韓樂 (MOKO新世紀廣場)

营业中

休息中

今天中午我好友去到這一間餐廳吃午餐，我們看到餐牌便感到很吸引，很多菜式也不太貴，所以我們也點了很多分別有韓式燒汁豚肉炒年糕、溫泉蛋牛肉石鍋珍珠飯、韓風香辣炸雞和半熔芝士脆炸薯條。😍我們下單後不到五分鐘菜式變一一上枱了。韓式燒汁豚肉炒年糕很滋味，因為燒汁很香，年糕煙煙韌韌，也很香口入味。溫泉牛肉石鍋珍珠飯的料也很足，牛肉不會太硬，而我很喜歡把蛋撈來吃，再和其他餸菜一起攪拌吃，感覺很美味。最後我也很喜歡把飯焦一一吃完，因為飯焦的感覺是脆脆的、也很香口。半熔芝士炸薯條的芝士很香，薯條很脆，可惜薯條很幼，所以不是太大口感。而炸雞很香脆，但是味道不是很夠，感覺便一般。整體而言，整個用餐體驗也挺好👍食物環境也不錯，價格也不貴，如果和朋友一起挾來吃時便可以吃到很多款式，感覺便很豐富🤤所以也會與好友一同再來吃的！😋

開始冬天，又就嚟到聖誕，梗係要食好啲，食多啲脂肪都唔緊要🥰.今次去咗MOKO嘅一間餐廳，有唔少韓國嘢食，仲有唔同嘅西式意粉今次小編叫左：❇️部隊鍋.❇️黑松露煙肉野菌忌廉意粉佢個黑松露只係上面，無融入意粉，所以唔太食得出有黑松露味而佢個忌廉勁creamy, 小編只係食左一半就覺得食唔落🙈.❇️凍朱古力跟餐+$3可以轉凍飲但建議大家唔好叫朱古力👎🏼無味，好飲水咁😭.❇️魔鬼芝士🧀+一口炸雞👍🏼👍🏼 魔鬼芝士勁正，可以拉起而炸雞勁脆口，雞皮脆香好好食👍🏼

在Moko商場想吃早餐確實選擇不多，因為商店都在11點後才營業，所以營業的食肆也不多，商場應該都發現這個問題，所以在地下有大告示版列出有早餐的食肆，而普遍集中在一樓。見這餐廳有不少人光顧，所以我都走進去了，不過餐廳明顯人手不足，所以要等、等、等和等。早餐有不少選擇，本來都是想普通點叫碗麵跟多士，不過發現鄰枱的早餐跟All day breakfast 似的，賣相很吸引，所以我點了炸魚柳，蒜蓉多士，炒蛋和腸仔，因為想要湯粉所以加了$8要忌廉湯通粉，不過見到早餐上枱的時候，我後悔了，高估了自己的食量亦小看了早餐的份量。意想不到魚柳居然大過手板，而魚柳下面是炒蛋，應該有兩隻蛋的份量，伴碟有芝麻醬沙律菜，還有魚柳遮蓋了的一個小薯，我也是吃到一半才發現。蒜蓉多士塗抹得好均勻，烘烤的狀態剛好，而且魚柳明顯是新鮮炸，香脆😋炒蛋個人喜歡再滑嫰一點，但這個也可接受，沙律菜都有驚喜，很新鮮而且拌了最愛的芝麻醬，反而腸仔沒有太特別，但都比茶餐廳的香腸好吃，最後加錢的通粉其實也不錯了，只是太飽了。以茶餐廳的價錢吃到這個質素，我個人十分滿足，下次有機會會再來的，希望下次服務可以再好一點。

呢間韓式炸雞，下午茶大約40幾蚊，仲連埋個韓式粉絲，真係好抵食。個炸雞脆博博，有個甜甜地辣辣地嘅醬汁。講真出邊食個炸雞，似樣嘅通常都$100。但當然呢度唔算大碟，下午茶首選！

星期六，起個大早，效率超高，未到中午，已經辦好幾件事，開心！個人輕鬆了，就覺肚餓，約11:30a.m.在旺角MOKO找地方醫肚，好幾間不供應早餐的店，還未開門營業。終於選定韓樂，早餐時段已過，點了午餐，包括以下的：#陸軍部隊麵：韓式部隊鍋的簡單版，辛辣麵、午餐肉、芝士腸、煙肉、溏心蛋、芝士，挺豐富的組合，辛辣味不突出，麵條煮太軟，沒有咬勁，失望！#凍檸檬茶：賣點是冷壓萃取檸檬精華技術，以冷壓萃取檸檬汁代替檸檬片，不用自己篤檸檬，方便；檸檬味更突出，refreshing。

其實都成日嚟呢間舖頭食嘢，佢呢間舖頭嘅嘢食都幾好食。同埋佢嘅早餐都幾抵食，同埋都好多選擇尤其是佢嘅檸檬茶，真係幾好飲不過最恐怖就係佢嘅服務人員戴眼鏡的姐姐真係好惡同埋係咁鬧人🤤另外一題佢嘅下午茶炸雞髀都好好食仲有佢嘅小菜都好好食喂，最緊要就係杯凍檸茶正但係希望可以改善下去公司呢一間分店員工嘅服務質素，冇理由你啲嘢咁好食，但係你啲職員咁差，最後都會怕怕，太惡啦去過戴眼鏡姐姐希望佢間公司嘅職員可以改善下佢哋職員嘅態度重新培訓一下

與友人二人於星期日7時多在韓樂吃晚餐，當時店舖有一半座位都是沒有客人，店員安排我們二人坐四人枱，中間是有隔板隔住的。因為想與友人左右坐，所以將中間的隔板拿走。接著過來遞水的店員說：現在沒有人才讓你們這樣座。🤯請問現在又沒有滿座，我想點樣坐又關你咩事？🙄其他二人客也是座四人枱，無論是對住座還是左右座又有何問題？另外這間餐廳的餐具也是十分污糟，選了幾次才找到比教「乾淨」的餐具。所謂的特飲也是「特別難飲」🤢，柚子梳打酸到傻咗😖總結：唔會再幫襯😑

其實似快歺嘅韓式餐廳。第一次來。點了部隊辛字麵和雞翼。鷄翼鋪滿酱汁來掩飾一早炸好的雞翼。到麵來時，無煙。中伏。 試飲啖湯，微暖。公仔麵，暖嘅。只能勉強吃下，避免浪費。唔會再來

第一次遇到上飲料的姐姐比我還不懂飲料區別。頭先問我是不是點蘆薈，我說不是，我就以為另一杯是我點的檸檬。問我是不是凍檸茶，我說是。之後給另一桌客人上的時候又說我說錯了明明是你先問我是不是蘆薈，我才會以為另外一杯是檸檬😅第一次來，誰知道凍檸茶還有不一樣的。最後給那桌客人道歉，把責任全部推到我身上。態度極差！！自己沒有搞清楚桌數，把責任推到客人身上，誰來你家就不要說話好啦，一句話都不要講，讓他自己看，可是自己也看不清楚單，只要客人說了一句話，錯都是在客人身上！！

星期日到旺角新世纪廣場食午餐，商場内很多食肆，今日就到這間韓國餐廳午膳，叫了一份雜扒餐同蘋果可樂特飲，另一份是韓國石頭鍋飯同凍檸檬茶，雜扒份量和味道一般，而石頭鍋就非常熱辣辣，味道唔錯，配有二款醬汁，份量十足，吃到最後重有飯焦，好味。

又到左lunch hour啦日日都係到諗食咩好, 今日突然無咩靈感咁就睇下身邊嘅同事食咩,,跟大隊先同事話韓樂嘅石鍋飯唔錯, 大食妹今日就try try啦<温泉蛋•豚肉•石頭鍋珍珠飯>石鍋飯有好幾隻款可以選擇, 同事推介豚肉外賣石鍋飯第一眼望落份量好似好少, 但外賣碗好有深度, 食下食下發現份量又幾多上面嘅溫泉蛋超正, 吉爛後蛋黃汁流係配料同珍珠飯裏面, 混合一齊食好正豚肉有燒烤感同肥美感, 配料亦好多元化, 除咗泡菜、芽菜、菠菜、蘿蔔外, 仲有小魚仔, 醬料都配有兩種俾你自由配搭

喺新世紀廣場是但搵啲嘢食就入咗嚟韓樂之前有喺海之戀分店食過下午茶時段記得性價比都算高今次大家都想食湯粉所以叫咗兩碗粉絲⬇️豚肉豬骨湯粉絲豚肉份量適中，肥瘦各半，唔錯開頭見到橙紅色以為會係辣其實一啲都唔辣嘅粉絲份量超多，最後食淨一半都係下午茶份量對我嚟講適合啲仲有啲菠菜跟埋，夠健康👍🏻隻蛋係糖心蛋嚟㗎，好味道⬇️韓式炸雞粉絲炸雞分開上，咁就唔會浸淋晒啲甜酸醬好惹味，雞份量都算多另外想講吓個豬骨湯好濃郁，有驚喜如果大家唔想食粉絲可以選擇烏冬㗎午餐仲包埋一杯熱飲不過我哋就加咗$8叫咗杯特飲啦⬇️柚子洋薏米/ 生薑蘆薈茶大大杯，食完成個餐好飽足🤪見到隔離枱食石頭鍋飯好香好吸引下次等無咁飽，再試吓先

早兩日同朋友去食下午茶餐，真係食過一次唔想再去。我同個fd返到去都屙到七彩😌果日叫左個一口炸雞湯粉絲同焗雞飯，另加個柚子蜜糖雞翼，兩杯凍檸茶。個fd頭啖食個湯麵就話個湯淡如水，個麵都唔知有冇一餅既量，反正成個味道都唔好食。好彩個焗雞飯都算係正正常常味。個燶到苦既炸雞同雞翼就唔評論喇，都係調理好既急凍雞攞去焗。重點係杯凍檸茶，我真係唔知點整杯茶先可以個底有啲黑色嘢係到飄下飄下，目測似係啲燒燶左既紙/野食/其他唔知乜已經變左舊炭咁樣既嘢。唔飲到一半都真係唔知。我真係多謝你幫我清腸胃☺️唔知點解放唔到相上黎，嘗試後補凍檸茶張相！

在moko 一人晚餐， 又唔想去foodcourt, 呢間餐廳幾適合， 主食有飯有麵又有pizza 同小食，下次可以3,4個人去就可以試多啲野食。由於一人晚餐， 唔洗諗就叫一個石鍋飯，溫泉蛋豚肉石頭鍋珍珠飯， 上菜石頭鍋好夠熱， 佢既飯焦真係脆口， 唔會又乾又硬，跟飯有兩個汁都好味， 因為蛋汁已經撈飯, 遂少落啲汁就岩岩好，都好夠味。

星期六返得半日工，做完嘢又未走得無聊上網睇食咩好，無意中睇到Moko 有韓國嘢食又算正常價，咁今餐就食你啦！收工夠鐘走人Hea散步行去搭鐵落到去搵到位置都14:30-14:45睇左一睇餐牌15:00開始下午茶時間，咁唔爭在玩一陣電話等多陣，未夠鐘早幾分鐘就開始入得。叫左我最鍾意食的韓國粉絲配牛肉，口痕+炸薯條 & 雞翼，叫埋杯蝶豆花檸檬茶，Order 完，咦，大鑊會唔會太睇得起自己食量呢！？雖然朝早早餐淨係開咗杯代餐食完到而家，除咗飲水無野落肚，但又好似未係餓到食到咁多……不過算啦，叫都叫左，照食牛肉湯粉絲望上去見到紅紅地有d辣油樣….唔係嘛….我唔食辣㗎喎….不過好彩，食落又ok 唔係算辣好彩遮雞翼皮脆脆甜甜薯條香口夢幻紫色蝶豆花檸檬茶好，最後都係食得晒，不過好飽，飽到上心口