唔太食到蜜桃味，唔知佢有冇落果肉，豬扒夠腍還可以，整體黎講麻麻地。

礼拜六12时半, 坐下后15分钟都找不到服务员。我们到柜台投诉, 職員一于当听不到看不到。好久之后才看到3名穿制服的员工, 施施然从外面回来。服务太差劲了。这餐厅的管理人员应该重视一下这个问题, 根本不够员工, 怎么可能12时让所有服务员一同出去吃午饭 !我以后不会在光顾这家店了。

食後評語：今次我點左芝麻烤雞珍珠飯+凍檸茶、卡邦尼煙肉扁意粉+凍海鹽柚子樂同埋一客香脆炸薯條。香脆炸薯條講講個薯條先，本身薯條就已經有足夠調味，再加埋茄汁都唔會遮蓋到，但黎到既時候就已經係凍既就真係接受唔到囉，但好彩既係雖然凍左但都仲係脆既，幫佢挽回少少分數咁啦😂😂卡邦尼煙肉扁意粉+凍海鹽柚子樂扁意粉偏軟失去口感，卡邦尼汁好多，味道亦較濃，變左無論食意粉、野菌、煙肉，你都好似食緊同一樣野咁，同埋比較膩口，食到一半就已經唔係好想繼續食落去。而凍海鹽柚子樂，一杯飲品有三種味道而又可以互相配合，值得一試！芝麻烤雞珍珠飯+凍檸茶雖然望落個飯立立令咁好似好油膩，但食落完全唔覺得好油，每粒飯既上色度都好平均，而芝麻經炒過後麻香撲鼻，雞件份量較少，但肉質嫩滑，雖然雞味唔算好突出但起碼唔會有雪味。現場環境整齊乾淨、服務員亦有耐心在旁等候有選擇困難症既我點餐亦沒有黑面，而且主動提供窩心服務，值得一讚！而我俾既評分係 新鮮度：20（越高分越新鮮）美味度：20（越高分越好味）味精度：10 （越高分越無味精）整體度：20（以環境、配套、店員服務等評分越高分越好）總得分：70以上評分依該次到訪的現場環境、食物