韓餐

营业中

休息中

估唔到在屋苑入面都有一間由韓國人開既韓式餐廳！裝修就無乜架啦，但反而咁先夠韓式！餐廳有得燒肉，不過近排有少少喉嚨乾，所以我們淨係點左韓式料理！門面夠簡單韓國餐前小食係少不了炸醬麵！男朋友話幾好味，不過如果個醬再「杰身」少少就perfect！牛骨湯飯，個湯好清甜，單飲或者撈飯食都好正！牛骨肉都嫩～烤鰻魚～男友話覺得有一點腥味，但我覺得無乜野好正常（而且上面已經有薑去腥）價錢合理，份量都幾夠～如果咁岩經過都可以入去試試呀～

今日星期日難得冇出到街，可以係屋企做下家務休息下，話明休息就梗係連飯都唔煮啦，於是就落左樓下食，見好耐冇黎過食就一於食下。紫菜包飯：D飯太淋，淋到一pat野咁，味道本身冇事嘅...但真係太淋。牛肋骨湯飯：湯底係好重胡椒味，牛肋骨就偏淡，但我食到件白蘿蔔係酸左，因為得一件係咁所以就由佢。水冷面：呢個係好味嘅，面身好彈牙，再加埋佢本身嘅醋係好清新嘅感覺。配料有醃蘿蔔，雪梨，青瓜，半隻烚蛋。炒年糕：水準一樣，唔太辣，好濃嘅汁，年糕夠彈牙，仲有韓國魚糕。仲有個豆腐海鮮湯冇影到，味道不錯，清清地，唯獨是個蜆肉好多沙。成餐飯食左3百蚊，價錢黎講就一般，唔太平唔太貴，係香港食韓國菜不嬲都唔太平。但水準比之前差左，下次要再諗下去唔去食了。

韓燒真的唔錯，價錢唔貴，比喜來烤肉還要好食，點左一份牛肉拼盤，牛舌，腩肉。但人蔘雞真的唔得，因為d 湯飲落好像味精湯，一d 蔘味都無。4個人食，平均一個都只需HKD260

今日同老公去食個lunch, 佢揀左個紫包飯拼炒年糕，我就叫左個水冷面。先講講送嘅前菜先。有椰菜花，豆，同泡菜，椰菜花青青地好味，仲要係爽口嘅。豆呢就有一陣好香嘅麻油味。泡菜都唔錯酸辣適中。紫菜包飯拼炒年糕：紫菜包飯幾好食，配料有醃蘿蔔，甘荀，蛋同青瓜，都係有好香嘅麻油味仲有少少芝麻，小朋友都食左好多。個炒年糕夠哂辣，年糕唔會太淋，配料有菜，洋蔥同魚板。水冷面：面身好正，入面有醃左嘅酸蘿蔔，半隻烚蛋，青瓜絲同3片雪梨。個湯底好清甜，侍應上個面時仲會比埋2支汁料我自己落，一支係醋一支係芥辣。我落左醋，落左黎食會更開胃。芥辣就比較稀，辣度較低。個3片雪梨片完全令成碗面更加有清新嘅感覺，正！呢個價錢黎講真係唔錯！

經過幾次呢間韓式小店，次次都冇入去，因為個外觀真的唔吸引~不過今次好想好想食燒肉，於是第一次入去試下，係門口睇餐牌，有位女士話佢地餐廳相比出面韓式燒肉係比較平，我覺得佢呢個手法有啲搞笑，同埋奇怪。入到去坐低，緊係睇下餐牌，我地都係諗住食少少燒肉加個飯或麵，因為全食燒肉好熱氣，而且我地今日又唔太肚餓，不過侍應姐姐一黎就叫我地叫最貴個套餐，全部都係肉，好似有5款肉，五百幾蚊，其實算係抵嘅，但係我怕食唔晒。之後我話再諗下先，佢就唔理我喇！值得一讚嘅係佢地啲前菜，都跟得好足，個茶都好香好好飲，不過偷聽到原來一人得兩款前菜，二人就有四款。準備燒肉，佢地都配咗三款醬汁，都做得唔錯。主角到~ 牛肋肉，侍應姐姐一黎就幫我地放晒落去，我其實想慢慢燒架……不過啲牛真係好香，入口好有肉汁，唔洗調味都已經好好食。再黎一個豬腩肉~ 豬肉都好香口，啲脂肪分佈幾靚，燒啲豬油出黎好香好香~配埋個菇都好好味，吸咗啲牛油同豬油，好正！最後食埋個石頭鍋飯，又係一黎姐姐就幫我地攪拌好，不過都好好食，如果再加多少少辣就仲好味！埋單295，價錢都差唔多，收銀應該係老闆娘，係咁叫我地拎多幾粒糖，話係韓國嘅飯焦糖，我拎咗兩粒，出門口

第二次黎.可能因為2130先到,所以得返幾枱客（上次爆埋得返一張枱😁）去到職員安排坐卡位.朋友想睇電視同隔離燒烤緊.所以要求轉枱.職員好樂意亦冇變樣😃電視播緊拳賽.朋友問可否轉台.職員都係咁有禮貌😃咁柯打左炸雞$138同雙拼炒年糕+紫菜包飯$88,同一枝韓國啤酒$25,本身都驚多得滯食唔晒.先黎左炒年糕同紫菜包飯.份量同年糕辣度亦岩岩好,（因朋友唔係好食辣同我又好鐘意食辣）紫菜包飯亦好好味.特別加埋個汁.差唔多食完啲野炸雞就到！全隻份量,睇落去完全唔油膩.食落去都完全唔油！職員同老板娘超親切.老板親嚴肅啲（可能韓國人關係😛）隔離幾枱都應該係樓上住客.佢地已經同啲職員好熟.有枱生日食蛋糕仲請埋比職員食.睇到呢啲場面.我唔係附近住客都感受到到嗰種喜悅！臨走埋單.老板娘仲拎勁多糖出黎叫我地隨便拎😄

食物係好食嘅價錢尚可，青衣區唔係好平嗰種，例如海鮮煎餅$88員工態度其差，落錯單唔認無道歉仲要話"係你指錯隔離幅圖，我無落錯喎"。其間有客等海鮮煎餅太久唔耐煩埋單離開，員工高談闊論指客人"佢都無催過單，又話自己催咗兩次邊有唧？" 不斷吟吟沉沉...總之佢係唔會有錯，一定係客唔啱！嘢食係好食嘅，但價錢唔係平，錯咗唔認仲要比佢話，再幫襯...要諗諗。

某個炎熱午後經過青衣，心想不想再吃連鎖店，忽然發現角落有間韓國餐廳。其實它的外表都幾「伏」，但價錢非常相宜，既然MENU內沒有「變種」韓國菜，所以斗膽一試。點了不辣的水冷麵，發現同韓國的味道80%相似！酸酸甜甜的湯麵、還醒目的加了幾片梨，真的喜出望外！要挑不好吃的地方，就是那片比較硬的肉（其實在韓國，冷麵的肉不多而且更難吃）這餐廳感覺像韓國路邊的小餐檔，有機會的話會再試！

11月5日和老公同BB一齊去韓燒，去到此餐廳，服務態度超級的兩個阿姐，聽老板娘佢地阿燕同彩紅，呢兩個姐姐好好人，我們點左牛肉盤同韓啤，牛肋條有咬口，特級牛多汁又好食仲有牛排骨超級好味，兩位阿姐有求必應，輪流幫我地燒埋，又加左2次小菜，最後埋單7百有找，超平又好食，服務態度五粒星的水準

野食算ok，牛肋骨唔錯，至於其他鐵板燒既唔算好抵老闆娘態度ok但係有2個阿姐態度勁差叫加野幾次都未拎黎叫佢攞d野又pat過黎態度差過街市熟食d姐姐什至差過去街市賣菜d嬸嬸即時扣哂分咁既服務唔值依個價錢唔洗係依度食囉 出面大把選擇

传统的韓国石锅蔬菜拌飯，食素人士都啱，有辣有唔辣、如果钟意食肉的有牛肉、猪肉、鶏肉、还有海鲜可以选择，可以满足到唔同客人的要求、这間餐厅老板是正宗韓国人，味道一定正宗、卖相一流看到就令人食指大动,装修一般，胜在干净、企理。老板、老板娘热情、好客、食物品种丰富，价钱合理、有韓式 BBQ.火锅、仲有韓式什錦炒粉丝、炒年糕、紫莱卷飯．．．．．,一定有一款啱你口味、大家心动不如行动！

聽朋友講青衣開咗間韓國餐廳，仲話有醬油蟹食而價錢比岀面平，緊係去試下啦。外面望入去就見到好傳統韓式餐廳既裝修，好彩裏面全部都係坐椅位而唔係跪式腳痺位雖然細細間舖睇到菜單超多選擇，BBQ又得而每張枱都設有BBQ爐服務超一流，一坐低就為你準備韓式前菜，冷暖熱水。仲有好耐性咁介紹佢地既菜式。紫菜飯卷紫菜飯卷係我去韓國必食既，雖然材料簡單但勝過其他日本壽司。呢個整得好好味，配上特別醬汁(唔辣既)。如果可加芝麻上去就滿分啊醬油蟹醬油蟹有鮮味，肉質都好嫩但缺乏咗啲酒味所以對我來講味道淡咗少少。什錦炒粉絲韓國粉絲又一推薦，口感QQ又可索晒啲醬汁我地三個人去食，三個人都大讚海鮮火煱呢個係老闆推介，就試下啦。嘩睇個樣就知正，料多到滿瀉。有花蟹，魷魚，扇貝，花甲，金菇，菜，豆腐.......好野就緊係要等啦，大約15至20分鐘到就食。花蟹好大隻好多肉，好鮮甜。但講到主角一定係個海鮮湯，全無味精，吸收晒海鮮精華，飲完一啲都唔渴口。味道同辣度岩岩好，配飯配粉絲都一流。最後叫咗碟粉絲加落去。真係好滿足滾起個樣仲正今餐三個人食食咁滿足都係埋單每人2百多少少，真係比岀面平好多,咁好係呢度環境靜啲食都食得開心啲，加上

今日到此韓國餐廳，装修一般，我原本不想食，只在門口睇下餐牌，點知有位橙色衫短髮楼面姐姐出到外面招呼我入去里面坐住睇佢話入面有空調，出面熱，見楼面姐姐咁好人又咁好招呼，試一試，我叫左海鮮鍋268元嘩…好大隻蟹，味道好清甜，好有海鮮味，我仲叫左韓國五花腩同牛肋骨真係超好食，牛又多汁，五花腩又香

忽然很想吃辣 便想起家附近的一家見open rice有好評就以為可放心一試但失望而回一個石頭鍋飯要68再加一 75埋單係銅鑼灣food court食都吾洗呢個價係真心貴 仲要出面個餐單個價同入面吾同飯份糧少肉少得可憐一點都吾辣伏中伏又冇咩味道有前菜 但冇咩特別總結 吾抵 吾好味

6月4日我成班朋友去左青衣美景花園食韓餐，老板係正宗韓國人，老板娘好熱情，員工燕姐服務態度 好，是一位好員工，經過燕姐一方推薦我地點左好多野食，呢味芝士泡菜煎餅海鮮煎餅好多海鮮好味辣炒年糕，不是很辣岩晒香港人口味炸醬麵好正嘩~~炸雞皮脆肉嫩，冇得頂部隊鍋我地揀左走辣，味道几好。