韓點 (已結業)

下午約honey響又新街等，一來到猛話好肚餓但註明唔想食雞同米線, 咁我地一直行到又新街最入處見到間韓點，佢話不如食呢間啦(但舖位極細左右每邊3個座位面壁咁食), 但算吧因我本身都好鍾意食韓國菜。我地點既食物如下：炸醬蓋飯 - 韓式炸醬永遠係啡黑色，今次有配上青瓜，薯仔粒及少許豬肉，飯是珍珠米，醬汁味道濃了點，可幸薯仔粒夠多及珍珠米夠煙韌。(+$3有罐裝飲品飲) 海帶湯$13 - 價錢頗平，用來送炸醬蓋飯的確唔錯，$13既價錢有咁多海帶都算唔話得。公主海鮮葱餅 - 唔明點解叫公主。。, 餅皮非常煙韌似用了木薯粉之類，蝦仁同韮菜份量非常多，我個人覺得非常美味, 可以的話真想encore多一次個海鮮葱餅~~

下午三點，太陽燒得火熱，在元朗市中心繞了一個圈後，決定先吃個輕巧午餐，再進攻甜點。來到韓點小食店，點了紫菜包飯($28)，五色餡料包括醃蘿蔔、紅蘿蔔、青菜、雞蛋、火腿等，飯粒軟硬適中。另點了刨冰冷麵($31)，泡冰後的麵條彈Q有勁，泡菜湯汁味道不錯，如果能加點帶甜的水梨想必會更好。韓式小食大多以蔬菜澱粉為主，用料健康，而且色彩鮮豔，夏天沒胃口的時候，不妨考慮來一碗冰冷麵喔！

這間韓國小店已食過很多次，今次都係第一次寫食評，希望能讓更多人認識，讓更多人支持這類小店，能讓小店繼續經營。第一次光顧的是紅磡的總店，老闆是韓國人，味道亦做得很地道，價錢亦相宜。雖然每間店都比較細，但都會有數個坐位供人堂食。幾間分店都曾光顧，但總覺得總店最好吃，可惜地點對我來說比較遠。韓式壽司（$27）這個是韓國傳統的小食，裡面夾著醃製過的蘿蔔、菜等材料，與日本的壽司不同，這是我每次必食的！韓式炒年糕（小$18/大$27）這亦是韓國的傳統小食，在韓國街頭隨處可見。這個都做得很入味，不會食到麵粉還麵粉，汁還汁，但味道比較辣，唔食得辣嘅朋友可試個細size淺嘗。韓式炒粉絲（$33）這個味道一般，餸亦比較小，亦欠缺了麻油的香味。

突然間睇到韓國遊戲節目玩食不同韓國地道食物，搞到我食韓國野引起!於是就搵到呢間韓點(地點五難搵) 因為引起所以好多野想食，所以選擇咩都叫啲我揀左紫菜飯，想食好耐既韓式魚旦同年糕紫菜飯賣相五錯，價錢便宜 $27韓式魚旦比我想像中多 好鮮甜，有少許似雜菜腐皮卷，搭幾粒白蘿蔔，夠稔！湯都飲埋 $12賣相幾好，不過呢個已經經我拌匀！因為元朗回家需要幾個字，返到屋企有點乾所以我立馬拌匀先記得拍照 $18其實仲有好多不同款既韓國美食吸引！但一個人真的吃不下，以上東西都有剩下給家人吃 所以一定會再回來吃多幾次吧！

放工後歸心似箭，想買些簡簡單單食飯回家吃。韓癮發作，所以去了韓點買外賣。這裡鋪頭很細，堂食最多只容納到4個人左右，有些擠迫。好耐之後食過呢到既韓式壽司，但麻麻，無特別。所以不會encore 今次，選了泡茶炒飯，內有雞蛋，腸仔粒，泡菜粒，攪拌後來吃吃，比想像中好吃，中辣程度! 以$33 的價錢來說，我會再encore的

太耐無番韓國搞到韓食癮起，想起元朗有間韓點，就決定行番轉。叫紫菜包飯，係因為我同韓醬夫經常揸車經過小店就買上車食，又平又正^_^點知自稱正宗的韓點出品和在韓國太不同，在韓國，係兩倍粗，好似日本太卷咁。呢度不但細，用料也求其，韓式條狀火腿慘變廚師腸一開四！飯很爛，亦無芝麻油味。雖然物離鄉貴，但係人地7蚊(1000₩),你此質素卻收25大元，未免太過！

話說本人好中意食韓國野~~~所以趁星期6放工就同同事去食想食好耐ge 韓點~唔講咁多費話,去食評!韓式炒年糕(8.5/10) ($25)曾經去過korea 食當地ge 炒年糕, E個比起個邊無咁辣..可能就番HK人口味卦....但我就覺得個甜辣可以再辣番D....咁就會再地道D啦...而個年糕好"煙un"....正呀!串串魚蛋x2 (7.5/10) ($12/串)朋友想食~ 就咁食,味道就會比較單薄...所以, 食得唔好浪費, 放左落甜辣醬度就good la!!!Sushi (7.5/10)by box ge...如果即包就會更好囉.....味道有家庭ge 感覺!!!仲加左芝麻, 增添香氣!泡菜煎餅 (7.5/10)我記得我第一次食ge 係係TST食....我仲好記得個種煎餅有D軟糯ge 口感...可惜E間俾唔到我....E個會比較乾身同脆口..唯一加分ge 係熱辣辣!!!Overall, 其實係唔錯ge...只少唔會太貴....因為出親去TST食korean food....每個菜都要$50 up...當然人地大大碟啦....但係人少ge 時候就只能試好少款式....E度唔同ge 係

睇韓劇成日見的人食炸醬麵好似好正, , 見到韓點有得賣, 就立即試下, 仲叫埋冷麵!炸醬麵個樣黑黝黝, 賣相一般, 食落有D甘甘地, 有的肉碎在入面, 小小胡口, 可接受!  同香港的炸醬麵唔同,  至於冷麵, 好食! 湯底仲加冰, 食完都仲好"冷", 麵質彈牙, 最岩夏天食, 會再來。

當時是學校的lunchtime但因為離學校區稍遠（其實10分鐘內已到達）所以店裏顧客不多韓點是開放式的餐廳沒有很多座位，8個左右可望進廚房，整體環境不錯價錢十分便宜學生優惠大部分食物都是$25再附贈飲品十分抵食食物款式不多，炒年糕及牛肉飯為主（可選擇辣味程度）Menu貼了在牆上我點了牛肉飯自取外賣外賣碗分為2層，上層是牛肉，下層是飯牛肉的分量剛剛好，一點也不'un'白飯是圓滑的珍珠米配上牛肉汁實真的很好吃雖然不是頂級，但這種價錢吃到這種午餐令我驚訝十分推介大家嘗嘗

時間已是下午三時多, 但假日的元朗到處都人頭湧湧, 食肆的爆滿程度和午市差不多. 這條街有很多食肆, 但因為太肚餓所以沒有花太多時間去選擇, 見此店的的骰骰價錢又不貴, 也不顧要坐路邊就揀選了.店子主打外賣, 所用的食具器皿都是一次性的. 食物的款式不算多, 都是大路的炒年糕, 辣麵, 拌飯等. 我們點了拌飯, 壽司同海鮮煎餅. 拌飯賣相精美, 材料雖然都是平凡的像芽菜, 翠玉瓜, 冬茹絲, 甘荀絲等, 但卻是出奇的配合, 當然還有我認為是拌飯的靈魂-----煎蛋. 蛋汁與甜辣醬和其他配料混合, 再與白飯拌勻, 美味之極! 壽司用料新鮮, 調味恰到好處, 不沾醬油已經夠味. 海鮮即叫即製, 厚薄勻均, 吃起來不會有吃粉團的感覺, 不過海鮮料就比較少了, 只有蝦粒為主.雖然是小店, 但店員態度殷勤. 如果是隨便吃吃的話此店會是一個好選擇.

其實食開韓國野既人都知韓國食物一向偏貴，尖沙咀韓國街間間最平都五六十蚊，見到韓點以全港最平既韓食做gimmick，就入去試下啦~我叫左個韓式冷面물냉면($33)，湯係凍既仲有冰，d份量都比我想象中多，伴菜有半隻蛋，泡菜，紫菜同紅椰菜絲(但其實display張相有肉)不過33蚊對於韓國菜黎講都算平，要計較成本價既話就真係吾建議你食 d麵好幼好煙韌，仲有d冰都係用湯雪凍既，溶左都吾會變淡^^順帶一提店內提供既辣醬好好味，吾算太辣(吾係幾食得辣既我都可以空口食xd)，甜甜地有好多芝麻，$3一包$35一支，撈飯應該幾好食haa之後外賣左個炒年糕떡복이($25)，相比起d辣醬佢既味道就遜色左少少，不算太惹味亦都吾夠甜，辣度適中，同出面既差吾多，年糕偏軟，不過都有少少咬口如果我下次食應該會落番大量既辣醬，或者值情買d醬番屋企自己整heee炒年糕既醬好夠杰，不過好似只有幾條泡菜(食左兩三條咋未食到底)始終都係覺得韓國街果間掛住韓國國旗既店仔既最好食^^有魚片係入面既，都係30蚊到，食得辣既朋友可以去試下^^

又出外吃午餐，今日一個人來到韓點吃飯。 這裡的豬肉蓋飯好好吃，豬肉跟泡菜一起煮，微微的辣，很合我口味。平時辣椒油的辣，我是吃不下，而這間對我來說是剛剛好，辣中帶甜，配肉吃大滿足。而且米是比較大粒，有咬口，不會爛爛的。仲可以用五元加韓式飲品。 店員又好好人，有問必答，整食物又好快手。

有一日經過, 見到元朗都開了韓點, 即刻試試, 因為據說紅磡總店很受歡迎點了一個韓式拌飯, $30 但係好細兜, 連我平時算細食都覺得細兜......面頭的配料完全講唔出有咩特別之處, 肉都冇條...... 醬汁亦談不上什麼秘製/好好食, $30 而言, 成本應也不用 $8, 真係好普通, 我完全搵唔到要再食的理由.....另外叫咗個炒粉絲, 味道較好, 調味炒至每一條粉絲都有, 粉絲 QQ 的, 唔似有D 舖頭好似橡筋咁 'un'但都係配料問題, 幾條蘿蔔呀菜呀就收幾十蚊成餐兩個人好似食齋咁, 要再去第二度食過先夠飽囉....

呢間野經過好多次都冇食到~因為地方太小..但今次過黎呢頭買外賣~就試下先野食款式唔算多,都係經典韓式食物..每一款都有張相係度~睇到D相已經好吸引..點知仲見到一張牌寫住~唔好食既包退錢..哈哈,咁厲害樣樣都想食,但我得一個人,就叫左個韓式拌飯,盛惠$30..晚餐價錢算幾抵食啦~原來碗飯都幾大~飯同D拌菜分開既,仲有一包拌飯既醬汁..成個飯就因為呢包醬汁而變得好好食啦~酸酸甜甜,有d辣..拌菜豐富..好開胃..下次會再試下其他野~

繼深圳光陽烤肉後，也寫一篇香港的韓菜食評吧：年廿七的晚上，家裡沒開飯遂決定出街吃飯，其實，媽媽一早看中這間位於意大利千層麵屋隔離的小店了，只等較凍的一晚來試!這就是韓點的格局，座位不多，與千層麵屋一樣要坐外面。食客要先到櫃檯落單，付款，然後另一邊廂的開放式廚房就會高速製作食物，並於極短時間內將食品送上檯。天氣凍胃口好，當晚兩口子一共點了四項食品、兩款飲品，包括：　韓式魚蛋($12)，看在其名氣份上要了一串來試，以水杯盛起份量不少，還附送兩件蘿蔔。所謂韓式魚蛋，原來是薄薄長長的魚片，質感較軟，味道稱不上驚喜，媽媽更喜歡同場的蘿蔔呢。　久別韓式年糕($25)，很掛念，毫不猶豫要了一客。成品看來不大，然而媽媽覺得它的質感實了些，醬汁也很杰身且膩口，吃起來很飽，很辛苦才吃掉大半... 除非是年糕迷吧，原來這小食適合多些人分享。　大食的媽媽現在不吃飯不夠飽，又點了什錦拌飯($30)。以各式蔬菜為主的內容相當健康，再加一隻七成熟的荷包蛋，以及辣醬，整體也算美味，我只嫌以紙盒盛起的飯熱度流失很快，吃時只是溫溫的，令滋味扣了分。最後還貪心的追加一份煎泡菜餅($22)，這餅十分濃郁惹味，初吃頗有驚艷感，