韓樂 (海之戀商場)

营业中

休息中

自家秘製醬火山排骨的味道真是太棒了！醬汁濃郁，肉質鮮嫩，吃起來讓人欲罷不能，每一口都充滿驚喜！🍖🔥搭配即棄膠手套，讓享用火山排骨變得更加方便衛生，這樣的細節讓我感到很貼心！👍😊柚子新鮮冷壓檸檬可樂的清新口感真是消暑解渴，柚子的香氣與檸檬的酸味完美結合，讓整個用餐體驗更加愉悅！🍋🥤滋味雪耳人蔘雞的湯頭非常濃郁，雪耳的滑嫩與人參的香氣相得益彰，喝上一口讓人感到非常舒心！🌟🍲黑松露煙肉野菌忌廉扁意粉的風味也讓我印象深刻，松露的香氣搭配濃郁的奶油醬，真的是一道不可錯過的美味！🍝😍凍柚子新鮮冷壓檸檬茶的口感清爽不膩，少冰的選擇讓我可以更好地品味茶香，非常適合夏天享用！🍵❄️凍特配鴛鴦的搭配也讓我感到驚喜，這樣的飲品選擇非常有創意，讓我每次來都能嘗試到不同的美味！🥂✨整體來說，這家韓國餐廳的菜品真的是色香味俱全，每次來都能享受到高品質的美食，強烈推薦給喜歡韓國料理的朋友們！❤️🍽️

剛剛打算同男朋友一起食韓國餐，諗住未試過，就黎試下啦。咁好快就叫號叫我地入去，坐都坐低咗，結果攞住前個Number嘅客突然衝咗過黎，帶我地入去嘅門面就叫我地讓位。好啦，我等，就出返去。跟住個系統就叫咗我之後個number，咁我諗住入去啦，我就同門口那個門面說，佢都話「比我地入」啦。結果入去之後，後個number嘅客就過來問，另一個門面又叫我地讓，我就同佢講「我已經讓過比（前號碼）」，但依然叫我出去找佢同事。唉，前number又要我讓，後一個又要我讓，安排真心好差，我都係想簡單食個飯啫……

今早到海之戀韓樂食早餐，不是太多人，間中都有人入來食，看見餐廳內的店員服務態度都好好，會招呼客人、帶位、微笑、主動詢問是否需要幫助下單（此餐廳用QR code下單），最想讚揚的是一位叫心姐的店員，我見她跟其他同事都相處融洽，最後我付款時，心姐跟我說多謝曬並加上微笑，我也以微笑回應。這此早餐感覺好舒服，良好的服務態度可彭勵客人下次光臨！希望公司出花紅時可以多發給心姐以示獎勵！但有一點想提出的是早餐有預先最好的，放太久給客人時已經凍曬，希望這方面可以改善一下，星期一早上十點幾的時間不算人多，可以不用預先做太多。謝謝🙏🏻

呢日下就去到荃灣西行下，發現呢間韓式餐廳，不過食物又唔係好韓😅。見個下午茶menu 都幾多嘢揀，於是就入咗去啦。拉絲芝士火腿吐司 $28 配紅豆冰個拉絲芝士火腿吐司整體唔錯，做到拉絲效果，個包都整得幾香口，係即叫即整，因為落單後都等左15分鐘左右。紅豆冰太甜，應該落咗太多煉奶，電話落單又只係可以揀冰量😮‍💨。$28既下午茶都幾合理，可以免費轉紅豆冰，不過個電話落單唔係咁多口味上嘅選擇，不過個落單系統真係唔太好用。

今日下午1:50分點左個溫泉蛋豚肉石頭鍋飯，唔駛10分鐘送到， 個石頭鍋飯完全唔熱，用手掂個石鍋，只可以話係暖，同職員反應，換個比我，職員都幫我同廚房問，但一直未有，後來等到2：30仲未有，同職員講唔要啦！無唸過石頭鍋飯會唔熱，個鍋D飯仲有好多水氣。完全唔掂。

陪家人食個靚早餐，覺得佢依類型的早餐有少試全日早餐的感覺，咩都有啲，哈哈！牛角包也鬆軟。只覺得牛角包要另加$6有點貴，哈哈！不過之前都有食過依度的午餐和晚餐就覺得一般般，不過不失！所以都係覺得早餐比較可以。

2024年6月3日晚上八點，晚餐同老婆去食韓樂，叫咗個星期一晚餐黑蒜冬菇燉排骨湯配白飯，正常好味抵食。另外再叫左個野菜八爪魚炒年糕，食物嚟到同餐牌圖片完全兩回事，太多水唔知以為係湯年糕，水汪汪，通知侍應叫廚房炒返乾身，佢哋傾完之後，個侍應原碟搦返嚟，話廚房覆返嚟話佢哋係噉煮，唔係跟圖片☹️整得咁差又難食，仲要噉樣覆客人，簡直係趕客😔之前每個月都有一兩次去食，服務態度同食物質素未試過今次咁差，唔知係唔係換咗廚房定系星期一晚服務特別差，定係我唔好彩。

20/4/24係荃灣海傍行行下，突然落大雨，後來轉埋黃雨+行哂雷team,入左去海之戀商場避雨，咁就幫襯左依間韓式餐廳，意料之外既驚喜!$67 燒雞扒香蔥粟米石頭鍋珍珠米塊雞扒都唔細塊，見隔離枱個食客叫，我就轉左依個石頭窩飯食$13 玫瑰花柚子茶（跟餐叫，半價特飲）配左玫瑰入去，易飲口得來，帶玫瑰香味，唔會只係得個甜。免加一（抵食，估唔到，晚市都無需加一囉！）埋單只需$80有多種電子付款方法,方便儲Credit Card 積分或儲飛行里數既人去幫襯!配菜得紫菜,有些鹹！配韓國辣汁+麻油醬，少少辣，可接受，麻油醬好香!讚完佢既汁正，再送多一set 畀我配個石頭鍋飯呢，驚喜!

落雨天悶悶地，看戲後找個地方下午茶。這間韓樂店面寬落，坐卡位十分舒適，不會太迫。半溶芝士脆炸薯條，芝士溶內有疏菜不會太膩，薯條好脆，十分適合喜歡炸物的人。豚肉温泉蛋粉絲分量都大，不會因下午茶而減小。最推介係這杯冷壓凍檸茶，超好味，可比美出般的手打檸檬茶。下午茶這個價錢抵食。

星期日晚餐唔算多人（約8pm), 3-4位只需等一張枱，似乎人手不足，坐低好耐都未有點餐紙，而且點餐個網勁慢，load 好耐先點晒餐🔶溫泉蛋豚肉石頭鍋珍珠飯熱辣辣上枱，配合2個醬撈，好食👍👍👍🔶黑松露煙肉野菌忌廉扁意粉味道夠，小朋友鐘意食餐廳有自助飲用水，碗，碟，因為要share 黎食，所以拎碗用，d 碗未洗好，諗住拎碟用，見到d 碟有d 汁喺度😰😰 唔知係咪乾淨同污漕既碟放埋一齊🥶食物唔錯，環境衛生一般

經過荃灣海之戀商場諗住搵地方食晚飯行到入去見到有呢間裝修似茶餐廳嘅韓式料理見餐牌上食物款式都比一般多嚟到韓式餐廳當然要試試石頭鍋飯😋今次我哋叫左3個餐分別係：👉「溫泉蛋牛肉石頭鍋珍珠飯」+蝶豆花新鮮冷壓檸檬茶特飲🥤熱辣辣嘅石頭鍋珍珠飯，珍珠飯比較乾身左少少，有辣同唔辣嘅醬汁一起撈埋食，層次比較豐富，溫泉蛋亦都慢慢流出蛋汁，食落更加滿足！👉「黑松露煙肉野菌忌廉扁意粉」+芒果蘆薈雪碧呢個味道比較清淡，中規中矩，黑松露唔夠豐富，令到沒有什麼特別。扁意粉口感沒有那麼好，如果改用返一般意粉或天使麪會更加好！但杯芒果蘆薈雪碧就好有驚喜，味道不錯很清爽👍👉「西冷牛扒配薯菜」+ 凍鮮柚新鮮冷壓檸檬蜜茶牛扒肉質尚可粉嫩嫩的，味道都唔錯👍不過嫌送到嚟唔夠熱，薯條改用粗薯條會更加好。呢杯檸檬蜜茶都好好飲～不錯！餐廳環境尚算寬敞，空間感也充足食物質素以這個價錢來說也性價比高👍

海之戀商場地下的韓樂是我經常去的餐廳。他們的凍檸茶是我的最愛。不同於一般的凍檸茶，店家將檸檬肉打碎並均勻地散落在整杯茶中，不使用檸檬片或檸檬核。這種做法使得茶的味道更加均衡，檸檬的風味更為濃郁。喝下去非常清爽，絕對是夏日的最佳選擇。 韓樂的野味豚肉湯麵也很值得推薦。湯底有點像拉麵的豚肉湯底，非常濃郁。韓式豚肉微辣，非常開胃，讓人難以忘懷。配上鹵水蛋，味道更加完美，令人垂涎欲滴。 整體來說，韓樂的價格平民貼地，食物質素也不錯。如果你正在尋找價格實惠而又美味的餐廳，韓樂絕對是一個不錯的選擇。

地址一荃灣海之戀商場店舖名稱— Momoku環境/設施一環境乾淨，地方闊落特色一早餐有邪惡芝士辛辣麵人均價格-＄50-$70評分-8/10今日剛剛跑完青山公路，去咗荃灣運動場沖涼，經過呢幾間舖頭門口，突然間俾佢個辛辣麵吸引咗，所以決定一試，真係冇令我失望，真係用心諗面做湯底同埋面底，所以令咬後非常之豐富鋪頭位置非常之方便，同埋大，座位都非常之豐富，鋪頭係用QR code落單所以非常之方便，咁當然係因為新樓面嘅吸引所以我嗌咗個雜錦辛辣麵食物方面，剛剛跑完個步，梗係食返多啲嘢補充體力，所以叫咗佢個邪惡辛辣麵，首先身裏面最緊要個湯底，佢真係用咗辛辣麵，唔係呃人的，棉質同辛辣麵係一模一樣，呢個真係一個重點，當然我有好多配菜例如有大塊嘅午餐肉，蛋，菜，腸仔，芝士，所以令到呢碗麵非常非常非常之邪惡惹味

嚟過好多次韓樂，貪佢方便就腳、價格實惠。佢杯檸茶冇檸檬我理解，但有時杯檸茶成杯都係一粒粒，就令人唔多開胃，但係問職員係冇用㗎，佢會話你知佢哋啲檸茶係咁希望可以改善啦

「韓樂」:今晚去咗荃灣西分店食晚餐，我哋見到好多人都叫火山排骨🌋，我哋都見好吸引，所以我哋都叫左一份。另外再加左芝士醬炸雞飯。火山排骨🌕🌕🌕🌖🌑賣相幾吸引😍味道幾好😋又有洋蔥同薯仔肉質整得適中🤩易咬。芝士醬炸雞飯🌕🌕🌕🌖🌑炸雞幾脆😍味道唔錯👍🏻芝士味夠濃🧀🧀又可以拉絲整體嚟講唔錯👍🏻 如果食物溫度可以再熱啲就好🥵