順景食店

营业中

休息中

2019年餐牌🐮小店一直秉持著以新鮮食材和價錢公道為宗旨鑒於有食客對本店的收費有所誤會，小店清湯滑雞以冰 鮮 雞製作，收費為$110半隻，$220一隻。此外可選擇 冰 鮮 生雞打邊爐價格同上。🐥新鮮雞，🐮新鮮牛脷，🦐海鮮均為 時價 敬請預訂和問價。😋如果你係嘴刁一族既當然就係新鮮雞先至可以滿足到你啦，新鮮嘅牛腩湯加上新鮮雞嘅味道，再飲埋啖湯真係好鮮甜架！多謝食客一直對小店的支持，希望大家2019 豊衣足食 食極唔肥！———————————————————-

順景食店其實一早都食過幾次了特別喜歡清湯牛腩煲 清湯牛脷和新鮮雞所以每逢有聚會都是選擇之一貪食物新鮮也不貴雖然早前於OpenRice 睇到佢無理收其他客人打邊爐gas錢 有所防範不過來過數次都冇預過但今次的經歷已經令我標記為有問題本人一行5人一早訂台用膳於訂台中老闆亦有推薦鮮雞雖然餐牌上是時價 但一早問了是$100半隻 $200一隻 所以就訂了打邊爐的過程沒大問題到埋單時發覺 鮮雞收取$420的價錢馬上溝通一下而老闆不發一言 一個身材較大的店員（可能是兒子）而態度差劣地說 係啊係啊 依家$420一隻 時價嘛當日不是大時大節也不是新年 咁樣做生意極有問題無奈已用膳 爭論一會後決定離開食到成肚氣以後不會再來 希望大家小心提防

今日放工要輕鬆吓，同老公去撐枱腳啤啤佢🍻，第一次去堅尼地城食嘢，因為係第一次去西環，嗰道一D都唔熟，但勝在而家有地鐵就方便好多，係士美菲路熟食中心，入到去差不多爆滿呢間老公話食過唔錯就再嚟過，我地叫咗個2人清湯蘿蔔牛腩煲，牛腩真係入口溶化，好淋好正👍，蘿蔔同粟米🌽好甜呀！同埋手打鯪魚肉🐟，大大嚿鯪魚加埋生菜，好有以前食嘅生菜鯪魚嘅感覺，回憶番以前嘅味道，D湯比我地飲晒呀！2個人唔叫得好多嘢食，呢2樣已經食到捧住個肚走呀！😂

想買外賣，企响門口等一陣，冇招呼。想問店員，未問完就得答: 多單，唔得閒。企左個幾字，當我透明。忍唔住再問 。眼尾都冇望，: "唔做外賣"! 做左幾十年人，大開眼戒。如果可評負分，會評 -100

一行十人打邊爐牛腩煲，沒太多蘿蔔，湯少了點清甜，牛腩不太肥，不太夠林，沒有臭牛蘇味，食完整個煱都不太重味羊腩煲 $380 真心抵食，每件都大大的，真材實樣，不是碎碎的，支竹又爽中帶林，可惜少了點安格斯牛，跟本地牛各有各好前者雖然是冰冰的，但軟林，儲存得應很好，不是溶雪再雪，還有點牛味後者雖是本地牛，個肉鮮味不足驚喜位豬潤，有幾耐未試過食到嫩嫩綿線的鯪魚肉，上枱一堆堆，出奇好食，沒有很多粉令到魚肉發涱，沒有太多胡椒粉，新鮮手打！餐牌無的牛俐，鬆軟剛好，個人口味，如多點胡椒粒泡更適合依個凍涷既天氣每人$175好幾支啤酒，汽水堅抵食

又係外出開會時間，又係俾機會我試唔同嘅嘢。今次自己一個，係附近逛，嚟左呢樹食麵。呢個下午茶時間都算多人，熟食中心平靚正，又可以同朋友吹水，係幾正。睇左陣餐牌，佢出名係牛，有粉飯撈，以熟食中心嚟講，價錢唔算平。諗住呢種鋪應該夠風味又好味，味道應該唔錯，印象中好多熟食中心啲鋪都係好正，無得輸。嚟碗爽腩麵，我真係好失望(･_･;，45元，唔係好多舊肉，仲要咬唔到（唔係應該要煙韌啲）。。。成碗就係咁就無咗啦。麵同湯就一般，個靈魂無咗就係無咗。

話說我屋企人不時都同朋友去食的，所以今次帶我地去品嚐一下. 說實話，佢既清湯牛腩煲的確係好食，定價合理，而且足料. 但佢既火鍋料就麻麻地的（店員自己講的）. 然後問題就發生了. 亦係我忍唔住必須要打呢篇食評既原因，評不止是食物，亦是評公道和合理. 因為屋企人不時幫襯，所以知道常客熟客都係會叫一個牛腩煲，然後到旁邊不同其他店叫火鍋料及小菜. 一直以為街坊生意，有人情味唔會更更計較喎. 真係難得. 加上坐低時，已見到旁邊一台10人咁，型到係環保手抽袋到拎自己私伙既湯煲出黎，再加入一d似係蛇肉既野煲（8成似），就以為呢家店真係好，同食客街坊打成一片咁. 我地除左叫左個清湯牛腩煲外，都當然同旁邊其他既店點左一碟招牌好食既手打丸啦（堅好食）. 食到最後，有個亞姐突然行過黎，話咩咩咩唔係點佢個三寶丸打邊爐，要收咩額外收費喎. 我地當堂打左個突，我話，下？！個清湯牛腩煲係你架喎，個爐係用黎煲住個清湯牛腩鍋架嘛，無論係唔係用黎打邊爐都係煲住架. 佢竟然答，煲住個牛腩煲會用到d gas架嘛. （我諗佢自己講完都唔知自己講咩）我就火都黎一黎，不過我屋企人禁住我. 我心諗個鍋係妳既，爐又係妳比既，火又係妳點

等人放工8:00幾晌西營盤，當日星期五之後唔洗返，所以決定繼續向入，搭兩個站地鐵去到堅尼地城搵嘢食睇到openrice個文介紹呢間順景，原本兩個人諗住先吃個牛腩麵，之後再周圍一路行一路食，點知嚟到個老閭娘推介我哋食清湯腩火鍋，仲話一試包正原本都怕兩個人食唔晒，不過佢咁大力推介，咁就決定試二人食嘅清湯腩火鍋，包括一鍋牛腩，另外仲送菜仲有粟米，如果大家怕唔夠食，佢另外仲有火鍋料畀大家叫，又有酒同可樂等，唔洗怕唔飽，另外亦會畀個茶你，都算細心個牛腩就真係不得了，爽、肥、筋腩樣皮齊，你以為佢煲咁耐會韌，一啲都無，所有嘢入口非常嫩口，而清湯腩個湯亦都好清，唔太濃，加上唔係好肥膩，一開頭飲幾口都得，之後食落湯越嚟煲越濃，腩位啲脂肪開始溶落湯入面，令到個鍋更惹味，加埋菜同粟米食，的確一流兩個人叫呢個200蚊有找嘅二人餐，就咁已經食得好飽，試唔到其他配料，但齋食牛腩已經夠晒滿足，如果大家有一班人嚟食，呢個絕對值得推介

最幾年在北街附近偶遇這舖外舖，一試難忘。以雞湯底配多款不同部份的牛腩，價錢不便宜但物有所值！牛腩鮮/嫩/腍而有咬口，後來消失了已為結業，覺可惜！早2年在士美菲道熟食市場內又碰到它，故劍重逢又幫趁一個淨坑腩，品質祇能保持價錢卻又進了一步(可能當時牛肉價昇得很厲害吧)！個人認為以牛腩出品而言，景順不比九記/澳門丸記/群記差，比大利/華姐更佳，可能是樓下肉食市場有多檔牛販可供選擇吧！

跟老友上星期看完比賽，跟我吃過不錯的小菜後，今個星期他再找人吃飯，因他自小在外國長大，工作時又長年離港，今晚便帶他到帶點港式風味的街市大排檔，一嚐港式牛腩香。兩個人當然吃不了太多，便先叫了一個小的清湯腩煲，雖然這煲索價$188，但用料一點不馬虎，牛腩爽腩肥腩筋腩齊全，入口也夠軟嫩，清湯腩的湯的確不算很濃，但店家附上爐頭所以愈煲愈香，也可將清湯腩煲作打邊爐用。湯愈煲愈濃時，加上腩位的脂肪不斷溶在湯中，這清湯腩真的愈來愈惹味，用來滾店家附上的翠綠生菜， 真的不錯。這裡的打邊爐配料偏少，因小店其實只主打清湯腩牛雜和麵食類而已，所以沒甚選擇下，叫了個枝竹來撐場，枝竹表現只屬正常，不過在牛湯包圍下，味道是升了呢。朋友意猶未盡，再追加了一碟雞件，雞件本身不太肥，也不似是那些雪得死實的冰雞，不像是剛剛才解凍的。雞肉沒調味，直接放到湯中煮一會便入口，果然沒有冰鮮味，雞肉嫩滑也當然帶牛脂香，只是雞味不算突出，但在這地方這水準也收貨了。第一次來之前，也估不到在街市的一角，也可吃到有水準的清湯腩煲，今晚再來一趟，發現小店的水出品水準穩定，看來它可以成為我的西環鐵膽之一。

個人來說, 在西環搵食的經驗不多, 多是海邊街那邊的西餐廳為主, 有一種休閒的感覺。然而偏偏認識住在西環的朋友卻又不少, 一班男人見久未聚會, 於是相約晚飯。朋友選址在西環士美菲路熟食市場, 單聽名字已不知在哪裡! 更遑論要我搵食!一上到熟食中心, 檔口當然不少。其中在一邊角落, 有這順景麵店。初時還以為只是一家牛雜麵檔, 原來晚市還不止是這麼簡單。朋友還未來得及打招呼, 就遞來外賣。素知西環地區潮州幫人聚集, 潮式鹵水店甚多。朋友不知從哪裡打來一盒鹵水獅頭鵝肝。質感軟滑, 入口軟綿而有溶化感, 鹵水亦香, 五香味突出, 可是油羶香不強。腎件的鹵水1味道就較低, 不過爽口而脆。轉入餐廳正題, 白灼蝦, 中蝦大小, 有肉有嚼勁彈性。蝦肉鮮味而有輕輕甜味, 感覺不錯。再來一盤浸雞, 煮法與水蒸雞差不多。也不知道是什麼的雞種, 只知鮮雞一隻, 肉滑而有皮下油香。雞油不算太黃, 但有淡淡雞味, 可口!有蝦有雞之後, 即來個清湯腩。清湯腩汁水味道當然不濃, 但用來浸菜卻有甚有味。通菜脆口, 入口1有嚼勁, 吸入牛腩湯汁, 味道不錯。不過個人認為生菜會更好。然而牛腩炆得夠腍, 不黏牙, 但脂肪比較

「休息」多時，又是重新出發的時候了。這回，既要答謝各位對拙作的推薦（在這「冬眠」期間，竟仍有朋友Like小弟的舊作，與有榮焉；有點像定期存款收息的感覺），也是對自己的一種交待。我一向的飲食態度是：要抵又要好。貴當然叫人肉痛，但若符合上述條件，我也會一試。不過翻查「往績」，我對便宜的小店如茶記，有較多的涉獵。在香港，經營食肆愈加困難了（連鎖店也不能倖免 - 君不見「雞上校」已完全撤出中環CBD和銅鑼灣？）：租被炒貴、食材亦水漲船高，加上最低工資，令得老闆也落場洗碗的「佳話」時有所聞。而驚喜，往往在小店發生，豈能不撐？順景就是個好例子。以往在西環北街，租用舖位的一角經營；後來消聲匿跡了一陣子，最近又在街市的熟食中心再遇上了。一問之下，又是因加租不能不撤。以前在地舖，她的價位比同類食肆明顯高些，令孤寒的我卻步；現在百物騰貴下，竟沒有調價，突然變得「抵食」了。這夜特意來幫襯，一看餐牌，除了看家本領的清湯腩外，還有滷肉等；而晚餐更有蒸餸和特價咖喱牛腩飯。好，把「海」（湯麵、灼菜）「陸」（飯）兩軍也請出來吧！「空軍」（燒鴨）有機會再檢閱。菜 ($10) 先上，滿滿的一碗菜心，沐浴在清湯上，好不幸福

前身即北街之大順清湯腩. 濶別差不多年幾, 今日收工經過市政大廈, 樓下有指示牌話新開張, 二話不說即飛奔上街市二樓熟食中心. 熟食中心地方幾大, 晚市有各式食肆可以選擇 - 小炒, 火鍋, 雞煲 .. 等. 地方算清潔, 有冷氣, 近百張枱, 坐得亦算舒服. 熟口熟面既老板老板娘, 見到份外親切, 寒暄幾句即來個自家例牌 - 清湯腩飯. 老板話新鮮牛腩食味比以前更好, 牛骨湯底更濃更香. 以經食左多次從未失望. 腩又分牛腩, 坑腩同爽腩. 另有白切雞, 鹵水鵝, 鹵水豬脚/豬肉/豬耳 .. 等新菜式, 老板特別强調全部新鮮肉類制作. 試過鹵水豬肉非常入味. 價錢比一般粉麵店清湯牛腩貴, 但覺物有所值. 係西環喜歡食靚牛腩既同好, 你地有口福了.